ᒋᔅᒐᔨᑕᑯᑕᒐᐅᓐ 19:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐊᑯ ᒂ ᐛᐸᑎᒪᓐ ᒋᒋᒋᓯᒄ ᐊ ᔪᑕᐱᔨᒡ᙮ ᒋ ᐅᒋ ᓄᑯᓱᐤ ᒪᒃ ᑲᐸᐃᑭᔎᐤ ᐊ ᐛᐱᓯᑦ᙮ ᐊᓐ ᒪᒃ ᑲ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ ᑲ ᑕᑈᐅᒐᔨᑕᑯᓯᑦ ᑭᔭ ᑲ ᑕᑈᑦ ᒋ ᐃᓯᓂᐧᑲᑕᑭᓄᐤ᙮ ᑯᐃᔅᑯᑕᑎᓯᐅᓂᒡ ᐃᓯ ᑎᐸᔅᑯᓂᒐᐤ ᑭᔭ ᑯᐃᔅᑯᑕᑎᓯᐅᓂᔪᐤ ᒪᓯᒐᔅᑎᒻ᙮

ᒋᔅᒐᔨᑕᑯᑕᒐᐅᓐ 19:11 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 50:6

ᒋᓯᒂ ᒪᒃ ᒋᑭ ᐎᑎᒧᒪᑭᓂᔪᐛ ᐅᑯᐃᔅᑯᑕᑎᓯᐅᓐ: ᐛᔅ ᒋᓴᒪᓂᑐᐤ ᐛᒋᒡ ᑎᐸᔅᑯᓂᒐᐤ᙮

ᑎᐱᑦ ᐅᓂᑭᒧᐅᓇ 96:13

ᐅᑎᔅᑯᐤ ᑎᐸᔨᒋᒐᓱᐛ; ᐛᔅ ᐸᒋ ᐃᑐᑕᐤ, ᐛᔅ ᐸᒋ ᐃᑐᑕᐤ ᒐᒋ ᑎᐸᔅᑯᓇᐧᒃ ᐊᔅᒋᔪᐤ; ᒋᑭ ᑎᐸᔅᑯᓂᒻ ᐊᔅᒋᔪᐤ ᑯᐃᔅᑯᑕᑎᓯᐅᓂᒡ, ᑭᔭ ᐃᔪᐛ ᑕᑈᐅᓂᒡ᙮

ᑎᐱᑦ ᐅᓂᑭᒧᐅᓇ 98:9

ᐅᑎᔅᑯᐤ ᑎᐸᔨᒋᒐᓱᐛ; ᐛᔅ ᒋᑭ ᐸᒋ ᑎᑯᓯᓂᔪᐛ ᒐ ᑎᐸᔅᑯᓂᒥᔨᒋ ᐊᔅᒋᔪᐤ: ᑯᐃᔅᒄ ᒋᑭ ᐃᓯ ᑎᐸᔅᑯᓇᐤ ᒥᓯᑕᔅᑭᒥᒡ ᐊ ᑕᔨᒋ, ᒋᒡ ᑭᔭ ᒥᓯᐛ ᐃᓯ ᐃᔪᐛ ᑯᐃᔅᑯᑐᑕᒐᐅᓂᒡ᙮

ᑎᐱᑦ ᐅᓂᑭᒧᐅᓇ 99:4

ᒋᓴᐅᒋᒪᐤ ᐅᒥᔅᑯᐅᓯᐅᓂᒡ ᑭᔭ ᓴᒋᑕᐤ ᑎᐸᔅᑯᓂᒐᐅᓂᔪᐤ; ᒋᑦ ᐊᔨᑎᔅᑕᓐ ᑯᐃᔅᑯᑐᐅᓐ, ᒋ ᑎᐱᑐᑕᓐ ᑎᐸᔅᑯᓂᒐᐅᓐ ᑭᔭ ᑯᐃᔅᑯᑕᑎᓯᐅᓐ ᒐᑭᐱᒡ᙮

