1 Jon 2:16 - Nobonob Baibel

¹⁶ Aɗinu? Ig doottem, wanppan keeke oh, amuam beɗu kobol haknu oo hak nau dim lamittak, ameg qak doya awaknu oo hak nau dim lamittak, amu nukka binag maknu oo hak nau dim lamittak ele, kobol amu oh am Mame toppanu iitta, keeke amu oh am wanppanuib.

1 Jon 2:16 ပူးပေါင်းရင်းမြစ်များ

Genesis 3:6

Aria, haen ah nug ad meu amuam anttaknu ena antta, lanaknu ele ena antta, doyak dabmak ena ele medakkunu elele, ele antta, amu nug meu awa lawowa, gamu nug ele daapiɗ ele mette, nug ele laum.

Genesis 6:2

Kayak bekkod ag danab amu aɗelkad, ag iɗulag tuqak ele anadna, ag ahilag dabmakppa diippig.

Job 31:1

Amu da ena daami, haen amuppa da dakka da ele da nug tituanen nai qakkami. Da nai qakkami am, da ah makkun laa oo hak nau ele ii neekkidpa.

Sam 73:6

Ahilag oiyak am anam aakku amunu, ah laa nug kalele mette, amubia dada kobol am ahilag kalele daatte. Ao, danab laa nug lamen nuhig tagatte, amubia guittak nau mauhnoak mattak kobol am ahilag lamen bia daatte.

Sam 78:18

Ag doonna, ag eenu oolag huananab heumnu Kayak oɗ mettanna, ag Kayak ma anttak medappig.

Sam 78:30

Anam amge ag ee, ag oolag huanak heum ele lanan daaegeg, ai teppu, ag matu elele laappig, baula ii lalob, amge baula laegeg, ai teppu amu ag oɗelagppa dayeye,

Prowerb 27:20

Mauhak am danab daalo, padal mak ele danab daalo, aɗit amuam baubau danab ah diilopnu doolop; amubia, danab ag keeke baubau aoglagnu oolag hette.

Prowerb 6:25

Nug ah iɗu tuqaknab ele, amge na amu anidna, nug ele niiglahnu beɗunppan eeɗak, na amunu aib dabmena, nug dim lamidme! Ao, nug na neekkittatta, amegppa beɗun eeɗkku, amge na nuhig dabmak amu aib dim lamidme.

Daniel 4:30

nug aum. “Da ɠagattag okkainab ele. Da ɠagattag amuppa hei, ag aab naɗi imu, Babilon, da iguppa daakkulnu iite buuppig. Danab ah ag da king, da dagom onil ɠagattag ele aniɗkkulagnu amu, da dahil ɠagattag naɗinab amuppa hei, ag aab imu iite heppig?” awa aum.

Namba 11:34

Amu danab ah ag ee laa lakkulagnu oolag huanaknab dayom amu, ag ag aguppa boumppig amunu, ag onig Kibrot Hatawa ataɗppig.

Namba 11:4

Hib guitta danab laala Israel danab ah oolagppa daappig, ag ee laa, Yawe hanhan mattom amu iitta, ee laanu oolag huanaknab dayom amunu, ag mattina, Israel danab ah ag oh naittuɗ mena appig. “Amu doɗ teppu lakkunignu daalo, ig elele doolom.

Matyu 4:8

Jesus anam a amu, Satan baula Jesus awa ukka, qauko okkainab igippa meum. Mewowa, nug wanppan wan oh, ahilag gumak aben aben ele, amu ahilkad binag amahlak oppiaawak oh ele ippunattatta aum.

Matyu 5:28

amge da ag amelagppa inam attem. Danab laa nug amegppaib ah laa antta, nug ele oiglahnu dabmette amu, danab amu nug ewau pakkua gappai hak kobol aakku heum.

Luk 4:5

Awa a amu Satan nug Jesus omala ⌊qauko okkaippa⌋ ta, pahanab wanppan wan oh ippunattowa,

Rom 13:14

Ag amu oh aib heppig. Ag Naɗi Jesus Kristus ele ouqena, nuhig kobol ele aon oiyeg! Am ag beɗulagnu dabmak nau dim lamidkkulagnu aib dabmeppig.

1 Korint 10:6

Keeke amu oh beppig, ag antte oo maittak kobol daatteb. Amu Israel anukka heppig bia ig eheɗ hekkunignu oonig okkai daamanu, ig nau aomanu dabmettak kobol imu anidta doognignu daatte.

