ᒋᔅᒐᔨᑕᑯᑕᒐᐅᓐ 8:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐊᑯ ᐊᓐ ᐊᓐᒋᓐ ᑲ ᓴᑭᔅᒋᓂᑕᑦ ᐊᓂᔭ ᑲ ᐎᔄᐅᓱᓇᔭᐱᔅᑲᔨᒡ ᐎᔭᑭᓂᔪᐤ ᐃᔅᑯᑕᔪᐤ ᐊ ᐊᔅᑕᑦ ᐊᓐᑕ ᐱᔅᑎᓂᒐᐅᓇᐱᔅᑯᒡ ᐊ ᐅᑎᓇᐧᒃ᙮ ᐊᑯ ᐊᓐᑕ ᐊᔅᒋᒡ ᑲ ᐃᓯ ᐛᐱᓇᐧᒃ ᐊᓂᔭ ᐃᔅᑯᑕᔪᐤ, ᑎᐛᒡ ᒪᒃ ᒋ ᐸᑕᑯᓱᐅᒡ ᓂᒥᔅᒍᐅᒡ ᑭᔭ ᒋ ᒥᔅᑎ ᐅᔄᔅᑕᐱᔪᐤ ᑭᔭ ᒋ ᑯᐃᐧᑯᓐ᙮

ᒋᔅᒐᔨᑕᑯᑕᒐᐅᓐ 8:5 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 18:13

ᑎᐸᔨᒋᒐᓱᐤ ᑭᔭ ᒋ ᐅᓂᒥᔅᒋᒐᐤ ᒋᓯᑯᒡ, ᒪᐅᒡ ᒋᔅᑎᓯᑦ ᒋ ᐸᑕᑯᓱᐤ; ᓴᓴᑲᓯᓂᔭ ᑭᔭ ᐃᔅᑯᑕᐤ ᑲᔅᑕᐛ᙮

ᐊᒃᓱᑕᔅ 19:16

ᑲᒋ ᓂᓱ ᒋᓯᑲᔨᒡ ᐊ ᒐᒋᓴᐸᔭᒡ ᒋ ᓂᒥᔅᒋᐅᔅᔎᔪᐤ, ᑭᔭ ᒋ ᑯᒋᓂᔪᐛ ᐊ ᐎᐱᓯᔨᒋ ᑭᔅᑯᐅᓇ ᐊᓐᑕ ᐱᔅᑯᑎᓇᒡ᙮ ᒂ ᐸᑕᑯᓂᔨᒡ ᐳᑕᒋᑭᓂᔪᐤ ᓇᔅᒡ ᐊ ᒋᔄᐱᔨᒡ, ᑭᔭ ᒥᓯᐛ ᐃᔅᕋᐃᓪ ᐃᔪᒡ ᒋᓴᒋᓱᐅᒡ᙮

ᒪᑎᔪᐤ 24:7

ᐸᐃᑯᓄᒡ ᑲ ᐃᑎᔅᑲᓇᓯᒡ ᐊᐛᓐᒋ ᒋᑭ ᒪᓯᐧᑲᑐᐅᒡ ᐊᓂᔭᔪᐛ ᑯᑎᑲ ᐊᐛᔪᐛ ᐃᔭᒡ ᑲ ᐃᑎᔅᑲᓇᓯᔨᒋ᙮ ᑭᔭ ᐊᓐᒡ ᑲ ᐅᒋᒪᐅᒡ ᒋᑭ ᓂᑐᐱᔨᑐᐛᐅᒡ ᐊᓂᔭ ᑯᑎᑲ ᑲ ᐅᒋᒪᐎᔨᒋ᙮ ᒋᑭ ᑎᑯᓐ ᐊ ᑯᐃᒂᒡ ᑭᔭ ᐊ ᑯᐅᐧᑭᑕᓄᐅᒡ᙮

ᓗᒃ 12:49

ᒋᓴᔅ ᒋ ᐃᔅᒋᔄᐤ, “ᐊᐅᒄ ᐅ ᐛᒋ ᑎᑯᓯᓂᔭᓐ ᒧᔭᒻ ᐊ ᐸᒋ ᐃᔎᓯᒪᓐ ᐅ ᐊᔅᒋᔾ ᒐᒋ ᐃᓯᓇᑯᓯᔭᓐ᙮ ᑭᒪ ᒪᒃ ᓴᔅ ᒋ ᐛᔭᑕᑯᓄᑯᐱᓇ᙮

