1 King 1:52 - Nobonob Baibel

⁵² Aria, Solomon nug nai amu doya, nug nob ma, inam amelagppa aum. “Adonaiya nug kobol ena, kobol tutukku dim lamidtte dayeb amu, da aɗinu nuhigppa eheɗ hekkul. Amge nug kobol eheɗ hekku amu, nug mauhkku,” awa aum.

1 King 1:52 ပူးပေါင်းရင်းမြစ်များ

2 Samuel 14:11

Nug anam a amu, ah nug aum. “O dahil king, anam dayeb, laa nug qe mauhak danab nob ma qeeb mauhkkunu daatte amu, nug amu hemanu na Yawe, nahip Kayak, na Nug onig aon, nahip nai ɠagattag qettan, am laa nug da bekkal qeeb ii mauhmanu akkutnu ool daatte,” awa aum. Nug anam a amu, king nug aum. “Yawe Nug genab bau daatte, genab amubia laa nug eheɗ nakok laa na bekkat beɗuppa iinab hema,” awa aum.

1 King 1:51

Dayeye amu danab laa ag gona, Solomon amegppa inam appig. “Adonaiya nug na baɗitta ukka, Yawenu peh lakka appa qaɗab daugppa qeqeɗi dottolag daatteb, amu aɗalata dayaya, amuppa nug ena, bau daakkunu appa daatte. Appa dayaya nug inam aum. ‘King Solomon amegppa inam appeg doyaɗ! “Da qaɗabppa daattem. Da imuppanu ahe, laih ii gopa! King Solomon nug Yawe onigppa nug da, nuhig maɗi nid, nug da qep elabppa ii iumanu nuhig nai ɠagattag qeeb, da gokkul,” ’ ” awa aum.

1 King 1:53

Aakku King Solomon nug danab laala peh lakka qaɗabppa Adonaiya aoglagnu he goppig. Ag gona, Adonaiya aon, King Solomon toppa uɗieg, amu Adonaiya nug King Solomon noobppa gomele, king nug amegppa aum. “Enade, na lautppa ukke!” awa aum.

Job 15:22

Nug gatatuppa dayaya, eɗua amahlakppa daakkunu dabmak aɗa oikkunu elele iitta; laa nug qep elabppa yeeb mauhkkunu daatte.

Prowerb 13:6

Genab tutukku hak kobol, amuam danab ag Kayaknu neekkakppa danab ooppa kaliak laa iitta dilag guppiɗ daatte; amge nau hak kobol am hipunin danab heeg, ag padal metteb.

Prowerb 21:12

Kayak, Nug am genab tutukku haknu diig, Nug aɗi keeke nau hak danab laulagppa bette amu, Nug dootte; amu Nug nau hak danab he nauhtteb.

Matyu 10:30

Laa ele amu, ag Mamelag, Nug ag ikkilag uɗug oh ebaqa malom

Luk 21:18

Ag anam hekkulag, amge ag dahilad amu ag ikkilag uɗug laippu laa ii qettoɗma.

Aposel 27:34

amunu, da ag amelagppa dabmak maɗettaknu nai iikku attem. Ag ee laala aon lana, ɠagattag aweg! Doyeg! Ag oolagppa laippu laa nug ii mauhma,” awa aum.

1 Samuel 14:45

Saul nug anam aum, amge daup laa ag appig. “Jonatan nug he, ig Israel, ig Pilistia lamadmut amunu, nug mauhkkute? Iittanab iitta! Kayak Nug Jonatan eppegppa gemu he, ig Israel ig ehanittak okkainab aomut amunu, Yawe Nug genab bau daatte, genab amubia laa nug keeke eheɗ laa Jonatan nuhigppa iinab ii hema,” aon appig. Daup ag anam appig amunu, kobol amuppa ag hena, Jonatan mauhak eppegppanu eɗun aoeg, Jonatan ii mauhom.