1 King 11:1 - Nobonob Baibel

¹ Amge King Solomon nug wan laalappan ah dilag oo mauhom amunu, nug diikkunu oo daye, nug Paro aɗeg amu awowa, nug Moap ah, laala ele diiowa, am Amon ah, Edom ah, ele diiowa, nug aab okkai Saidon ah, am Hit ah ele nug diiom.

1 King 11:1 ပူးပေါင်းရင်းမြစ်များ

1 King 11:8

Solomon nug iitta aɗi ah laa oh diiom amu, nug amu dilag ele anamib he, ag doɗ manan, ahilkad kayak mattan, ag kalu danab ile muttuɗig enanag bette ele, ag amu ele manan, ahilkad kayak hambuppuak madappig.

1 King 14:21

Aria, Solomon bekka Rehoboam nug Juda dilag king dayom. Nug maɗ 41 dayaya, nug king ba dayom. Nug king ba, nug maɗ 17 Jerusalem appa king dayom. Yawe Nug Israel wanppanu, aab laa oh oolagppanu, Nug aab okkai Jerusalem appa Nug onig meeb daakkunu, aab amu tituanom. Rehoboam anig am Amon wanppanu ah onig Namah.

1 King 14:31

Dimppa Rehoboam nug mauhe amu, ag Dawitnu Aab, appa nug mamekkud aɗi boumadppigppa boumppig. Rehoboam mauhe, nug bekka Abaiya nug mameg abenabppa king ba dayom. Rehoboam anig am Amon wanppanu ah onig Namah.

1 King 16:31

Nug Nebat bekka Jeroboamnu kobol awa, nug hipunin heum amubia nug heum. Nug amu heum, amge nuhig dabmakppa amuam keeke hamu, nug nuhig haknu uug ii doyom. Iitta! Nug nau hak amu nug tuɗitta, nug Saidon aab okkainu King Etbal aɗeg Jesebel awa, am nug Saidon dilag kayak hambuppuak Bal noobppa dup noa binag meum.

1 King 3:1

Am Solomon nug Isip dilag king Paro ele aa nug tituanpiɗ. Wan aɗit amu, Israel wan am Isip wan ele, aa ban ii hemaya, ena, hamu daaglahnu, aa amunu anam hepiɗ. Aa tituanak amu heya, Solomon nug Paro aɗeg nuhig ah daakkunu awom. Am Solomon nug ah amu awa, nug omala, Dawitnu Aab, appa uɗie dayom. Nug ah amu awa uɗie, nug appa dayeye ukke, Solomon nug nuhig lag enanagnab ha malowa, nug Yawenu mettid lag ha malowa, amu nug Jerusalem aɗub, Jerusalem talilitta daakkunu ele ita male ⌊ukke, ah amunu laug ele ha male, ah amu nug lag amuppa ta,⌋ haen amuppa nug dayomppa dayak am batom.

Esra 10:44

Danab amu oh ag laihnu ah diin daappig, amu ag oolagppa laala ag ahilkad ah amu ele nid menuadppig.

Esra 9:1

Amu dimppa Israel dilag ikki laa ag uɗin, da, Esra, ag da amelppa appig. “Danab ag gemu ig miag taliligna daatteb ag, ag kobol nau digdig, Kayak Nug kobol amunu ooppa uuaknab dootte amu, ag kobol amu hetteb. Ag Kanan danab, Hit danab, Peres danab, Jebus danab, Amon danab, Moap danab, Isip danab, Amo danab ele dilag kobol nau dim lamidna heegeg, Israel danab ah ag danab ah amu ele ouqak ii daamnanu ag akka ag awaidna ii daan, ag ele kobol nau hetteb. Israel danab ah, Lewi buɗubppan mana mettak danab, Lewi buɗubppan mana mettak danab iitta ele, ag amu hetteb.

Esra 9:2

Israel danab ag danab laa umu aɗelkad, ahilkad ah daaglagnu diion, appanu ah diin, ag bekkalkad dilag ah daaglagnu mattanna, ib amuppa ag heeg, ig danab ah, ig Yawenu tituanak daattem, ig laa ag Yawenu danab ah iitta amu, ig tiinig aakku kaboliak daatte. Amu Israel dilag ikki danab, ahilag ehanittak anuqak danab ele, ag Kayak kobol amunu ippunikkomnu oo metta ii uuak kobol ii dim lamidna, amu hekkulagnu danab ah noolag aon ukkaeg, Israel laa ag amu hetteb.” Ag da amelppa anam appig.

Eksodas 34:16

Am laa amu, ag Israel ag danab ah amu ele nug tituanak hekkulag dayeb amu, haen ag ahilkad nid bau dilag ah huu amuppanu diiglag, am geha ah amu ag kayak hambuppuak ahilkad noolagppa dup nona binalag menana, ag ag gamulkad eeɗadppeg, ag da uuiɗna, kayak hambuppuak amu noolagppa dup nona binalag mekkulag. Kobol amuam dahil neekkakppa gappai aɗa oiyak kobol bia daatte,” awa aum.

Prowerb 2:16

Doyak dabmak ena ele am ehanitteb, na ah ewau pakkua gappai hette amu, na nug ele kobol nau amu ii hemaya. Ao, doyak dabmak ena ele am ehanitteb, na danab laa wau nug hambuppua, na ele niiglahnu nai ittag, ubuhi ele amenppa madikku amu, na nuhig nai dim lamidna, kobol eheɗ amu ii hemana.

Prowerb 22:14

Ah gamu uuitta danab laa ele oittep amu, nuhig nai am moɗ laa umanab noa ukkak bia; aun nug heeb, Yawe oppoɗi beeb, nug amuppa nokku.

Prowerb 23:33

Na lakkut dayeb amu, wain amubia am heeb, dimppa na keeke digdig anidkkut; na nahip dabmak kaaka qekku.

Prowerb 31:3

Na aib ah dim dim lamadnana, nahip ɠagattag kakidme! Ao, uɗat nahip hekkutnu yag bak iitta memanu, na ah ag heeg king nauhtteb amu, na ag ele aib oippig.

Prowerb 6:24

Na anin, da ele, ihinih nai imuam na ah nug mauhnoak danab laa ele niitteb, na nug ele niimyanu doyak medatte. Ao, nai imuam na ehanitteb, ah ewau pakkua gappai hette amu, na nuhig nai ittag ele ii doomnanu doyak medatte.

Prowerb 7:5

Doyak dabmak ena ele, amu diignu doyak tutukku ele aa hepeɗ, na ah ewau pakkua gappai hette ele ii oimya; na ah nug gamu uuitta, eheɗ oiyaya, nug na ele niiglahnu nai ittag ele maditte amu, na nug ele ii oimya.

Lewitikas 18:18

Na nahip ah makkegte, o appagte, na waat amge na waatnab iitta, na nug ele niiglahnu aib aome. Amge na waat nug mauhkku dayeb, na nug apag, o makkeg na waat daakkunu aokkut am nai iitta.

Duteronomi 17:17

King nug ah kuɗum wauud daaglagnu diieb amu, ag nug Yawe toppan geɗidkkulag amunu, king nug ah kuɗum, nuhig ah daaglagnu ii diikkuoitte. Nug en naɗi, silwa, o gol keeke, nug amu ii aɗa daakkuoitte.