ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᒋᔾ ᒪᒃ ᐎ, ᒍᐤ ᑲ ᐃᑎᔅᑲᓇᓯᔨᓐ ᒥᔅᑯᒡ ᒋᑦ ᐃᑕᔨᑕᓐ ᐊ ᒥᔪ ᑭᓄᐛᐱᒥᔅᒃ ᒋᓴᒪᓂᑐᐤ ᒥᒄ ᐊᓂᔭ ᐊ ᒋᔅᒐᔨᑎᒧᑦ ᒧᓱᔅ ᐅᐎᓱᐛᐅᓐ᙮ ᑭᔭ ᒋ ᒪᒥᒋᒧᓐ ᒋᓴᒪᓂᑐᐤ ᐊ ᐅᑦ ᐃᔨᒥᑐᑕᔅᒃ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:17 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 135:4

ᐛᔅ ᑎᐸᔨᒋᒐᓱᐤ ᒋ ᐛᐛᔭᐸᑎᒪᓱᐤ ᒐᑭᐸ, ᑭᔭ ᐃᔅᕋᐃᓚ ᒐᒋ ᐅᒋ ᐛᔪᑎᓯᐅᓂᑦ᙮

ᒪᑎᔪᐤ 3:9

ᑭᔭ ᐊᑲᐎᔾ ᐃᑕᔨᑎᒧᒄ ᒐ ᐊᑲ ᐅᒋ ᐛᐛᓯᐃᑕᒄ ᒋᓴᒪᓂᑐᐤ ᐊ ᐅᓂᑐᑎᒪᒄ ᒥᒄ ᐊᑉᕋᐊᒻ ᐊ ᑕᑦ ᐊ ᐅᒋᔭᒄ᙮ ᒋ ᐎᑎᒪᑎᓇᐛᐤ, ᒋᓴᒪᓂᑐᐤ ᒋᑭ ᒋ ᐃᑐᑐᐛᐤ ᐅᔭᔪᐛ ᐊᓯᓂᔭ ᑲ ᐃᑎᐱᔨᒋ ᒐᒋ ᐅᒋ ᐅᓯᐊᑦ ᐊᐛᔪᐛ ᐊᑉᕋᐊᒪ ᒐ ᐅᑦ ᐊᐛᓯᒥᔨᒋ᙮

ᓗᒃ 10:28

ᒋᓴᓴ ᒪᒃ ᒋ ᐃᑎᑯᐤ, “ᒋ ᑕᑈᓐ ᐊᓐ ᑲ ᐃᔅᒋᔄᔨᓐ᙮ ᒥᓯᐛ ᐊᓐ ᐃᑐᑎᒥᓇ ᒋᑭ ᐊᔭᓐ ᑲᒋᒡ ᐱᒪᑎᓯᐅᓐ᙮”

ᒠᓐ 5:39

ᐃᔭᒂ ᒋ ᓇᓂᑐ ᒋᔅᒐᔨᑕᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊ ᐃᑕᔨᑎᒪᒄ ᐊᑯᑕ ᐊᓐᑕ ᒐᒋ ᐅᒋ ᒋᔅᒐᔨᑎᒪᒄ ᑕᓐᑕ ᒐᒋ ᐅᒋ ᐊᔭᔭᒄ ᑲᒋᒡ ᐱᒪᑎᓯᐅᓐ᙮ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑯᑕ ᑕᐸᒋᒥᑯᐅᔭᓐ ᓂᔾ ᐊ ᐊᐎᔭᓐ ᙭᙮

ᒠᓐ 5:45

“ᐊᑲᐎᔾ ᐃᑕᔨᑎᒧᒄ ᒐ ᒪᒥᓯᒥᑎᑯᒡ ᐊᓐᑕ ᐅᑕᐎᒪᐤ ᐊ ᑕᑦ᙮ ᒧᓱᔅ ᐊᐅᒄ ᒐ ᒪᒥᓯᒥᑕᒄ ᐊᑎ ᐊ ᐃᑕᔨᑎᒪᒄ ᓂᒥᔪᑐᑕᓇᓐ ᒥᒄ ᒧᓱᔅ ᐅᐎᓱᐛᐅᓐ ᐊ ᓂᓇᐃᑎᒺᒄ᙮

