1 Jon 4:7 - Nobonob Baibel

⁷ O gamalad, ig lainkad ele ig oh nug oo mauhak dootu! Aɗinu? Oo mauhak kobol diig am Kayak. Laa nug oo mauhak kobol dim lamidtte amu, nug Kayak Bekka daya, nug ele Kayak dootte.

1 Jon 4:7 ပူးပေါင်းရင်းမြစ်များ

Jon 13:34

Amu gemu da haknunab bau ag madattem. Ag akka akka nug oo mauhak doyeg! Amu da ahilagnu ool mauhom daatte, amubia ag ele ag lailkad dilag oolag mauhaɗ!

Jon 17:3

Bauklel hanhannu, amuam danab ag na Kayak, na nakkaib am Kayak genab, amu da, na bekkat, na da meiɗe uɗimi amu, ag i oh dooitkkulagnu daatte.

1 Korint 8:3

Amge danab nug Kayaknu oo mauhtte ele, Kayak Nug danab amu epeɗia, nuhignu tituanom.

Galesia 4:9

amge gemu ag Kayak dooppig (da Kayak Nug ag doyadtte alom am ena) amunu, aɗinu ag eɗun bittumttum gona, wan imuppan ɗonu hik aqeeqe, ag eɗun uɗat nob iitta, hamu begbeg maɗi nid uɗat hekkulagnu hetteb?

Galesia 5:22

Beɗunu kobol am aakku, amge Kayak Ouɗi Nug he, oiyak ihinigppa meu laala imu bette. Oo mauhak kobol, maɗoɗppan gamag ahak kobol, maɗoɗ dayak kobol, dagom kobol, oo bodoettak kobol, ena hak kobol, oo metta ii uuak kobol,

Duteronomi 30:6

Ag Yawe, ahilag Kayak, Nug ag meulag ohppa, oolag ohppa ele nuhignu oo mauhak doona, ag bau daaglagnu, Yawe Nug heeb, ag, ag buɗulkad ele ag oolag oppiaawak ele daaglag.

2 Timoti 1:7

Kayak Nug ig Jesusnu oonigppa genab doottem ele, Nug nuhig Ouɗi ig mekkom, amu nuhig Ouɗi Nug danab nug baɗa nukka nuhignuib dabmak aotte, Nug dabmak amu ig ii mekkom. Iitta. Nug ig ɠagattag daagnignu, ig oo mauhak doognignu, amu ig dabmak pehettak awaknu ehah ele aognignu, Nug dabmak amu oh ig mekkom.

1 Pita 1:22

Ag gemu ag doyak diig genabib dim lamidtteb, amuppa ag danab oolag ihan oppiak daatteb amunu, ag oo mauhak kobol genabppa ag lailkad dilagnu oolag mauhtte. Ag anam daatteb, amge ag tuɗidna, ag lailkad dilagnu oolkad unuqagppanu oo mauhaknab doyeg!

1 Jon 2:10

Aun nug layagnu oo mauhtte, nug amahlakppa daya oitte, amu keeke eheɗ laa nuhigppa dayaya heeb, na qekkunu laa ii daatte.

1 Jon 2:29

Ag Kristus Nug genab tutukku hak danab daatte dootteb amunu, ag imu ele doyeg! Danab ag genab tutukku hak kobolppa oitteb amu, ag aakku Kayak bekka daatte.

1 Jon 2:3

Amu ig Kayaknu haknunab anak dim lamidttem dayeb amu, ig amuppa ig Nug doota oittem aakku doottem.

1 Jon 2:4

Am danab aun nug, “Da Nug doottem” atte, amge nug nuhig haknunab anak ii dim lamidtte amu, nug am hambuppuak danab. Doyak diig genabib nuhigppa ii daatte.

1 Jon 2:7

O gamalad, da haknunab anak imu madattem amu, da haknunab anak bau ahilagnu ii yaattem. Iitta. Imuam haknunab anak ag anukka Kristen bena aoppig ele amuib; am nai ag anukka dooppig aakkuib.

1 Jon 3:9

Amu danab laa nug Kayak Bekka daatte amu, Kayaknu bauklel nuhigppa daatte amunu, nug hipunin kobol dim ii lamidtte. Nug hipuninppa oikkunu elele iitta. Aɗinu? Nug am Kayak Bekka.

1 Jon 4:11

O gamalad, Kayak Nug ihinignu anam oo mauhom amunu, ig ele nug oo mauhak kobol genab hekkunig daatte.

1 Jon 4:12

Genab danab laippu laa nug Kayak ii anttom, amge ig nug oo mauhak kobol hettem dayeb, Kayak Nug ig oonigppa dayeye, nuhig oo mauhak kobol ihinigppa elelenab mette.

1 Jon 4:16

Ig Kayak Nug ihinignu oo mauhtte doottem, amu ig oo mauhak amunu oonigppa genab doottem. Kayak Nug oo mauhak kobolnu diig daatte. Laa nug oo mauhakppa daatte, nug aakku Kayak, nuhigppa daatte, amu Kayak ele nuhigppa daatte.

1 Jon 4:20

Am laa nug, “Da Kayaknu ool mauhtte” atte, amge nug layagnu nau ninig ele dootte amu, nug am hambuppuak danab. Aɗinu? Danab nug layag laa antta malom ele, nug nuhignu oo mauhak ii dootte dayeb, nug attem ha, Kayak, nug Nug ii anttom amu, nug nuhignu oo mauhak dookku?.

1 Jon 4:8

Am aun laa nug laikkud dilag oo mauhak ii dootte amu, nug Kayak ele ii dootte. Aɗinu? Kayak Nug oo mauhak kobolnu diig daatte.

1 Jon 5:1

Am aun laa nug, Jesus am Kristus, ooppa genab dootte amu nug Kayak Bekka beum daatte. Amu aun laa nug Mamenu oo mauhak dootte amu, nug Bekkanu ele oo mauhak dootte.

2 Jon 1:5

O ah Kayak tituanittom ele, da haknunab anak bau nahipnu ii yaattem. Iitta. Imuam haknunab anak, ig digmakppa aomut, amuib. Haknunab anak amuam ig lainkad ele nug oo mauhak doognignu daatte, amu da ig oh amu dim lamidkkunignu iikku unuqadttem.