ᑕᐃᑕᔅ 1:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᐊᐅᑯᐤ ᒪᒃ ᐛᑎᒋᐱᔨᒡ ᐊᓐᑕ ᐎᔾ ᒋᓴᒪᓂᑐᐤ ᑲ ᐃᑕᔨᑎᒥᐃᑯᑦ ᒐᒋ ᒋᔅᒐᔨᑕᑭᓄᐎᒡ ᒥᔽᒋᒧᐅᓂᔪᐤ᙮ ᐊᑯ ᒪᒃ ᒥᓯᐛ ᐊᐛᓐ ᐎᔭᐎᑎᒧᐅᒃ ᐅᔭ ᒥᔽᒋᒧᐅᓂᔪᐤ᙮ ᓂᔾ ᓂᒋ ᒥᔨᒄ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ ᒐᒋ ᐊᑐᔅᒐᔅᑎᒪᓐ ᐅ᙮

ᑕᐃᑕᔅ 1:3 ပူးပေါင်းရင်းမြစ်များ

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:15

ᐊ ᐃᔅᒋᔄᑦ, “ᐊᐅᑯᐤ ᐛᑎᒋᐱᔨᒡ ᐊᓐ ᐊ ᒋᓯᑲᒡ ᐊ ᐸᓱᓇᑯᓂᔨᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮ ᒂᔅᑲᑎᓯᒄ, ᓂᑭᑎᒥᒄ ᒋᒥᒋᑥᐅᓄᐛᐛ, ᑕᑈᑎᒧᒄ ᒥᔽᒋᒧᐅᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:10

ᐊᔅᒄ ᒪᒃ ᐊᑲ ᐃᔅᐱᔭᒂ ᐅ, ᓂᔅᑎᒻ ᒋᐸ ᑭᒐᔅᒋᒪᑭᓄᐎᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᐊ ᐛᐎᑎᒧᐛᑭᓄᐎᒡ ᒥᔽᒋᒧᐅᓂᔪᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:15

ᐊᑯ ᒂ ᐃᑕᑦ, “ᒪᒋᒄ ᒥᓯᐛ ᐊ ᐃᔅᐱᑎᔅᑭᒥᑲᒡ ᐅ ᐊᔅᒋᔾ ᒐ ᑭᒐᔅᒋᒧᔭᒄ ᐊ ᐛᐎᑎᒪᒄ ᐅ ᒥᔽᒋᒧᐅᓐ ᒥᓯᐛ ᐊᐛᓐ ᒐᒋ ᐸᑕᐧᒃ᙮

ᓗᒃ 1:47

ᑭᔭ ᓇᔅᒡ ᑕᑈ ᓂ ᓯᒋᔭᓯᓐ ᐊ ᒪᒥᑐᓇᔨᑎᒥᐃᑯᐅᒡ ᐊᓂᔭᔪᐛ ᑕᓐ ᑲ ᐃᓯ ᐃᑐᑎᒧᐅᑦ ᒋᓴᒪᓂᑐᐤ ᓂᐱᒪᒋᐃᐛᒻ᙮

ᐊᑈᔅᑕᓇᒡ 10:36

ᒋᔅᒐᔨᑕᓇᐛᐤ ᐊᓐ ᐃᔨᒧᐅᓐ ᒋᓴᒪᓂᑐᐤ ᑲ ᐃᑎᓴᒧᐛᑦ ᐃᔅᕋᐃᓪ ᐃᔪᐛ, ᐊ ᐛᐎᑎᒧᐛᑦ ᒥᔽᒋᒧᐅᓂᔪᐤ ᐊᓐᑕ ᒐᒋ ᐅᒋ ᐊᔭᔨᒋ ᒋᔭᒪᔨᑎᒧᐅᓂᔪᐤ ᒋᓴᔅ ᙭ᑕ ᐅᒡ᙮ ᐛᔅ ᐎᔾ ᒋᓴᔅ ᒥᓯᐛ ᐊᔭᐤ ᑎᐸᔨᒋᒐᐅᓂᔪᐤ᙮

