ᒋᔅᒐᔨᑕᑯᑕᒐᐅᓐ 14:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᒥᓐ ᒂ ᐃᑕᐱᔭᓐ, ᐊᑯ ᒂ ᐛᐱᒥᒃ ᐊ ᐛᐱᓯᑦ ᑭᔅᑯᐅᓂᔅᒄ᙮ ᓂᒋ ᐛᐱᒪᐤ ᒪᒃ ᐊᐛᓐ ᐊ ᑕᑎᐱᑦ ᐊᓂᔭᔪᐛ ᑭᔅᑯᐅᓂᔎ ᒧᔭᒻ ᐃᔪᐤ ᐅᑯᓯᓴᓇ ᐊ ᐃᓯᓇᑯᓯᑦ᙮ ᐊ ᐎᔄᐅᓱᓇᔭᐱᔅᑯᔨᒡ ᒋᓴᐅᒋᒪᐅᑯᓂᔎᐅᓂᔪᐤ ᒋ ᒋᔅᑭᒻ ᐊᓐ ᐊᐛᓐ᙮ ᐊ ᑲᓴᔨᒡ ᒥᔅᑯᓯᐅ-ᒧᐧᑯᒪᓂᔪᐤ ᒋ ᑕᐧᑯᓂᒻ᙮

ᒋᔅᒐᔨᑕᑯᑕᒐᐅᓐ 14:14 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 21:3

ᐛᔅ ᔅᒋ ᐱᔅᑎᓇᒧᐛᐤ ᒥᔽᑎᓱᐎ ᒥᔪᑐᑕᒐᐅᓇ: ᐱᓯᒄ ᐎᔄᐅᓱᓇᔭᐱᔅᑯᒡ ᐅᒋᒪᐅ-ᐊᑯᓂᔎᐅᓂᔪᐤ ᔅᒋ ᐳᔅᑐᑎᓇᐊᐤ᙮

ᑎᐱᑦ ᐅᓂᑭᒧᐅᓇ 97:2

ᑭᔅᑯᐅᓇ ᑭᔭ ᐅᑲᔅᑕᐅᓂᔪᐤ ᐛᔅᑲᔅᑲᑯᐤ: ᑯᐃᔅᑯᑕᑎᓯᐅᓂᒡ ᑭᔭ ᑎᐸᔅᑯᓂᒐᐅᓂᒡ ᐊᔨᑎᔅᑕᔪᐤ ᐅᒋᓴᐅᒋᒪᐤ ᑕᑎᐳᐛᑭᓐ᙮

ᒪᑎᔪᐤ 13:30

ᐊᑯᔅ ᑕᐱᔅᑯᓐ ᐊᓂᔭ ᒥᒋ ᓂᑕᐅᒋᑕᑭᓇ ᑭᔭ ᐊᓂᔭᔪᐛ ᑲ ᐎ ᓂᑕᐅᒋᑕᔭᓐ ᒋᑭ ᒋᓯᓂᑕᐅᒋᓇ, ᐸᑐᔅ ᒪᒧᓴᒋᓂᑭᓄᒂᐛ᙮ ᐊᑯ ᒪᒃ ᒐ ᐃᑎᒂᐤ ᐊᓐᒡ ᒐ ᒪᒧᓴᒋᓇᒡ, ᓂᔅᑎᒻ ᐊᓂᔭᔪᐛ ᒥᒋ ᓂᑕᐅᒋᑕᑭᓇ ᒐᒋ ᒪᒧᓴᒋᓇᒡ, ᑭᔭ ᒐᒋ ᑕᐱᑐᐛᐱᐧᑲᑕᒡ ᒐ ᐃᔎᓴᒡ, ᐊᑯ ᐃᔭᒄ ᐊᓂᔭᔪᐛ ᐸᒂᓯᑭᓂᒥᓇᑎᒂ ᒐᒋ ᒪᒧᓴᒋᓇᒡ, ᐊᓐᑕ ᒐ ᐊᔅᑕᒡ ᓂᑦ ᐊᔅᑕᓱᐅᒋᐛᐱᒡ᙮’ ”

