ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᓇᒪ ᒪᒃ ᐅᒋ ᒥᔅᑭᒧᒡ ᐊᓐᒡ ᐃᔅᕋᐃᓪ ᐃᔪᒡ ᐊᓂᔭ ᓇᔅᒡ ᑲ ᓇᓂᑐᐛᔨᑕᒡ᙮ ᒥᒄ ᐊᓐᒡ ᒋᓴᒪᓂᑐᐛ ᑲ ᐅᑎᓂᑯᒡ ᐊᐅᑯᓐᒡ ᐊᓐᒡ ᑲ ᒥᔅᑲᒡ᙮ ᐊᑯ ᐊᓐᒡ ᑯᑎᑭᒡ ᐊᔭᔅᒃ ᓇᒪ ᐅᒋ ᐸᑐᐛᐅᒡ ᒋᓴᒪᓂᑐᐛ ᑭᔭ ᓇᒪ ᐅᒋ ᓂᔅᑐᑎᒧᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:7 ပူးပေါင်းရင်းမြစ်များ

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:52

ᐛᔅ ᑕᐸ ᐅᒋ ᓂᔅᑐᑎᒧᒡ ᑕᓐ ᐊ ᐃᓯ ᐎᑎᒪᒐᒥᑭᓂᔨᒡ ᐊᓂᔭ ᐸᒂᓯᑭᓇ ᑲ ᐊᓯᒪᑭᓄᔨᒋ ᐱᑕᑕᒡ ᒐᓯᐱᔪᐤ ᐃᔪᐛ᙮ ᓇᒪ ᐅᒋ ᓂᔅᑐᑎᒧᒡ ᐛᓴ ᐊᒋ ᒥᔅᑯᑕᐊᒡ᙮

ᓗᒃ 13:24

“ᒥᒐᑦ ᐊᐛᓐᒋ ᒋᑭ ᑯᒋᑕᐅᒡ ᒐᒋ ᐱᒐᒡ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ, ᓇᒪ ᒪᒃ ᒋᑭ ᒋ ᐃᑐᐅᒡ᙮ ᒋᔨᐛᐤ ᒪᒃ ᓱᒃ ᑯᒋᑕᒄ ᒐᒋ ᐱᒐᔭᒄ ᐊᓐᑕ ᐅᒋ ᐊᓐ ᑲ ᓴᑯᐛᒡ ᒋᐱᔎᐤ᙮

ᒠᓐ 12:40

ᒋᓴᒪᓂᑐᐛ ᒋ ᐃᑐᑕᑯᐅᒡ ᒐ ᐊᑲ ᒋ ᐛᐸᑕᒡ ᑭᔭ ᒐ ᐊᑲ ᒋ ᓂᔅᑐᑕᒡ, ᑭᔭ ᓇᒪ ᐛᐸᑎᒧᒡ ᑭᔭ ᓇᒪ ᓂᔅᑐᑎᒧᒡ᙮ ᓇᒪ ᒪᒃ ᓂ ᐎ ᐸᒋ ᓂᑐᐛᐱᒥᑯᒡ ᒐᒋ ᒥᓏᒋᐃᒂᐤ, ᐃᑕᐤ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:3

ᐊᑲ ᐅᒋ ᒋᔅᒐᔨᑕᒡ ᑕᓐᑕ ᑯᐃᔅᑯᑕᑎᓯᐅᓂᒡ ᐛᒋ ᐃᓯ ᑭᓄᐛᐱᒥᑯᔨᒋ ᐊᐛᔪᐛ ᒋᓴᒪᓂᑐᐛ ᐊᑯ ᐎᔨᐛᐤ ᑎᐸᓐ ᑲ ᑯᒋᑕᒡ ᒐᒋ ᑯᐃᔅᑯᓇᑯᐃᓱᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐊᑯ ᒪᒃ ᓇᒪ ᐱᔅᑕᔨᒥᑎᓱᔅᑎᒧᒡ ᐊᓂᔭ ᑕᓐ ᑲ ᐃᑎᔅᑕᔨᒡ ᒋᓴᒪᓂᑐᐛ ᒐ ᐃᑎᔨᒋ ᐊᐛᔪᐛ ᐅᑯᐃᔅᑯᑕᑎᓯᐤ ᒐᒋ ᐃᓯ ᑭᓄᐛᐱᒪᑭᓄᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:25

