1 King 1:12 - Nobonob Baibel

¹² Nug anam anana amu, nug nai tuɗitta aum. “Nug anam hette amunu, ag na, amu na bekkat Solomon ele, ag aa aqatmananu, na dahil ulum nai dim lamitte!

1 King 1:12 ပူးပေါင်းရင်းမြစ်များ

Genesis 19:17

Omaladya dimittim noya amu, engel laa nug aum. “Ag padal memanade, ag oolna ukkeg! Aib eɗun neegppig. Ag qaukoppa ukkeg! Uɗemppa aib daappig! Ag qaukoppa ii gokkulag amu, ag padal mekkulag,” awa aum.

1 King 1:13

Na King Dawit gumidna paha gona, inam amegppa akkut. ‘O King, dahil naɗi, na anukka nai ɠagattag qakkan, nahip maɗi ah da, da amelppa inam dahil nid Solomonnu iite ame? “Geha Solomon, nug am na bekkat, nug geha da abenal awa, king ba, nug dahil sia kingppa daakku.” Anam amu, attem daye, Adonaiya nug gemu king ihinig beum daatte?’ ” Natan nug anam Batseba amegppa aum.

1 King 1:21

Na ag amelagppa ii awona, geha na mauhppe amu, Adonaiya aɗi ag Solomon da ele, ag ihinihnu danab ah nau bia dooitnana, nitappeg mauhkkunih,” awa aum.

2 King 11:1

Amu Jehu nug Juda dilag king Ahasia qe mauhe, Ahasia anig Atalia nug nug bekka Ahasia mauhom doyowa, nug aha he, laa ag danab oh ag king ele tiig laippu amu, ag ag aqaeg mauhppig.

2 Stori 21:4

Amu Jehoram nug mameg king abenabppa king ba daye ukke, nug he, Juda dilag king daakkunu ɠagattag nug eppegppa daya, nug amakkud oh qep elabppa aqe mauheg, nug Israel dilag okkai laala ele anam aqe mauhppig.

2 Stori 22:10

Amu Jehu nug Ahasia qe mauhe, Ahasia anig Atalia nug nug bekka Ahasia mauhom doyowa, nug aha he, laa ag danab oh ag Juda dilag king ele tiig laippu amu, ag aqaeg mauhppig.

Prowerb 11:14

Ulum mettak ena iittappa wanppan wan laa na qette; amge ulum mettak danab kuɗum daatteb dayeb amu, ag heeg, wan ɠagattag daatte.

Prowerb 15:22

Laa nug keeke laa hekkunu maittak awa, ulum nai ena ii aokku dayeb, nug keeke hekku am elele ii bekku; amge nug ulum nai ena ulum mettak danab kuɗum dilagppa aokku dayeb amu, nug aɗi hekku am elele bekku.

Prowerb 20:18

Na ulum nai awona, na aɗi hekkutnu maittak awe! Ao, na banppa gokkut dayeb amu, na ulum nai awona ukke!

Prowerb 27:9

Leppu muttuɗig ena, amu kalu danab ile muttuɗig enanag bette ele amu, keeke aɗit amu aa heeh, danab nug oo gamag ahatte; amubia danab layag nug ulum nai ena, atognoa medatte amu, nug amunu ele oo gamag ahatte.

Jeremaia 38:15

Sedekaia nug Jeremaia amegppa anam a, Jeremaia nug nob ma aum. “Aakku, amge da nahip oɗmaknu nob medakkul dayeb amu, diig amunu na da iuppe, da iite mauhkkul? O da ulum nai medakkul dayeb, diig amunu na dim lamidkkutnu dabmak okkai ii aomna. Iitta. Na hamu bia doon ii dim lamidmana,” awa aum.

Matyu 21:38

Nug me ukkom, amge haen dad uɗat danab ag nid amu anidna, akka akka nai mattina appig. ‘Nid imu nug dimppa mamegnu keeke oh aokku amunu, ahappeg, ig qepput mauheb, ig dad nuhig imu aotu!’ aon appig.

Aposel 27:31

amge Pol nug ban daup 100 dilag ikki am daup ele amelagppa aum. “Danab umu ag uubppa ii daaglag amu, ag laa uubppa daatteb ele ag padal mekkulag,” awa aum.

Ikki Danab 9:5

Danab ag nug dim lamidppig amu, nug ag diie gona, Opra, nug mameg Jerubal, ⌊am Gideon,⌋ ag nug laugppa noppig. Ag gona tena, ag ⌊Abimelek awakkud amakkud oolagppan laa nug aha, Abimelek qeeb mauheb, nug king bemanu⌋ ag Abimelek amakkud, awakkud 70 oh, ag nug ele mamelag laippu, amge halab laippu iitta amu, ag ag ohnab diin gona, men naɗi laa daatteppa tena, appa aqappig. Nug amag nakok, Jotam aakkuib ii qeppig. Aɗinu? Nug am oola ukka lokkumom.