1 Jon 1:3 - Nobonob Baibel

³ Ag uɗug imu ebqetteb ele amu, ag ig ele oh oonig laippu ele nug dootta daagnignu, ig aɗi anidta doomut ele amu, ig ag amelagppa iikku attem. Aria, oo laippu ele nug doya dayak ihinig amu, amuam Mame Kayak, amu Nug bekka Jesus Kristus ele, aa ig ele oh amuppa daattem.

1 Jon 1:3 ပူးပေါင်းရင်းမြစ်များ

Job 13:1

Da amu oh antten malami. Da daulppa ele mattiegeg doomi. Ao, da keeke amu oh daulppa doyen, da diignu doyak tutukku aomi.

Sam 2:7

Amu king amu, Yawe tituana, Sion appa meum ele, nug atte. “Da ɗo laa Yawe meum daatte amu, da amunu appi dooglag. Nug da amelppa inam aum. ‘Na am da Bekkal; gemu amu, da na Mamen bemi daattem.

Sam 22:22

Na anam heppe amu, da geha da lailad amelagppa nahipnu madikkul. Yo, nahipad danab ah noolagppa, da na binan humakkul.

Aisaia 66:19

Da uɗat naɗi, da heminu at daatte ag oolagppa heppi, ⌊aun laa nug amu antta, da dim lamiɗa amu, nug bau daakku⌋. Laa amu ag bau daaglag amu, da ag oolagppan laala ag maadppi, danab ah huu laa dilagppa gona, ag binag amahlak oppiaawak ele dahilnu ag amelagppa mattiglag. Danab amu ag da onil okkainu nai laanu ii dooppig; ag binag amahlak oppiaawak ele dahil ele ii anidppig daatteb. Danab amu ag am Tarsis, Libia, Lidia, Tubal amu Grik danab, amu nud umanabnu danab ele. Lidia danab ag am lat ewaknu doyak okkai ele.

Namba 10:32

Doppe, ig ele gotu! Yawe Nug keeke ena ena oh ig megakku amu, ig na ele oh amu aognig,” awa aum.

Jon 17:11

Gemu da wanppa tuɗitten ii daapa. Da na gumitte gottem, amge dahilad imu ag tuɗidna, wan imuppa ⌊danab ag oolagppa genab ii dootteb ele oolagppa⌋ daaglag. O Mame Oppiaawak Ele, da na ele laippu daattep, amubia ag laippu daaglagnu, na na oninppa, onin na da meɗame amu, na amuppa dabmadakkutnu ool daatte.

Jon 17:21

O Mame, na dahilppa daattem, da nahip-ppa daattem, amubia ag oh laippu daaglagnu unuqidttem. Amu laa ele, wanppan danab ah wannu kobol dim lamadtteb ele ag na da meiɗe uɗimi oolagppa genab dooglagnu amu, dahilad ag ihinihppa daaglagnu ool daatte.

Jon 17:25

O Mame tutukkunab, wanppan danab ah wannu kobol dim lamadtteb ele ag na ii dooidtteb, amge da na dooidttem, amu dahilad imu ag na da meiɗe uɗimi amu dootteb.

Jon 17:3

Bauklel hanhannu, amuam danab ag na Kayak, na nakkaib am Kayak genab, amu da, na bekkat, na da meiɗe uɗimi amu, ag i oh dooitkkulagnu daatte.

Jon 19:35

Ag ele oolagppa genab dooglagnu laa nug keeke imu oh amegppa anttom ele nug amunu mattiom. Nai nug mattiom am genab, amu nug dootte, nai amunu nug maditte am genab.

Aposel 13:32

Aria, Pol nug anam aum amu, nug nai tuɗitta aum. “Ig Nai Ena mehuqttem am inam. Kayak Nug ig mamenkad aɗi amelagppa nai laa qakka aum,

Aposel 13:41

‘O ag awa awa qettak danab, ag anidna, dabmak kuɗum aonna, mauheg! Aɗinu? Nahip haenppa da keeke laa, danab laa nug na amenppa anam bia ab doolom amu, na ootppa genab ii doolom, amge da hekkul.’ ” Pol nug anam aum.