ᐊᒃᓱᑕᔅ 15:3

ᑎᐸᔨᒋᒐᓱᐤ ᓂᑐᐱᔪᐅ-ᐃᔪᐅᐤ; ᑎᐸᔨᒋᒐᓱᐤ ᐃᓯᓂᐧᑲᓱᐤ᙮

ᒠᓐ 1:51

ᐊᑯ ᒥᓐ ᒂ ᐊᑎ ᐃᔅᒋᔄᑦ, “ᑯᐃᔅᒄ ᒋ ᐎᑎᒪᑎᓇᐛᐤ, ᒋᑭ ᐛᐸᑕᓇᐛᐤ ᒋᒋᒋᓯᒄ ᐊ ᔪᑕᐱᔨᒡ, ᑭᔭ ᒋᓴᒪᓂᑐᐤ ᐅᑦ ᐊᓐᒋᓂᒪ ᐊ ᐅᐱᔨᒋ ᑭᔭ ᐊ ᐸᒋ ᔭᓯᑐᑐᐛᒡ ᐃᔪᐤ ᐅᑯᓯᓴᓇ᙮”

ᒠᓐ 14:6

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᓂᔾ ᐊᐅᒄ ᒪᔅᑭᓄᐤ ᑭᔭ ᑕᑈᐅᓐ ᑭᔭ ᐱᒪᑎᓯᐅᓐ, ᓇᒪ ᐊᐛᓐ ᒋᑭ ᒋ ᓇᑕᐤ ᐅᑕᐎᒪᐛ ᒥᒄ ᓂᔾ ᐅᒋ᙮

ᒋᔅᒐᔨᑕᑯᑕᒐᐅᓐ 1:5

ᒋᓴᔅ ᙭ ᑭᔭ, ᐊᓐ ᒧᔅ ᑯᐃᔅᒄ ᑲ ᐎᑕᐧᒃ ᐊ ᑎᐸᒋᒪᑦ ᒋᓴᒪᓂᑐᐛ, ᓂ ᐱᑯᓴᔨᒪᐤ ᒐᒋ ᓱᐛᔨᒥᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋᓴᔅ ᙭ ᒪᐅᒡ ᓂᔅᑎᒻ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒋ ᑲᒋᒡ ᒐᒋ ᐱᒪᑎᓯᑦ᙮ ᐎᔾ ᒋᓴᐅᒋᒪᐅᐤ ᒥᓯᐛ ᒋᓴᐅᒋᒪᐛ ᐅᑕ ᐊᔅᒋᒡ᙮ ᒋᓴᒋᐃᑯᓄᐤ ᑭᔭ ᒋ ᐱᔅᑎᓂᓱᐤ ᒐᒋ ᓂᐸᐊᑭᓄᐅᑦ ᒋᔭᓄᐤ ᐅᒋ ᒐ ᐊᑲ ᒋ ᑎᐸᔨᒥᑯᔭᐧᒄ ᒋᒥᒋᑥᐅᓄᐛ᙮

ᒋᔅᒐᔨᑕᑯᑕᒐᐅᓐ 11:19

ᐊᑯ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ ᒋᒋᒋᓯᑯᒡ ᐊ ᑎᑯᓂᔨᒡ ᒂ ᓴᓂᑭᓄᐎᒡ᙮ ᐊᓐᑕ ᒪᒃ ᐱᑎᑭᒥᒡ ᒋ ᓄᑯᓐ ᐊᓐ ᑲ ᐸᔭᒋᓯᒥᑲᒡ ᒥᔅᑎᑯᐅᑦ ᐊᓐᑕ ᑲ ᑎᑕᑭᓄᔨᒡ ᐊᓂᔭ ᓂᔅᑯᒧᐅᓂᔪᐤ ᒋᓴᒪᓂᑐᐤ ᑲ ᐅᓯᑎᒧᐛᑦ ᐅᑦ ᐃᔨᒪ᙮ ᐊᑯ ᑲ ᐅᔄᔅᑕᐱᔨᒡ ᑭᔭ ᓂᒥᔅᒍᐅᒡ ᒋ ᐸᑕᑯᓱᐅᒡ᙮ ᑭᔭ ᒋ ᑯᐃᐧᑯᓐ ᑭᔭ ᒋ ᒥᔅᑎ ᒥᔅᑯᒥᑕᓐ᙮

