1 Jon 1:7 - Nobonob Baibel

⁷ Amge Nug nukka amahlakppa daatte, amubia ig amahlakppa oittem dayeb amu, ig oh nug oo laippu ele nug doya dayakppa daattem, amu Nug Bekka Jesus, Nug tiig ihinig hipunin oh mihehe, ig oppiak daattem.

1 Jon 1:7 ပူးပေါင်းရင်းမြစ်များ

Sam 104:2

Yawe Nug danab lamen tagatte bia, Nug amahlak tagekke daatte. Nug danab sel lag taiedatte bia, Nug hab me daatte.

Sam 51:2

Na heppe, da oolppa aab iitta daakkunu oɗ medattem. Yo, na dahil hipunin uhuqna meɗan heppe, da oppiaawak bekkulnu unuqidttem.

Sam 56:13

Da anam hekkulnu diig am na hee, da ii mauhmi. Ao, na hee da nein ii qemi. O Kayak, na dahil amahlak, na da bau dayak meɗattem; da na oot hette bia wanppa dayeye oikkulnu, na dahilnu anam heme.

Sam 89:15

O Yawe, danab ah ag na binan okkai mettaglagnu doon malappig, ag na ele, nahip amahlakppa oitteb amu, ag am itittak ena aoppig daatteb.

Sam 97:11

Nug he, amahlak am genab tutukku hak danab ah dilagppa amahaltte. Nug he, ag maɗoɗppan gamag ahak aotteb.

Aisaia 2:5

O Jakop buɗub, ag doppeg, ig Yawenu ib amahlak ele, ig amuppa teta oitu!

Aisaia 33:24

Haen amuppa danab ah Sion daatteb, ag oolagppanu laa nug, “Da oɗe ele,” ii ama. Danab ah appa daatteb ele amu, Yawe Nug ahilag hipunin uhuqa madakku.

Aisaia 6:7

Nug awa uɗia, aab ottag amu da ottilppa nakokib ma, nug da amelppa inam aum. “Antte, da aab ottag na ottinppa memi. Gemu na beɗunppa aab laa iitta. Gemu ⌊Naɗi Nug⌋ nahip hipuninnu nob nau nuhig uɗat naɗippa iitta mekkunu ha malom,” awa aum.

Amos 3:3

Danab aɗit laa aa oolah laippu iitta ele, aa oh laippu oiglahnu elelete? Iitta!

Sekaraia 13:1

Le dubuttid ihe, iitta mette, amubia qinob Yawe Nug heeb, Dawit buɗub, am Jerusalem danab ah ele ag hipunin iitta, beɗulagppa ele aab iitta daaglagnu ib daakku.

Matyu 6:12

Laa hipunin megappig, ig uhuqta mattamut, amubia na hipunin ihinig uhuqna megakkutnu na unuqidttem.

Jon 1:29

Wagɗe deɗ amuppa Jesus Nug Jon gumitta uɗieye, Jon Nug antta aum. “Antteg, Kayaknu Sipsip Nag, Nug wanppan danab ah dilag hipunin uhuqtte, Nug am uukku daatte.

Jon 12:35

Anam aeg am Jesus Nug aum. “Ag haen nakoknab laa ele amahlak ele daaglag. Haen imuppa ag amahlak ele amunu, gatatu ag tonadmanu ag amahlak ele oiyeg! Laa nug gatatuppa oitte amu nuhig ib ii anidtte.

Jon 5:4

((Ag le amemɗul mettak ameg mena daadttappig. Haen laala engel nug le amuppa na, le amu amemɗul medattom. Le amemɗul mettak male amu, aria danab aun nug tatam anuqa leppa nottom, nug oɗe nuhig attemutai ele amu, haen aguppa nug ena daattom.))

Rom 13:12

Tuqan iitta mekkunu hette; wagɗak bekkunu miagnab daatte amunu, ig gatatunu kobol oh dimadatta, ig amahlaknu bannu bala aot beɗunigppa metu!

1 Korint 6:11

Anukka ag oolagppa laala amubia oittappig, amge Kayak Nug he, hipunin ahilag iitta meum. Nug he, ag oppiaawak daatteb. Kayak Nug he, ag genab tutukku hak danab ah daatteb. Ihinig Kayak Nug amu oh Naɗi Jesus Kristus onigppa, amu nuhig Ouɗippa ele heum.

Epesus 1:7

Kayak Nug nuhig doyak dabmak ena ele oh, nuhig diignu doyak tutukku oh eleppa Nug dabmekka, Nug nuhig ehanittak okkai hamu mettak naɗinab megakka, Nug Jesus Kristus tiigppa Nug ig hipuninnu qagaiettakppanu eɗua uhuqak ha mekka, ⌊amuppanu laih amu⌋ ig hipuninnu uhuqak aomut.

