ᒋᔅᒐᔨᑕᑯᑕᒐᐅᓐ 16:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐅᑎᐸᔨᒋᒐᐤ ᒪᒃ ᐃᔅᒋᔄᐤ, “ᒧᔭᒻ ᑲᒋᒧᑎᑦ ᐊ ᐃᑕᔨᑕᑯᓂᔨᒡ ᐊ ᑎᑯᓯᐧᒃ ᐊᐅᑯᓐ ᒐ ᐃᑕᔨᑕᒂᒡ ᓂᔾ ᑎᑯᓯᓂᔭᓇ᙮ ᒋᑭ ᓱᐛᔨᑕᑯᓱᐤ ᒪᒃ ᐊᓐ ᐊᐛᓐ ᒐ ᐊᑲ ᑯᐎᐧᑯᓯᑦ ᐊ ᐎᓂᐸᑦ ᒪᒂᒡ ᐊ ᐊᓱᐛᐱᑦ ᑭᔭ ᒐ ᐊᔭᔅᑯᔅᑕᒂ ᐅᑦ ᐊᐱᒋᑕᐅᓇ ᒥᒄ ᒐᒋ ᐃᓯ ᐳᔅᑎᔅᑲᐧᒃ ᑭᔭ ᓇᒪ ᒋᑭ ᐅᒋ ᒧᓴᔅᑭᑕᐤ ᐎᐎᒐ ᒐᒋ ᓯᓴᒂᔨᒧᑦ ᒧᓴ ᐊᓐᑕ ᐊ ᐛᐱᒪᑭᓄᐅᑦ᙮”

ᒋᔅᒐᔨᑕᑯᑕᒐᐅᓐ 16:15 ပူးပေါင်းရင်းမြစ်များ

ᐊᒃᓱᑕᔅ 32:25

ᒧᓱᔅ ᒂ ᐛᐸᑕᐧᒃ ᐊᕋᓇ ᐊᒋ ᓇᐊᔨᒪᔨᒋ ᐃᔪᐛ ᒐᒋ ᒋᔎᔭᔨᑕᑯᓯᔨᒋ ᑭᔭ ᒐᒋ ᐃᑐᑎᒥᔨᒋ ᒐᒂᔪᐤ ᐊ ᐊᑲ ᒥᔽᔨᒡ, ᒐᒋ ᐃᑎᑯᔨᒋ ᑲ ᐛᐧᑲᑎᑯᔨᒋ ᐃᔪᐛ ᓇᒪ ᓂᔅᑐᐛᔨᑎᒧᒡ ᐃᔅᕋᐃᓪ ᐃᔪᒡ᙮

ᒪᑎᔪᐤ 25:13

ᐊᑯ ᒋᓴᔅ ᒂ ᐊᑎ ᐃᔅᒋᔄᑦ, “ᐊᐅᒄ ᒪᒃ ᐅ ᐅᒋ ᑭᔭ ᒋᔨᐛᐤ ᒧᔅ ᒋᐸ ᐊᔭᔅᑯᐎᓇᐛᐤ ᐛᔅ ᓇᒪ ᒋ ᒋᔅᒐᔨᑕᓇᐛᐤ ᐊᓂᒪ ᐊ ᒋᓯᑲᒡ ᑭᔭ ᒪᒃ ᑎᐸᐃᑭᓐ ᐱᓯᒧᐧᑲᓂᒡ ᒪᒂᒡ ᒐ ᐸᒋ ᑎᑯᓯᐧᒃ ᐃᔪᐤ ᐅᑯᓯᓴᓐ᙮”