ᒪᑎᔪᐤ 17:5

ᒪᒂᒡ ᒪᒃ ᐊᔅᒄ ᐊ ᐃᔨᒥᑦ, ᑭᔅᑯᐅᓂᔎ ᓇᔅᒡ ᐊ ᐛᓱᓱᔨᒋ ᒋ ᐸᒋ ᐊᑯᒋᓂᔪᐛ ᐊᓐᑕ ᑎᐱᔅᑯᒡ ᐃᔅᐱᒥᒡ ᐊ ᑕᒡ, ᐊᓐᑕ ᒪᒃ ᑭᔅᑯᐅᓂᔅᑯᒡ ᒋ ᐅᒋ ᐸᑐᐛᐅᒡ ᐊᐛᔪᐛ ᐊ ᐃᔅᒋᔄᔨᒋ, “ᐊᐅᒄ ᐅ ᓂᑯᔅ ᑲ ᓴᒋᐃᒃ, ᑭᔭ ᓇᔅᒡ ᑲ ᓂᓇᐊᔨᑎᒥᐃᑦ᙮ ᓂᑐᑐᐛᐧᒄ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:29

ᐅᑎᒋᐱᔨᒐ ᒪᒃ ᒐ ᒥᓂᓯᑲᓄᐅᒋ, ᐃᔅᐱ ᒥᓂᓱᓂᒂᐛ ᐊᓂᔭᔪᐛ ᓂᑕᐅᒋᑕᑭᓇ ᐊᑯ ᒐ ᐊᑐᔅᒐᑦ ᐊᓐ ᓇᐸᐤ ᐊ ᒪᒥᓂᓴᐧᒃ ᐊᓂᔭᔪᐛ ᐅᓂᑕᐅᒋᑕᑭᓇ, ᒥᔅᑯᓯ ᒧᐧᑯᒪᓂᔪᐤ ᐊ ᐊᐱᒋᑕᑦ᙮”

ᓗᒃ 21:27

ᐊᑯ ᒪᒃ ᒐ ᐛᐱᒪᑭᓄᐅᑦ ᐃᔪᐤ ᐅᑯᓯᓴᓐ ᐊ ᐸᒋ ᔭᓯᑦ ᑭᔅᑯᐅᓂᔅᑯᒡ, ᓇᔅᒡ ᐊ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮

ᐃᑉᕈᐛ 2:9

ᒥᒄ ᒪᒃ ᒋ ᒋᔅᒐᔨᒪᓄᐤ ᐎᔾ ᒋᓴᔅ ᐊ ᐊᔭᑦ ᑎᐸᔨᒋᒐᐅᓂᔪᐤ ᒥᓯᐛ ᒐᒂᔪᐤ ᒐᒋ ᐅᒋᒪᐧᑲᑕᐧᒃ᙮ ᒋ ᐃᑐᑐᐛᑭᓄᐤ ᐛᐃᐱᔅᒋᔅ ᐊᑐᐎᔅ ᒐᒋ ᑎᐱᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐊᓐᒋᓇ᙮ ᐅᔭ ᒪᒃ ᒋ ᐃᑐᑐᐛᑭᓄᐤ ᒐᒋ ᓂᒋᔅᑲᐧᒃ ᓂᐳᐅᓂᔪᐤ᙮ ᐊᐅᒄ ᐅᔭ ᐛᒋ ᒥᔭᑭᓄᐅᑦ ᒐᒋ ᒋᔅᑕᔨᑕᑯᓯᑦ ᑭᔭ ᒐᒋ ᐃᔅᐸᔨᑕᑯᓯᑦ ᐊᓂᔭ ᐊᒋ ᓂᒋᔅᑲᐧᒃ ᓂᓇᐧᑲᑕᔨᒧᐅᓂᔪᐤ ᐃᔅᐱ ᑲ ᓂᐸᐊᑭᓄᐅᑦ᙮ ᐊᓂᔭ ᒪᒃ ᒋᓴᒪᓂᑐᐤ ᓇᔅᒡ ᐊᒋ ᓴᒋᐊᑦ ᐊᐛᔪᐛ ᐅᑕ ᐊᔅᒋᒡ ᐊᔪᐅᒄ ᐊᓂᔭ ᐛᒋ ᓂᐱᔅᑎᒧᐛᑦ ᒋᓴᔅ ᒥᓯᐛ ᐊᐛᔪᐛ᙮