ᒠᓐ 7:19

ᓇᒪᐎᔾ ᐊ ᒧᓱᔅ ᒋ ᐅᒋ ᒥᔨᑯᐛᐤ ᐊᓂᔭ ᐎᓱᐛᐅᓂᔪᐤ ᑲ ᐊᔭᐛᒄ᙮ ᓇᒪ ᒪᒃ ᐛᐛᒡ ᐸᐃᒄ ᐊᓐᑕ ᐊ ᑎᓯᔭᒄ ᒋ ᓂᓇᐃᑕᓇᐛᐤ ᐊᓐ ᐎᓱᐛᐅᓐ᙮ ᒐᒂᓐ ᒪᒃ ᐛᒋ ᐎ ᐸᒋ ᓂᐸᐃᔭᒄ ?”

ᒠᓐ 8:33

ᐊᑯ ᒂ ᐃᑕᒡ, “ᐊᓂᔭ ᐊᑉᕋᐊᒻ ᐊ ᑕᑦ ᓂᒋ ᐅᒋ ᐊᓂᔅᒐ ᐱᒪᑎᓯᓇᓐ, ᓇᒪ ᓂᑕ ᓂ ᐅᒋ ᐊᐱᒋᐊᑭᓂᑐᑕᑯᓇᓐ ᐊᐛᓐ᙮ ᒐᒂᓐ ᒪᒃ ᐛᒋ ᐃᔅᒋᔄᔨᓐ ᒋᑭ ᐊᐱᐧᑯᓂᑯᓇᐛᐤ ?”

ᒠᓐ 8:41

ᐊᐅᑯᓐ ᐊ ᐃᑎᔭᒄ ᑕᓐ ᐊ ᐃᑎᑦ ᒍᑕᐎᐛᐤ᙮” ᐊᑯ ᒥᓐ ᒂ ᐃᓯ ᐎᑎᒧᐛᒡ ᐊ ᐃᑕᒡ, “ᒋᓴᒪᓂᑐᐤ ᐊᐅᒄ ᒥᒄ ᐊ ᐸᐃᑯᓯᑦ ᐊ ᐅᑕᐎᔭᒡ᙮ ᓇᒪ ᓂᑐᐎᔾ ᓂ ᐅᒋᓇᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:23

ᒥᓐ ᑯᑎᒡ ᒐᒂᓐ᙮ ᓇᔅᒡ ᒋ ᓂᓇᐸᐅᒧᓐ ᐊ ᐊᔭᐅᑦ ᒋᓴᒪᓂᑐᐤ ᐅᐎᓱᐛᐅᓐ᙮ ᒥᒄ ᒪᒃ ᓄᐛᒡ ᒋ ᒪᔭᔨᒪᐤ ᒋᓴᒪᓂᑐᐤ ᐊᑲ ᓂᓇᐃᑎᒧᑦ ᐅᐎᓱᐛᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:27

ᑕᓐ ᒪᒃ ᒐᒋ ᐃᓯ ᓂᓇᐸᐅᒧᑦ ᐊᑯ ᐊᐛᓐ᙮ ᓇᒪ ᓇᔅᒡ ᑎᑯᓂᔪᐤ ᑕᓐ ᒐᒋ ᐃᓯ ᓂᓇᐸᐅᒧᑦ᙮ ᓇᒪ ᐊᐛᓐ ᒋᑭ ᒋ ᑕᐤ ᐊ ᑯᐃᔅᑯᓇᑯᓯᑦ ᒥᒄ ᐊ ᓂᓇᐃᑕᐧᒃ ᐎᓱᐛᐅᓂᔪᐤ᙮ ᐛᔅ ᐊ ᑕᑈᔭᔨᒪᑦ ᐊᐛᓐ ᒋᓴᓴ ᐊᑯᑕ ᒥᒄ ᐅᑯᐃᔅᑯᑕᑎᓯᐤ ᒐᒋ ᐃᓯ ᑭᓄᐛᐱᒥᑯᑦ ᒋᓴᒪᓂᑐᐛ, ᓇᒪ ᐎ ᐊ ᓂᓇᐃᑎᒺᑦ ᐅᐎᓱᐛᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:32

