1 King 1:5 - Nobonob Baibel

^5-6 Dawit, Abisak ele aa anam daaeheh, amu Adonaiya, nug King Dawit, Hagit ele bekkalah, nug king abenab awa, king daakkunu dabmeum. Dawit wau, onig Maka, nug Apsalom menue, amu dimugppa Dawit wau Hagit nug Adonaiya menuom. Adonaiya Nug danab anttak nuhig am iɗu tuqak ele, enanagnab. Nug mameg nug Adonaiya deɗ laa ii tolitta, daug laa ele ii batom amunu, nug gemu king daakkunu nug nuhig dabmak amu ɠagattag dayom amunu, nug aum. “Gemu da king bein daakkul,” anana, nug nukka nuhikkud daaglagnu, nug bannu karis laala, hos ele diiattowa, amu danab 50 ele diiom. Nug aha gokkunu oo dayeb amu, nug aha, karis laa awa ukkebeb, danab 50 amu ag anuqna, noob aon gobeppeg gokkunu diiom.

1 King 1:5 ပူးပေါင်းရင်းမြစ်များ

2 Samuel 15:1

Apsalom Dawit anidkkunu te, haen amu ukke, Apsalom nug oiyaknu karis awa, hos oiyaknu karis amu eeɗaknu ele diia, nug danab 50 ag nug noob aon, anuqna qaiettan gokkulagnu ele diiom.

2 Samuel 3:4

Apsalom dimugppan am Adonaiya. Nug anig am Hagit. Adonaiya dimugppan am Sepatia. Nug anig am Abital.

1 King 1:11

Anam he, propet Natan nug nai amu doya, nug Solomon anig Batseba gumitta ukka, oɗ mettom. “Na Hagit bekka Adonaiya heum amu, na doomete? Nug nukka king ba, gemu nug ihinig king daatte, am King Dawit nug ii dootte. Na amu doomete, o iitta?” Nug anam od mettom.

1 King 1:4

Abisak nug am nid ahin enanag, ag nug aon uɗieg, nug king ehanitta atognottom, amge king nug ah amu beɗu laa ii aɗom.

1 King 2:13

Haen amu Hagit bekka Adonaiya nug Solomon anig Batseba anidkkunu ukke, Batseba nug inam oɗ mettom. “Na maɗoɗ ele uɗimete?” awa aum. A amu, Adonaiya nug inam amegppa aum. “Ao, da ool maɗoɗ ele uɗimi,” aum.

1 King 2:15

Batseba nug anam a, amu Adonaiya nug aum. “Na doottem, Israel danab oh ag tatam geha da king ahilag daakkulnu dabmeppig. Ag anam dabmeppig amunu, da am king belom, amge Yawe Nug he, da amal, nug king beum daatte.

1 King 2:24

Genab, Yawe, Nug da ehaniɗa, ɠagattag meɗe, da mamel Dawit abenabppa king daattem, amu Nug anukka dahilnu, da buɗulad dilagnu ele nai qakka, da, amu da buɗulad ele, ig sia king imuppa daagnignu aum bia amu, Nug aakku heum. Yawe Nug anam heum, Nug genab bau daatte, genab amubia Adonaiya nug gemu mauhkku,” awa aum.

1 Stori 28:5

Anam ha, Yawe Nug da bekkalad kuɗum meɗom, amge Solomon Nug da dimulppa king abenab awa, king daakkunu Nug tituanom. Nug Yawenu danab ah, am Israel danab ah, nug ahilag king daakku.

1 Stori 29:1

Amu King Dawit nug danab oh qagmen daappig amelagppa aum. “Da bekkal Solomon, Kayak Nug nug da abenal awa, king daakkunu tituanom amu, nug nid bau daatte. Nug deɗ laa uɗat laa imubia laa ii heum, amge uɗat nug hekkun daatte am uɗat naɗinab. Aɗinu? Lag enanagnab imuam danab laanu iitta. Mettid lag imuam Yawe Kayaknu lag.

1 Stori 3:2

Daniel dimugppan am Apsalom. Apsalom anig am Makah. Makah am Gesur dilag king Talmai aɗeg. Apsalom dimugppan am Adonaiya. Nug anig am Hagit.

Eksodas 9:17

Anam daatte, amge na dahilad danab ah paɗadppe gomananu ɠagattag daanna, na ae ii gotteb.

Prowerb 16:18

Aun laa nug dada kobol hekku amu, nug padal mekku. Ao, danab nug dada ha laa eɗittaknu dabmak aotte amu, nug na qekku.

Prowerb 18:12

Dada hak danab ag nena qekkulag; amge danab nug nukka nug onig qe nette ele, nug binag aokku.

Aisaia 2:7

Wan ahilagppa silwa, gol ele am ambak. Amu en ele huanak, okkai ahilagppa daatte. Wan ahilagppa hos am ambak Amu bannu karis ele am kuɗum, huanak ahilagppa daatteb.

Luk 14:11

Am danab aun nug onig humatte amu, Kayak Nug heeb, danab amu nug onig nekku, amge danab aun nug onig qe nette amu, Kayak Nug danab amu onig humakku,” awa aum.

Luk 18:14

Jesus Nug nai amu mattiowa, Nug baula amelagppa aum. “Da ag amelagppa attem, Kayak he, takis awak danab nug genab tutukku hak danab daye, eɗua laugppa ukkom, amge danab laa nug am anam iitta. Amunu laa nug onig humatte amu, Kayak Nug heeb danab amu nug onig nekku, amge danab nug onig qe nette amu, Kayak Nug danab amu nug onig humakku,” awa aum.

Ikki Danab 9:2

“Ag Sekem danab ah inam oɗ mattan doyeg! ‘Ag Jerubal, ⌊am Gideon,⌋ ag nug bekkod 70, amu oh ag gumadkkulagnu oolag daattete, o iitta, danab laippuib nug ag gumadkkute?’ Doyeg! Da ag tiilagnab!” awa aum.