ᐊᑈᔅᑕᓇᒡ 17:26

ᐸᐃᒄ ᓇᐸᐛ ᐅᒋ ᐊ ᑕᔨᒋ ᒋ ᐅᒋ ᐅᓯᐊᐤ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᓂᓇᐧᑯᐤ ᒐᒋ ᐃᓯ ᑕᔨᒋ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐅᔭ ᐊᔅᒋᔪᐤ᙮ ᓂᑲᓐ ᒪᒃ ᒋ ᐎᔭᔨᑎᒧᐛᐤ ᑕᐃᔅᐱ ᒐ ᑕᔨᒋ ᐊᓐᑕ ᑭᔭ ᑕᓐ ᒐ ᐃᔅᑯᓯᓇᑕᔨᒡ ᐊᔅᒋᔪᐤ ᐊᓐᑕ ᒐ ᑕᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:19

ᑕᓐ ᑲ ᐃᓯ ᐛᐸᑎᔭᑭᓄᐎᒡ ᐛᐸᑎᔨᐛᐅᓇ ᑭᔭ ᐊ ᒥᔅᑲᑕᔨᑕᑯᓂᔨᒋ ᒐᒂᔪᐛ ᐊ ᓱᒐᔨᑕᑯᓂᔨᒋ, ᑭᔭ ᐊᓂᔭ ᑕᓐ ᑲ ᐃᓯ ᒥᔨᑦ ᓱᐧᑲᑎᓯᐅᓂᔪᐤ ᑲ ᐸᔭᒋᓯᑦ ᐊᒐᐧᒄ ᐊᑯᑕ ᑲ ᐅᒋ ᐎᐧᑯᒋᐊᑭᓄᐎᒡ᙮ ᒥᓯᐛ ᐊᓐᑕ ᑲ ᐃᑐᑕᔭᓐ ᒋᕈᓯᓕᒥᒡ ᐊᓐᑕ ᒪᒃ ᐃᔅ ᐃᓕᕆᑲᒻ ᐊᔅᒋᒡ ᓂᒋ ᐛᐎᑎᒺᓐ ᒋᓴᔅ ᙭ ᐅᒥᔽᒋᒧᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:25

ᒪᒥᒋᒪᑕᐤ ᒋᓴᒪᓂᑐᐤ᙮ ᐛᔅ ᐎᔾ ᐊᐅᒄ ᑲᔅᒋᐅᑦ ᒐᒋ ᐊᔨᒋᑲᐳᐃᑕᒄ ᒋᐱᒪᑎᓯᐅᓄᐛᒡ ᐊᓐᑕ ᐅᒋ ᑕᓐ ᑲ ᐃᓯ ᐛᐎᑎᒪᑎᑯᒡ ᒥᔽᒋᒧᐅᓐ᙮ ᐊᑯᑕ ᐊ ᐊᔨᒧᒪᑭᓄᐅᑦ ᐅ ᒋᓴᔅ ᙭ ᑲ ᑎᐸᒋᒥᒃ᙮ ᐊᐅᒄ ᒪᒃ ᐅᔭ ᒥᔽᒋᒧᐅᓂᔪᐤ ᓇᒪ ᐅᒋ ᐱᔅᑎᓂᒻ ᒋᓴᒪᓂᑐᐤ ᒐᒋ ᒋᔅᒐᔨᑕᑭᓄᐎᒡ ᐊᓐᑕ ᐸᒋ ᐛᔅᑭᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:26

ᐊᓄᒡ ᒪᒃ ᓴᔅ ᒋ ᒋᔅᒐᔨᑕᓇᓄᐤ ᐅ ᒥᔽᒋᒧᐅᓐ᙮ ᒋᓴᒪᓂᑐᐤ ᑲᒋᒡ ᐊ ᑕᑦ ᒋ ᐃᑎᓱᒪᐤ ᐊᓂᔭᐧᑲ ᐅᒋᔅᒋᐛᐃᒐᓯᒪ ᒐᒋ ᐊᔨᒧᑎᒥᔨᒋ ᐅᔭ ᒥᔽᒋᒧᐅᓂᔪᐤ ᐊᓐᑕ ᐅᑦ ᐃᔨᒧᐅᓂᒡ ᐊᑎ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᐅᑕ ᐊᔅᒋᒡ ᒐᒋ ᒋᔅᒐᔨᑎᒥᐊᑭᓄᐎᒡ ᐊᓂᔭ ᒥᔽᒋᒧᐅᓂᔪᐤ ᑭᔭ ᒐᒋ ᑕᑈᔭᔨᒪᒡ ᑭᔭ ᒐᒋ ᓂᓇᐃᑐᐛᒡ ᒋᓴᒪᓂᑐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:6