ᒪᑎᔪᐤ 26:41

ᐃᔭᒂᒥᒄ ᑭᔭ ᐊᔭᒥᐊᒄ ᒐ ᐊᑲ ᒋ ᓴᐧᑯᒋᐃᑯᔭᒄ ᑯᒂᒋᐃᐛᐅᓐ᙮ ᐛᔅ ᒋᑦ ᐊᒐᐧᑯᐛᒡ ᓇᔅᒡ ᑕᑈ ᑯᐃᔅᒄ ᒋ ᐎ ᐃᑎᓇᐛᐤ ᒥᒄ ᒪᒃ ᒋᔭᓱᐛᒡ ᓇᒪ ᓇᔅᒡ ᒋᓴᐱᓯᓇᐛᐤ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:38

ᐊᓱᐛᐱᒄ ᑭᔭ ᐊᔭᒥᐊᒄ ᒐ ᐊᑲ ᒋ ᐃᓯ ᐸᒋᓯᓂᔭᒄ ᑯᒂᒋᐃᐛᐅᓂᒡ᙮ ᐛᔅ ᐊᒐᐧᒄ ᒥᔅᑯᐛᔨᑎᒻ ᒪᒃ ᐎᔭᔅ ᐃᔨᔨᒥᓯᒥᑭᓐ᙮”

ᓗᒃ 21:36

ᐃᔭᒂᒥᒄ᙮ ᐊᑲᐎᔾ ᐳᓂᒄ ᐊ ᐊᔭᒥᐊᔭᒄ ᐊ ᓂᑐᑎᒪᔭᒄ ᒐᒋ ᐊᔨᒋᑲᐳᐅᔭᒄ ᑭᔭ ᒐᒋ ᓴᐳᔅᑭᒪᒄ ᒥᓯᐛ ᑕᓐ ᒐ ᐃᔅᐱᔨᒡ᙮ ᑭᔭ ᒐ ᐊᑲ ᒋ ᐊᑐᐛᔨᒥᑕᒄ ᐃᔪᐤ ᐅᑯᓯᓴᓐ ᐃᔅᐱ ᐸᑕᔅᑎᒥᑲᐳᔅᑐᐛᒂ᙮” ᐊᐅᒄ ᒪᒃ ᐅᔭ ᑲ ᐃᓯ ᐎᑎᒧᐛᑦ ᒋᓴᔅ ᐊᓂᔭ ᐅᒋᔅᒋᓄᐊᒧᐛᑭᓇ᙮

ᐊᑈᔅᑕᓇᒡ 20:31

ᐃᔭᒂᒥᒄ ᒪᒃ, ᒧᔅ ᒋᔅᒋᓯᒄ ᓂᔅᑐ ᐱᐳᓇ ᐅᑕᒡ ᐃᓯ ᐊᑲ ᐅᒋ ᐳᓂᔭᓐ ᒧᔅ ᐊᒋ ᐃᔭᒂᒥᒥᑎᑯᒡ, ᑭᔭ ᐊᒋ ᒪᔭᓐ ᑲ ᐃᔅᐱᔅ ᓱᒃ ᒋ ᐎ ᐎᒋᐃᑎᑯᒡ᙮”

2 ᑯᕆᓐᑎᔭᓇ 5:3

ᐊᑯ ᒪᒃ ᑕᑈ ᒐ ᒥᔅᑭᒪᐧᒄ ᑕᓐ ᐊᓂᔭᔪᐛ ᒐ ᒥᔨᑕᐧᒄ ᒋᓴᒪᓂᑐᐤ᙮ ᒧᔭᒻ ᒪᒃ ᐊ ᐳᔅᑎᔅᑭᒧᑎᑯᐅᔭᐧᒄ ᒐᒂᓐ ᐊᐅᑯᓐ ᒐ ᐃᑕᔨᑕᒂᒡ᙮