ᓂᐧᑲᓂᓯᑐᒄ, ᒋ ᓂᑐᐛᔨᒥᑎᓇᐛᐤ ᒐᒋ ᓂᔅᑐᑎᒪᒄ ᐅᔭ ᑲ ᐃᓯ ᒋᔅᒐᔨᑕᑯᑕᑦ ᒋᓴᒪᓂᑐᐤ ᑭᔭ ᓇᒪ ᒋᑭ ᐅᒋ ᐃᑕᔨᑕᓇᐛᐤ ᓇᔅᒡ ᐊ ᐃᑈᐧᑲᔭᒄ᙮ ᐊᓄᒡ ᒪᒂᒡ ᒥᒐᑦ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐎ ᓯᐱᑎᒧᒡ᙮ ᓇᒪ ᐎ ᑕᑈᐅᒐᔨᒪᐅᒡ ᒋᓴᒪᓂᑐᐛ᙮ ᒥᒄ ᒪᒃ ᒋᑭ ᐅᑎᒋᐱᔪᐤ ᒐ ᑕᑈᑕᒡ᙮ ᐊᔅᒄ ᒪᒃ ᐊᑲ ᐅᑎᒋᐱᔨᒡ ᐅ ᒥᓯᐛ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑕᑐᐤ ᒥᒄ ᒐ ᐅᑎᓂᑯᐛᒂ ᒋᓴᒪᓂᑐᐛ ᒐᒋ ᐱᒪᒋᐅᒡ, ᒋᑭ ᐱᒪᒋᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:5

ᐊᐅᑯᓐ ᒪᒃ ᒧᔭᒻ ᐊ ᐃᔅᐱᔨᒡ ᐊᓄᒡ᙮ ᑕᐅᒡ ᐃᔅᕋᐃᓪ ᐃᔪᒡ ᐊᑲ ᒥᒐᑎᒡ ᒋᓴᒪᓂᑐᐛ ᐊᒋ ᐅᑎᓂᑯᒡ ᐊᓂᔭ ᐅᒋ ᐊ ᒋᓴᐛᑎᓯᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:9

ᐃᓯ ᑯᒂᒋᒐᔨᒧᑦ ᐊᓐ ᐊᐛᓐ, ᐅᔅᑕ ᐊ ᒋᔭᓄᐤ ᒍᐤ ᑲ ᐃᑎᔅᑲᓇᓯᔭᐧᒄ ᒋᑦ ᐃᑕᔨᒥᑯᓄᐤ ᒋᓴᒪᓂᑐᐤ ᐊ ᐃᑕᔨᒪᑦ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ? ᓇᒧᐛᒡ ᑭᑈ᙮ ᓴᔅ ᔅᒋ ᐎᑎᒪᑎᓇᐛᐤ, ᒥᓯᐛ ᐊᐛᓐ ᒍᐤ ᑲ ᐃᑎᔅᑲᓇᓯᑦ ᑭᔭ ᐊᑲ ᒍᐤ ᐃᑎᔅᑲᓇᓯᑦ ᑎᐸᔨᒥᑯᐤ ᒥᒋᑥᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:15

ᑕᓐ ᒪᒃ ᒐᒋ ᐃᑎᔭᐧᒄ᙮ ᐃᔭᐱᒡ ᐊ ᒋᑭ ᒥᒋᑐᑕᓇᓄᐤ ᐎ ᒥᒋᑐᑎᒪᒂ ᐊ ᒋᔅᒐᔨᑎᒪᐧᒄ ᐊᑲ ᐎᓱᐛᐅᓐ ᑎᐸᔨᒥᑯᔭᐧᒄ, ᐃᔭᐱᒡ ᒋᓴᒪᓂᑐᐤ ᐅᓱᐛᔨᒋᒐᐅᓂᒡ ᐊ ᐃᓯ ᑭᓄᐛᔨᑕᑯᓯᔭᐧᒄ᙮ ᓇᒪᐎᔾ ᑭᑈ ᐃᓯᓇᑯᓐ ᐅ ᒐᒋ ᐃᑎᔭᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:18

ᐊᑯ ᒪᒃ ᒋᓴᒪᓂᑐᐤ ᒐᔅᑎᒪᒐᔨᒪᑦ ᐊᓂᔭᔪᐛ ᐊᐛᔪᐛ ᐛ ᒋᔅᑎᒪᒐᔨᒪᑦ, ᑭᔭ ᑕᓐ ᐊᓂᔭᔪᐛ ᐛ ᐃᑐᑐᐛᑦ ᒐᒋ ᒥᔅᑯᐅᑕᐊᔨᒋ ᐊᐅᑯᓂ ᐊᓂᔭᔪᐛ ᒪᔅᑯᐅᑕᐊᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:23

