ᒋᔅᒐᔨᑕᑯᑕᒐᐅᓐ 22:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᑕᑕᐅᔅᑭᓄᐤ ᒪᒃ ᐊᓐ ᒥᔅᑎᒪᔅᑭᓄᐤ ᐊᓐᑕ ᐊᓐ ᐅᑕᓇᐤ, ᐊᑯᑕ ᐸᒪᒍᐅᒡ᙮ ᐃᑐᑲᒻ ᒪᒃ ᐊᓐ ᓯᐱᔾ ᒋ ᒋᒥᓱᐅᒡ ᒥᔅᑎᑯᒡ ᐊᓐᑕ ᐛᒋ ᐊᔭᑦ ᐊᐛᓐ ᐱᒪᑎᓯᐅᓂᔪᐤ᙮ ᐊᓯᑯᒻ ᐱᓯᒺ ᒪᒃ ᒋ ᓂᑕᐅᒋᓇ ᒥᓂᓴ ᐊᓐᑕ ᐊᓐᒡ ᒥᔅᑎᑯᒡ, ᓂᓱᓴᑈᐤ ᐸᐃᒄ ᐱᐳᓇ᙮ ᐊᓂᔭ ᒪᒃ ᓂᐱᓯᔭ ᐊᑯᑕ ᐛᒋ ᒥᓏᒋᐃᓱᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ᙮

ᒋᔅᒐᔨᑕᑯᑕᒐᐅᓐ 22:2 ပူးပေါင်းရင်းမြစ်များ

ᒐᓂᓯᔅ 2:9

ᑎᐸᔨᒋᒐᓱᐤ ᒋᓴᒪᓂᑐᐤ ᒋ ᐃᑐᑐᐛᐤ ᒐᒋ ᓂᑕᐅᒋᒋ ᒥᓯᐛ ᑕᑐᐎᒡ ᐊᓯᓇᑯᓯᔨᒋ ᒥᓂᓯᐅ-ᒥᔅᑎᒂ, ᓇᔅᒡ ᐊ ᒥᔪᓯᓯᒡ ᐊ ᒋᑕᐱᒪᑭᓄᐅᒡ ᑭᔭ ᒐᒋ ᓂᑕᐅᒋᒋ ᒥᓂᓴ ᐊ ᒥᔽᒋ ᒐᒋ ᒥᒋᓇᓄᔨᒋ᙮ ᒋ ᐃᑐᑎᒻ ᐃᔭᐱᒡ ᐊᓐᑕ ᑕᑕᐅᒡ ᐊ ᒥᔽᔎᔨᒡ ᓂᑕᐅᒋᑕᑭᓂᔪᐤ ᒐᒋ ᓂᑕᐅᒋᒋ ᐱᒪᑎᓯᔪᐤ ᒥᔅᑎᒂ ᑭᔭ ᒋᔅᒐᔨᑎᒧᐤ ᒥᔅᑎᒂ, ᐃᔪᒡ ᒐ ᐅᒋ ᒋᔅᒐᔨᑕᒡ ᐊ ᒥᔽᔨᒡ ᑭᔭ ᐊ ᒪᔭᑎᓂᔨᒡ᙮

ᑎᐱᑦ ᐅᓂᑭᒧᐅᓇ 147:3

ᒥᓏᒋᐊᐤ ᑲ ᐱᑯᑕᐊᔨᒋ, ᑭᔭ ᒪᑯᐱᑎᒺᐤ ᐊ ᒥᔄᑭᓂᐧᑲᑕᑭᓄᔨᒋ᙮

ᓗᒃ 4:18

“ᐅᑎᐸᔨᒋᒐᐤ ᐅᑦ ᐊᒐᒂ ᓂ ᐱᒋᔅᑲᑯᔪᐛ, ᐛᔅ ᐎᔾ ᓂᒋ ᐅᑎᓂᒄ ᒐᒋ ᐎᑎᒧᐅᒂᐤ ᑲ ᒋᔅᑎᒪᑎᓯᒡ ᒥᔽᒋᒧᐅᓂᔪᐤ᙮ ᓂᒋ ᐸᒋ ᐃᑎᓴᐅᒄ ᒐᒋ ᐎᑎᒧᐅᒂᐤ ᑲ ᒪᒋᒂᐱᐧᑲᓱᒡ ᒐᒋ ᐊᐱᐧᑯᓇᑭᓄᐎᒡ ᑭᔭ ᐊᓐᒡ ᐊᑲ ᐛᐸᑕᒡ ᒐ ᐛᐸᑕᒡ᙮ ᑭᔭ ᐊᓐᒡ ᑲ ᓂᓇᐧᑲᑕᔨᒧᐊᑭᓄᒡ ᒐᒋ ᐱᔅᑎᓇᑭᓄᐅᒡ᙮

