1 Jon 3:16 - Nobonob Baibel

¹⁶ Kristus Nug ihinignu mauhom, amuppa ig oo mauhak kobol doottem. Amubia ig ele ig lainkad dilagnu mauhkkunignu daatte.

1 Jon 3:16 ပူးပေါင်းရင်းမြစ်များ

Matyu 20:28

Yo, nug Danab Bekkalag da, da hettem amubia haɗ! Am inam. Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta. Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

Jon 10:11

Da am sipsip gumak danab ena. Sipsip gumak danab ena nug sipsip ena daaglagnu mauhkkunu dayeb amu, nug mauhkku.

Jon 10:15

amubia Mame Nug da dooiɗeɗe, da Mame doottem. Laa ele, da dahilad sipsip, ag ena daaglagnu dabmein dayeye, dahil bau dayak heppi iitta mekku.

Jon 13:34

Amu gemu da haknunab bau ag madattem. Ag akka akka nug oo mauhak doyeg! Amu da ahilagnu ool mauhom daatte, amubia ag ele ag lailkad dilag oolag mauhaɗ!

Jon 3:16

Kayak Nug wanppan danab ah dilagnu oo huana mauhom amunu, Nug Bekka laippunab me uɗiom. Nug me uɗiom amunu, aun nug nuhignu ooppa genab dootte ele, nug padal ii mema. Iitta! Nug bauklel hanhannu aokku.

Aposel 20:28

Amunu ag akka ahilagnu dabmenan daanna, amu Kayaknu danab ah, Kayak Ouɗi Nug ag gumak ikki danab ahilag daaglagnu otiattom ele amu, ag amu dilag ele oh dabmenan dayeg! Ag Kristen tamaniak, Kayak Nug nukka Nug tiigppa nuhig tamaniak amu daden meum ele amu, ag nuhig tamaniak amu tutukku gumatteg!

Rom 16:4

Aa da mauhpanu amu aa mauhak ib oɗeppanab oiyya ehaniɗpiɗ. Da aa amelahppa, “Ena hepiɗ,” awe attem, amge da dakka anam ii hettem. Iitta! Iitta aɗi dilag Kristen tamaniak oh ele ag anam dootteb.

Rom 5:8

amge ig am hipunin danab daautut, Kristus Nug ihinignu mauhom, amuppa Kayak Nug ihinignu oo mauhtte amu, Nug ig ippunigtte.

2 Korint 4:12

Anam amunu, ig mauhak ibppa daatta, Jesusnu nai mehuqutut, ag Korint, ag nai amu oolagppa genab doona, bauklel aotteb.

Epesus 5:2

Ag nug oo mauhakppa, Kristus Nug ihinignu oo mauhe, Nug nukka Nug bau dayak nuhig ig ehanigkkunu uua, ihinignu mauhom bia oiyeg! Kristus Nug danab ag doɗ main Kayak muttuɗig ena dookkunu medatteb bia, nukka nuhigppa anam heum.

Epesus 5:25

Kristus Nug nuhig tamaniaknu oo mauhe, Nug nukka nuhig bau dayak amu uua mauhom, amubia danab ag waalkad dilagnu oolag mauhaɗ!

Pilipai 2:17

Ag Jesusnu oolagppa genab dootteb, diig amunu ag Kayak waappa daan, Nug oɗe dim lamidtteb. Anam amu, amuam ag doɗ manan Kayak medatteb bia. Aria, da am wain gokkaɗaknu ofa ahilag mana mettak amu qaɗeppa gokkaɗaknu bia daakkul dayeb amu, da maɗoɗppan gamag ahak doottem, amu da ag ele maɗoɗppan gamag ahak amu dooglagnu ool daatte.

Pilipai 2:30

Aɗinu? Nug Kristusnu uɗatppa mauhkkunu miagnab dayom, amge nug bau daakkunu am anuqak dab-ii-meum. Iitta. Nug ag da ehaniɗkkulagnu elele iitta daaeg doya, nug amu elele medakkunu am anuqaknu dabmak okkai awa, uɗat amu heum.

1 Tesalonaika 2:8

Ig ahilagnu oonig huana mauhom amunu, ig Kayak toppanu Nai Ena apput dooglagnu oonig dayeye heta, ig ag ena daaglagnu mauhlom amunu ele elele doomut. Aɗinu? Ig ahilagnu am ig lainkadnab doomut.

Taitus 2:13

Ig anam oitta, ig Jesus eɗua uɗiaknu deɗ okkai amu uɗikkunu dabmak aɗat ameg meta daattem. Deɗ amuppa amu Jesus Kristus, Nug am ihinig Kayak Naɗi, Padal ii maknu ehanittak ihinig ele daatte amu, Nug binag amahlak oppiaawak ele miag atiak uɗikku.

1 Pita 1:18

Ag dootteb, ag mamelkad aɗi ib uug ele, nuhig meu am keeke hamu, ag ib amu dim lamitteg neum amu, Kayak Nug ag ib amunu qagaiettakppanu eɗua uhuqak ha mattom, amge Nug keeke nauhtte ele, gol, silwa bia, Nug amuppa ag qagaiettak amuppanu ii uhuqattom. Iitta!

1 Pita 2:24

Ig hipuninnu begbeg maɗi nid daamtanu, ig Kayak dim lamidta genab tutukku hak danab daagnignu, Jesus Nug ihinig hipunin oh ad emaitakppa mawom. Genab, Jesus nug guittak awe, ig amuppa elele daattem.

1 Pita 3:18

Kristus Nug hipunin uhuqa mettaknu haen laippu aakku mauhom. Nug baula ii mauhma. Nug beɗuppa aab laa iitta, amge Nug ig danab, ig beɗunigppa aab ele, Nug ig omaikka, Kayak toppa wakkunu Nug mauhom. Ag heeg, Nug beɗu mauhom, amge Kayak Ouɗi Nug he, Nug eɗua hibaitta, bauklel daatte.

1 Jon 2:6

Am aun laa nug, “Da nuhigppa daattem,” atte amu, nug Jesus oiyom bia oiyaɗ!

1 Jon 2:9

Aun laa nug, “Da amahlakppa daattem,” awa atte, amge nug layagnu nau ninig ele dootte amu, nug gatatuppa daatte.

Revelesen 5:9

Ikki danab 24 ag anam hena, ag ahi bau laa inam edappig. “Na buk itoɗiak amu aona, qataqak oh tolakkutnu ehah ele. Aɗinu? Ag heeg, na mauhme, amu na danab ah huu ohppanu, nai ohppanu, beɗulag iɗu iɗu ohppanu, wanppan wan ohppanu ele na tiinppa hipuninnu qagaiettakppanu eɗua uhuqak hena, Kayak mettame.