ᐊᐅᒄ ᐅᔭᔪᐤ ᑲ ᐃᓯ ᐎᔭᔨᑕᐧᒃ ᐊᒋ ᐎ ᐛᐸᑎᔨᐛᑦ ᐊ ᐃᔅᐱᔅ ᐛᔪᑎᓂᔨᒡ ᐅᒋᔅᑕᔨᑕᑯᓱᐅᓐ ᑕᓐ ᐊᓂᔭᔪᐛ ᒪᔭᑦ ᐊᓂᔭᔪᐛ ᑲ ᐎᔭᔨᒪᑦ ᒐᒋ ᒋᓴᐛᑐᑐᐛᑦ, ᐊᐅᒄ ᒋᔭᓄᐤ᙮ ᓂᑲᓐ ᔅᒋ ᐎᔭᔨᒥᑯᓄᐤ ᒐᒋ ᒋᔅᒐᔨᑎᒺᐧᒄ ᐅᒋᔅᑕᔨᑕᑯᓱᐅᓐ᙮

1 ᑯᕆᓐᑎᔭᓇ 10:19

ᒪᐅ ᐊ ᐃᓯ ᐎᑎᒪᑎᑯᒡ ᐅ ᑲ ᐃᔅᒋᔄᔭᓐ᙮ ᐊᓐ ᒥᒋᒻ ᑲ ᒥᑐᔅᑕᐊᒧᐛᑭᓄᐎᒡ ᒥᓂᑐᐧᑲᓐᒡ, ᓇᒪ ᓇᔅᒡ ᒐᒂᓂᒡ ᐃᑕᐱᑎᓐ᙮ ᐊᐅᑯᓐ ᒪᒃ ᒧᔭᒻ ᒥᓂᑐᐧᑲᓐᒡ, ᓇᒪ ᒐᒂᓂᒡ ᐃᑕᐱᑎᓯᐅᒡ᙮

2 ᑯᕆᓐᑎᔭᓇ 3:14

ᓇᒪ ᐅᒋ ᐎ ᓂᔅᑐᑎᒧᒡ ᐊᓐᒡ ᐃᔪᒡ᙮ ᐊᔅᒄ ᒪᒃ ᐊᓄᒡ ᐅᔭ ᐊ ᒋᓯᑲᔨᒡ ᐊᔅᒄ ᐊᐅᑯᓐ ᐊ ᐃᑎᔅᑲᒡ ᐊᓂᔭ ᐊᑯᒂᐅᓂᔪᐤ ᐃᓯᓇᑯᓱᐅᒡ ᐊ ᐃᔨᒥᑐᐛᑭᓄᐅᒡ ᐊᓂᔭ ᐛᔅᑭᒡ ᓂᔅᑯᒧᐅᓂᔪᐤ᙮ ᓇᒪ ᒋ ᓂᔅᑐᑎᒺᐅᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᐸᑐᔅ ᐊᐛᓐ ᐊ ᐱᒪᒋᐃᑯᑦ ᙭ᑕ ᐊᑯᑕ ᐊ ᐃᒐᓂᑭᓄᐎᒡ ᐊᓂᔭ ᐊᑯᒂᐅᓂᔪᐤ᙮

2 ᑯᕆᓐᑎᔭᓇ 4:4

ᓇᒪ ᑕᑈᑎᒧᒡ ᐛᔅ ᑕᔪᐛ ᐊᓂᔭᔪᐛ ᑲ ᒥᒋᒥᓂᑐᔨᒋ ᑲ ᐅᒋᒪᐧᑲᑎᒥᔨᒋ ᐅᔭ ᐊᔅᒋᔪᐤ᙮ ᐊᐅᑯᓂ ᒪᒃ ᐊᓂᔭᔪᐛ ᐊ ᐃᑐᑕᑯᒡ ᒐ ᐊᑲ ᒋ ᐛᐸᑕᒡ ᐊᓂᔭ ᐛᔅᑕᐅᓂᔪᐤ ᐊᓐᑕ ᒐᒋ ᐅᒋ ᐱᒪᒋᐅᒡ᙮ ᓇᒪ ᒋ ᓂᔅᑐᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐛᒋ ᐛᐸᑎᔨᑯᐅᔭᐧᒄ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮ ᐛᔅ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᒪᓂᑐᐤ ᐊᐅᑯᓐ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᔅ᙮