1 ᐱᑕᕐ 2:24

ᐎᔾ ᑎᐱᔨᐛ ᐎᔭᒡ ᒋ ᐃᓯ ᐅᑎᓂᒻ ᒋᒥᒋᑥᐅᓄᐛ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ, ᒥᔅᑯᒡ ᒋᔭᓄᐤ ᒐ ᐊᑲ ᒋ ᐱᒋᔅᑲᑯᔭᐧᒄ ᒥᒋᑥᐅᓐ᙮ ᒋ ᐃᑐᑎᒻ ᒋᒥᒋᑥᐅᓄᐛ ᒐᒋ ᐊᑎ ᐃᓯᓇᑯᓱᐛᐧᒄ ᒧᔭᒻ ᐊ ᓂᐱᔭᐧᒄ ᒥᒋᑥᐅᓂᒡ ᐃᔅ ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ᐱᒪᑎᓯᔭᐧᒄ᙮ ᐊᓂᔭ ᑕᓐ ᑲ ᐃᓯ ᐸᐱᓯᔅᑕᐛᑭᓄᐅᑦ, ᐊᑯᑕ ᑲ ᐅᒋ ᒥᓏᑎᓯᔭᒄ᙮

ᒋᔅᒐᔨᑕᑯᑕᒐᐅᓐ 2:7

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᐊᐛᓐᒋ ᒐ ᓴᐧᑯᒋᑕᒡ ᒥᒐᑎᓯᐅᓂᔪᐤ, ᓂᑭ ᒥᔭᐅᒡ ᒐᒋ ᒥᒋᒡ ᒥᓂᓴ ᐊᓐᑕ ᐅᒋ ᐱᒪᑎᓯᐤ ᒥᔅᑎᑯᒡ᙮ ᐊᐅᒄ ᒥᔅᑎᒄ ᐊ ᑕᑦ ᐊᓐᑕ ᒋᓴᒪᓂᑐᐛ ᐅᓂᑕᐅᒋᑕᑭᓐ ᐊᔅᒋᔨᒡ᙮”

ᒋᔅᒐᔨᑕᑯᑕᒐᐅᓐ 21:21

ᐊᓂᔭ ᒪᒃ ᓂᓱᓴᑉ ᒋᐱᔎᐛ ᑲ ᒥᔪᓯᓯᑦ ᑭᔭ ᐊ ᒥᓯᑎᑦ ᐊᔅ ᑲ ᐛᐱᓯᑦ ᒋ ᐅᒋ ᐅᓯᑕᑭᓄᐛ᙮ ᐊᑯ ᐊᓂᔭᔪᐛ ᒪᔅᑭᓄᐛ ᐊᓐ ᐅᑕᓇᐤ ᓇᔅᒡ ᒋ ᐎᔄᐅᓱᓇᔭᐱᔅᑯᐛ, ᒋ ᓴᐳᓇᑯᓇ ᒧᔭᒻ ᓯᐳᐛᔅᑕᔨᑕᑭᓐ ᐊ ᐃᓯᓇᒂᒡ᙮

ᒋᔅᒐᔨᑕᑯᑕᒐᐅᓐ 21:24

ᒥᓯᐛ ᒪᒃ ᐊᐛᓐᒋ ᐊ ᐃᑎᔅᑲᓇᓯᒡ ᐅᑕ ᐊᔅᒋᒡ, ᐊᑯᑕ ᒐ ᐅᒋ ᐛᔅᑕᓂᒪᑯᒡ ᐊᓂᔭ ᐛᔅᑕᐅᓂᔪᐤ ᐊᓐᑕ ᐊᓂᔭ ᐅᑕᓇᒡ ᑲ ᐅᒋᐱᔨᒡ᙮ ᐊᑯᑕ ᐊ ᐃᑐᑕᒡ ᐅᒋᔅᑕᔨᑕᑯᓱᐅᓄᐛᐛ ᑭᔭ ᐅᐛᔪᑎᓯᐅᓄᐛᐛ ᒋᓴᐅᒋᒪᐅᒡ ᐅᑕ ᐊᔅᒋᒡ ᐊ ᑕᒡ᙮

