1 Jon 3:8 - Nobonob Baibel

⁸ Satan nug digmakppanu uɗie, gemu ele hipunin hette amunu, aun nug hipuninppa oitte amu, nug Satannu danab daatte. Kayak Bekka Nug Satannu hak nau amu heeb nauhkkunu miag atia beum.

1 Jon 3:8 ပူးပေါင်းရင်းမြစ်များ

Genesis 3:15

Amu da heppi, na ah ele gamalahppa hanhan kekeɗ daakku. Ele amu, ah buɗub, amu na buɗun ele gamagppa kekeɗ daakku. Amu ah buɗub laa aha, na ikkin tappeb toɗeb, na danab amu baeg bittub heppe hinqekku,” awa aum.

Aisaia 27:1

Haen laa, haen amuppa amu Yawe Nug doɗ nau laa onig lewiatan, lewiatan nug am mat laa gai-iittanab oitte amubia, Nug doɗ nau amu bu medakku. Nug qep elab ɠagattagnab ele nuhig amuppa Nug Lewiatan, lewiatan nug am mat laa itoɗiak daatte amubia, Nug doɗ amu qep amuppa nob nau medakku. Ge, Nug am doɗ naɗi naunab nau amu yuppa daatte amu, Nug qeeb mauhkku.

Namba 21:9

Yawe Nug anam hekkunu a amu, Nug aum amubia Moses nug mat dottog brasppa ha, biidod igippa me dayeye, danab aun aɗi mat emalatteg, ag neekkeg ukke, mat dottog brasppa hak amu anidna, ag ii mauhppig. Iitta.

Matyu 12:28

Amge da Kayak Ouɗinu ɠagattagppa ouɗi nau lamadttem dayeb amu, ag doyeg, Kayaknu ɗo maɗoɗ aakku ahilagppa uɗiom,” awa aum.

Matyu 13:38

Aria, dad okkai amu wan atu oh ippunigtte. Ee aeg ena amu Kayaknu ɗo maɗoɗnu danab. Aria, gikkiɗah nau amu Satannu danab.

Matyu 4:3

Enug qeeqe amu, eheɗ haknu oo eeɗak danab nuhigppa beum. Ba amu nug aum. “Na Kayak Bekka daattem dayeb amu na appe, men imu eɗua bret baɗ!” awa aum.

Mak 1:24

“Jesus, Nasaret ted, na ig attem heigkkutnu uɗime? Na heppe, ig nauhkkunignu uɗimete? Da na dooidttem; Laa Kayaknu Oppiaawak Ele, amuam na aakkuib,” awa aum.

Luk 10:18

Anam aeg am Jesus Nug ag amelagppa aum. “Da Satan nug amemɗi bia hab aabppanu na qeeqe anidmi.

Jon 12:31

Gemu amu, wan imuppan danab oh dilag epeɗiak haen. Gemu haen imu amu, Kayak Nug heeb, wan imunu gumak danab nug gumak aben nuhigppa ii daama.

Jon 16:11

Nug epeɗiaknu ele ippuanatteb, ag dooglag, wan imuppan okkai, Satan, nug aakku epeɗiak awa mala, nob nau aokkunu daatte.

Jon 8:44

Ag mamelag am Satan; ag nug bekkod daatteb amunu, ag mamelag oo niitte amu, ag dim lamidkkulagnu wagai metteb. Nug wannu digmak haenppanu danab aqe mauhtteb. Ag mamelag nug doyak diig genabib ii dim lamidtte. Aɗinu? Doyak diig genabib amu nuhigppa ii daatte. Nug hambuppuak nai mattiaya amu, nug nuhig diig aakkuib dim lamidtte. Aɗinu? Nug nai hambuppuak maditte, nug nai hambuppuak mamegnab ele daatte.

Rom 16:20

Haen elab iitta Kayak, Nug am maɗoɗ diig amu, Nug geha Satan tappeb na, ag baelag waappa daakku. Naɗi Jesusnu ehanittak okkai hamu mettak ahilagppa dayaɗ!

Epesus 2:2

Haen amuppa ag wan imuppan kobol nau, ouɗi nau ikkilag Satan ele dim lamidppig. Gemu ele danab ag Kayak oɗe ii dim lamidtteb amu, ag Satan waappa daatteb.