ᐛᔅ ᐊᓐᑕ ᒪᒂᒡ ᑲ ᐃᓯᓇᑯᓯᔭᐧᒄ ᐊᑲ ᓇᔅᒡ ᒐᒋ ᐱᒪᒋᐃᓱᔭᐧᒄ, ᙭ ᒋ ᓂᐱᔅᑎᒧᐛᐤ ᒋᐱᔭᑎᑯᒡ ᐅᒥᒋᑥᐛ᙮ ᐊᓐᑕ ᒪᒃ ᒋᓴᒪᓂᑐᐛ ᑲ ᐎᔭᔨᑎᒥᔨᒋ ᐅᔭ ᒐᒋ ᐃᑐᑎᒪᑕᐧᒄ ᐊᑯᑕ ᑲ ᓂᐱᔅᑎᒪᑕᐧᒄ᙮

1 ᑯᕆᓐᑎᔭᓇ 9:17

ᓂᔾ ᒋ ᐃᑕᔨᑎᒪᓇᒂ ᒐᒋ ᐛᐎᑎᒪᓐ ᒥᔽᒋᒧᐅᓐ, ᑭᑈ ᓂᐸ ᐱᑯᓴᔨᑕᓐ ᒐᒋ ᑎᐸᐊᒪᑯᐅᔭᓐ᙮ ᒥᒄ ᒪᒃ ᒋᓴᒪᓂᑐᐤ ᐎᔾ ᓂᒋ ᒥᔨᒄ ᐅᔭ ᒐᒋ ᐃᓯ ᐊᑐᔅᒐᔅᑎᒧᒡ ᒥᔽᒋᒧᐅᓂᔪᐤ ᐊᐅᒄ ᒪᒃ ᐅ ᐛᒋ ᐛᐎᑎᒪᓐ᙮

ᑲᓚᓯᔭᓇ 4:4

ᐃᔅᐱ ᒪᒃ ᑕᑈ ᐛᑎᒋᐱᔨᒡ ᐊᓐᑕ ᑲ ᐃᑕᔨᑎᒥᑯᐱᓇ ᒋᓴᒪᓂᑐᐤ ᒐᒋ ᐸᒋ ᐃᑎᓴᐛᑦ ᐅᑯᓴ, ᒋ ᐸᒋ ᐃᑎᓴᐛᐤ ᐅᑕ ᐊᔅᒋᒡ᙮ ᐃᔎᐛ ᐊ ᑕᔨᒋ ᒋ ᐅᒋ ᐱᒪᑎᓯᐤ᙮ ᒍᐤ ᒋ ᐃᑎᔅᑲᓇᓱᐤ ᑭᔭ ᒂ ᓂᑐᐛᔨᑕᑯᓯᑦ ᒐᒋ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ᙮

ᐃᐱᓯᔭᓇ 1:10

ᐃᔅᐱ ᒪᒃ ᐅᑎᒋᐱᔨᒐ ᐊᓐᑕ ᒐ ᑎᐸᐱᔨᒡ ᐊᓂᔭ ᑲ ᐎ ᐃᑐᑕᐧᒃ ᒋᓴᒪᓂᑐᐤ ᒋᑭ ᒪᒧᐅᓂᒻ ᒥᓯᐛ ᒐᒂᔪᐤ ᙭ᑕ ᒐ ᓂᑲᓂᔅᑭᒥᔨᒋ, ᒥᓯᐛ ᑕᓐ ᐊ ᐃᓯ ᑎᑯᓂᔨᒡ ᒋᒋᒋᓯᑯᒡ ᑭᔭ ᐅᑕ ᐊᔅᒋᒡ᙮

