Ag gugappan tuqai dahil aon gukkalagppa mewona, ag dahilppa dabmak aweg! Aɗinu? Da am wagai mak danab iitta, amu da am oo doyak ele. Ag anam henana, ag oolagppa uug iitta oiglag.
Da Mamenu haknunab anak dim lamittette, nuhig oo mauhak ooppa daattem, amubia ag dahil haknunab dim lamidkkulag amu, ag haen oh dahil oo mauhak ooppa daaglag.
Ag nug oo mauhakppa, Kristus Nug ihinignu oo mauhe, Nug nukka Nug bau dayak nuhig ig ehanigkkunu uua, ihinignu mauhom bia oiyeg! Kristus Nug danab ag doɗ main Kayak muttuɗig ena dookkunu medatteb bia, nukka nuhigppa anam heum.
Amu Kayak Nug ag kobol amu dim lamidkkulagnu onilagppa eum. Aɗinu? Kristus Nug guittak naɗi ag ehanadkkunu awom. Nug heumppa amu, Nug antte oo maittaknu kobol, ag kobol nuhig amu dim lamidkkulagnu ag ippunatta mattom.
Am danab aun nug, “Da Nug doottem” atte, amge nug nuhig haknunab anak ii dim lamidtte amu, nug am hambuppuak danab. Doyak diig genabib nuhigppa ii daatte.