1 Jon 3:6 - Nobonob Baibel

⁶ Danab nug nuhigppa daatte amu, nug hipuninppa ii oitte. Laa nug hipuninppa oitte amu, nug Kristus ii anttom, laa ele amu, nug Kristus ii dootte.

1 Jon 3:6 ပူးပေါင်းရင်းမြစ်များ

2 Korint 3:18

Amu keeke laa ig iɗunig ii haut-tte, Naɗinu binag amahlak oppiaawak ele ihinigppa uɗiaya, aam ameg lettodppa ya gotte, ig nuhig binag amahlak oppiaawak ele amubia heta daattem amu, Naɗi Nug ig Nug bia daagnignu baolikkekke, ig nuhig binag amahlak oppiaawak ele tuɗid tuɗid aot daattem. Naɗi Nug am Ouɗi, amu Nug anam aakku hette.

1 Jon 2:28

Ao, nid naunau dahilad, haen Nug miag atieb, ig ɠagattag daagnignu, ig uɗa nak ele ii aomtanu amu, ag Nug ele laippu dayeg!

1 Jon 2:3

Amu ig Kayaknu haknunab anak dim lamidttem dayeb amu, ig amuppa ig Nug doota oittem aakku doottem.

1 Jon 2:4

Am danab aun nug, “Da Nug doottem” atte, amge nug nuhig haknunab anak ii dim lamidtte amu, nug am hambuppuak danab. Doyak diig genabib nuhigppa ii daatte.

1 Jon 3:2

O gamalad, gemu ig aakku Kayak bekkod daattem, amge ig geha attem daagnig am miag ii atiom. Amge ig doottem, haen Kristus Nug miag atia beeb, ig Nug bia daagnig. Aɗinu? Ig Nug attemnab daatte anidkkunig.

1 Jon 3:9

Amu danab laa nug Kayak Bekka daatte amu, Kayaknu bauklel nuhigppa daatte amunu, nug hipunin kobol dim ii lamidtte. Nug hipuninppa oikkunu elele iitta. Aɗinu? Nug am Kayak Bekka.

1 Jon 4:8

Am aun laa nug laikkud dilag oo mauhak ii dootte amu, nug Kayak ele ii dootte. Aɗinu? Kayak Nug oo mauhak kobolnu diig daatte.

1 Jon 5:18

Ig doottem, danab aun nug Kayak bekka daatte amu, nug hipuninppa ii oitte. Kayak Bekka Jesus, Nug nug atognotte. Satan nug danab amu nakok laa ii aɗatte.

3 Jon 1:11

O lai gamal, kobol nau aib dim lamidme. Na kobol tutukku ena amu dim lamitte! Laa nug kobol ena hette, nug Kayak ele laippu daattep. Am laa nug kobol nauppa oitte amu, nug Kayak ele laippu iinab daattep.