ᒋᔅᒐᔨᑕᑯᑕᒐᐅᓐ 19:19

ᐊᑯ ᒂ ᐛᐱᒥᒃ ᐊᓐ ᒥᒋ ᐊᐛᓯᔅ ᑭᔭ ᒥᓯᐛ ᒋᓴᐅᒋᒪᐅᒡ ᐅᑕ ᐊᔅᒋᒡ ᐊ ᒪᒧᐎᒡ ᒐᒋ ᓂᑐᐱᔨᑐᐛᒡ ᐊᓂᔭᔪᐛ ᐊᓐᑕ ᑲ ᐛᐱᓯᔨᒋ ᑲᐸᐃᑭᔎᐛ ᑲ ᑕᑎᐱᔨᒋ ᑭᔭ ᐊᓂᔭᔪᐛ ᓂᑐᐱᔪᐅ-ᐃᔨᒥᔪᐛ᙮

ᒋᔅᒐᔨᑕᑯᑕᒐᐅᓐ 19:21

ᒥᓯᐛ ᒪᒃ ᐊᓂᔭᔪᐛ ᐅᑦ ᐊᓯᒪᑭᓂᓯᒧᐛᐛ ᐊᓐ ᒥᒋ ᐊᐛᓯᔅ ᑭᔭ ᐊᓐ ᑲ ᐎᔭᓯᐃᐛᑦ ᐅᒋᔅᒋᐛᐃᒐᓱᐤ ᒋ ᓂᐸᐊᑭᓄᐅᔪᐛ ᐊᓂᔭ ᓂᑐᐱᔪᐅ-ᒧᐧᑯᒪᓂᔪᐤ ᐅᑐᓂᔨᒡ ᐊᓂᔭᔪᐛ ᑲ ᑕᑎᐱᔨᒋ ᑲᐸᐃᑭᔎᐛ ᑲ ᐅᒋᐱᔨᒡ ᐊ ᐊᐱᑎᓂᔨᒡ᙮ ᒥᓯᐛ ᒪᒃ ᐊᓐᒡ ᐱᔭᓱᐅᒡ ᒋ ᒋᔅᐳᐃᓱᐅᒡ ᐊ ᒥᒋᒡ ᐊᓂᔭᔪᐛ ᒥᔪᐛ᙮

ᒋᔅᒐᔨᑕᑯᑕᒐᐅᓐ 3:14

“ᒥᓐ ᒪᒃ ᓂᒋ ᐃᑎᑯᓐ᙮ ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᓚᐅᑎᓯᔭᒡ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᐊᓐᑕ ᐛᒋ ᒐᔅᑎᓇᑕᔨᑕᑯᓂᔨᒡ ᒥᓯᐛ ᑕᓐ ᐊ ᐃᔅᒋᔄᑦ ᒋᓴᒪᓂᑐᐤ ᒐ ᐃᑐᑎᒪᒐᑦ ᑭᔭ ᒐ ᐃᑎᑦ, ᐊᓐ ᑯᐃᔅᒄ ᑲ ᐃᑎᑦ ᐊ ᐎᑕᐧᒃ ᑕᓐ ᐊᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ, ᐊᓂᔭᔪᐛ ᑲ ᐊᐱᒋᐊᑦ ᒋᓴᒪᓂᑐᐤ ᒥᓯᐛ ᒐᒂᔪᐤ ᑲ ᐅᓯᑕᑦ᙮

