ᑕᐃᑕᔅ 3:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᓂᑦ ᐃᑕᔨᑕᓐ ᒐᒋ ᐃᑎᓴᐅᒃ ᐊᕐᑎᒪᔅ ᑭᔭ ᒪᒃ ᑕᐃᑭᑲᔅ ᐊᓐᑕ ᐊ ᑕᔨᓐ᙮ ᐃᔅᐱ ᒪᒃ ᑎᑯᓯᓂᒐ ᐅ ᓇᐸᐤ ᐊᓐᑕ ᐊ ᑕᔨᓐ, ᒐ ᑯᒋᑕᔨᓐ ᑎᐛᒡ ᒐᒋ ᐸᒋ ᓂᒋᔅᑯᔨᓐ ᐊᓐᑕ ᓂᑲᐳᓕᔅ ᐊ ᐃᓯᓂᐧᑲᑕᒡ ᐅᑕᓇᐤ ᐛᔅ ᐊᑯᑕ ᑲ ᐎ ᑕᔭᓐ ᐃᔅᑭᓐ ᐱᐳᓇ᙮

ᑕᐃᑕᔅ 3:12 ပူးပေါင်းရင်းမြစ်များ

ᐊᑈᔅᑕᓇᒡ 20:4

ᒋ ᒥᒐᑎᔪᐛ ᒪᒃ ᐊᓂᔭ ᑲ ᐎᒐᐅᑯᑦ᙮ ᓱᐸᑕᕐ ᒋ ᐃᓯᓂᐧᑲᓱᔪᐛ ᐊᓂᔭ ᐸᐃᒄ᙮ ᐸᐃᕋᔅ ᒋ ᐃᓯᓂᐧᑲᓱᔪᐛ ᐅᑕᐎᔭ ᐅ ᓱᐸᑕᕐ᙮ ᐸᕆᔭ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲ ᐅᒋᒡ᙮ ᐊᑯ ᒥᓐ ᓂᓱ ᐊᐛᔪᐛ ᐊᓐᑕ ᑕᓴᓗᓇᐃᑲᒡ ᐊ ᐅᒋᔨᒋ ᒋ ᐎᒐᐅᑯᐤ ᑈᓪ, ᐊᐅᑯᓐ ᐊᕆᔅᑕᕐᑲᔅ ᑭᔭ ᓴᑲᓂᑕᔅ᙮ ᐊᑯ ᒥᓐ ᐊᓐᑕ ᑎᕐᐱ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ᐸᐃᑯᓯᔪᐛ ᐊᓐᑕ ᐊ ᐅᒋᔨᒋ ᐊ ᐎᒐᐅᑯᑦ, ᐊᐅᒄ ᐅᔭ ᑲᐃᔭᔅ᙮ ᑎᒧᑎᔨᒋ ᑭᔭ ᒋ ᐎᒐᐅᑯᐤ᙮ ᐊᑯ ᓂᓱ ᒥᓐ ᐊᐛᔪᐛ ᐊᓐᑕ ᐊᐃᓴ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᐅᒋᔨᒋ ᒋ ᐎᒐᐅᑯᐤ, ᐊᐅᒄ ᐅᔭ ᑕᐃᑭᑲᔅ ᑭᔭ ᑐᕈᐱᒪᔅ᙮

1 ᑯᕆᓐᑎᔭᓇ 16:6

ᒂᔄᓐ ᐛᐃᐱᔅᒋᔅ ᓂᑭ ᑕᓐ ᐊᓐᑕ ᐊ ᑕᔭᒄ, ᑭᔭ ᒪᒃ ᐃᔅᑭᓐ ᐱᐳᓇ ᒐ ᑕᐛᓇ ᐊᓐᑕ ᐊ ᑕᔭᒄ᙮ ᐊᑯ ᒪᒃ ᒐᒋ ᐛᐎᒋᐃᔭᒄ ᑕᓐ ᒐ ᐃᓯ ᓂᑐᐛᔨᑎᒧᐛᓇ ᑕᓐᑕ ᒥᓐ ᒐ ᐃᑐᑕᐛᓇ᙮

ᐃᐱᓯᔭᓇ 6:21

ᑕᐃᑭᑲᔅ ᒋᑭ ᑎᑯᓯᓄᐤ ᓇᑕ ᐊ ᑕᐛᒄ ᒐᒋ ᐎᑎᒪᑕᒄ ᑕᓐ ᐊ ᐃᑐᒡ ᑭᔭ ᑕᓐ ᐊ ᐃᔅᐱᔪᒡ᙮ ᐊᐅᒄ ᐅ ᑲ ᓴᒋᐃᒃ ᒋᐧᑲᓂᓴᓄᐤ ᑭᔭ ᑯᐃᔅᒄ ᑲ ᐃᓯ ᐊᑐᔅᒐᑦ ᐅᑎᐸᔨᒋᒐᐛ ᐊ ᐊᑐᔅᑯᐛᑦ᙮

ᑯᓚᓯᔭᓇ 4:7

ᒋᐧᑲᓂᓯᓄᐤ ᑕᐃᑭᑲᔅ ᓇᔅᒡ ᑲ ᓴᒋᒋᒡ ᑭᔭ ᒧᔅ ᑯᐃᔅᒄ ᑲ ᐃᑎᑦ ᐊᔭᒥᐊᐤ ᐊᐱᒋᐊᑭᓐ ᓂ ᐎᒋ ᐊᑐᔅᒐᒥᑯᓇᓐ ᐊ ᐊᑐᔅᒐᔅᑐᐅᒥᒋᒋ ᐅᑎᐸᔨᒋᒐᐛ᙮ ᐎᔾ ᒋᑭ ᑎᐸᒋᒧᔅᑕᑯᐛᐤ ᑕᓐ ᐊ ᐃᑐᐅᒋᒡ᙮

2 ᑎᒧᑎ 4:12

ᑭᔭ ᑕᐃᑭᑲᔅ ᓇᒪ ᑕᐤ ᐅᑕ, ᐊᓐᑕ ᐃᐱᓴᔅ ᐊᑯᑕ ᑲ ᐃᑎᓴᐅᒃ᙮

2 ᑎᒧᑎ 4:21

ᓱᒃ ᑯᒋᑕ ᒐᒋ ᑎᑯᓯᓂᔨᓐ ᐊᔅᒄ ᐊᑲ ᐱᐳᒡ᙮ ᔪᐳᓚᔅ, ᐳᑕᓐᔅ, ᓚᐃᓇᔅ ᑭᔭ ᑲᓗᑎᔭ ᒥᓯᐛ ᒋ ᐛᒋᔭᒥᑯᐛᐅᒡ ᑭᔭ ᐊᓐᒡ ᑯᑎᑭᒡ ᒋᐧᑲᓂᓯᒡ ᒋ ᐛᒋᔭᒥᑯᐛᐅᒡ᙮

2 ᑎᒧᑎ 4:9

ᓱᒃ ᑯᒋᑕ ᐎᐱᒡ ᒐᒋ ᐸᒋ ᓂᑐ ᒋᔅᒐᔨᒥᔨᓐ᙮