ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᐊᑲᐎᔾ ᒋᑭ ᐅᒋ ᓂᓱᐅᓇᒋᑕᐛᓐ ᑕᓐ ᐊᓯᓇᑯᑕᐛᑦ ᒋᓴᒪᓂᑐᐤ ᒋᐧᑲᓂᓴ ᐅᐱᒪᑎᓯᐅᓂᔪᐤ᙮ ᒥᓯᐛ ᒥᒋᒻ ᐸᔭᐧᑭᓐ ᒥᒄ ᒪᒃ ᐊᑲᐎᔾ ᒥᒋᔾ ᒐᒂᓐ ᒐ ᐃᑐᑕᑯᒂ ᒋᐧᑲᓂᔅ ᒐᒋ ᒥᒋᑐᑕᐧᒃ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:20 ပူးပေါင်းရင်းမြစ်များ

ᒪᑎᔪᐤ 15:11

ᑕᐸ ᓇᒪᔭᔪᐤ ᐊᓂᔭ ᑕᓐ ᐊ ᐃᓯ ᐱᑕᐊᐧᒃ ᐊᐛᓐ ᐅᑐᓂᒡ ᐊ ᐃᑐᑕᑯᑦ ᒐᒋ ᒥᒋᑐᑕᐧᒃ ᒥᒄ ᐊᓂᔭ ᑕᓐ ᐊ ᐃᓯ ᐸᒋ ᐎᐎᐱᔨᒡ ᐊ ᐃᔨᒥᑦ, ᐊᔪᐅᒄ ᐊᓂᔭ ᐊ ᐃᑐᑕᑯᑦ ᒐᒋ ᒥᒋᑐᑕᐧᒃ᙮”

ᒪᑎᔪᐤ 18:6

“ᐊᓐ ᐊᐛᓐ ᒐ ᐃᑐᑐᐛᒂ ᒐᒋ ᒥᒋᑐᑎᒥᔨᒋ ᐸᐃᒄ ᐅᔭ ᐊᐛᓴ ᑲ ᑕᑈᔭᔨᒥᔨᒋ ᐃᐛᒃ ᒋᑭ ᒥᔽᔪᐤ ᒐᒋ ᒪᑯᐱᑕᑭᓄᔨᒋ ᐊ ᒥᒐᐱᔅᒋᓯᔨᒋ ᐊᓯᓂᔭ ᐅᑯᔭᒡ ᑭᔭ ᒐᒋ ᓂᔅᑕᐸᐛᑦ ᐊᓐᑕ ᐊ ᒋᔅᑲᑎᒥᔨᒡ ᐎᓂᐸᑯᒡ᙮

ᐊᑈᔅᑕᓇᒡ 10:15

ᐊᑯ ᒥᓐ ᒂ ᐸᑐᐛᑦ ᐊᐛᔪᐛ ᐊ ᐃᑎᑯᑦ, “ᐊᑲᐎᔾ ᐃᔅᒋᔄ ‘ᐊ ᐎᓇᒡ’ ᐊᓂᔭ ᒋᓴᒪᓂᑐᐤ ᐊᒋ ᐃᔅᒋᔄᑦ ‘ᐊ ᐸᔭᐧᑭᓂᔨᒡ᙮’ ”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:2

ᐸᐃᒄ ᐊᐛᓐ ᒥᒄ ᐊ ᐃᓯᓇᒂᒡ ᒐᒂᓐ ᓂᑭ ᒋ ᒥᒋᓐ ᐃᑕᔨᑎᒻ᙮ ᐊᑯ ᑯᑎᒃ ᐊᐛᓐ ᐊᑲ ᐊᔨᒋᑲᐳᐅᑦ ᑕᑈᑎᒧᐅᓂᒡ ᒥᒄ ᓂᑕᐅᒋᑕᑭᓐ ᒥᒋᒥᔪᐤ ᒥᒍᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:21

ᐅᔅᑕ ᒋᑭ ᒥᔽᐤ ᒐ ᐊᑲ ᒋ ᒥᒋᔨᓐ ᐎᔭᔅ ᑭᔭ ᒐ ᐊᑲ ᒥᓂᔨᓐ ᒐᒂᓐ ᒐ ᐃᑐᑕᑯᒂ ᒋᐧᑲᓂᔅ ᒐᒋ ᐸᒋᓯᐧᒃ᙮ ᐊᑲᐎᔾ ᒋᑭ ᐅᒋ ᐃᑐᑕᓐ ᒐᒂᓐ ᒐ ᐃᑐᑕᑯᒂ ᒋᐧᑲᓂᔅ ᒐᒋ ᐸᒋᓯᓂᑦ᙮

ᐃᐱᓯᔭᓇ 2:10

ᐛᔅ ᐎᔾ ᒋᓴᒪᓂᑐᐤ ᔅᒋ ᑐᑕᑯᓄᐤ ᒐᒋ ᑯᐃᔅᑯᓇᑯᓯᔭᐧᒄ ᐊᓂᔭ ᐅᒋ ᑕᓐ ᑲ ᐃᑐᑎᒥᔨᒋ ᙭ ᒋᓴᓴ᙮ ᙭ᑕ ᒪᒃ ᐊ ᐎᒐᐅᒪᐧᑯ, ᒋᓴᒪᓂᑐᐤ ᔅᒋ ᐃᑕᔨᑕᑯᐃᑯᓄᐤ ᒐᒋ ᒪᒥᔪᑐᑎᒪᐧᑯ ᐊᐛᔪᐛ, ᐛᔅ ᐊᔪᐅᒄ ᐅᔭ ᓴᔅ ᐊᓐᑕ ᐛᔅᑭᒡ ᓂᑲᓐ ᑲ ᐃᓯ ᐎᔭᔨᑕᐧᒃ ᒐ ᐃᑐᐛᐧᒄ᙮

ᐱᓕᐱᔭᓇ 1:6

ᓂ ᒐᔅᑎᓇᐅᓐ ᒪᒃ ᒋᓴᒪᓂᑐᐤ ᒐᒋ ᒋᔅᑕᑦ ᑕᓐ ᑲ ᐃᓯ ᒋᒋᒥᔪᓇᑯᑕᑦ ᒋᐱᒪᑎᓯᐅᓄᐛᐛ ᐃᔅᐱ ᑲ ᐱᒪᒋᐃᑕᒄ ᑭᔭ ᒐ ᐎᒋᐃᑕᒄ ᐊᑎᑐᐤ ᒐᒋ ᐊᑎ ᓂᑕᐅᒍᐛᒄ ᐱᐃᒻ ᐊᓂᔭᔪᐤ ᐊ ᒋᓯᑲᔨᒡ ᑎᑯᓯᓂᔨᒐᓂ ᒋᓴᔅ ᙭ᑕ᙮

ᑕᐃᑕᔅ 1:15

ᐊᓐ ᐊᐛᓐ ᑲ ᐸᔭᒋ ᐱᒪᑎᓯᑦ ᒥᓯᐛ ᒐᒂᔪᐤ ᐸᔭᒋᓇᑯᓂᔪᐤ, ᐊᑯ ᐊᓐ ᐊᐛᓐ ᑲ ᒥᒐᑎᓯᑦ ᑭᔭ ᐊᑲ ᑕᑈᑕᐧᒃ ᓇᒪ ᒐᒂᔪᐤ ᐸᔭᒋᓇᑯᓂᔪᐤ ᐛᔅ ᓇᔅᒡ ᑕᑈ ᐎᓇᔪᐤ ᐅᒥᑐᓇᔨᒋᑭᓐ ᑭᔭ ᐅᑕᐃ᙮