ᐃᐱᓯᔭᓇ 2:17

ᐊᑯ ᒪᒃ ᙭ ᑲ ᑎᑯᓯᐧᒃ, ᐊ ᑭᒐᔅᒋᒧᑦ ᒋᔭᒪᔨᑎᒧᐅᓂᔪᐤ ᐊ ᐊᔨᒧᑕᐧᒃ ᐊᓐᑕ ᒐᒋ ᐅᒋ ᓂᓇᐊᔨᒥᑐᔨᒋ ᐊᓂᔭ ᑲ ᐸᓱᐛᐱᒪᔨᒋ ᒋᓴᒪᓂᑐᐛ ᑭᔭ ᐊᓂᔭᔪᐛ ᑲ ᐊᔭᐛᐱᒪᔨᒋ ᒋᓴᒪᓂᑐᐛ᙮

ᐱᓕᐱᔭᓇ 1:13

ᒧᔭᒻ ᒥᓯᐛ ᐊᓐᒡ ᐊᓯᒪᑭᓂᓯᒡ ᑲ ᓂᓇᑭᑐᐛᔨᑕᒡ ᒋᓴᐅᒋᒪᐛ ᐎᒋᔪᐤ ᑭᔭ ᑯᑎᑭᒡ ᐊᐛᓐᒋ ᐅᑕ ᐊᑕᒡ ᒋᔅᒐᔨᑎᒧᒡ ᐊ ᐊᑐᔅᒐᔅᑐᐅᒥᒋ ᙭ᑕ ᐛᒋ ᑕᐅᒡ ᐅᑕ᙮

ᑯᓚᓯᔭᓇ 1:23

ᒋ ᓂᑐᐛᔨᑕᑯᓯᓇᐛᐤ ᔭᐃᑕᔾ ᒐᒋ ᑭᓄᐛᔨᑎᒪᒄ ᑕᓐ ᐊ ᐃᓯ ᑕᑈᑎᒪᒄ ᐅ ᒥᔽᒋᒧᐅᓐ, ᐛᔅ ᐊᑯᑕ ᐅ ᐛᒋ ᒐᔅᑎᓇᒋᑲᐳᐅᔭᒄ᙮ ᐊᑲᐎᔾ ᒪᒃ ᒋᑭ ᐅᒋ ᐃᓯᓇᑯᓯᓇᐛᐤ ᒐᒋ ᐊᑎ ᐅᓂᑕᔭᒄ ᐊᓐ ᐊᔅᐸᔨᒧᐅᓐ ᑲ ᐊᔭᔭᒄ ᐃᔅᐱ ᑲ ᐸᑎᒪᒄ ᒥᔽᒋᒧᐅᓐ᙮ ᐛᔅ ᓴᔅ ᒥᔅᑎ ᒥᓯᑕ ᒋ ᐃᑐᑕᑭᓄᐤ᙮ ᑭᔭ ᓂᔾ ᑈᓪ ᓂ ᐎᒋᐃᐛᓐ ᐊ ᐱᐸᒧᑕᑭᓄᐅᒡ ᐅ ᒥᔽᒋᒧᐅᓐ᙮

ᑯᓚᓯᔭᓇ 1:6

ᐅ ᒥᔽᒋᒧᐅᓐ ᒧᓯᓇᐤ ᐱᒥᐱᔪᐤ ᓱᐛᔨᒋᒐᐅᓐ ᐊᓐᑕ ᐅᒋ ᑭᔭ ᒧᓯᓇᐤ ᒥᓯᑕᐱᔪᐤ ᐊ ᐛᐎᑕᑭᓄᐅᒡ ᒥᓯᐛ ᐊ ᐃᔅᐱᑎᔅᑭᒥᑲᒡ ᐅᑕ ᐊᔅᒋᒡ᙮ ᐊᐅᑯᓐ ᒪᒃ ᐊ ᐃᓯᓇᒂᒡ ᒥᔽᒋᒧᐅᓐ ᐊᓐᑕ ᒪᒂᒡ ᐊ ᑕᔭᒄ ᐃᔅᐱ ᑲ ᐸᑎᒪᒄ ᐊ ᐊᔨᒧᑕᑭᓄᔨᒋ ᒋᓴᒪᓂᑐᐤ ᐅᒋᓴᐛᑎᓯᐅᓐ ᑭᔭ ᑲ ᓂᔅᑐᑎᒪᒄ ᑕᓐ ᐊᓐ ᐊ ᐃᑕᔨᑕᑯᓂᔨᒡ᙮