ᒋᔅᒐᔨᑕᑯᑕᒐᐅᓐ 22:1

ᐊᑯ ᐅ ᐊᓐᒋᓐ ᒂ ᐸᒋ ᐛᐸᑎᔨᑦ ᓯᐱᔪᐤ᙮ ᐊᓐ ᒪᒃ ᓂᐱᔾ ᐊᓐᑕ ᐊᓐ ᓯᐱᔾ, ᐊᑯᑕ ᐛᒋ ᒥᔭᑭᓄᐅᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ᙮ ᓇᔅᒡ ᒋ ᐛᓴᔭᑭᒥᓱᐤ ᐊᓐ ᓂᐱᔾ ᒧᔭᒻ ᐊᓯᓂᔅ ᓯᐳᐛᔅᑕᔨᑕᑭᓇᐱᔅᒄ ᐊ ᐃᔅᐱᔅ ᓴᑈᐤ ᐛᔄᐛᐱᔅᒋᓯᑦ, ᐊᐅᑯᓐ ᑲ ᐃᑕᑭᒥᒡ ᐊᓐ ᓂᐱᔾ᙮ ᓯᐸ ᒋᓴᒪᓂᑐᐤ ᑭᔭ ᐊᓐ ᒪᔭᑕᓂᔅ ᐅᒋᓴᐅᒋᒪᐤ ᑕᑎᐳᐛᑭᓂᐛᒡ, ᐊᑯᑕ ᑲ ᐅᑕᒍᐅᒡ ᐅ ᓯᐱᔾ᙮

ᒋᔅᒐᔨᑕᑯᑕᒐᐅᓐ 22:14

ᑕᑈ ᒋᑭ ᓱᐛᔨᑕᑯᓱᐅᒡ ᐊᓐᒡ ᑲ ᐸᔭᒋᑕᒡ ᐅᑦ ᐊᐱᒋᑕᐅᓄᐛᐛ᙮ ᐊᐅᑯᓐᒡ ᐅᒡ ᒐ ᑕᑈᐅᒐᔨᑕᑯᓯᒡ ᒐᒋ ᐱᒐᒡ ᐊᓂᔭ ᐅᑕᓇᔪᐤ ᑭᔭ ᒐᒋ ᐅᑎᓂᒪᓱᒡ ᒥᓂᓴ ᐊᓐᑕ ᐅᒋ ᐊᓂᔭᔪᐛ ᒥᔅᑎᒂ ᐊᓐᑕ ᐛᒋ ᐊᔭᔨᒋ ᐊᐛᔪᐛ ᐱᒪᑎᓯᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 22:19

ᐊᓐ ᒪᒃ ᐊᐛᓐ ᒐ ᐊᒍᓂᒧᒂ ᑕᓐ ᐊ ᐃᓯ ᓂᑲᓐ ᐎᑕᑭᓄᐎᒡ ᐅᑕ ᒥᓯᓇᐃᑭᓂᒡ, ᒋᓴᒪᓂᑐᐛ ᒋᑭ ᐅᑎᓂᒥᔪᐛ ᑕᓐ ᑲ ᐃᓯ ᐊᔭᑦ ᒐᒋ ᐅᒋ ᒥᒋᑦ ᒥᓂᓴ ᐊᓐᑕ ᐊᓂᔭᔪᐛ ᒥᔅᑎᒂ ᑲ ᓂᑕᐅᒋᓂᔨᒋ, ᐊᓐᑕ ᐛᒋ ᐊᔭᔨᒋ ᐊᐛᔪᐛ ᐱᒪᑎᓯᐅᓂᔪᐤ ᑭᔭ ᓇᒪ ᒋᑭ ᒋ ᐱᒐᐤ ᐊᓐᑕ ᒋᓴᒪᓂᑐᐛ ᐅᑦ ᐃᑕᐅᓂᔨᒡ᙮”