1 ᑕᓴᓗᓂᔭᓇ 5:4

ᒋᔨᐛᐤ ᒪᒃ ᐎ ᓂᐧᑲᓂᓯᑐᒄ, ᓇᒪ ᒋ ᐊᑎ ᐃᓯ ᐱᒪᑎᓯᓇᐛᐤ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᒋᔅᒐᔨᒪᒡ ᒋᓴᒪᓂᑐᐛ ᑭᔭ ᑲ ᒥᒋᑐᑕᒡ ᑭᔭ ᓇᒪ ᒋᐸ ᐅᒋ ᐎᔭᓯᐃᑯᓇᐛᐤ ᐅᑎᒋᐱᔨᒐ ᐊᓐ ᐊ ᒋᓯᑲᒡ ᒧᔭᒻ ᐊ ᐃᓯ ᓯᔅᒋᑯᒋᔨᑯᑦ ᐊᐛᓐ ᐊ ᐅᑎᑎᑯᑦ ᑲᓂᑕᐅᒋᒧᑎᔨᒋ᙮

1 ᑕᓴᓗᓂᔭᓇ 5:6

ᓇᒪ ᒪᒃ ᒋᐸ ᐅᒋ ᐃᑎᓇᓄᐤ ᒐ ᐊᑲ ᒋ ᐃᔭᐱᑕᔨᑎᒪᐧᒄ ᑭᔭ ᓇᔅᒡ ᒐ ᐊᑲ ᒋ ᓂᓇᑭᑐᐛᔨᑎᒪᐧᒄ ᑕᓐᑕ ᒐ ᐅᑎᒋᐱᔨᒡ ᐅᑎᐸᔨᒋᒐᐤ ᐅᒋᓯᑲᒻ ᒧᔭᒻ ᐊ ᐃᑎᒡ ᐊᓐᒡ ᐊᑲ ᑕᑈᑕᒡ ᒥᔽᒋᒧᐅᓂᔪᐤ᙮ ᒧᔅ ᒋᐸ ᐊᔭᔅᑯᐎᓇᓄᐤ, ᒧᔅ ᒋᐸ ᐎ ᐛᔅᑭᒪᔨᒧᓇᓄᐤ᙮

1 ᐱᑕᕐ 4:7

ᓴᔅ ᐸᓱᓇᑯᓐ ᒥᓯᐛ ᒐᒂᓐ ᒐ ᐃᔎᐱᔨᒡ᙮ ᒋ ᓂᑐᐛᔨᑕᑯᓯᓇᐛᐤ ᒐᒋ ᐃᓯ ᓂᓇᑭᑐᐛᔨᑎᒪᒄ ᑕᓐ ᐊ ᐃᑎᔭᒄ ᑭᔭ ᐊᓱᐛᐱᒄ ᐊ ᐊᔭᒥᐊᔭᒄ᙮

2 ᐱᑕᕐ 3:10

ᒥᒄ ᒪᒃ ᓇᒪ ᓂᑲᓐ ᒋᑭ ᐅᒋ ᒧᓯᑕᑭᓄᐅᔪᐤ ᐅᑎᐸᔨᒋᒐᐤ ᐅᒋᓯᑲᒻ, ᒧᔭᒻ ᐊ ᐃᑕᔨᑕᒂᒡ ᑲᒋᒧᑎᑦ ᐊᓐᑕ ᐛ ᐱᒐᒋ ᒥᒋᐛᐱᔪᐤ ᐊ ᐎ ᑭᒐᒧᑎᑦ, ᐊᐅᑯᓐ ᒐ ᐃᑕᔨᑕᒂᒡ᙮ ᐊᓐᑕ ᒪᒃ ᐊᓂᔭ ᐅᑎᐸᔨᒋᒐᐤ ᐅᒋᓯᑲᒻ ᐅᑎᒋᐱᔨᒐ ᐅᔭ ᒋᓯᒂ ᒋᑭ ᐸᓯᑯᓇᑯᓇ᙮ ᓇᔅᒡ ᑕᑈ ᒋᑭ ᒋᔄᐛᐱᔪᐤ ᐊᑎ ᐸᓯᑯᓇᑯᒂᐛ᙮ ᒥᓯᐛ ᑕᓐ ᐊ ᐃᓯ ᑎᒂᒡ ᒋᓯᑯᒡ ᒋᑭ ᐊᑎᑎᔅᑕᐛ ᒐ ᐃᔅᐱᔅ ᒥᔅᑎ ᒋᓯᑕᒡ᙮ ᐊᔅᒋᔾ ᑭᔭ ᒥᓯᐛ ᒐᒂᓐ ᐅᑕ ᑲ ᑎᒂᒡ, ᒋᑭ ᐊᑎ ᒪᔅᑎᐧᑲᑕᐛ᙮