Galesia 5:17

Beɗunu kobol amu Kayak Ouɗinu kobol ele aa laippu iitta, aa piɗe piɗe amunu, Kayak Ouɗi Nug beɗunu kobol guhuɗittette, beɗu amu Kayak Ouɗi guhuɗidtte. Anam daatte amunu, ag keeke laa hekkulagnu oolag unuqagppa daatte amu, ag elele iitta.

Galesia 5:24

Kristus Jesusnu danab oh ag oolag alag, nuhig beɗunu kobol amu oo ahak nau kobol ele oh ad emaitakppa atulppig daatteb.

Epesus 2:3

Ig oh anamib anukka daamut, amu haen amuppa ig dabmak geha iikkunu aakkuib dim lamidmut. Ig beɗunig, amu ihinig dabmak ena iitta ele, aa aɗi apiɗ ig hettamut amunu, ig danab laa oh ele amuppa Kayaknu oppoɗi bak ig iqakkunu elele daattamut.

Taitus 2:12

Kayaknu ehanittak okkai hamu mettak amu, nug ig Kayak dimettak kobol amu wannu oo gamag ahaknu dabmak nau ele, ig amu oh uuta, ig wannu haen imunu oitta, ig ikka ig ihinig oiyak pehettak atognota, tutukku oita, Kayaknu kobol dim lamidkkunignu ippunigtte.

Taitus 3:3

Aɗinu ig anam oignig? Ig ele anukka dabmak tutukku iittappa, nai tappe nakppa, Satan nuhig hambuppuakppa ele oimut. Ig oo ahaknu keeke digdig kuɗum, amu beɗunig gamag ahak aokkunu kobol digdig kuɗum ele waappa daat hemut. Ig oo aeg bak kobolppa oitta, laa dilagnu ele amenig qe oonig elele ii dayom. Ig oonigppa lainkad dilagnu nau ninig ele doot oimut, amu ag ele ihinignu anamib doon oippig.

Jems 3:15

Doyak dabmak ena ⌊iitta⌋ ele amuam hab aabppanu ii neum. Iitta. Doyak dabmak ena ⌊iitta⌋ ele amu nug wan imuppan, am Kayak Ouɗi, nuhigppanu iitta. Satan nug doyak dabmak ⌊iitta⌋ ele amu mameg daatte.

Jems 4:16

Amge, gemu ag hetteb amu, ag akka akka beɗulag humatteb. Beɗu humak kobol amubia oh am kobol eheɗ.

Josua 7:21

Da banppa keeke aomut ooppanu amu, da lamen elab enanag laa Babilon appa heppig antten awe, da 2.3 kilogram silwa, amu gol maha laa, uug nuhig am 600 gram, da amu ele awen uɗimi. Da keeke amu amel qe aolomnab dabmak eheɗ aomi amunu, da akke uɗimi. Da dahil peh waappa, wan ooppa lokkumadmi daatteb. Silwa amu laa oh eɗattak unuqagnab boummi daatte,” awa aum.

1 Pita 1:14

Ag Kayak bekkod Nug oɗe dim lamidna oitteb bia, ag anamib oiyeg! Ag anukka kobol genab ii dooppig daanna, ag beɗu ahak ahilkad dim lamidppig amu, gemu ag anambia aib heppig.

1 Pita 2:11

O lailad, ag laihnu danab, aab diig danab iitta wan imuppa daatteb amunu, da ag beɗulagnu kobol nau, kobol amuam ag hanhan ig Kayak amegppa danab ena daamtanu wagai metteb ele amu, ag kobol amu ii hemananu dabmak maɗettak nai iikku madattem.

2 Pita 2:10

Kayaknu kobol amuam, nug genab danab laa ag ahilag oo hak naunab dim lamidnana, Kayak oɗe dim lamittaknu ena iinab dootteb, am ag tonadkku. Ippunittak danab hambuppuak amu, ag akka ahilagnu ag am ɠagattag doonna, ag laanu dab-ii-menana, ag hab aabppan engel dilagnu baeg qak nai mattiglagnu ii baɗatteb.

2 Pita 2:18

Danab amu ag akka ag beɗulag human, keeke okkai heppignu hambuppun maditteb. Ag beɗulagppan kobol naunu mattiegeg, danab laa kobol tutukku digmena dim lamidtteb ele amu, ag kobol nau amunu ittag aqebeb dim lamidkkulagnu dabmetteb.