ᒋᔅᒐᔨᑕᑯᑕᒐᐅᓐ 22:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐊᑯ ᒥᓐ ᒂ ᐸᒋ ᐃᓯᑦ, “ᐊᑲᐎᔾ ᒋᒧᑦ ᑭᓄᐛᔨᑕ ᑕᓐ ᐊ ᐃᓯ ᐊᔨᒧᑕᒡ ᐅᑕ ᒥᓯᓇᐃᑭᓂᒡ ᐊᔅᒄ ᒐ ᐃᔅᐱᔨᒡ᙮ ᐛᔅ ᓴᔅ ᐸᓱᓇᑯᓐ ᒐ ᐃᔅᐱᔨᒋ ᐅᔭ ᒐᒂᔪᐛ᙮

ᒋᔅᒐᔨᑕᑯᑕᒐᐅᓐ 22:10 ပူးပေါင်းရင်းမြစ်များ

ᒪᑎᔪᐤ 10:27

ᐊᓐ ᑕᓐ ᐊ ᐃᓯ ᐎᑎᒪᑎᑯᒡ ᐊ ᑎᐱᔅᑲᒡ ᐎᑎᒧᒄ ᒪᒂᒡ ᐊ ᒋᓯᑲᒡ᙮ ᑭᔭ ᐊᓐ ᑕᓐ ᑲ ᐃᓯ ᒋᒧᑦ ᐎᑎᒪᑯᐅᔭᒄ ᐎᑎᒧᐛᐧᑯᒡ ᒥᓯᐛ ᐊᐛᓐᒋ ᒐᒋ ᒋᔅᒐᔨᑕᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:11

ᐊᐅᑯᓐ ᐅ ᒋᐸ ᐃᓯ ᐱᒪᑎᓯᓇᐛᐤ ᐊ ᒋᔅᒐᔨᑎᒪᒄ ᑕᓐ ᒐ ᐃᔅᐱᔨᒡ ᐊᑯ ᐎᐱᒡ᙮ ᐃᑕᔨᑕᑯᓐ ᐊᑯ ᑕᑈ ᒐᒋ ᐸᑯᐱᔭᒄ ᑭᔭ ᒐᒋ ᐊᓯᒐᔨᑎᒪᒄ᙮ ᐊᓐ ᐊ ᒋᓯᑲᒡ ᒐ ᐱᒪᒋᐃᑕᒄ ᒋᓴᒪᓂᑐᐤ ᐊᑐᐎᔅ ᐊᑯ ᐸᓱᓇᑯᓐ ᑲ ᐃᔅᐱᓯᓇᒂᒡ ᐊᓐᑕ ᓂᔅᑎᒻ ᑲ ᑕᑈᔭᔨᒪᐧᒄ ᒋᓴᔅ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:12

ᓴᔅ ᒐᑲᑦ ᐎᒪᐱᔪᐤ ᐊ ᑎᐱᔅᑲᒡ᙮ ᓴᔅ ᒋᑭ ᐅᑎᒋᐱᔪᐤ ᐊ ᒋᓯᑲᒡ᙮ ᐳᓂᑕᐤ ᐊ ᐃᑐᑎᒪᐧᒄ ᐊᓂᔭᔪᐛ ᒐᒂᔪᐛ ᑕᓐ ᐊ ᐃᓯ ᑐᑕᑭᓄᐅᒋ ᐅᓂᑎᐱᔅᒋᓯᐅᓂᒡ᙮ ᑐᑕᑕᐤ ᐊᓂᔭᔪᐤ ᒐᒂᔪᐛ ᒐ ᐎᒋᐃᑯᔭᐧᒄ ᒐᒋ ᓂᔅᑯᔅᑐᐛᐧᒄ ᒥᒋᒥᓂᑐᐤ ᐛᔅᑕᐅᓂᒡ ᐊ ᑕᔭᐧᒄ᙮

