ᒋᔅᒐᔨᑕᑯᑕᒐᐅᓐ 16:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐊᑯ ᑲ ᐸᑐᐅᒃ ᐊᐛᓐ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊ ᐅᒋ ᐸᑕᑯᓯᑦ ᐊ ᐃᔨᒥᑦ᙮ ᒋ ᒋᔄᐛᐤ ᐊᓐ ᐊᐛᓐ᙮ ᒋ ᐃᑕᐤ ᐊᓂᔭᔪᐛ ᓂᔄᐅᑕᒡ ᑲ ᑕᒡ ᐊᓐᒋᓐ, “ᒪᒋᒄ᙮ ᐊᓐᑕ ᐊᔅᒋᒡ ᐃᔅ ᑯᑎᐱᓂᒧᒄ ᐊᓂᔭ ᓂᔄᐅᑕᒡ ᑲ ᒧᑕᔭᒂᐤ ᐎᔭᑭᓇ ᐊᓐᑕ ᐊ ᑎᑯᓂᔨᒡ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ᙮”

ᒋᔅᒐᔨᑕᑯᑕᒐᐅᓐ 16:1 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 79:6

ᓯᒋᓂᒧᐅᒡ ᒋᑦ ᐊᐧᑯᔪᐛᓯᐅᓂᔪᐤ ᐊᑲ ᐊᔭᒥᐊᒡ ᐊᑲ ᒋᔅᒐᔨᒥᔅᒡ, ᑭᔭ ᐊᓂᔭ ᐅᒋᒪᐅᓇ ᐊᑲ ᓂᓇᑐᒥᑯᔨᓐ᙮

ᒋᔅᒐᔨᑕᑯᑕᒐᐅᓐ 11:19

ᐊᑯ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ ᒋᒋᒋᓯᑯᒡ ᐊ ᑎᑯᓂᔨᒡ ᒂ ᓴᓂᑭᓄᐎᒡ᙮ ᐊᓐᑕ ᒪᒃ ᐱᑎᑭᒥᒡ ᒋ ᓄᑯᓐ ᐊᓐ ᑲ ᐸᔭᒋᓯᒥᑲᒡ ᒥᔅᑎᑯᐅᑦ ᐊᓐᑕ ᑲ ᑎᑕᑭᓄᔨᒡ ᐊᓂᔭ ᓂᔅᑯᒧᐅᓂᔪᐤ ᒋᓴᒪᓂᑐᐤ ᑲ ᐅᓯᑎᒧᐛᑦ ᐅᑦ ᐃᔨᒪ᙮ ᐊᑯ ᑲ ᐅᔄᔅᑕᐱᔨᒡ ᑭᔭ ᓂᒥᔅᒍᐅᒡ ᒋ ᐸᑕᑯᓱᐅᒡ᙮ ᑭᔭ ᒋ ᑯᐃᐧᑯᓐ ᑭᔭ ᒋ ᒥᔅᑎ ᒥᔅᑯᒥᑕᓐ᙮

ᒋᔅᒐᔨᑕᑯᑕᒐᐅᓐ 14:15

ᐊᑯ ᒥᓐ ᑯᑎᒃ ᐊᓐᒋᓐ ᒂ ᐛᐱᒥᒃ᙮ ᐅ ᐎᔾ ᐊᓐᒋᓐ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ ᒋᒋᒋᓯᑯᒡ ᐊ ᑎᑯᓂᔨᒡ, ᐊᑯᑕ ᑲ ᐅᒋ ᐎᐎᑦ᙮ ᐊᑯ ᒂ ᐃᑕᑦ ᐊᓂᔭᔪᐛ ᑭᔅᑯᐅᓂᔅᑯᒡ ᑲ ᑕᑎᐱᔨᒋ, “ᐅᑎᓇ ᐊᓐ ᒋᒥᔅᑯᓯᐅ-ᒧᐧᑯᒪᓐ, ᒐ ᑭᒐᒥᓯᒥᓐ ᓂᑕᐅᒋᑕᑭᓇ ᐛᔅ ᓴᔅ ᐅᑎᒋᐱᔪᐤ ᒐᒋ ᒪᒧᓴᒋᓂᑭᓄᐅᒋ᙮ ᓴᔅ ᓇᔅᒡ ᒋ ᐃᓯ ᓂᑕᐅᒋᓇ᙮” ᒋ ᒋᔄᐛᐤ ᐊᓂᔭ ᐊ ᐃᔅᒋᔄᑦ ᐊᓐ ᐊᓐᒋᓐ᙮

