ᒋᔅᒐᔨᑕᑯᑕᒐᐅᓐ 16:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐊᑯ ᐊᓐ ᓇᐤ ᐊ ᑕᑦ ᐊᓐᒋᓐ ᐱᓯᒺ ᒂ ᐃᓯ ᑯᑎᐱᓇᐧᒃ ᐅᐎᔭᑭᓐ᙮ ᐱᓯᒻ ᒋ ᐱᔅᑎᓇᑭᓄᐤ ᒐᒋ ᐃᔎᔄᑦ ᐊᐛᔪᐛ ᓇᔅᒡ ᐊ ᐃᔅᐱᔅ ᐎᓯᑲᔅᑐᐛᑦ᙮

ᒋᔅᒐᔨᑕᑯᑕᒐᐅᓐ 16:8 ပူးပေါင်းရင်းမြစ်များ

ᒪᑎᔪᐤ 13:6

ᐃᔅᐱ ᒪᒃ ᓯᔭᑲᔅᑐᐛᒋ ᐱᓯᒻ ᒋ ᐃᔎᑕᔪᐛ ᐊᓂᔭᔪᐛ ᓂᑕᐅᒋᑕᑭᓇ᙮ ᒐᒃ ᒋ ᐊᑎ ᓂᐱᒥᑭᓇ ᐛᔅ ᑕᐸ ᐅᒋ ᐅᑎᐱᒥᑭᓇ᙮

ᓗᒃ 21:25

“ᒋᑭ ᓄᑯᓇ ᒋᔅᒋᓄᐛᐸᑎᔨᐛᐅᓇ ᐊᓐᑕ ᐱᓯᒧᒡ, ᑎᐱᔅᑲᐤ ᐱᓯᒧᒡ, ᑭᔭ ᐊᓐᑕ ᐅᒐᑭᑕᐧᑯᒡ, ᐊ ᐎᑎᒪᑯᔭᒄ ᒐᒂᓐ ᒐ ᐃᔅᐱᔨᒡ ᒐᒋ ᐃᔭᒂᒥᔭᒄ᙮ ᒥᓯᐛ ᐊ ᐃᑎᔅᑲᓇᓯᑦ ᐊᐛᓐ ᐅᑕ ᐊᔅᒋᒡ ᒋᑭ ᓴᒋᓱᐤ᙮ ᒋᑭ ᓴᒋᐃᑯᐅᒡ ᑕᓐ ᒐ ᐃᑎᑕᑯᓂᔨᒡ ᐎᓂᐸᑯᔪᐤ᙮

ᐊᑈᔅᑕᓇᒡ 2:20

ᐱᓯᒻ ᒋᑭ ᑎᐱᔅᒋᐱᔪᐤ ᑭᔭ ᑎᐱᔅᑲᐤ ᐱᓯᒻ ᒋᑭ ᒥᐧᑯᓯᐤ ᒧᔭᒻ ᒥᐧᒄ ᐊ ᐃᓯ ᒥᒂᒡ ᐊᐅᑯᓐ ᒐ ᐃᓯᓇᑯᓯᑦ ᐊᔅᒄ ᐊᑲ ᑎᑯᓯᐧᒃ ᐅᑎᐸᔨᒋᒐᐤ᙮ ᓇᔅᒡ ᑕᑈ ᒋᑭ ᒋᔅᑕᔨᑕᑯᓐ ᐊᓐ ᐊ ᒋᓯᑲᒡ ᑭᔭ ᓄᐛᒡ ᒋᑭ ᑎᑯᓐ ᐊ ᓴᒋᓯᓇᓄᐅᒡ᙮

ᒋᔅᒐᔨᑕᑯᑕᒐᐅᓐ 14:18

ᐃᔅᐱ ᒪᒃ ᑲ ᐸᒋ ᐎᐎᑦ ᐅ ᐊᓐᒋᓐ, ᐊᑯ ᒥᓐ ᑯᑎᒃ ᐊᓐᒋᓐ ᒂ ᐛᐱᒥᒃ ᐊᓐᑕ ᐊᓂᔭ ᐱᔅᑎᓂᒐᐅᓇᐱᔅᑯᔪᐤ ᐊ ᑎᑯᓂᔨᒡ ᐊ ᐅᑐᑕᑦ᙮ ᐊᐅᒄ ᐅ ᐊᓐᒋᓐ ᑕᐸᔨᑕᐧᒃ ᐃᔅᑯᑕᔪᐤ᙮ ᐊᑯ ᐅ ᐊᓐᒋᓐ ᒂ ᑕᑈᑕᑦ ᐊᓂᔭᔪᐛ ᐊᓐᒋᓇ ᑲ ᑕᐧᑯᓂᒥᔨᒋ ᐊ ᑲᓴᔨᒡ ᒥᔅᑯᓯᐅ-ᒧᐧᑯᒪᓂᔪᐤ᙮ ᒋ ᒋᔄᐛᐤ ᐊᓂᔭ ᐊ ᑕᑈᑕᑦ᙮ ᒋ ᐃᑕᐤ ᒪᒃ ᐊᓂᔭᔪᐛ ᐊᓐᒋᓇ, “ᐅᑎᓇ ᐊᓐ ᒋᒥᔅᑯᓯᐅ-ᒧᐧᑯᒪᓐ ᒐ ᒪᒧᓴᒋᓂᒥᓐ ᐊᓂᔭᔪᐛ ᐊ ᒪᒧᐅᒥᒋ ᒥᓂᓴ᙮ ᐛᔅ ᓴᔅ ᐅᑎᒋᐱᔪᐤ ᒐᒋ ᒪᒧᓴᒋᓂᑭᓄᐅᒋ᙮ ᓴᔅ ᒥᔽᐛ ᒐᒋ ᒪᒧᓴᒋᓂᑭᓄᐅᒋ᙮”