ᒋᔅᒐᔨᑕᑯᑕᒐᐅᓐ 1:13

ᒪᒂᒡ ᒪᒃ ᐊᓂᔭᔪᐛ ᐛᔅᑕᓂᐱᒪᑭᓇᑎᒂ ᐊ ᑎᒂᒋ, ᐊᑯᑕ ᑲ ᐛᐱᒥᒃ ᐊᐛᓐ ᒧᔭᒻ ᐃᔪᐤ ᐅᑯᓯᓴᓐ ᐊ ᐃᓯᓇᑯᓯᑦ᙮ ᐊᓐ ᒪᒃ ᐊᐛᓐ ᒋ ᒋᔅᑭᒻ ᐊᑯᐱᔪᐤ ᐊᓐᑕ ᐃᔅ ᐅᓯᑎᒡ ᐊ ᐃᔎᑭᓂᔨᒡ᙮ ᑭᔭ ᒋ ᐱᒂᑕᐅᐤ ᐅᔅᑲᔅᒋᑭᓂᒡ ᐊ ᐎᔄᐅᓱᓇᔭᐸᑭᓂᔨᒡ ᐅᐱᒂᑕᐅᓐ᙮

ᒋᔅᒐᔨᑕᑯᑕᒐᐅᓐ 1:7

ᐃᑕᐱᒄ ᒪ᙮ ᐸᒋ ᑎᑯᓯᓄᐤ ᑭᔅᑯᐅᓂᔅᑯᒡ ᐊ ᐸᒋ ᔭᓯᑦ᙮ ᒥᓯᐛ ᐊᐛᔪᐛ ᒋᑭ ᐛᐱᒥᑯᐤ, ᐛᐛᒡ ᐊᓂᔭᔪᐛ ᑲ ᑕᐧᑭᒥᑯᑦ᙮ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᒋᑭ ᒥᔅᑎ ᒪᔪᐛ ᐛᐱᒥᑯᒐ᙮ ᒐᔅᑎᓇᔅ ᒋᑭ ᐃᔅᐱᔪᐤ ᐅ᙮ ᐊᒥᓐ᙮

ᒋᔅᒐᔨᑕᑯᑕᒐᐅᓐ 10:1

ᒥᓐ ᒂ ᐃᓯ ᐛᐸᑎᔨᑯᔭᓐ, ᒥᓐ ᑯᑎᒃ ᐊ ᓱᒐᔨᑕᑯᓯᑦ ᐊᓐᒋᓐ ᓂᒋ ᐛᐱᒪᐤ ᒋᒋᒋᓯᑯᒡ ᐊ ᐅᑐᑕᑦ, ᑭᔅᑯᐅᓂᔎ ᐊ ᐅᑦ ᐊᑯᐱᑦ᙮ ᐎᐧᑯᐱᓴᑭᓂᔪᐤ ᒋ ᐛᔅᑲᑯᑕᔪᐤ ᐊᓐᑕ ᐅᔅᑎᒂᓂᒡ᙮ ᐅᑕᔅᑎᒥᐧᒄ ᒧᔭᒻ ᐱᓯᒻ ᐊ ᐃᓯ ᒋᐧᑲᔭᔅᑐᐛᑦ ᒋ ᐃᓯᓇᑯᓂᔪᐤ᙮ ᐊᑯ ᐅᔅᑲᑕ ᒧᔭᒻ ᓯᑥᔎᐃᑭᓇ ᐊ ᐃᔅᑯᑕᐅᔨᒋ ᒋ ᐃᓯᓇᑯᓂᔪᐛ᙮