ᒐᒂᔪᐤ ᒪᒃ ᐛᒋ ᐊᑲ ᐅᑯᐃᔅᑯᑕᑎᓯᐅᒡ ᐅᒋ ᐃᓯ ᑭᓄᐛᐱᒧᑯᒡ ᒋᓴᒪᓂᑐᐛ᙮ ᓇᒪ ᐅᒋ ᑕᑈᔭᔨᒪᐅᒡ ᒋᓴᒪᓂᑐᐛ ᒐᒋ ᑯᐃᔅᑯᓇᑯᐃᑯᒡ᙮ ᐊᐅᒄ ᒪᒃ ᐅᔭ ᐛᒋ ᐊᑲ ᐅᑯᐃᔅᑯᑕᑎᓯᐅᒡ ᐅᒋ ᐃᓯ ᑭᓄᐛᐱᒥᑯᐅᒡ ᒋᓴᒪᓂᑐᐛ᙮ ᒋ ᐃᑕᔨᑎᒧᒡ ᐊ ᒥᔪᑐᑎᒪᒡ ᒋᑭ ᐅᒋᐱᔪᐤ ᐅᑯᐃᔅᑯᑕᑎᓯᐅᒡ ᒐᒋ ᐃᓯ ᑭᓄᐛᐱᒥᔨᒥᑦ ᒋᓴᒪᓂᑐᐤ᙮ ᐊᑯ ᒪᒃ ᑲ ᐱᓱᔅᑯᐛᒡ ᐊᓂᔭᔪᐛ ᐊᓯᓂᔭ ᑲ ᐱᔅᑎᓇᑭᓄᔨᒋ ᒐ ᐱᓱᓯᒧᐛᔨᒋ᙮

2 ᑯᕆᓐᑎᔭᓇ 11:22

ᒋᒋᐛ ᐊ ᐃᑕᔨᒥᓱᒡ ᒍᐤ ᑲ ᐃᑎᔅᑲᓇᓯᒡ ? ᑭᔭ ᓂᔾ ᒍᐤ ᓂᑦ ᐃᑎᔅᑲᓇᓯᓐ᙮ ᒋᒋᐛ ᐊ ᐃᑕᔨᒥᓱᒡ ᐊᓂᔭ ᐃᔅᕋᐃᓪ ᐊ ᐅᒋᒡ ? ᑭᔭ ᓂᔾ ᐊᑯᑕ ᐛᒋᔭᓐ᙮ ᒋᒋᐛ ᐊ ᐃᑕᔨᒥᓱᒡ ᒥᒄ ᐊᑉᕋᐊᒪ ᐊ ᑕᔨᒋ ᐊᒋ ᐅᒋ ᐊᓂᔅᒐ ᐱᒪᑎᓯᒡ ? ᓂᔾ ᑭᔭ ᐊᑯᑕ ᑲ ᐅᒋ ᐊᓂᔅᒐ ᐱᒪᑎᓯᔭᓐ᙮

ᑲᓚᓯᔭᓇ 2:15

ᒍᐤ ᓂᑦ ᐃᑎᔅᑲᓇᓯᓇᓐ, ᓇᒪᔭᐅᒡ ᓂᔭᓐ ᐃᔭᒡ ᑲ ᐃᑎᔅᑲᓇᓯᒡ ᐊᐛᓐᒋ ᑲ ᒥᒐᑎᓯᒡ᙮

ᐃᐱᓯᔭᓇ 2:11

ᒋᔅᒋᓯᒄ ᒪ ᐅ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᑕᓐ ᑲ ᐸᒋ ᐃᓯᓇᑯᓯᔭᒄ ᐊᓐᑕ ᐸᒡ, ᒋᔨᐛᐤ “ᐊᑲ ᒋᔅᒋᓄᐛᒋᔄᑭᓄᐎᒡ” ᑲ ᐃᓯᓂᐧᑲᑎᑕᑯᒡ ᐊᓐᒡ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᒡ ᐊᒋ ᒋᔅᒋᓄᐛᒋᔄᑭᓄᐎᒡ, ᐎᔪᐛᒡ ᑲ ᒪᑎᓱᑯᒡ ᑯᑎᑲ ᐊᐛᔪᐛ;