Aposel 2:42

ag totol danab 12 nai mehuqegeg doonna, nug ena doyaya dayak ele daanna, ee laippu lanan, Kayak unuqidppig.

Aposel 20:27

Aɗinu? Da Kayaknu dabmak oh ag amelagppa mehuqkkulnu dayom amu da ii bodoettami. Iitta. Da mattimi.

Aposel 4:20

Aa anam awoya am baula tuɗidya apiɗ. “I amu oɗenih qamutkkunihnu ele iitta. Aɗinu? I keeke oh amenihppa anidɗa, nuhig nai doomuɗ ele amu, ib laa iitta, mehuqkkunihnab,” aoya apiɗ.

Rom 15:27

Am genab ag oolag ena daye, akka ahilag dabmakppa anam heppig. Aɗinu? Ag Jerusalem dilagnu keeke nob eɗua mettak bia hekkulagnu daatte dootteb. Ag anam hekkulagnu dottebnu diig am, Kristusnu nai nug Juda ahilagppanu aha, iitta aɗi dilagppa ukkom amunu, iitta aɗi ag beɗunignu keeke, amuppa Juda danab keeke nob eɗun mattaglag am ena dootteb.

1 Korint 1:30

Kayak Nug aakku he, ag Kristus Jesusnu daatteb. Kristus Nug am doyak dabmak ena, ig Kayaknu aottemnu diig. Gemu ig genab tutukku hak danab daattem, ig oppiaawak ele daattem, amu ig gemu qagaiettakppanu eɗua uhuqak aomut daattem, amu oh Kristus, nuhigppaib beppig daatteb.

1 Korint 1:9

Kayak, Nug nukka ag Nug bekka Jesus Kristus, ihinig Naɗi, Nug ele laippu daaglagnu tituanattom amu, Nug oo metta ii uuak kobol dim lamidtte.

1 Korint 15:1

O lailad, da ahilag dabmak Nai Enanu maɗedakkulnu hettem. Da tatam digmakppa Nai Ena amu mehuqi, ag Nai Ena amu doon aɗan, oolagppa genab doon, amuppa ɠagattag daatteb.

2 Korint 13:14

Naɗi Jesus Kristusnu ehanittak okkai, Nug ig hamu megatte, Kayaknu oo mauhak, nuhig Ouɗi ele oo laippu dayak ele, keeke amu oh, ag oh ahilagppa daaglagnu ool daatte.

Epesus 3:6

Nai lokkumak dayom amu inam. Gemu Nai Enanu ɠagattagppa ameg laa, amuam iitta aɗi, ag Juda ele laippu ouqak daatteb. Ig oh laippu daattem. Ag anam daanna, keeke oh Kayak Nug Juda aoglagnu nai qakka aum amu, iitta aɗi ag Kristus Jesusnu daatteb ele, ag ele amu aoglag.

Pilipai 1:7

Amu haen laa da maniguittakppa dayeye, haen laa da dimittim dayeye, da danab laala Jesusnu nai tabappeg nekkunu hetteb amu, nuhig nai nemanu da wagai mein, da ele nuhig nai ɠagattag qedette, Jesusnu Nai Ena ele madittem, haen amu oh amu da ag ele, ig oh Kayaknu ehanittak okkai hamu megatte ele amu aomut amunu, da oolppa ahilagnu enanag doottem am kobol ena; kobol tutukku.

Pilipai 2:1

Aria, ag Kristusnu daatteb, amu Nug he, ag oolag ɠagattag qak dootteb. Kayaknu oo mauhak am ag oo mak madatte. Kayak Ouɗi Nug he, ag tamaniak laippu daan, ag nug oo bodoettak, amu ag nug oo bodoetta le mak ele doon daatteb.

Pilipai 3:10

Kristus, Nug mauhowa, Kayaknu ɠagattagppa eɗua hibaittom amu, da Nug, amu ɠagattag amu ele dookkulnunab hettem. Ele amu, Nug aɗi uug mawawa oiyom amu, da ele mawewe oikkulnu, Nug attem haaha mauhom amu, da ele anam mauhkkulnu ool daatte.

