1 Jon 4:12 - Nobonob Baibel

¹² Genab danab laippu laa nug Kayak ii anttom, amge ig nug oo mauhak kobol hettem dayeb, Kayak Nug ig oonigppa dayeye, nuhig oo mauhak kobol ihinigppa elelenab mette.

1 Jon 4:12 ပူးပေါင်းရင်းမြစ်များ

Genesis 32:30

Anam amunu, Jakop nug aum. “Da Kayak ele nug iɗu anttak hemuɗ, amge danab ag anam hena mauhtteb, amubia da ii mauhmi.” Nug anam aum amunu, nug aben amu onig Peniel ataɗom.

Eksodas 33:20

Amge danab laa nug da iɗul anidkku dayeb amu, nug mauhkku amunu, na da iɗul anidkkutnu am elele iitta,” awa aum.

Namba 12:8

Iitta. Haen da nug ele nai madittep amu, ii nug anidɗaɗa nai madittep. Da nai miagib madittem, nai tonak ii madittem. Nug da, da Yawe, nug da attemun amu aniɗtte. Anam aakku daatte amunu, aɗinu aa dahil maɗi nid Moses, aa nuhignu nai eheɗ akkulahnu ii baɗaya, nai eheɗ nuhignu apiɗ,” awa aum.

Jon 1:18

Danab laippu laa nug haen laa Kayak ii anttom. Iittanab. Kayak Bekka laippunab, Nug Kayak ele ouqak daattep amu, Nug aakkuib anitta doya, Kayak ippunikkom.

1 Korint 13:13

Amunu ib ewam imu daatteb; ooppa genab doyak kobol, ena bekkunu dabmak aɗa oiyak kobol, aria laa dilagnu oo mauhak kobol ele aakku. Ib ewam amu oh daatteb, amge ib ewam amu oh oolagppa ib anuqaknab daatte, amuam laa dilagnu oo mauhak kobol.

1 Timoti 1:17

Amu Kayak, Nug am keeke ohnu king hanhan daatte, Nug ii mauhtte, ig Nug anidkkunignu elele iitta, Nug aakkuib am Kayak. Binag, amu binag amahlak oppiaawak ele hanhan alet ele nuhigppa dayaɗ! Genab.

1 Timoti 6:16

Nug nukka aakkuib ii mauhtte; hanhan daatte. Amahlak ig gukkuidta gokkunignu elele iitta ele amu Nug amuppa daatte. Danab laippu laa ele Nug ii anttom, laa anidkkunu ele elele iitta. Nug binag amu nuhig ɠagattag haen oh ele nuhigppa dayeɗ! Amu genab.

Hibru 11:27

Moses nug Kayaknu ooppa genab doyom amunu, nug Isip wan uua, aha ukkom. Nug Paronu oo nauhak amunu oo ii baɗom. Amu danab ag Kayak amelagppa anidkkulagnu elele iitta, amge Moses nug anttom bia daya, nug uug doyaya eɗittaknuib dabmak awak kobol dim lamitta dayom.

1 Jon 2:5

Amge aun laa nug nuhig nai dim lamidtte amu, Kayaknu oo mauhak am genab ambak nuhigppa daatte. Amuppa ig doottem, ig nuhigppa daattem.

1 Jon 3:24

Anam amunu, laa ag Kayaknu ɗo dim lamidtteb amu, ag Kayak nuhigppa daatteb, amu Kayak Nug ele danab amu, ahilagppa daatte. Kayak Nug nuhig Ouɗi ig mekkom amunu, amuppa ig doottem, Nug ihinigppa daatte.

1 Jon 4:16

Ig Kayak Nug ihinignu oo mauhtte doottem, amu ig oo mauhak amunu oonigppa genab doottem. Kayak Nug oo mauhak kobolnu diig daatte. Laa nug oo mauhakppa daatte, nug aakku Kayak, nuhigppa daatte, amu Kayak ele nuhigppa daatte.

1 Jon 4:20

Am laa nug, “Da Kayaknu ool mauhtte” atte, amge nug layagnu nau ninig ele dootte amu, nug am hambuppuak danab. Aɗinu? Danab nug layag laa antta malom ele, nug nuhignu oo mauhak ii dootte dayeb, nug attem ha, Kayak, nug Nug ii anttom amu, nug nuhignu oo mauhak dookku?.

1 Jon 4:6

Ge ig am Kayaknu amunu, aun nug Kayak dootte amu nug ihinig nai dootte. Amge aun nug Kayaknu danab iitta amu, nug ihinig nai ii dootte. Amuppa ele ig aun nug Kayak Ouɗi oɗe awa, nai doyak diig genabibppanu maditte, amu aun nug wan imuppan okkai oɗe awa, nai genab iitta maditte ele doottem.