ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᐊᑲᐎᔾ ᓂᑕ ᑎᐸᐊᒪᓱᒄ ᐊᐛᓐ ᐊ ᒥᒋᑐᑕᑕᒄ, ᓂᐎᒐᐛᑭᓂᑎᒄ᙮ ᐃᔭᐱᒡ ᐱᔅᑎᓂᒧᐛᒄ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓂᔾ ᓂᑭ ᐅᐛᔅᑕᓐ ᐊ ᒥᒋᑐᑐᐛᑭᓄᐅᑦ ᐊᐛᓐ, ᐃᔅᒋᔄᐤ ᐅᑎᐸᔨᒋᒐᐤ᙮ ᓂᔾ ᓂᑭ ᐛᐛᓯᐊᐤ ᐊᐛᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:19 ပူးပေါင်းရင်းမြစ်များ

ᒪᑎᔪᐤ 5:39

ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᐊᑲᐎᔾ ᑎᐸᐊᒪᓱᐤ ᐊᒋ ᒥᒋᑐᑕᔅᒃ ᐊᐛᓐ᙮ ᐅᑕᒥᒂᐅᔅᒐ ᐊᐛᓐ ᒋᐅᑕᒥᐧᑭᓂᒡ ᒋᒥᔪᐅᓂᒡ ᐃᑕᒐ, ᒥᔾ ᐊᑯᔅ ᐊᓐᑕ ᒂᔅᑕᒐ ᑭᔭ ᒐᒋ ᐅᑕᒥᒂᐅᔅᒃ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:14

ᓱᐛᔨᒪᐧᑯᒡ ᐊᓐᒡ ᑲ ᐅᓂᑐᑕᑕᑯᒡ᙮ ᓱᐛᔨᒪᐧᑯᒡ, ᐊᑲᐎᔾ ᒥᒐᒋᒪᐧᑯᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:17

ᐊᐧᑯᐃᔅᒐ ᐊᐛᓐ ᐊᑲᐎᔾ ᔭᐃᑕᔾ ᐎ ᑎᐸᐊᒪᓱᐤ ᑕᓐ ᑲ ᐃᓯ ᐊᐧᑯᐃᔅᒃ᙮ ᐃᔭᐱᒡ ᐎ ᒋᔅᒐᔨᑎᒥᔪᐛ ᑕᑈ ᐊ ᒥᔪᑐᑎᒥᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:4

ᐛᔅ ᒋᓴᒪᓂᑐᐤ ᐊᓂᔭᔪᐛ ᐅᑦ ᐊᐱᒋᐊᑭᓇ᙮ ᒋᑭ ᒥᔪᐱᔪᐛᓐ ᒪᒃ ᓂᓇᐃᑐᒥᑕ᙮ ᒧᔭᒻ ᒪᒃ ᐊᑲ ᒪᒧᔭᒻ ᐃᑎᔨᓇ ᑕᑈ ᒋᑭ ᑯᔅᑕᑕᔭᔨᒪᐤ ᐊᓐ ᐎᓱᐛᐅᓇ ᑲ ᓂᓇᑭᑐᐛᔨᑕᐧᒃ᙮ ᑕᑈ ᐛᔅ ᐊᓐ ᒋ ᒥᔭᑭᓄᐤ ᒐᒋ ᐛᐛᓯᐊᑦ ᐊᐛᔪᐛ ᐊᑲ ᒪᒧᔭᒻ ᑎᔨᒋ᙮ ᒋᓴᒪᓂᑐᐛ ᐊᓱ ᐊᐱᒋᐃᑯᐤ ᒐᒋ ᐛᐛᓯᐊᑦ ᐊᓂᔭᔪᐛ ᐊᑲ ᒪᒧᔭᒻ ᑎᔨᒋ᙮

ᐃᐱᓯᔭᓇ 4:27

ᑭᔭ ᐊᑲᐎᔾ ᓇᔅᒡ ᐱᔅᑎᓂᒧᐛᐧᒄ ᒥᒋᒥᓂᑐᐤ ᒐᒋ ᐃᑐᑕᑕᒄ ᑕᓐ ᐛ ᐃᑐᑕᑕᒄ᙮

1 ᑕᓴᓗᓂᔭᓇ 4:6

ᐊᑲᐎᔾ ᒪᒃ ᐊᐛᓐ ᐅᔭ ᒋᑭ ᐅᒋ ᐎ ᐃᓯ ᐅᓂᑐᑐᐛᐤ ᐎᐧᑲᓂᓴ᙮ ᔅᒋ ᐎᑎᒪᑎᓇᓐ ᓱᒃ ᐊᒋ ᐃᔭᒂᒥᑕᒡ ᐅᑎᐸᔨᒋᒐᐤ ᒐ ᐛᐛᓯᐊᑦ ᒥᓯᐛ ᐊᐛᔪᐛ ᐅᔭ ᑲ ᐃᓯ ᐅᓂᑐᑎᒥᔨᒋ᙮

2 ᑎᒧᑎ 4:14

ᐊᓐ ᓇᐸᐤ ᑲᒋ ᐛᐛᔭᐱᔅᒋᓴᐧᒃ ᐃᓴᑯᔪᐤ, ᐊᓕᒃᓴᓐᑕᕐ ᑲ ᐃᓯᓂᐧᑲᓱᑦ ᓇᔅᒡ ᑕᑈ ᒋ ᑎᑯᓂᔪᐤ ᑕᓐ ᑲ ᐃᓯ ᓂᓇᐧᑲᑕᔨᒧᐃᑦ, ᒥᒄ ᒪᒃ ᒋᑭ ᑎᑯᓂᔪᐤ ᑕᓐ ᒐ ᐃᓯ ᐃᑐᑕᑯᑦ ᐅᑎᐸᔨᒋᒐᐛ ᐅᔭ ᑕᓐ ᑲ ᐃᓯ ᐃᑐᑐᐅᑦ᙮

ᐃᑉᕈᐛ 10:30

ᐛᔅ ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐊᒋ ᐃᔅᒋᔄᑦ, “ᓂᔾ ᐊᐅᒄ ᒐ ᐛᐛᓯᐃᑎᑯᒡ ᑕᓐ ᐊ ᐃᓯ ᒋᔅᑕᔨᑕᑯᓯᔭᒄ ᒐᒋ ᐃᓯ ᐛᐛᓯᐃᑯᔭᒄ᙮” ᑭᔭ ᒋ ᐃᔅᒋᔄᐤ ᒋᓴᒪᓂᑐᐤ, “ᐅᑎᐸᔨᒋᒐᐤ ᒋᑭ ᑎᐸᔅᑯᓇᐤ ᐅᑦ ᐃᔨᒪ᙮”