ᐊᑈᔅᑕᓇᒡ 16:26

ᒐᒃ ᓯᔅᒋᑯᒡ ᓇᔅᒡ ᒋ ᓱᒐᔨᑕᑯᓐ ᐊ ᓂᓇᒥᔅᑲᒡ, ᐊᑯ ᐊᓐ ᑲᒪᑯᓄᐛᓯᐅᒋᐛᑉ ᓇᔅᒡ ᒋ ᐊᔭᒋᐱᔪᐤ᙮ ᒥᓯᐛ ᔅᑐᐧᑭᓂᒡ ᒋ ᔪᑕᐱᔪᐅᒡ, ᐊᑯ ᐊᓐᒡ ᑲ ᒪᒪᒋᒂᐱᔅᑲᐛᑭᓄᐅᒡ ᒋ ᒥᓂᐱᔪᐛ ᐊᓂᔭᔪᐛ ᐃᓴᒂᔭᐱᔭ ᑲ ᒋᔅᑲᒡ᙮

ᐊᑈᔅᑕᓇᒡ 4:31

ᐃᔅᐱ ᒪᒃ ᑲᒋ ᐃᓯ ᐊᔭᒥᐊᒡ, ᒋ ᐊᔭᒋᐱᔪᐤ ᐊᓂᔭᔪᐤ ᐊᓐᑕ ᑲ ᒪᒧᐎᒡ᙮ ᒥᓯᐛ ᒪᒃ ᒋ ᓴᑭᔅᒋᓇᔅᑲᑯᐅᒡ ᑲ ᐸᔭᒋᓯᔨᒋ ᐊᒐᒂ, ᐊᑯ ᒪᒃ ᑲ ᓱᒐᔨᒧᒡ ᑭᔭ ᓇᒪ ᐅᒋ ᑯᔅᑕᒍᐅᒡ ᐊ ᐛᐎᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 11:13

ᐃᔅᐱ ᒪᒃ ᑲ ᐃᔅᐱᔨᒡ ᐅ, ᒋ ᒥᔅᑎ ᑯᐃᐧᑯᓐ᙮ ᐸᐃᒄ ᐊᓯᑯᒻ ᐸᐃᑯᔪᐤ ᒥᒋᐛᐸ ᐊᓐᑕ ᐊᓐ ᐅᑕᓇᒡ ᒋ ᓂᓱᐅᓇᑎᓇ᙮ ᓂᔄᐅᑕᒡ ᑕᑥᐤ ᒐᓯᐱᔪᐤ ᐊᐛᓐᒋ ᒋ ᓂᓱᐅᓇᑎᓯᐅᒡ ᐊᓂᔭ ᑲ ᒥᔅᑎ ᑯᐃᐧᑯᓂᔨᒡ᙮ ᐊᑯ ᐊᓐᒡ ᐊᐛᓐᒋ ᐊᔅᒄ ᐊ ᑕᒡ ᐊᔅᒋᒡ ᒋ ᒥᔅᑎ ᓴᒋᓱᐅᒡ᙮ ᒋ ᐃᔅᒋᔄᐅᒡ, ᑕᑈ ᓱᒐᔨᑕᑯᓯᔪᐤ ᒋᓴᒪᓂᑐᐤ ᒋᒋᒋᓯᑯᒡ ᐊ ᑕᑦ᙮

ᒋᔅᒐᔨᑕᑯᑕᒐᐅᓐ 11:19

ᐊᑯ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ ᒋᒋᒋᓯᑯᒡ ᐊ ᑎᑯᓂᔨᒡ ᒂ ᓴᓂᑭᓄᐎᒡ᙮ ᐊᓐᑕ ᒪᒃ ᐱᑎᑭᒥᒡ ᒋ ᓄᑯᓐ ᐊᓐ ᑲ ᐸᔭᒋᓯᒥᑲᒡ ᒥᔅᑎᑯᐅᑦ ᐊᓐᑕ ᑲ ᑎᑕᑭᓄᔨᒡ ᐊᓂᔭ ᓂᔅᑯᒧᐅᓂᔪᐤ ᒋᓴᒪᓂᑐᐤ ᑲ ᐅᓯᑎᒧᐛᑦ ᐅᑦ ᐃᔨᒪ᙮ ᐊᑯ ᑲ ᐅᔄᔅᑕᐱᔨᒡ ᑭᔭ ᓂᒥᔅᒍᐅᒡ ᒋ ᐸᑕᑯᓱᐅᒡ᙮ ᑭᔭ ᒋ ᑯᐃᐧᑯᓐ ᑭᔭ ᒋ ᒥᔅᑎ ᒥᔅᑯᒥᑕᓐ᙮