ᒋᔅᒐᔨᑕᑯᑕᒐᐅᓐ 11:17

ᐊ ᐃᔅᒋᔄᒡ, “ᓂᑎᐸᔨᒋᒐᓯᒥᓇᓐ ᒋᓴᒪᓂᑐᐤ ᒪᐅᒡ ᑲ ᓱᐧᑲᑎᓯᔨᓐ, ᐊᓐ ᑲ ᑕᑦ ᑭᔭ ᒧᔅ ᑲ ᐸᒋ ᑕᑦ, ᒋ ᓂᓇᔅᑯᒥᑎᓇᓐ ᐊᒋ ᐊᐱᒋᑕᔨᓐ ᒋᓱᐧᑲᑎᓯᐅᓐ ᒋᔾ ᐊ ᑎᐸᔨᒋᒐᔨᓐ᙮

ᒋᔅᒐᔨᑕᑯᑕᒐᐅᓐ 19:12

ᐅᔅᒋᓯᒂ ᒧᔭᒻ ᐃᔅᑯᑕᔪᐤ ᐊ ᒋᐧᑲᔭᔅᑐᐛᔨᒡ ᐊ ᐎᐧᑯᔭᐱᔨᒋ ᐃᓯᓇᑯᓂᔪᐛ᙮ ᒥᒐᓂᔪᐛ ᒋᓴᐅᒋᒪᐅᑯᓂᔎᐅᓇ ᐊ ᒋᔅᑲᐧᒃ᙮ ᒥᓯᓇᑕᔪᐤ ᐃᓯᓂᐧᑲᓱᐅᓂᔪᐤ ᐊᓐᑕ ᐊ ᑕᑦ ᐊᑲ ᐊᐛᔪᐛ ᒋᔅᒐᔨᑎᒥᔨᒋ᙮ ᒥᒄ ᐎᔾ ᒋᔅᒐᔨᑎᒻ ᐊᓂᔭ ᐃᓯᓂᐧᑲᓱᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 20:11

ᐊᑯ ᒂ ᐛᐸᑎᒪᓐ ᐊ ᒥᓴᒡ ᒋᓴᐅᒋᒪᐤ ᑕᑎᐳᐛᑭᓐ᙮ ᒋ ᐛᐸᐤ ᐊᓐ ᑕᑎᐳᐛᑭᓐ᙮ ᓂᒋ ᐛᐱᒪᐤ ᒪᒃ ᐊᓐ ᐊᐛᓐ ᑲ ᐊᐱᑦ ᐊᓐᑕ᙮ ᒥᓯᐛ ᒋᓯᑯᔪᐤ ᑭᔭ ᐊᔅᒋᔪᐤ ᒋ ᐊᑎ ᐸᓯᑯᓇᑯᓂᔪᐛ ᐅᑎᔅᑯᐤ ᐊ ᑕᑦ᙮ ᓇᒪ ᒪᒃ ᒥᓐ ᐅᒋ ᑎᑯᓂᔪᐛ᙮

ᒋᔅᒐᔨᑕᑯᑕᒐᐅᓐ 6:2

ᐊᑯ ᒂ ᐃᑕᐱᔭᓐ, ᒂ ᐛᐱᒥᒃ ᐊ ᐛᐱᓯᑦ ᑲᐸᐃᑭᔎᐤ᙮ ᐊᓐ ᒪᒃ ᑲ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ, ᒋ ᑕᐧᑯᓇᐤ ᐊᒐᐱᔭ᙮ ᒋ ᒥᔭᑭᓄᐤ ᒋᓴᐅᒋᒪᐅᑯᓂᔎᐅᓂᔪᐤ, ᐊᑯ ᒂ ᔅᑐᑕᑦ ᒋᒋᒋᓯᑯᒡ ᐅᒡ ᐊᓐᑕ ᐊᔅᒋᒡ ᐊ ᐃᑐᑕᑦ᙮ ᒋ ᓴᐧᑯᒋᐊᑯᐱᓇ ᒪᓐ ᐊᐛᔪᐛ ᒐᒋ ᐊᑎ ᐅᒋᒪᐧᑲᑐᐛᑦ᙮ ᒥᓐ ᒪᒃ ᒋ ᔅᑐᑕᐤ ᒐᒋ ᓴᐧᑯᒋᐊᑦ ᑭᔭ ᒐᒋ ᐊᑎ ᐅᒋᒪᐧᑲᑐᐛᑦ ᑯᑎᑲ ᐊᐛᔪᐛ᙮