1 King 1:1 - Nobonob Baibel

¹ Haen King Dawit nug kainonab ma dayom, haen amuppa amu, nug beɗu ulah qe, oug doyeye, nuhig maɗi nid ag haen oh palanget laidttappig, amge nug beɗu ii gakkaɗttom, iitta.

1 King 1:1 ပူးပေါင်းရင်းမြစ်များ

Genesis 18:11

Amu Abraham, nug wau Sarah ele aa kaino meya malapiɗ, amu Sarah nug nid menukkunu elele iitta.

Genesis 24:1

Amu haen Abraham nug wanppa oiyeye, Yawe Nug nuhig keeke ohnu itittom. Itittette amu, Abraham nug kaino meum.

2 Samuel 24:25

Dawit aben amu anam daden ma, nug qaɗab qewowa, nug manaknu ofa, laippu dayaknu ofa ele qaɗab amuppa manatta, Yawe mettom. Dawit nug amu he, Yawe Nug Dawitnu unuqittak doya, Israel ehanatta he, oɗe nau danab kuɗum aqe mauhtteb ele aakku iitta meum.

2 Samuel 5:4

Dawit nug maɗ 30 dayaya, nug king ba dayom. Nug king ba, nug maɗ 40 king dayom.

1 King 1:15

Natan nug anam a, aakku Batseba nug king lag oo, king nug oo amuppa daatte, nug appa gumitta noum. Tatam anak amu, king nug kainonab meum amunu, Sunem ah aon uɗippig, Abisak, nug king ehanittatta, atognottom.

1 King 1:2

Nug anam dayom amunu, nuhig maɗi nid ag nug amegppa inam appig. “King, ig inam dabmettem. Na appe, ig ah makkun laa anidta, apput uɗieb, na ele daayya, nug na, ihinig naɗi, nug na atognoittebeb, amu nug na ele oh niipeɗ, na beɗun amu gakkaɗkku,” aon appig.

1 Stori 23:1

Amu Dawit nug kainonab ma dayaya, nug he, nug bekka Solomon nug Israel dilag king dayom.

Sam 90:10

Danab ah kuɗum ag bau daan, maɗ 70 aotteb. Ao, laib laib ag ɠagattag daan, ag maɗ 80 aotteb. Amge ig bau daatta oittem, maɗ amunu binanig maknu keeke oh, keeke amuam uug, ooppan oo doyak ele aakkuib megatte. Aɗinu? Haen elab iitta, ihinig maɗ iitta meeg, ig laih gottem.

Eklisiastis 4:11

Oug haenppa laippu laa nukka niieb, ulah qekku; amge aɗit daattep dayeb amu, gakkaɗak elele daaglah.

Luk 1:7

Amge aa nid iitta. Elisabet nug ah mattoi amunu aa hamu oiya, kaino mepiɗ.

Josua 13:1

Haen Josua nug danab kaino meum amge nug ɠagattag ele amu, Yawe Nug amegppa aum, “Na danab kaino mettem, me Kanan wan kuɗum, Israel ag Kanan danab appa daatteb ele, ag ag eɗadna, wan amu ag eppelagppanu aoglagnu daatteb.