1 ᑕᓴᓗᓂᔭᓇ 2:4

ᐃᔭᐱᒡ ᒧᔅ ᒥᒄ ᑕᓐ ᐊ ᐃᓯ ᓂᑐᐛᔨᒥᔨᒥᑦ ᒋᓴᒪᓂᑐᐤ ᒐᒋ ᐃᓯ ᐛᐎᑎᒧᒋᒡ ᐊᑯᓐ ᐊ ᐃᓯ ᐛᐎᑎᒪᒡ, ᐛᔅ ᐎᔾ ᓂᒋ ᐃᑕᔨᒥᑯᓇᓐ ᐊ ᑕᑈᐅᒐᔨᑕᑯᓯᔭᒡ ᒐᒋ ᐊᑐᔅᒐᔅᑎᒧᒋᒡ ᒥᔽᒋᒧᐅᓂᔪᐤ᙮ ᐊᑯ ᒪᒃ ᐎᔭᐎᑎᒪᒡ, ᓇᒪ ᐎ ᓇᐸᐤ ᐊ ᐎ ᓇᐊᔨᑎᒥᐃᒋᒡ, ᒋᓴᒪᓂᑐᐤ ᐊᐅᒄ ᒐᒋ ᓇᐊᔨᑎᒥᐃᒋᒡ ᐛᔅ ᐎᔾ ᒋ ᓂᑐ ᒋᔅᒐᔨᒥᑯᓄᐤ ᑕᓐ ᐊ ᐃᑐᐛᐧᒄ᙮

1 ᑎᒧᑎ 1:1

ᐊᐅᒄ ᓂᔾ ᑈᓪ, ᒋᓴᔅ ᙭ ᐅᑦ ᐊᑈᔅᑕᓂᒪ᙮ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ ᓂᒋ ᐃᑎᓱᒥᒄ ᒐᒋ ᐊᔨᒧᒥᒋ ᒋᓴᔅ ᙭ᑕ ᐊᓐ ᐊᐛᓐ ᐊ ᑕᑦ ᐛᒋ ᐊᔭᔭᐧᒄ ᐊᔅᐸᔨᒧᐅᓐ᙮

1 ᑎᒧᑎ 1:11

ᐅ ᒥᔪ ᒋᔅᑯᑎᒪᒐᐅᓐ ᐊᓐᑕ ᒥᔽᒋᒧᐅᓂᒡ ᐅᒋᐱᔪᐤ᙮ ᐊᐅᒄ ᒥᔽᒋᒧᐅᓐ ᑲ ᒥᔨᑯᔭᓐ ᒐᒋ ᐛᐎᑎᒪᓐ᙮ ᐊᓐᑕ ᒪᒃ ᐊᓐ ᑲ ᒋᔅᑕᔨᑕᑯᓯᑦ ᑭᔭ ᑲ ᓱᐛᔨᑕᑯᓯᑦ ᒋᓴᒪᓂᑐᐤ ᐊ ᑕᑦ ᐊᑯᑕ ᐛᒋᐱᔨᒡ᙮

1 ᑎᒧᑎ 2:3

ᐊᐅᒄ ᐅᔭ ᐊ ᐃᓯ ᒥᔪᓇᐧᒃ ᑭᔭ ᓂᐊᔨᑎᒥᐃᑯᑦ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ,