ᒋᔅᒐᔨᑕᑯᑕᒐᐅᓐ 2:9

ᓂ ᒋᔅᒐᔨᑕᓐ ᑕᓐ ᐊ ᐃᓯ ᓂᓇᐧᑲᑕᔨᒧᐃᑯᔭᒄ᙮ ᓂ ᒋᔅᒐᔨᑕᓐ ᐊ ᒋᔅᑎᒪᑎᓯᔭᒄ ᒥᒄ ᒪᒃ ᐃᔭᐱᒡ ᒋ ᐛᔪᑎᓯᓇᐛᐤ᙮ ᓂ ᒋᔅᒐᔨᑕᓐ ᑕᓐ ᐊᔅᐱᔅ ᒥᒋ ᐊᔨᒧᒥᑕᑯᒡ ᐊᓐᒡ ᒍᐤ ᓂᑦ ᐃᑎᔅᑲᓇᓯᓇᓐ ᑲ ᐃᔅᒋᔄᒡ, ᐊᑲ ᒪᒃ ᒍᐤ ᐃᑎᔅᑲᓇᓯᒡ᙮ ᒥᒋᒥᓂᑐᐤ ᐊ ᑕᔨᒋ ᐅᒋᐅᒡ ᐊᓐᒡ᙮

ᒋᔅᒐᔨᑕᑯᑕᒐᐅᓐ 3:1

“ᐊᑯ ᒥᓐ ᒂ ᐃᑎᑯᔭᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᓴᕐᑎᔅ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᑎᐸᔨᒪᑦ ᐊᓂᔭᔪᐛ ᓂᔄᐅᑕᒡ ᐊᒐᒂ ᑲ ᐊᑐᔅᑯᐛᔨᒋ ᒋᓴᒪᓂᑐᐛ, ᐊᓐ ᑲ ᑕᐧᑯᓇᑦ ᓂᔄᐅᑕᒡ ᐅᒐᑭᑕᒂ᙮ ᒋ ᒋᔅᒐᔨᒥᑎᓇᐛᐤ ᒥᓯᐛ ᑕᓐ ᐊ ᐃᑎᔭᒄ, ᐃᑕᐤ᙮ ᒋ ᒋᔅᒐᔨᒥᑎᓇᐛᐤ ᐊ ᐃᑕᔨᒥᑯᔭᒄ ᑕᑈ ᐊᒐᐧᑯᐅᓂᒡ ᐊ ᐃᓯ ᐱᒪᑎᓯᔭᒄ, ᒥᒄ ᒪᒃ ᒋ ᓂᐱᓇᐛᐤ᙮

ᒋᔅᒐᔨᑕᑯᑕᒐᐅᓐ 3:9

ᓂᑭ ᐃᑐᑐᐛᐅᒡ ᒐᒋ ᐅᒋᒋᐧᑯᓂᐱᔪᐅᒡ ᐊ ᒋᔅᑕᔨᒥᑕᑯᒡ ᐊᓐᒡ ᒥᒋᒥᓂᑐᐛ ᐊ ᑕᔨᒋ ᑲ ᐃᓯ ᐎᒋᐃᐛᒡ, ᐊᓐᒡ ᑲ ᑭᑭᒋᔭᒡ ᐊ ᐃᔅᒋᔄᒡ, ᒍᐤ ᐃᔪᒡ ᓂᔭᓐ, ᒋᓴᒪᓂᑐᐤ ᐅᑦ ᐃᔨᒪ᙮ ᒋᑭ ᒋᔅᒐᔨᑎᒧᒡ ᒪᒃ ᐊ ᓴᒋᐃᑎᑯᒡ᙮