ᒋᔅᒐᔨᑕᑯᑕᒐᐅᓐ 6:12

ᐊᑯ ᒂ ᐛᐱᒥᒃ ᐊᓐ ᒪᔭᑕᓂᔅ ᒥᓐ ᑯᑎᒋᔪᐤ ᒋᔅᑕᐸᓱᐤ ᐱᓯᑯᐃᑭᓂᔪᐤ ᐊ ᓴᓇᐧᒃ᙮ ᐊᐅᒄ ᐊᑯ ᐊᓱᑕᒡ ᑲ ᓴᓇᐧᒃ᙮ ᐃᔅᐱ ᒪᒃ ᑲ ᓴᓇᐧᒃ, ᐊᑯ ᒂ ᒥᔅᑎ ᑯᐃᐧᑯᒡ᙮ ᐱᓯᒻ ᒋ ᑎᐱᔅᒋᐱᔪᐤ ᒧᔭᒻ ᐊᐱᒋᑕᐅᓐ ᑲ ᓱᒐᑲᒡ ᐊ ᐎᐸᑲᒡ ᐊᑯᓐ ᑲ ᐃᓯᓇᑯᓯᑦ᙮ ᐊᑯ ᑎᐱᔅᑲᐤ ᐱᓯᒻ ᒂ ᒥᐧᑯᓯᑦ, ᒧᔭᒻ ᐊ ᓱᐧᑯᓯᑦ ᐊᑯᓐ ᑲ ᐃᓯᓇᑯᓯᑦ᙮

ᒋᔅᒐᔨᑕᑯᑕᒐᐅᓐ 7:16

ᓇᒪ ᒪᒃ ᒥᓐ ᓂᑕ ᒋᑭ ᐅᒋ ᓯᐛᔪᒡ᙮ ᓇᒪ ᒥᓐ ᓂᑕ ᒋᑭ ᐅᒋ ᓄᑕᔭᐸᒂᐅᒡ᙮ ᓇᒪ ᒋᑭ ᐅᒋ ᐃᔎᓱᑯᐅᒡ ᐱᓯᒺ ᑭᔭ ᒪᒃ ᒐᒂᔪᐤ ᐊ ᒥᔅᑎ ᒋᓯᑕᔨᒡ᙮

ᒋᔅᒐᔨᑕᑯᑕᒐᐅᓐ 8:12

ᐊᑯ ᐊᓐ ᓇᐤ ᐊ ᑕᑦ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᒐᑲᑦ ᐊᐱᑐᐤ ᐊᓐ ᐱᓯᒻ, ᑭᔭ ᒐᑲᑦ ᐊᐱᑐᐤ ᑎᐱᔅᑲᐤ ᐱᓯᒻ ᑭᔭ ᒐᑲᑦ ᐊᐱᑐᐤ ᐊ ᐃᑕᑎᓯᒡ ᐅᒐᑭᑕᐧᑯᒡ ᒋ ᑎᑯᓂᔪᐤ ᑲ ᐃᓯ ᓂᓱᐅᓇᒋᐊᑭᓄᐎᒡ, ᐊᑯ ᓇᒪ ᓇᔅᒡ ᐊᐱᑐᐤ ᐊ ᐃᔎᔨᒡ ᐊᔅᐱᔅ ᒋᐧᑲᔭᔅᑐᐛᒡ ᓇᒪ ᐅᒋ ᐃᔅᐱᔅ ᒋᐧᑲᔭᔅᑐᐛᐅᒡ᙮ ᒐᑲᑦ ᐊᐱᑐᐊᒋᓯᑲᔨᒡ ᐃᔅᐱᔅ ᓇᒪ ᐅᒋ ᒋᐧᑲᔭᔅᑐᐛᐤ ᐱᓯᒻ᙮ ᑎᐱᔅᑲᐤ ᐱᓯᒻ ᑭᔭ ᐅᒐᑭᑕᐧᑯᒡ ᑭᔭ ᐎᔨᐛᐤ ᓇᒪ ᐅᒋ ᒋᐧᑲᔭᔅᑐᐛᐅᒡ ᒐᑲᑦ ᐊᐱᑐᐊᑎᐱᔅᑲᔨᒡ ᐃᔅᐱᔅ᙮

ᒋᔅᒐᔨᑕᑯᑕᒐᐅᓐ 9:2

ᐃᔅᐱ ᒪᒃ ᑲ ᓴᓇᐧᒃ ᐊᓂᔭ ᑲ ᒥᔅᑎ ᐱᑯᓇᔭᔨᒡ ᒋ ᐅᒋ ᐎᐎᔭᐸᑕᐱᔪᐤ ᐊ ᒥᔅᑎ ᐊᒂᐸᑕᔨᒡ ᒧᔭᒻ ᐊᓐᑕ ᐊ ᒥᔅᑎ ᐃᔎᑕᒡ ᑲᒋ ᐃᔅᐱᔅ ᐊᒂᐸᑕᒡ᙮ ᒋ ᐎᐸᐸᑕᐤ ᒪᒃ ᐊᓐᑕ ᒋᓯᑯᒡ᙮ ᐱᓯᒻ ᑭᔭ ᒋ ᐊᑎ ᐅᑲᔅᑕᐱᔪᐤ ᐊ ᐃᔅᐱᔅ ᐊᒂᐸᑕᔨᒡ᙮