Kolosi 1:13

Nug ig hipuninnu ɠagattag hippalikkakppanu uhuqikkom. Nug ig eɗua awikka, Nug Bekka Jesus, Nug nuhignu oo mauhtte amu, Nug nuhig ɗo maɗoɗ ooppa daagnignu meikkom.

1 Tesalonaika 1:10

ag Kayak Bekka Nug hab aabppanu eɗua uɗikkunu haen ameg mettebnu ele maditteb. Nug anukka mauhe, Kayak Nug he, Nug mauhakppanu eɗua hibaittom. Amuam Jesus, Nug dimppanu hipuninnu bu aqak, Kayak eppegppanu uɗitte amu, ig amu aomtanu eɗua awikkom.

1 Timoti 6:2

Begbeg maɗi nid ag Kristen daatteb, ahilkad okkai ag ele Kristen daatteb dayeb amu, ag oh eamakkud daatteb bia, diig amunu ag begbeg maɗi nid ag ahilkad okkainu ena elele doyak uun, ii hemananu aib heppig. Iitta. Ag anen anen ahilag uɗatppa ag laa Jesusnu ooppa genab dootte, Jesus nuhignu oo mauhtte ele, ag nug ehanidtteb amunu, ag uɗat elelenab hekkulagnu daatteb. Na ag anam ippunadna, dabmak maɗettaknu nai a!

Hibru 2:12

Nug atte. “O Kayak, da geha da lailad amelagppa nahipnu madikkul. Yo, nahipad danab ah noolagppa, da na binan humakkul.”

Hibru 3:1

Amunu O ig lainkad, ag Kayaknu danab ah oppiaawak ele, Nug ag ig ele hab aabppa daagnignu tituanikkom amu, ag Kristus Jesus, Nug am ihinig ooppa genab doyaknu mana mettak ikki danab, Nug am ihinig ooppa genab doyaknu totol danab daatte ele amu, ag nuhignu atognona dabmena autna aweg!

Hibru 3:14

Aɗinu? Ig Kristus ele tamanit, laippu daagnignu ib am laippuib. Laa iitta. Ib amuam inam. Ig tatam Kristusnu oonigppa genab doomut amu, ig amuib aɗapput ukkeb, mauhak haen ihinigppa ele ooppa genab doyak nuhignu amu aakkuib aɗagnig dayeb, amuppa ig genab Kristus ele tamanit daattem.

1 Pita 5:1

Nai imunu amu, da ahilkad ikki danab ag oolagppa daatteb, da ahilagnu nai imu iikku yaattem. Da ele am ikki danab daattem, amu da amelppanab Kristus Nug uug mawe anitten, amunu da aɗi heehe anttomnu mattiak danab daattem. Da ag ele, ig oh geha Kristusnu binag amahlak oppiaawak ele heeb miag atieb, ig amu ooppa daagnig amunu, da ag ikki danab ag uɗat inam hekkulagnu ag maɗadakkulnu nai imu yaattem.

2 Pita 1:16

Ig kaya, hamu doyaknu am ittag qak ele, auntai laa nug nukka, nuhig dabmakppa he beppig amu, ig kaya amu laa aot, ihinig Naɗi Jesus Kristus, Nug wanppa uɗiom, Nug am ɠagattag ele, ig amunu ag amelagppa ii mattimut. Iitta. Ig amenigppanab, Nug am danab dagom onig ɠagattag ele anidmut, amu ig amunu ag amelagppa mattimut.

1 Jon 1:1

Kristus, onig laa Nai, Nug am bauklel diig amu, Nug digmakppa dayom. Nug ⌊anam daye ukke, wanppa uɗia, Nug⌋ nai mattieye ig daunigppa dootta, ig amenigppa ele Nug anidmut. Ig Nug anidta, eppenigppa ele aɗamut. Nug amu, ig nuhignu iikku madittem.

1 Jon 1:5

Nai ig daunigppa doot, ag amelagppa madittem ele am inam. Kayak Nug am amahlak, amu gatatu nakok laa nuhigppa ii daatte.

1 Jon 1:7

Amge Nug nukka amahlakppa daatte, amubia ig amahlakppa oittem dayeb amu, ig oh nug oo laippu ele nug doya dayakppa daattem, amu Nug Bekka Jesus, Nug tiig ihinig hipunin oh mihehe, ig oppiak daattem.