ᒋᔅᒐᔨᑕᑯᑕᒐᐅᓐ 3:7

“ᒥᓐ ᓂᒋ ᐃᑎᑯᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐱᓚᑕᓪᐱᔭᒡ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᐸᔭᒋᓯᑦ, ᐊᓐ ᒧᔅ ᑯᐃᔅᒄ ᑲ ᐃᑎᑦ ᐊ ᐊᑐᔅᑯᐛᑦ ᒋᓴᒪᓂᑐᐛ᙮ ᑕᐧᑯᓂᒺᐤ ᑎᐱᑕ ᐅᑦ ᐊᐸᐃᑭᓂᔪᐤ᙮ ᔪᑕᓇᒐ ᔅᑐᐧᑭᓇ, ᓇᒪ ᐊᐛᔪᐛ ᒋᑭ ᒋ ᒋᐸᐛᔪᐛ᙮ ᒋᐸᐛᒐ ᔅᑐᐧᑭᓇ, ᓇᒪ ᐊᐛᔪᐛ ᒋᑭ ᒋ ᔪᑕᓇᔪᐛ᙮

ᒋᔅᒐᔨᑕᑯᑕᒐᐅᓐ 4:1

ᐃᔭᒡ ᒥᓐ ᓂᒋ ᐃᓯ ᐛᐸᑎᔨᑯᐅᓐ᙮ ᐃᔅᐱᒥᒡ ᐊ ᐃᑕᐱᔭᓐ ᓂᒋ ᐛᐱᒪᐤ ᔅᑐᐧᑭᓐ ᐊ ᐊᔪᑕᑯᒋᓂᑦ ᐊᓐᑕ ᒋᒋᒋᓯᑯᒡ᙮ ᐊᑯ ᑲ ᐸᒋ ᐃᔨᒥᐃᑦ ᒥᓐ ᐊᓐ ᐊᐛᓐ ᓴᔅ ᐊᓐᑕ ᐊᒋ ᐸᒋ ᐃᔨᒥᐃᑦ᙮ ᒧᔭᒻ ᐳᑕᒋᑭᓂᔪᐤ ᐊ ᒋᔄᐛᒥᑭᓂᔨᒡ ᐊ ᐃᑎᑕᑯᓂᔨᒡ, ᐊᑯᓐ ᐊ ᐃᑎᑕᑯᓂᔨᒡ ᐅᐸᑕᑯᓱᐅᓐ᙮ ᓂᒋ ᐃᑎᒄ, “ᐊᔅᑎᒻ ᐅᑕ᙮ ᒐ ᐛᐸᑎᔨᑕᓐ ᑕᓐ ᒥᓐ ᒐ ᐊᑎ ᐃᔅᐱᔨᒡ᙮”

ᒋᔅᒐᔨᑕᑯᑕᒐᐅᓐ 6:2

ᐊᑯ ᒂ ᐃᑕᐱᔭᓐ, ᒂ ᐛᐱᒥᒃ ᐊ ᐛᐱᓯᑦ ᑲᐸᐃᑭᔎᐤ᙮ ᐊᓐ ᒪᒃ ᑲ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ, ᒋ ᑕᐧᑯᓇᐤ ᐊᒐᐱᔭ᙮ ᒋ ᒥᔭᑭᓄᐤ ᒋᓴᐅᒋᒪᐅᑯᓂᔎᐅᓂᔪᐤ, ᐊᑯ ᒂ ᔅᑐᑕᑦ ᒋᒋᒋᓯᑯᒡ ᐅᒡ ᐊᓐᑕ ᐊᔅᒋᒡ ᐊ ᐃᑐᑕᑦ᙮ ᒋ ᓴᐧᑯᒋᐊᑯᐱᓇ ᒪᓐ ᐊᐛᔪᐛ ᒐᒋ ᐊᑎ ᐅᒋᒪᐧᑲᑐᐛᑦ᙮ ᒥᓐ ᒪᒃ ᒋ ᔅᑐᑕᐤ ᒐᒋ ᓴᐧᑯᒋᐊᑦ ᑭᔭ ᒐᒋ ᐊᑎ ᐅᒋᒪᐧᑲᑐᐛᑦ ᑯᑎᑲ ᐊᐛᔪᐛ᙮