ᐃᐱᓯᔭᓇ 1:4

ᐊᔅᒄ ᐊᑲ ᐛᐛᒡ ᐅᒋ ᐅᓯᑕᑭᓄᐅᒡ ᐅ ᐊᔅᒋᔾ, ᓴᔅ ᔅᒋ ᐅᑎᓂᑯᓄᐤ ᒋᓴᒪᓂᑐᐤ ᐎᔾ ᒐ ᐊᔭᐅᑕᐧᒄ ᐊᓂᔭ ᐅᒋ ᙭ᑕ ᐊ ᐎᒐᐅᒪᐧᑯ᙮ ᔅᒋ ᐅᑎᓂᑯᓄᐤ ᒐᒋ ᐸᔭᒋᓯᐛᐧᒄ ᑭᔭ ᐊᑲ ᓇᔅᒡ ᒐᒂᓐ ᒐᒋ ᑎᒂᒡ ᒐ ᐃᓯ ᐊᑕᒪᔨᑕᑯᓯᔭᐧᒄ ᒋᓴᒪᓂᑐᐤ ᐃᔅ ᐊ ᑕᑦ᙮

ᐃᐱᓯᔭᓇ 4:18

ᓇᒪ ᑭᔭ ᒋ ᓂᔅᑐᑎᒧᒡ ᒐᒂᔪᐤ᙮ ᓇᒪ ᒋ ᐃᓯ ᐱᒪᑎᓯᐅᒡ ᐊᓂᔭ ᐊ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒋᐸ ᐃᓯ ᐱᒪᑎᓯᐅᒡ, ᐛᓴ ᐊ ᒥᔅᑯᑕᐊᒡ ᐊᑲ ᓇᔅᒡ ᐎ ᓂᔅᑐᑕᒡ᙮

ᐱᓕᐱᔭᓇ 1:18

ᐊᑯᔅ ᒋᑭ ᐃᑐᐅᒡ᙮ ᐊᔪᐛᒃ ᙭ ᐊ ᐊᔨᒧᒪᑭᓄᐅᑦ᙮ ᐊᑎ ᑯᑎᑭᒡ ᐊᑲ ᒪᒧᔭᒻ ᐃᑎᒡ ᐊ ᐛᐎᑕᒡ ᒥᔽᒋᒧᐅᓂᔪᐤ ᑭᔭ ᒪᒃ ᑯᑎᑭᒡ ᑯᐃᔅᒄ ᐊ ᐃᑎᒡ ᐊ ᐛᐎᑕᒡ, ᐃᔭᐱᒡ ᓂ ᒥᔽᔨᑕᓐ᙮

ᐃᑉᕈᐛ 12:17

ᒋ ᒋᔅᒐᔨᑕᓇᐛᐤ ᒪᒃ, ᐸᑎᒪ ᐊᓐᑕ ᑲᐤ ᒋ ᓂᑐᐛᔨᑎᒻ ᐊᓂᔭ ᑕᓐ ᒋᐸ ᐃᓯ ᐊᓂᔅᒐ ᓱᐛᔨᒪᑭᓄᐤ, ᒥᒄ ᒪᒃ ᓇᒪ ᐅᒋ ᓂᔅᑯᒥᑯᐤ ᐅᑕᐎᔭ᙮ ᓇᒪ ᓇᔅᒡ ᐅᒋ ᒐᒂᔪᐤ ᐅᒋ ᐃᑐᐤ ᒐᒋ ᒂᔅᒋᓇᐧᒃ ᐊᓂᔭ ᑕᓐ ᑲ ᐃᑎᑦ ᐊᑎ ᑭᔭ ᓇᔅᒡ ᐊᒋ ᒥᒪᑐᐛᑦ ᐅᑕᐎᔭ᙮ ᐃᔭᒂᒥᒄ ᒐ ᐊᑲ ᒋ ᐃᔅᐱᔭᒄ ᒋᔨᐛᐤ᙮

1 ᐱᑕᕐ 1:2

ᒋᓴᒪᓂᑐᐤ ᐅᑕᐎᒪᐤ ᔅᒋ ᐅᑎᓂᑯᐛᐤ ᐎᔾ ᑎᐱᔨᐛ ᒐᒋ ᐅᑦ ᐊᐛᓯᒥᑐᑕᑕᒄ᙮ ᑲ ᐸᔭᒋᓯᔨᒋ ᐊᒐᒂ ᐅᒋ ᐊᑯᑕ ᑲ ᐅᒋ ᑎᐸᓂᐃᑕᒄ ᒐᒋ ᓂᓇᐃᑐᒪᑯ ᒋᓴᔅ ᙭ᑕ ᑭᔭ ᒐᒋ ᐸᔭᒋᐃᑯᐛᒄ ᐅᒥᐧᒄ᙮ ᓂᑦ ᐊᔭᒥᐊᐤ ᒐᒋ ᐛᔪᒡ ᐊᔭᔭᒄ ᓱᐛᔨᒋᒐᐅᓐ ᑭᔭ ᒋᔭᒪᔨᑎᒧᐅᓐ᙮