2 ᑕᓴᓗᓂᔭᓇ 2:3

ᐃᔭᒂᒥᒄ ᐊᑲ ᓇᔅᒡ ᒐᒋ ᐎᔭᓯᐃᑕᑯᒡ ᐊᐛᓐᒋ᙮ ᐊᔅᒄ ᐊᑲ ᐅᑎᒋᐱᔨᒐ ᐊᓐ ᐊ ᒋᓯᑲᒡ ᒥᒐᑦ ᐊᐛᓐᒋ ᒪᔅᑕᔾ ᒋᑭ ᓱᒐᔨᒧᑐᐛᐅᒡ ᒋᓴᒪᓂᑐᐛ᙮ ᑭᔭ ᒋᑭ ᓄᑯᐊᑭᓄᐤ ᐊᓐ ᐊᐛᓐ ᑲ ᒪᔭᑎᓯᑦ ᐊᑲ ᓇᔅᒡ ᑲ ᐊᐱᑕᔨᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ, ᐊᔪᐅᒄ ᐅᔭ ᒋᓴᒪᓂᑐᐤ ᐊᓐᑕ ᒥᒋ ᐃᔅᑯᑕᒡ ᒐ ᐃᑎᓴᐛᑦ ᒐᒋ ᓂᓱᐅᓇᑎᓯᔨᒋ᙮

1 ᐱᑕᕐ 4:7

ᓴᔅ ᐸᓱᓇᑯᓐ ᒥᓯᐛ ᒐᒂᓐ ᒐ ᐃᔎᐱᔨᒡ᙮ ᒋ ᓂᑐᐛᔨᑕᑯᓯᓇᐛᐤ ᒐᒋ ᐃᓯ ᓂᓇᑭᑐᐛᔨᑎᒪᒄ ᑕᓐ ᐊ ᐃᑎᔭᒄ ᑭᔭ ᐊᓱᐛᐱᒄ ᐊ ᐊᔭᒥᐊᔭᒄ᙮

ᒋᔅᒐᔨᑕᑯᑕᒐᐅᓐ 1:11

ᐊᐅᒄ ᒪᒃ ᐅᔭ ᑲ ᐃᔅᒋᔄᑦ, “ᒥᓯᓇᐊ ᑕᓐ ᒐ ᐃᓯ ᐛᐸᑎᒥᓐ ᐊᓄᒡ ᐊᑯ, ᒐ ᐃᑎᓴᐊᒧᐅᑥᐤ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᐊᓂᔭ ᓂᔄᐅᑕᒡ ᐊᔭᒥᐊᐅᒋᐛᐸ ᐃᐱᓴᔅ, ᓯᒥᕆᓇ, ᐸᕐᑲᒪᒻ, ᑕᔭᑕᐃᕋ, ᓴᕐᑎᔅ, ᐱᓚᑕᓪᐱᔭ ᑭᔭ ᓚᐅᑎᓯᔭ ᐊ ᑕᒡ᙮” ᐊᐅᒄ ᐅᔭ ᑲ ᐸᒋ ᐃᓯᑦ᙮

ᒋᔅᒐᔨᑕᑯᑕᒐᐅᓐ 1:3

ᒋᑭ ᓱᐛᔨᑕᑯᓱᐤ ᐊᓐ ᐊᐛᓐ ᒐ ᐃᔨᒥᑕᑦ ᐅᔭ ᑕᓐ ᐊ ᐃᑎᔅᑕᔨᒡ ᐅᑕ, ᐊᓐᑕ ᒐᒋ ᐅᒋ ᐸᑎᒥᔨᒋ ᑯᑎᑲ ᐊᐛᔪᐛ᙮ ᐊᓐᒡ ᑲ ᐸᑕᒡ ᑭᔭ ᑲ ᓂᓇᐃᑕᒡ ᑕᓐ ᐊ ᐃᑎᔅᑕᔨᒡ ᐊᓐᑕ ᑭᔭ ᐎᔨᐛᐤ ᒋᑭ ᓱᐛᔨᑕᑯᓱᐅᒡ᙮ ᐛᔅ ᓴᔅ ᐸᓱᓇᑯᓐ ᒐ ᐅᑎᒋᐱᔨᒡ ᒥᓯᐛ ᒐᒋ ᐃᔅᐱᔨᒡ ᑕᓐ ᑲ ᐃᓯ ᐛᐸᑎᔨᑯᔭᓐ᙮