Kolosi 2:15

Nug Satannu daup laa ag gumak uɗat ɠagattag ele hetteb, amu laa ag gumak uɗak okkai ele hetteb amu, Nug ɠagattag ahilag aɗatta, ad emaitakppa Nug ag eɗattowa, nug danab amelagppa diia, keeke hamu bia hattom.

1 Timoti 3:16

Genab, ig Kristen tamaniakppa daattem, ig doyak laa aɗattem, amu doyak amuam lokkumak dayeye, gehaib miag atiom. Doyak amuam unuqagnab ele daatte. Doyak amuam inam. Jesus Nug danab beɗu awa, miag atia beum. Kayak Ouɗi Nug ig Nug tutukkunab ippunikke, engel ag Nug ele anidppig. Nuhig nainu mehuqak am wanppan ɗo maɗoɗppa ukke, wanppanu danab ah ag oolagppa genab dooppig. Kayak he, Nug hab aabppa teum.

Hibru 2:14

Nid naunau amu ag anilkad mamelkad ag beɗulag bia beɗulag aon oitteb amunu, Jesus Nug Satannu ɠagattag, ɠagattag amuppa Satan nug he danab mauhtteb amu, Nug ɠagattag amu heeb iitta mekkunu, Nug danab ag wan imuppan oiyak ahilagppa haen oh mauhaknu baɗak doon, ag amuppa hippalak daappig ele amu, ag amunu uhuqak ele madakkunu, Nug ele danab beɗu awa, Nug mauhom.

Hibru 9:26

Nug laa hetteb bia helo amu Nug haen kuɗum, Kayak wan heum uɗie, gemu haen imu ele guittak awawa daalo, amge anam iitta. Haen nakok malele, Kristus Nug haen laippu aakkuib wanppa na, hipunin uhuqkkunu nukka Nug beɗu mana mettak bia Kayak mettom.

2 Pita 2:4

Kayak Nug engel hipunin heppig ele amu he, ag iite padal meppig? Yo, Nug geɗatta he, aben eheɗppa noppig. Nug aben gatatu ele amuppa qakkalattom daatteb. Amu ag epeɗiak haen ameg men daatteb.

1 Jon 1:2

Kayak he, Kristus, Nug bauklel hanhannu diig amu, Nug miag atia be, ig Nug anidmut. Ig anidmut ele amu, ig ag amelagppa genabnab iikku madittem. Ig Kristusnu madittem. Nug anukka ig Mamenig Kayak ele daayya, Kayak he, Nug ihinigppa miag atia beum.

1 Jon 3:10

Anam amunu, ig kobol imuppa aun nug am Kayak Bekka, aun nug am Kayak Bekka iitta, nug Satan bekka daatte, amu ele doottem. Am inam. Aun nug kobol tutukkuppa ii oitte amu, nug Kayak Bekka iitta. Am laa nug layagnu oo ii mauhtte, nug ele Kayaknu iitta.

1 Jon 3:5

Amu ag dootteb, Kristus Nug heeb, hipunin iitta mekkunu miag atiom. Nug ooppa hipunin laa ii daatte.

1 Jon 5:19

Ig doottem, ig Kayak bekkod daattem, amge wanppanu danab ag Satan waappa daatteb.

Jut 1:6

Aria, keeke laa amu, engel laa ag maɗi ahilag Kayak nug ag amu hekkulagnu ehah mattom amu, ag amuppaib daaglagnu oolag ii daye, okkainab daaglagnu dabmena, ahilag dayaknu aben uuppig. Ag uuppig amunu, Kayak Nug haen ohnu qakkalatta, maniguittak gatatu eleppa maattom daan, hettoɗiak deɗ naɗippa epeɗiak aoglagnu ameg metteb.

Revelesen 20:10

Amu ouɗi nau danab amu buppualattom ele, amuam Satan, ag nug aab ameg kalu laa huana eotte onig salpa eotteppa buɗieg, propet hambuppuak, doɗ dakkuɗ ele daattep-ppa noum. Ag hanhannab tuqan amun ele guittak nau doonna daaglag.

Revelesen 20:15

Aun laa nug onig buk laappa, amuam buk onig Bauklel Awa Onig Yaaknu buk, nug onig buk amuppa ii yaak amu, laa nug nug aab amegppa buɗie noum.