ᒋᔅᒐᔨᑕᑯᑕᒐᐅᓐ 22:7

ᒋᓴᔅ ᒪᒃ ᐃᔅᒋᔄᐤ, “ᓂᑐᑎᒧᒄ, ᓴᔅ ᐎᐱᒡ ᓂᑭ ᑎᑯᓯᓐ᙮ ᑕᑈ ᒋᑭ ᓱᐛᔨᒪᑭᓄᐤ ᐊᐛᓐ ᒐ ᓂᓇᐃᑕᐧᒃ ᐅᔭ ᐃᔨᒧᐅᓂᔪᐤ ᑕᓐ ᑲ ᐃᓯ ᐛᐸᑎᔨᐛᔨᒋ ᒋᓴᒪᓂᑐᐛ ᐅᑕ ᒥᓯᓇᐃᑭᓂᒡ ᐊᔅᒄ ᒐ ᐃᔅᐱᔨᒡ᙮”

ᒋᔅᒐᔨᑕᑯᑕᒐᐅᓐ 3:11

ᓴᔅ ᐎᐱᒡ ᓂᑭ ᑎᑯᓯᓐ᙮ ᓱᒃ ᐃᔭᐱᒡ ᑕᑈᐅᔭᔨᒥᒄ ᐊᑲ ᐊᐛᓐ ᒐᒋ ᒥᔅᑭᒥᑕᒄ ᑕᓐ ᑲ ᐃᓯ ᑲᓂᔪᔭᒄ ᒋᓴᐅᒋᒪᐅᑯᓂᔎᐅᓐ᙮

ᒋᔅᒐᔨᑕᑯᑕᒐᐅᓐ 3:18

ᐊᐅᒄ ᐅ ᒐ ᐅᒋ ᐎᑎᒪᑎᑯᒡ ᑕᓐ ᒐ ᐃᑎᔭᒄ᙮ ᐊ ᑕᔭᓐ ᐅᑎᓇᒄ ᐎᔄᐅᓱᓇᔭᐱᔅᒄ᙮ ᐅ ᐎᔄᐅᓱᓇᔭᐱᔅᒄ, ᐃᔅᑯᑕᒡ ᒋ ᑎᑕᑭᓄᐤ ᒐᒋ ᐸᔭᒋᑕᑭᓄᐅᒡ᙮ ᐊᔭᐛᒂ ᒪᒃ, ᐊᑯ ᒐ ᐛᔪᑎᓯᔭᒄ ᒋᓴᒪᓂᑐᐤ ᐃᔅ ᐊ ᑕᑦ᙮ ᐅᑎᓂᒧᒄ ᑭᔭ ᐊ ᐛᐸᓯᔨᒋ ᐊᐱᒋᑕᐅᓇ ᒐᒋ ᒋᔅᑭᒪᒄ ᒐ ᐊᑲ ᒋ ᓴᒂᔨᒧᔭᒄ, ᐛᔅ ᓇᒪ ᐊᑯ ᒋᑭ ᐅᒋ ᒧᓴᔅᑭᑕᓇᐛᐤ᙮ ᑭᔭ ᐅᑎᓂᒧᒄ ᓂᑐᐧᑯᐅᓐ ᒐ ᐊᔅᑕᔭᒄ ᒋᔅᒋᓯᑯᐛᒡ ᒐᒋ ᐛᐸᑎᒪᒄ᙮