1 Jon 3:12 - Nobonob Baibel

¹² Ag Kain bia aib oippig. Kain nug Satannu danab, amu nug amag qe mauhom. Nug nuhig kobol eheɗ, amagnu kobol amu tutukku, amunu nug qe mauhom.

1 Jon 3:12 ပူးပေါင်းရင်းမြစ်များ

Genesis 4:25

Aria, Adam wau ele aa baula oiyya, Ewa nug nid danab baula menuom. Menua, nug aum. “Kain nug Abel makkuɗe mauhom amunu, Kayak Nug nid laa Abel abenab aokkunu meɗom,” awa aum. Nug anam aum amunu, nug onig Set ataɗom.

2 Samuel 13:22

Amu Apsalom nug, nug Amnon amegppa nai ena nakok laa, o nai eheɗ nakok laa ii mattiom, amge nug Amnon he, nug appinag uɗa nak nau guittak ele doyaya oiyom dabmeum amunu, nug Amnonnu nau ninig ele doyom.

Sam 37:12

Nau hak danab ag am genab tutukku hak danab ah hadappeg nauhkkulagnu ib digdignu maidtteb. Ao, nau hak danab ag genab tutukku hak danab ah dilagnu aelkad emalna daatteb.

Sam 38:20

Da genab, tutukku hekkulnu heinne oittem amunu, diig amunu danab ah laala ag kekeɗ meɗatteb. Da ahilagnu ena hettem, amge ag dahilnu nau hetteb.

Prowerb 27:4

Danab nug oo nauhkku dayeb amu, nug laa guittak medakkutai. Ao, danab nug oppoɗi be ameg kokoɗ ebatte dayeb amu, nug laa guittak nau medakkutai; amge danab nug dahil doya laa aomanu doyak aɗa daakku dayeb, nug heeb, laa padal mekkunu elele.

Prowerb 29:10

Qe mauhak danab ag danab nug nuhig dabmak, oiyak ele am tutukkuib amu, ag nuhignu nau ninig ele dootteb; ag genab tutukku hak danab aqappeg mauhkkulagnu hetteb.

Prowerb 29:27

Genab tutukku hak danab ag hambuppuak danab dilag ⌊kobolnu⌋ oolagppa uuaknab dootteb; nau hak danab ag genab tutukku hak danab dilag ⌊kobolnu⌋ oolagppa uuaknab dootteb.

Matyu 13:19

Haen danab laa nug Kayaknu ɗo maɗoɗnu nai doya, oo ii maidtte amu, Satan nug paha he, Kayak nai nug ooppa dayom iitta mette. Ee aeg ibppa nena qeppig ele amu, nai amu anam ippunigtte.

Matyu 13:38

Aria, dad okkai amu wan atu oh ippunigtte. Ee aeg ena amu Kayaknu ɗo maɗoɗnu danab. Aria, gikkiɗah nau amu Satannu danab.

Matyu 23:35

Anam amunu, wan imuppanu genab tutukku hak danab aqe mauhak digmak Abel, nug am genab tutukku hak danab, nug mauhe uɗie, Berekia bekka Sekaraia, ag nug qaɗab, Kayaknu mettid lag ele gamagppa qeeg mauhom, nuhig mauhak batak amu, qe mauhak hipunin amu oh danab ah haen geha imunu ag qaɗelagppa daakku.

Matyu 27:23

Ag anam eppig, amge Pailat nug oɗ mattom. “Aɗinu? Nug aɗi eheɗ heum?” awa aum. Nug anam aum, amge ag huanak ena appig. “Ad emaitakppa atule!” appig.

Matyu 5:37

Ag, ‘Yo,’ akkulagnu dayeb amu, ‘Yo,’ akkulag. Am aakku elele. Aria, ag ‘Iitta,’ akkulagnu dayeb am, ‘Iitta,’ akkulag. Am aakku elele. Ag nai baula ele tuɗidna maditteb dayeb amu, amuam Satan he bette.

Jon 10:32

Makkuɗkkulagnu heeg amu, Nug ag amelagppa aum. “Da Mamenu ɠagattagppa uɗat ena ena kuɗumnabppa danab ah ehanadmi amu, aɗi uɗat amu ena iitta anidna, da menppa oiɗppeg mauhkkulnu hetteb?” awa aum.

Jon 8:40

Da doyak diig genabib Mame toppanu aomi amu mattiyi dooppig, amge ag da niɗaglag hetteb. Abraham nug anam ii heum.

Jon 8:41

Ag am ag mamelagnu kobol hetteb,” awa aum. Jesus anam a amu ag appig. “Ig aninig nug ib imuagppa danab kuɗum ele ii oiyona menuikkom. Ig mamenig laippu, Kayak aakkuib,” aon appig.

Aposel 7:52

Amu propet aun laa dayom, ag mamelkad aɗi ag nug eheɗ iite hedappig? Laa iitta. Anukka propet ag Genab Tutukku Hak Danab uɗikkunu nai amu mehuqegeg, ag mamelkad aɗi ag ag aqatteg mauhppig. Aria, Genab Tutukku Hak Danab Nug uɗie, ag gemu daatteb amu, ag Nug aon, kekeɗ eppelagppa mena heeg, Nug mauhom.

1 Tesalonaika 2:14

O lainkad, ag Kayaknu Kristen tamaniak, Juda wanppa Jesus Kristusnu daatteb ele amu, ag ag ele laippu bia daatteb. Ag Tesalonaika daatteb amu ag, ag lailkad eppelagppa guittak aoppig amubia Kristen tamaniak, Juda wanppa daatteb ele, ag Juda laala eppelagppa guittak aoppig.

Hibru 11:4

Abel nug Kayaknu ooppa genab doyom amunu, nug mana mettak, Kain eɗittak, mana mettak enanag heum, amu Kayak nuhig mana mettaknu amu enanag antta nuhignu, “Genab tutukku hak danab,” awa aum. Abel nug am anukka mauhom, amge nuhig ooppa genab doyak am ig aɗi hekkunignu gemu ele ig ippunigtte.

Hibru 12:24

Amu ag Jesus, Nug am gamag danab, Nug nug tituana nai qakkak bau heum daatte ele amu, ag nuhigppa wappig. Kain nug Abel qe mauhom, haen amuppa Abel tiig neum, amunu nob nau mak dayom, amge Jesus ehanigkkunu he, Nug tiig neum amu, ag amuppa wappig.

1 Pita 4:4

Gemu ag aakku kobol nau amu baula ii hetteb amunu, danab Kayak baekkudppa iitta, ag ag ele kobol nau amu gemu ii hetteb, ag amu anidna ottaina, ahilagnu nai eheɗ atteb.

1 Jon 3:8

Satan nug digmakppanu uɗie, gemu ele hipunin hette amunu, aun nug hipuninppa oitte amu, nug Satannu danab daatte. Kayak Bekka Nug Satannu hak nau amu heeb nauhkkunu miag atia beum.

Jut 1:11

Danab amunu am gadonnab gadon. Ag Kainnu kobol hena oitteb. Ag men doɗonuib dabmena, Balam kobol eheɗ heum bia hetteb. Ag anukka Kora tappe nak ha nauhom, amubia ag anam hena, padal metteb.

Revelesen 17:6

Da ah amu nug Kayaknu danab ah oppiaawak ele, ag Jesusnu madippig amu, nug ag tiilag, le ɠagattag latteb bia la, kaaka qe dayom. Da anttena, da ottaie dabmak kuɗum aomi.