ᒋᔅᒐᔨᑕᑯᑕᒐᐅᓐ 4:5

ᐊᓐᑕ ᐅᒋᓴᐅᒋᒪᐤ ᑕᑎᐳᐛᑭᓂᒡ ᐊᓐ ᑲ ᐊᐱᑦ ᒋ ᐅᒋ ᐅᔄᔅᑕᐱᔪᐤ᙮ ᒋ ᐸᑕᑯᓇ ᐸᑕᑯᓱᐅᓇ ᑭᔭ ᒧᔭᒻ ᓂᒥᔅᒍᐅᒡ ᐊ ᐸᑕᑯᓯᒡ ᒋ ᐃᑎᑕᑯᓐ ᐊᓐᑕ ᐊ ᐊᐱᒡ ᐅᒡ᙮ ᐅᑎᔅᑯᐤ ᒪᒃ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᒋ ᑎᑯᓐ ᓂᔄᐅᑕᒡ ᐃᔅᑯᑕᐤ ᐛᔅᑕᓂᐱᒪᑭᓇ ᐊ ᐃᔅᑯᑕᐅᒋ᙮ ᐊᐅᑯᓐᒡ ᐅᒡ ᓂᔄᐅᑕᒡ ᐊᒐᐧᑯᒡ ᑲ ᐊᑐᔅᑯᐛᒡ ᒋᓴᒪᓂᑐᐛ᙮

ᒋᔅᒐᔨᑕᑯᑕᒐᐅᓐ 6:12

ᐊᑯ ᒂ ᐛᐱᒥᒃ ᐊᓐ ᒪᔭᑕᓂᔅ ᒥᓐ ᑯᑎᒋᔪᐤ ᒋᔅᑕᐸᓱᐤ ᐱᓯᑯᐃᑭᓂᔪᐤ ᐊ ᓴᓇᐧᒃ᙮ ᐊᐅᒄ ᐊᑯ ᐊᓱᑕᒡ ᑲ ᓴᓇᐧᒃ᙮ ᐃᔅᐱ ᒪᒃ ᑲ ᓴᓇᐧᒃ, ᐊᑯ ᒂ ᒥᔅᑎ ᑯᐃᐧᑯᒡ᙮ ᐱᓯᒻ ᒋ ᑎᐱᔅᒋᐱᔪᐤ ᒧᔭᒻ ᐊᐱᒋᑕᐅᓐ ᑲ ᓱᒐᑲᒡ ᐊ ᐎᐸᑲᒡ ᐊᑯᓐ ᑲ ᐃᓯᓇᑯᓯᑦ᙮ ᐊᑯ ᑎᐱᔅᑲᐤ ᐱᓯᒻ ᒂ ᒥᐧᑯᓯᑦ, ᒧᔭᒻ ᐊ ᓱᐧᑯᓯᑦ ᐊᑯᓐ ᑲ ᐃᓯᓇᑯᓯᑦ᙮

ᒋᔅᒐᔨᑕᑯᑕᒐᐅᓐ 8:3

ᒋ ᑕᐤ ᒥᓐ ᑯᑎᒃ ᐊᓐᒋᓐ ᐊ ᑕᐧᑯᓇᐧᒃ ᐊ ᐎᔄᐅᓱᓇᔭᐱᔅᑲᔨᒡ ᐎᔭᑭᓂᔪᐤ ᑲᐎᒋᒪᑯᓂᔨᒡ ᒐᒂᔪᐤ ᑲᒋ ᐃᔎᓯᑭᓄᐎᒡ ᐊ ᑎᑯᓂᔨᒡ ᐊᓐᑕ᙮ ᒋ ᐸᒋ ᓂᐳᐅᐤ ᐅᐱᒪ ᐊᓐᑕ ᐊᓂᔭ ᐱᔅᑎᓂᒐᐅᓇᐱᔅᑯᔪᐤ᙮ ᒥᔅᑎ ᒪᒃ ᒋ ᒥᔭᑭᓄᐤ ᐊᓂᔭ ᑲ ᐎᒋᒪᑯᓯᔨᒡ ᒐᒂᔪᐤ ᒐᒋ ᒋᑲᐅᓇᐧᒃ ᐅᑦ ᐊᔭᒥᐊᐅᓂᔨᒡ ᑲ ᑕᑈᑎᒥᔨᒋ ᑭᔭ ᒐᒋ ᐱᔅᑎᓂᒧᐛᑦ ᒋᓴᒪᓂᑐᐛ ᐊᓐᑕ ᑲ ᐎᔄᐅᓱᓇᔭᐱᔅᑯᔨᒡ ᐱᔅᑎᓂᒐᐅᓇᐱᔅᑯᒡ᙮