Epesus 5:8

Anukka ag gatatuppa daadttappig, amge Naɗi Nug gemu ag amahlakppa maattom. Amahlaknu meu am kobol ena, genab tutukku hak kobol, amu doyak diig genabib ele amunu, ag kobol Kayak Nug amunu oo hette ele amu doon aonna, ag amahlaknu danab oitteb, amubia ag amahlakppa oiyeg!

1 Timoti 6:16

Nug nukka aakkuib ii mauhtte; hanhan daatte. Amahlak ig gukkuidta gokkunignu elele iitta ele amu Nug amuppa daatte. Danab laippu laa ele Nug ii anttom, laa anidkkunu ele elele iitta. Nug binag amu nuhig ɠagattag haen oh ele nuhigppa dayeɗ! Amu genab.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Hibru 9:14

amge gemu, ig Kayak bauklel ele waappa daat Nug oɗe dim lamidkkunignu ig Kristus tiigppa genab oppiaawak daagnignu elelenab. Aɗinu? Kristus Nug beɗuppa eheɗ laa iittanab, Nug Kayak Ouɗi hanhan daatte ele, nuhig ɠagattagppa, Nug nukka Nug beɗu, mana mettak bia, Kayak mettom amunu, Nug tiig ig beɗunigib ii ihom. Iitta! Ig Kayak bauklel waappa daat, nuhig uɗat hekkunignu Nug tiigppa ihinig hak nau, hak amuam danab mauhakppa omaladna gotteb amu, am hak nau amu oh uhuqa mekkak daatteb.

Jems 1:17

Keeke hamu mekkak ena, elelenab ele, keeke amu oh hab aabppanu uɗitte. Aam, kalam, hoɗoppai keeke ag habppa daanna, amahlak megatteb ele amu, keeke amu oh Mamelag, Nug keeke enanag amu oh me, ihinigppa uɗitte. Mame Nug kobol nuhig eɗua eɗua ii mette. Nug keeke laa aamnu amahlakppa itotolag eɗun eɗun qetteb amubia ii hette.

1 Pita 1:19

Ag Kristus, Kayaknu Sipsip Nag, Nug am hipunin iitta, dubuttid ele iitta, ag Nug tiig enanag, amuppa ag uhuqak amu aoppig.

1 Jon 1:3

Ag uɗug imu ebqetteb ele amu, ag ig ele oh oonig laippu ele nug dootta daagnignu, ig aɗi anidta doomut ele amu, ig ag amelagppa iikku attem. Aria, oo laippu ele nug doya dayak ihinig amu, amuam Mame Kayak, amu Nug bekka Jesus Kristus ele, aa ig ele oh amuppa daattem.

1 Jon 1:5

Nai ig daunigppa doot, ag amelagppa madittem ele am inam. Kayak Nug am amahlak, amu gatatu nakok laa nuhigppa ii daatte.

1 Jon 5:6

Jesus Kristus Nug uɗia, leppa layattak awa ukka, ad emaitakppa mauha Nug tiigppa ig uhuqikkom. Amu le, tiig amu ele, keeke aɗit amu Nug Kayak Bekka ippunigtte. Le nug nukka ii ippunigtte. Iitta. Le tiig ele oh amu ippunigtte. Kayak Ouɗi Nug am doyak diig genabib diig amunu, Nug amunu mehuqtte.

1 Jon 5:8

Ewam amuam Kayak Ouɗi, le amu Jesus tiig ele. Ag oh laippuib ippunigtte.

2 Jon 1:4

Ao, da nahipad nid naunau laala ag doyak diig genabib Mame Nug ig anam dim lamidkkunignunab aum ele amu, ag amu dim lamidna daatteb doyena, da maɗoɗppan gamag ahak okkainab doottem.

3 Jon 1:4

Ao, dahilad nid ag haen oh doyak diig genabib dim lamidna oitteb doyen amu, da maɗoɗppan gamag ahak okkai aottem; maɗoɗppan gamag ahak laa am maɗoɗppan gamag ahak amu eɗidkkunu elele iitta.

Revelesen 12:11

Ig lainkad ag Sipsip Nag tiigppa, amu doyak diig genabib mehuqttebppa ele ɠagattag aon, ban eɗidna, kekeɗ amu eɗidppig. Ag wanppa enaib, bau daaglagnu amu ii dabmeppig. Iitta. Ag beɗulag maoeg ukke, bau daaglagnu anuqak ii doon, Jesus onignu mauhmananu dabmak ii aon oippig.

Revelesen 7:14

Oɗ meɗe, da nuhig oɗmak nob mein ami. “Naɗi, na doottem,” awe ami. Da ai amu, nug da amelppa aum. “Danab imu amu, ag eheɗ hattak okkainab, amuppa daappig, amge ag Kayak di-ii-medappig. Ag lamen elab ahilkad Sipsip Nag tiigppa ihalatteg hakkab ebappig