ᒋᔅᒐᔨᑕᑯᑕᒐᐅᓐ 10:4

ᐃᔅᐱ ᒪᒃ ᑲ ᐸᑕᑯᓯᒡ ᐊᓐᒡ ᓂᔄᐅᑕᒡ ᑲ ᐃᑕᑎᓯᒡ ᓂᒥᔅᒍᐅᒡ ᒧᔭᒻ ᐊ ᐃᔨᒥᒡ ᑲ ᐃᑎᑕᑯᓯᒡ, ᓂᒋ ᐎ ᒋᒋ ᒥᓯᓇᐃᒐᓐ᙮ ᐊᑯ ᒂ ᐅᒋ ᐸᑎᒪᓐ ᐸᑕᑯᓱᐅᓐ ᒋᒋᒋᓯᑯᒡ ᐅᒡ ᐊ ᐃᑎᑯᔭᓐ, “ᐊᑲᐎᔾ ᒥᓯᓇᐊ ᑕᓐ ᑲ ᐃᔅᒋᔄᒡ ᐊᓐᒡ ᓂᒥᔅᒍᐅᒡ᙮ ᐊᑲᐎᔾ ᐊᐛᓐ ᒋᑭ ᐅᒋ ᒋᔅᒐᔨᑎᒻ᙮”

ᒋᔅᒐᔨᑕᑯᑕᒐᐅᓐ 22:16

ᓂᔾ, ᒋᓴᔅ, ᓂᒋ ᐃᑎᓴᐛᐤ ᓂᑦ ᐊᓐᒋᓂᒻ ᐊᓐᑕ ᐊ ᐊᑎ ᑕᔭᒄ ᒐᒋ ᐎᑎᒪᑕᒄ ᐅᔭ ᒐᒂᔪᐛ, ᒋᔨᐛᐤ ᐅᒪᒧᐊᔭᒥᐊᑐᒄ᙮ ᑎᐱᑦ ᐊ ᑕᑦ ᓂ ᐅᒋ ᐊᓂᔅᒐ ᐱᒪᑎᓯᓐ᙮ ᐊᐅᒄ ᓂᔾ ᐊᓐ ᐛᐱᓐ ᐅᒐᑭᑕᐧᒄ ᓇᔅᒡ ᑲ ᒋᐧᑲᔭᔅᑐᐛᑦ᙮”

ᒋᔅᒐᔨᑕᑯᑕᒐᐅᓐ 22:18

ᓂᔾ, ᒠᓐ, ᓂᑦ ᐃᔭᒂᒥᒪᐤ ᒥᓯᐛ ᐊᐛᓐ ᑲ ᐸᑕᐧᒃ ᑕᓐ ᐊ ᐃᓯ ᓂᑲᓐ ᐎᑕᑭᓄᐎᒡ ᐅᑕ ᒥᓯᓇᐃᑭᓂᒡ, “ᐊᓐ ᐊᐛᓐ ᒐ ᐃᔭᒋᔅᑕᒂ ᒐᒂᔪᐤ ᑕᓐ ᐊ ᐃᔅᒋᔄᒥᑭᓂᔨᒡ ᐅᑕ ᒥᓯᓇᐃᑭᓂᒡ, ᒋᓴᒪᓂᑐᐛ ᒋᑭ ᐃᔭᒋᔅᑕᔪᐛ ᑭᔭ ᐎᔾ ᑕᓐ ᑲ ᐃᓯ ᐎᑕᑭᓄᐎᒡ ᐅᑕ ᒥᓯᓇᐃᑭᓂᒡ ᒐ ᐃᓯ ᓂᓇᐧᑲᑕᔨᒧᑦ᙮

