1 Jon 2:5 - Nobonob Baibel

⁵ Amge aun laa nug nuhig nai dim lamidtte amu, Kayaknu oo mauhak am genab ambak nuhigppa daatte. Amuppa ig doottem, ig nuhigppa daattem.

1 Jon 2:5 ပူးပေါင်းရင်းမြစ်များ

Sam 105:45

Yawe Nug keeke amu oh heumnu diig am, Israel danab ah ag anidna, ag nuhig oo yaak nai ɗo bia dim lamidna, nuhig ɗo ele dim lamidkkulagnu Nug heum. Ag Yawe binag meig!

Sam 106:3

Danab ag nai doya mala hettoɗia epeɗia elele mettak kobol dim lamidtteb ele, ag itittak ena aoppig daatteb. Ao, laa ag hanhan genab tutukku hak kobol ele dim lamitteb amu, ag itittak ena aoppig daatteb.

Sam 119:146

Da nahipnu ettem. Am da nahip ɗo dim lamidkkulnu amu, na ehaniɗppe, da padal ii mepanu unuqidttem.

Sam 119:2

Genab, aun aɗi ag Yawenu ɗo, kobol ele ɠagattag aɗan dim lamidtteb, ag Nug anidna dim lamidkkulagnu meulag ohppa Nug maditteb ele amu, ag itittak ena aoppig daatteb.

Sam 119:4

O Yawe, na nahip oo yaak nai ɗo bia oh ig mekkan, na ig ɗo amu oh dim lamidkkunignuib ele nai ɠagattagppa ig amenigppa mattime.

Prowerb 28:7

Nid nug Kayaknu ɗo doya, dim lamidtte, nug am doyak dabmak ena ele aɗatte; amge nid nug laa ag oolagppa dubuttid huanak ele, nug ag ele layam daatteb, nug mameg uɗa nak nau guittak ele medatte.

Prowerb 8:32

Anam amu, aria, O da bekkalad, ag dahil nai doyeg; laa ag da ippul tappan oitteb amu, ag itittak ena aon malappig daatteb.

Eklisiastis 8:5

Aun nug kingnu haknunab anak dim lamidtte amu, nug guittak laa ii aoma; amu danab nug doyak dabmak ena ele, nug aɗi keeke hekkunu, nug amu haknu haen, amu haknu ippu ena ele dootte.

Esekiel 36:27

Amu da ele da Ouɗil ag matten, da heppi, ag dahil nai dim lamidkkulagnu dabmak anuqak aɗan oiglag. Ag dahil ɗo iɗu iɗu ii tippalmananu dabmak okkainab aoglag.

Luk 11:28

Amge Jesus Nug aum. “Anam iitta! Danab ag Kayak nai doon dim lamidtteb ele, ag itittak ena aoppig daatteb,” awa aum.

Jon 14:21

Am aun laa nug dahil haknunab anak awa dim lamadtte ele, nug aakkuib am dahilnu oo mauhtte. Am aun nug dahilnu oo mauhtte amu, Mame Nug ele nuhignu oo mauhkku. Da ele nuhignu ool mauhebeb, da nug da diil miag atiak nug ippunidkkul,” awa aum.

Jon 14:23

Judas laa amu nug anam a, Jesus Nug aum. “Danab laa nug dahilnu oo mauhak dootte dayeb, nug dahil nai ele dim lamidkku. Aria, danab amunu amu da Mamel Nug nuhignu oo mauhkku. Amu da Nug ele, i nuhigppa nepuɗ, ig oh laippu, danab ewam lag laippuppa daatteb, amubia haen oh daagnig.

Jon 15:5

Da amu muɗi grep, ag amu muɗi grep ebekkud. Laa nug dahilppa daatte, da nuhigppa daattem amu, nug meu kuɗumnab otte. Ag da uuiɗkkulag dayeb, ag keeke laa hekkulagnu elele iitta.

Jon 6:56

Aun nug da teppul tiil ele latte amu, nug dahilppa daatte, da ele nuhigppa daattem.

Rom 8:1

Amunu danab ah ag Kristus Jesusnu daatteb, ag hipuninnu nob nau aoglagnu ii daatteb.

1 Korint 1:30

Kayak Nug aakku he, ag Kristus Jesusnu daatteb. Kristus Nug am doyak dabmak ena, ig Kayaknu aottemnu diig. Gemu ig genab tutukku hak danab daattem, ig oppiaawak ele daattem, amu ig gemu qagaiettakppanu eɗua uhuqak aomut daattem, amu oh Kristus, nuhigppaib beppig daatteb.

2 Korint 5:17

Amunu aun nug Kristusnu daatte, nug am danab bau. Anukka dayom amubia am iitta. Nuhigppa keeke oh am bau daatte.

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

Jems 2:22

Aria, O na danab dabmak tutukku iitta ele, Abraham heum, amuam inam ippunidtte. Nuhig ooppa genab doyak am nuhig kobol ena ele aa nug ehanittak heyaya, aa oh uɗat laippu heeheh, kobol amuppa nuhig ooppa genab doyak elelenab meum.

1 Jon 3:24

Anam amunu, laa ag Kayaknu ɗo dim lamidtteb amu, ag Kayak nuhigppa daatteb, amu Kayak Nug ele danab amu, ahilagppa daatte. Kayak Nug nuhig Ouɗi ig mekkom amunu, amuppa ig doottem, Nug ihinigppa daatte.

1 Jon 4:17

Ib amuppa amu, ig epeɗiak haenppa Kayak noobppa baɗak iitta ele daagnignu, oo mauhak kobol ig oonigppa elelenab mette. Ig epeɗiak haenppa Kayak noobppa baɗak iitta daagnignu diig am, ig wan imuppa daatta, Kristus Nug daatte amubia, ig ele daattem.

1 Jon 4:18

Baɗak nakok laa ⌊Kayaknu⌋ oo mauhakppa ii daatte. Aɗinu? ⌊Kayaknu⌋ oo mauhak elelenab daatte, amu oo mauhak amuam baɗak lamidtte. Nob nau aokkunu doyak am he, danab nug baɗatte, amunu danab nug anam baɗatte amu, ⌊Kayaknu⌋ oo mauhak ⌊elelenab, amunu diignu doyak tutukku⌋ am danab amu ooppa elelenab ii meum.

1 Jon 5:2

Ig Kayaknu oonig mauhtte, nuhig haknunab anak ele dim lamidttem dayeb amu, ig amuppa ig Nug bekkod dilag ele oonig mauhtte doottem.

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.

2 Jon 1:6

Oo mauhak kobol dim lamittak am inam; ig nuhig haknunab anak dim lamidkkunig. Amu ag digmakppa dooppig amubia, nuhig haknunab anak am, ag oo mauhak doon oiyeg!

Revelesen 12:17

Anam daye amu, mat naɗinab nug oppoɗi huana be, danab ah ag Kayaknu ɗo dim lamidnana, nuhignu nai mehuqnana, Jesus dim lamidtteb ele amu, mat naɗinab nug ag ele ban hekkulagnu ukkom.

Revelesen 14:12

Uug nau danab ah amu dilagppa bekkunu daatte, doyak amuam uug beegeg, Kayaknu danab ah oppiaawak ele ag Kayaknu haknunab anak dim lamidtteb, ag Jesusnu ooppa genab doyak ahilag ele ɠagattag aɗatteb amu, ag tuɗidna uug doyaya eɗittaknuib dabmak awak kobol dim lamidkkulagoitte ippunigtte.