1 Jon 1:5 - Nobonob Baibel

⁵ Nai ig daunigppa doot, ag amelagppa madittem ele am inam. Kayak Nug am amahlak, amu gatatu nakok laa nuhigppa ii daatte.

1 Jon 1:5 ပူးပေါင်းရင်းမြစ်များ

Sam 139:12

Anam amge da aben gatatunab ele amuppa daakkul dayeb, da na aniɗmananu lokkumkkulnu elele iitta. Na amunppa amahlak anidttem, na tuqan amubia anidttem. Nahip-ppa amu, gatatu, amahlak ele am oh laippu daatte.

Sam 27:1

Yawe Nug dahil amahlak, dahil Padal ii maknu ehanittak ele daatte amunu, da aun laa baɗidkkul? Ao, Yawe Nug ban haknu aben ɠagattag dahil bia daatte, da amuppa ukken daakkul amunu, da auntai laanu ii baɗapa.

Sam 36:9

Aɗinu? Na aakkuib am bau dayaknu diig. Na aakkuib hee, danab ah ag bau daaglagnu keeke aon, bau daatteb.

Sam 84:11

Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.

Aisaia 2:5

O Jakop buɗub, ag doppeg, ig Yawenu ib amahlak ele, ig amuppa teta oitu!

Aisaia 60:19

“Ag baula amunppa aamnu amahlak aoglagnu ii daamna. Tuqanppa amu, ag kalam enanagnu amahlak aoglagnu ii dabmemana. Am inam daakku. Yawe Nug ahilag amahlak hanhannu daakku. Ao, ahilag Kayak Nug heeb, ag binag amahlak oppiaawak ele daaglag.

Daniel 2:22

Nug keeke unuqagnab daatte, keeke lokkumak daatte, Nug keeke amu he, miag atitte. Nug aɗi keeke gatatuppa daatte am dootte. Nuhig dayak abenppa amu, appa ele amahlak Nug ele daattep.

Jon 1:19

Aria, deɗ laa Juda okkai ag Lewi buɗubppan mana mettak danab, Lewi buɗubppan mana mettak danab iitta ele Jerusalem appanu Jon nukka nuhignu oɗ mettaglagnu maatteg gona, “Na am aun?” ana oɗ mettaeg, Jon nug nai anana,

Jon 1:4

Nai Kayak Ippunigtte Nug am bauklel diig; bauklel amuam danab oh dilag amahlak.

Jon 1:9

⌊Amahlak amuam Jesus Kristus,⌋ amu amahlak nuhig am amahlak genab. Nug wanppan danab ah oh amahlak madatte.

Jon 8:12

Aria Jesus haen laappa baula danab ah amelagppa nai mattiaya aum. “Da am wanppan amahlak daattem. Aun laa nug da dim lamiɗkku amu, nug gatatuppa ii oima. Iitta. Nug bauklelnu amahlak ele daakku,” awa aum.

Jon 9:5

Da wan imuppa dayeye, da wanppan danab ah amahlak madattem,” awa aum.

1 Korint 11:23

Da nai imu Naɗi Jesus Nug oɗeppan nai awen, da ag amelagppa tatam ami amu da gemu eɗuen baula attem. Nai amuam inam. Judas Nug tuqan Naɗi Jesus awa kekeɗ eppelagppa meum, tuqan amuppa Naɗi Jesus Nug bret awa,

1 Timoti 6:16

Nug nukka aakkuib ii mauhtte; hanhan daatte. Amahlak ig gukkuidta gokkunignu elele iitta ele amu Nug amuppa daatte. Danab laippu laa ele Nug ii anttom, laa anidkkunu ele elele iitta. Nug binag amu nuhig ɠagattag haen oh ele nuhigppa dayeɗ! Amu genab.

Jems 1:17

Keeke hamu mekkak ena, elelenab ele, keeke amu oh hab aabppanu uɗitte. Aam, kalam, hoɗoppai keeke ag habppa daanna, amahlak megatteb ele amu, keeke amu oh Mamelag, Nug keeke enanag amu oh me, ihinigppa uɗitte. Mame Nug kobol nuhig eɗua eɗua ii mette. Nug keeke laa aamnu amahlakppa itotolag eɗun eɗun qetteb amubia ii hette.

1 Jon 3:11

Ag nai laa anukka dooppig amu, nai amuam inam. “Ig lainkad ele nug oo mauhak doognigoitte!”

Revelesen 21:23

Aab okkai amuppa amu aam kalam ele aa aab amu amahlak laa medakkunu ii daattep. Aɗinu? Kayaknu binag amahlak oppiaawak ele am amahlak medatte, amu Sipsip Nag am aab amunu lam daatte.

Revelesen 22:5

Gatatu baula ii daama. Lamnu amahlak am aam amahlaknu uɗat ele baula ii daama. Aɗinu? Naɗi Kayak Nug amahlak mattebeb, ag haen oh king daaglag.