1 ᑎᒧᑎ 4:10

ᐊᐅᒄ ᒪᒃ ᐛᒋ ᓱᒃ ᐃᔭᐱᒡ ᐃᑕᔨᑎᒥᐃᑯᔭᐧᒄ ᐅ ᑕᓐ ᐊ ᐃᑕᐱᑎᓯᔭᐧᒄ ᐊᑎ ᐊ ᐊᔨᒥᐅᔭᐧᒄ ᐛᔅ ᒋᑦ ᐊᔅᐸᔨᒧᑐᑐᐛᓄᐤ ᒋᓴᒪᓂᑐᐤ ᑲ ᐱᒪᑎᓯᑦ, ᐊᓐ ᑲ ᓂᑐᐛᔨᒪᑦ ᒥᓯᐛ ᐊᐛᔪᐛ ᒐᒋ ᐱᒪᒋᐎᒋ ᑭᔭ ᑲ ᐱᒪᒋᐊᑦ ᒥᓯᐛ ᐊᓂᔭ ᑲ ᑕᑈᔭᔨᒥᑯᑦ᙮

2 ᑎᒧᑎ 4:17

ᒥᒄ ᒪᒃ ᐅᑎᐸᔨᒋᒐᐤ ᓂᒋ ᐎᒋᑲᐳᐅᔅᑕᒄ ᑭᔭ ᐎᔾ ᓂᒋ ᒥᔨᒄ ᓱᐧᑲᑎᓯᐅᓂᔪᐤ᙮ ᒋ ᐃᔅᐱᔪᐤ ᒪᒃ ᐃᔭᐱᒡ ᓇᔅᒡ ᒐᒋ ᐛᐎᑎᒧᒡ ᐅᔭ ᒥᔽᒋᒧᐅᓂᔪᐤ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᐅᒋ ᐸᑕᒡ, ᑭᔭ ᓂᒋ ᐎᐧᑯᒋᐃᑯᐅᓐ ᒐ ᐊᑲ ᒋ ᒧᐅᑦ ᒥᓯᐱᓱᐤ᙮

ᑕᐃᑕᔅ 2:10

ᒪᒃ ᒐᒋ ᑭᒐᒧᑎᒧᐛᒡ᙮ ᒋᐸ ᓄᑯᑕᐅᒡ ᐊ ᐃᔅᐱᔅ ᒥᔪ ᐊᐱᑎᓯᒡ ᑭᔭ ᐊᔅᐱᔅ ᑯᐃᔅᒄ ᐃᑎᒡ ᑭᔭ ᒐ ᒋᔅᑕᔨᑕᑭᓄᔨᒋ ᐊᓂᔭ ᑕᓐ ᐊ ᐃᓯ ᒋᔅᑯᑎᒪᒐᓄᐎᒡ ᒋᓴᒪᓂᑐᐛ ᒋᐱᒪᒋᐃᐛᒥᓄᐛ ᐊ ᐊᔨᒧᒪᑭᓄᔨᒋ᙮

ᑕᐃᑕᔅ 2:13

ᐊᐅᒄ ᐊ ᐃᓯ ᐱᒪᑎᓯᔭᐧᒄ ᐊ ᐊᓱᐛᐸᑎᒪᐧᒄ ᒐᔅᑎᓇᔅ ᒐ ᐃᔅᐱᔨᒡ ᐊᓐ ᐊ ᓱᐛᔨᑕᒂᒡ ᐊ ᒋᓯᑲᒡ ᒐ ᑎᑯᓯᐧᒃ ᐊᓐ ᑲ ᓱᐧᑲᑎᓯᑦ ᒋᓴᒪᓂᑐᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐊ ᐸᒋ ᓄᑯᓯᑦ ᐅᒋᔅᑕᔨᑕᑯᓱᐅᓂᒡ᙮

ᒋᔅᒐᔨᑕᑯᑕᒐᐅᓐ 14:16

ᐊᑯ ᐊᓐ ᑲ ᑕᑎᐱᑦ ᐊᓂᔭᔪᐛ ᑭᔅᑯᐅᓂᔎ, ᑲ ᐛᐱᐱᔨᑕᑦ ᐊᓂᔭ ᐅᒥᔅᑯᓯᐅ-ᒧᐧᑯᒪᓐ ᐊᓐᑕ ᐃᔅ ᐊᔅᒋᒡ᙮ ᒥᓯᐛ ᒪᒃ ᐊ ᐃᔅᐱᓴᔨᒡ ᐊᔅᒋᔪᐤ ᒋ ᒋᒥᓯᒻ ᑕᓐ ᑲ ᐃᓯ ᓂᑕᐅᒋᓂᔨᒡ᙮