ᒋᔅᒐᔨᑕᑯᑕᒐᐅᓐ 14:18

ᐃᔅᐱ ᒪᒃ ᑲ ᐸᒋ ᐎᐎᑦ ᐅ ᐊᓐᒋᓐ, ᐊᑯ ᒥᓐ ᑯᑎᒃ ᐊᓐᒋᓐ ᒂ ᐛᐱᒥᒃ ᐊᓐᑕ ᐊᓂᔭ ᐱᔅᑎᓂᒐᐅᓇᐱᔅᑯᔪᐤ ᐊ ᑎᑯᓂᔨᒡ ᐊ ᐅᑐᑕᑦ᙮ ᐊᐅᒄ ᐅ ᐊᓐᒋᓐ ᑕᐸᔨᑕᐧᒃ ᐃᔅᑯᑕᔪᐤ᙮ ᐊᑯ ᐅ ᐊᓐᒋᓐ ᒂ ᑕᑈᑕᑦ ᐊᓂᔭᔪᐛ ᐊᓐᒋᓇ ᑲ ᑕᐧᑯᓂᒥᔨᒋ ᐊ ᑲᓴᔨᒡ ᒥᔅᑯᓯᐅ-ᒧᐧᑯᒪᓂᔪᐤ᙮ ᒋ ᒋᔄᐛᐤ ᐊᓂᔭ ᐊ ᑕᑈᑕᑦ᙮ ᒋ ᐃᑕᐤ ᒪᒃ ᐊᓂᔭᔪᐛ ᐊᓐᒋᓇ, “ᐅᑎᓇ ᐊᓐ ᒋᒥᔅᑯᓯᐅ-ᒧᐧᑯᒪᓐ ᒐ ᒪᒧᓴᒋᓂᒥᓐ ᐊᓂᔭᔪᐛ ᐊ ᒪᒧᐅᒥᒋ ᒥᓂᓴ᙮ ᐛᔅ ᓴᔅ ᐅᑎᒋᐱᔪᐤ ᒐᒋ ᒪᒧᓴᒋᓂᑭᓄᐅᒋ᙮ ᓴᔅ ᒥᔽᐛ ᒐᒋ ᒪᒧᓴᒋᓂᑭᓄᐅᒋ᙮”

ᒋᔅᒐᔨᑕᑯᑕᒐᐅᓐ 15:1

ᒥᓐ ᒪᒃ ᑯᑎᒡ ᒐᒂᓐ ᓂᒋ ᐛᐸᑕᓐ ᐊᓐᑕ ᒋᒋᒋᓯᑯᒡ ᓇᔅᒡ ᐊ ᒥᔅᑲᓯᓇᒂᒡ᙮ ᓂᒋ ᐛᐱᒪᐅᒡ ᓂᔄᐅᑕᒡ ᐊᓐᒋᓐᒡ᙮ ᒥᓯᐛ ᐸᐸᐃᒄ ᒋ ᐊᔭᐅᒡ ᓂᓇᐧᑯᐤ ᒐ ᐃᓯ ᓂᓇᐧᑲᑕᔨᒧᐊᒡ ᐊᐛᔪᐛ᙮ ᐊᐅᒄ ᒪᒃ ᐅᔭ ᒪᔅᑕᔾ ᒐ ᐃᓯ ᓂᓇᐧᑲᑕᔨᒧᓇᓄᐎᒡ ᐛᔅ ᐊᑯᑕ ᐅᔭ ᒐ ᒋᓯᐱᔨᒡ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ᙮

ᒋᔅᒐᔨᑕᑯᑕᒐᐅᓐ 16:17

ᐊᑯ ᐊᓐ ᓂᔄᐅᑕᒡ ᐊ ᑕᑦ ᐊᓐᒋᓐ, ᒂ ᑯᑎᐱᓇᐧᒃ ᐊᓂᔭ ᐅᐎᔭᑭᓐ ᐊᓐᑕ ᒧᓴ ᒋᓯᑯᒡ ᐃᔅ᙮ ᒋ ᐅᒋ ᐃᔨᒧᐤ ᒪᒃ ᐊᐛᓐ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᐱᑎᑭᒥᒡ ᒋᓴᐊᔭᒥᐊᐅᒋᐛᐱᒡ ᐊ ᑎᑯᓂᔨᒡ ᐊ ᐅᒋ ᐸᑕᑯᓯᑦ᙮ ᒋ ᒋᔄᐛᐤ ᐊ ᐃᔅᒋᔄᑦ, “ᓴᔅ ᒪᒃ ᒋᔅᑕᑭᓄᐤ᙮”