ᒋᔅᒐᔨᑕᑯᑕᒐᐅᓐ 22:20

ᐊᓐ ᒪᒃ ᐊᐛᓐ ᑲ ᐎᑕᐧᒃ ᐊ ᑕᑈᒥᑭᓂᔨᒡ ᒥᓯᐛ ᐅᔭ ᑲ ᐃᓯ ᐎᑕᑭᓄᔨᒋ ᐃᔅᒋᔄᐤ, “ᒐᔅᑎᓇᔅ ᓴᔅ ᐎᐱᒡ ᒥᓐ ᓂᑭ ᑎᑯᓯᓐ᙮” ᐊᒥᓐ, ᐅᑎᐸᔨᒋᒐᐤ ᒋᓴᔅ, ᐊᔅᑎᒻ᙮

ᒋᔅᒐᔨᑕᑯᑕᒐᐅᓐ 22:7

ᒋᓴᔅ ᒪᒃ ᐃᔅᒋᔄᐤ, “ᓂᑐᑎᒧᒄ, ᓴᔅ ᐎᐱᒡ ᓂᑭ ᑎᑯᓯᓐ᙮ ᑕᑈ ᒋᑭ ᓱᐛᔨᒪᑭᓄᐤ ᐊᐛᓐ ᒐ ᓂᓇᐃᑕᐧᒃ ᐅᔭ ᐃᔨᒧᐅᓂᔪᐤ ᑕᓐ ᑲ ᐃᓯ ᐛᐸᑎᔨᐛᔨᒋ ᒋᓴᒪᓂᑐᐛ ᐅᑕ ᒥᓯᓇᐃᑭᓂᒡ ᐊᔅᒄ ᒐ ᐃᔅᐱᔨᒡ᙮”

ᒋᔅᒐᔨᑕᑯᑕᒐᐅᓐ 22:9

ᒥᒄ ᒪᒃ ᓂᒋ ᐃᑎᒄ, “ᐊᑲ ᐸᒋ ᐊᔭᒥᐊᔅᑐᐎ᙮ ᐛᔅ ᑭᔭ ᓂᔾ ᓂᑦ ᐊᑐᔅᑯᐛᐤ ᒋᓴᒪᓂᑐᐤ ᒧᔭᒻ ᒋᔾ ᐊ ᐃᑎᔨᓐ ᑭᔭ ᒧᔭᒻ ᐊ ᐃᑎᒡ ᒋᐧᑲᓂᓯᒡ, ᐊᓐᒡ ᑲ ᒋᔅᒋᐛᐃᒐᒡ ᑭᔭ ᐊᓐᒡ ᑲ ᓂᓇᐃᑕᒡ ᑕᓐ ᐊ ᐃᑎᔅᑕᔨᒡ ᐅᑕ ᒥᓯᓇᐃᑭᓂᒡ᙮ ᒋᓴᒪᓂᑐᐤ ᐊᐅᒄ ᐊᔭᒥᐊᔅᑐᐤ᙮”

ᒋᔅᒐᔨᑕᑯᑕᒐᐅᓐ 5:1

ᐊᑯ ᒂ ᐛᐸᑎᒪᓐ ᒥᓯᓇᐃᑭᓐ ᐊᒋ ᑎᑎᐸᔭᒋᓂᑭᓄᐅᒡ᙮ ᐊᓐ ᐊᐛᓐ ᑲ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᒋ ᑕᐧᑯᓂᒻ ᐊᓂᔭ ᒥᓯᓇᐃᑭᓂᔪᐤ᙮ ᐃᑐᐤ ᐊᓐᑕ ᒋ ᒥᓯᓇᐃᑲᓄᑯᐱᓇ ᐊᓐ ᒥᓯᓇᐃᑭᓐ ᑭᔭ ᒋ ᒋᔅᑕᐸᓱᐤ ᐱᓯᑯᐃᑭᓄᑯᐱᓇ ᓂᔄᐅᑕᒡ ᒋᔅᑕᐸᓱᐤ ᐱᓯᑯᐃᑭᓇ ᐊᒋ ᐊᐱᑎᒋ᙮