ᒋᔅᒐᔨᑕᑯᑕᒐᐅᓐ 12:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᒥᔽᔨᑎᒧᒄ ᒪᒃ ᒥᓯᐛ ᒋᔨᐛᐤ ᒋᒋᒋᓯᑯᒡ ᐊ ᑕᔭᒄ᙮ ᐊᑯ ᒋᔨᐛᐤ ᐊᔅᒋᔾ ᑭᔭ ᐎᓂᐸᑯᒡ, ᒋᑭ ᐊᒂᒡ ᒥᒋᐱᔨᓇᐛᐤ ᐛᔅ ᐊᑯᑕ ᐊᓐᑕ ᐊ ᑕᔭᒄ ᑲ ᐃᑐᑕᑦ ᒥᒋᒥᓂᑐᐤ᙮ ᐊᔪᐛᒡ ᒪᒃ ᒋᔄᓱᐤ ᐛᔅ ᒋᔅᒐᔨᑎᒻ ᓴᔅ ᐊ ᑕᒂᔨᒡ ᐅᑎᐸᐃᑭᓐ᙮”

ᒋᔅᒐᔨᑕᑯᑕᒐᐅᓐ 12:12 ပူးပေါင်းရင်းမြစ်များ

ᓗᒃ 15:10

ᐊᑯ ᒥᓐ ᒋᓴᔅ ᒂ ᐃᔅᒋᔄᑦ, “ᐊᓂᔭ ᒪᒃ ᑲ ᐃᔅᐱᔅ ᒥᔽᔨᑕᐧᒃ ᐊᓐ ᐃᔎᐤ ᐊᒋ ᒥᔅᑯᐛᑦ ᐊᓂᔭ ᑲ ᐅᓇᐊᑦ ᐅᓱᓇᔭᓂᒪ ᐊᐅᑯᓐ ᐊ ᐃᓯᓇᑯᓯᔨᒋ ᒋᓴᒪᓂᑐᐤ ᐅᑦ ᐊᓐᒋᓇᒪ, ᒥᔽᔨᑎᒥᔪᐛ ᐃᔅᐱᔅ ᐸᐃᒄ ᐅᒥᒋᑥᐛ ᐊ ᒂᔅᑲᑎᓯᔨᒋ᙮”

ᓗᒃ 2:14

“ᒋᔅᑕᔨᒪᐧᒄ ᒋᓴᒪᓂᑐᐤ ᒪᐅᒡ ᐃᔅᐱᒥᒡ ᐊ ᑕᑦ᙮ ᒋᑭ ᒥᔭᑭᓄᐎᒡ ᒋᔭᒪᔨᑎᒧᐅᓂᔪᐤ ᐊᓐᒡ ᑲ ᓂᓇᐊᔨᑎᒥᐊᒡ ᒋᓴᒪᓂᑐᐛ ᐅᑕ ᐊᔅᒋᒡ᙮”

ᐃᑉᕈᐛ 10:37

ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒪᔅᑕᔾ ᐛᐃᐱᔅᒋᔅ, ᐊᑯ ᐊᓐ ᒋᐸ ᑎᑯᓯᓄᐤ ᒐ ᑎᑯᓯᐧᒃ, ᓇᒪ ᒪᒃ ᒋᑭ ᐃᔭᐃᑯᐤ ᒐᒋ ᑎᑯᓯᐧᒃ᙮

2 ᐱᑕᕐ 3:8

ᐸᐃᒄ ᒐᒂᓐ ᐊᑲᐎᔾ ᒋᑭ ᐅᒋ ᐅᓂᒋᔅᒋᓯᓇᐛᐤ ᓂᐧᑲᓂᓯᑐᒄ᙮ ᐸᐃᑯᓐ ᐃᔭᐱᒡ ᐃᑕᔨᑎᒥᐃᑯᐤ ᐅᑎᐸᔨᒋᒐᐤ ᐸᐃᒄ ᒋᓯᑲᐛ ᑕᓐ ᐊ ᐃᑕᔨᑎᒥᐃᑯᑦ ᐸᐃᒂᐤ ᒐᓯᐱᔪᐛ ᐱᐳᓇ᙮

ᒋᔅᒐᔨᑕᑯᑕᒐᐅᓐ 10:6

ᐊᑯ ᒂ ᐃᔅᒋᔄᑦ, “ᐊᐅᒄ ᐅ ᐊ ᐃᔅᒋᔄᔭᓐ ᐅᑎᔅᑯᐤ ᒋᓴᒪᓂᑐᐤ ᐊ ᑕᑦ, ᐊᓐ ᑲᒋᒡ ᑲ ᐱᒪᑎᓯᑦ, ᒋᓯᑯᔪᐤ, ᐊᔅᒋᔪᐤ ᑭᔭ ᐎᓂᐸᑯᔪᐤ ᑭᔭ ᒥᓯᐛ ᐊ ᐃᓯ ᑎᑯᓂᔨᒡ ᐊᓐᑕ ᒋᓯᑯᒡ, ᐊᔅᒋᒡ ᑭᔭ ᐎᓂᐸᑯᒡ ᑲ ᐅᓯᑕᑦ, ᐊᑯᓐ ᒐ ᐃᔅᐱᔅ ᓇᑲᐎᑦ, ᐊᑯ ᒋᓴᒪᓂᑐᐤ ᒐᒋ ᐃᑐᑕᐧᒃ ᑕᓐ ᐊᓂᔭᔪᐛ ᐛ ᐃᑐᑕᐧᒃ᙮

ᒋᔅᒐᔨᑕᑯᑕᒐᐅᓐ 11:10

ᐊᓐᒡ ᒪᒃ ᐊᐛᓐᒋ ᐊᔅᒋᒡ ᐊ ᑕᒡ, ᒋᑭ ᒥᔽᔨᑎᒧᒡ ᐊᒋ ᓂᐸᐊᑭᓄᔨᒋ ᐊᓂᔭᔪᐛ ᑲ ᓂᓯᔨᒋ᙮ ᒋᑭ ᒥᔽᔨᑎᒧᒡ ᑭᔭ ᒋᑭ ᒪᒥᐃᑐᐅᒡ ᒥᔨᐛᐅᓇ ᐊᒋ ᓂᐸᐊᑭᓂᔨᒋ ᐊᓂᔭᔪᐛ ᑲ ᓂᓯᔨᒋ ᑲ ᐃᑐᑎᒥᔨᒋ ᒐᒋ ᓂᓇᐧᑲᑕᔨᒧᓇᓄᐎᒡ ᐅᑕ ᐊᔅᒋᒡ᙮

ᒋᔅᒐᔨᑕᑯᑕᒐᐅᓐ 11:14

ᐅ ᒪᒃ ᓂᓱ ᑲ ᑎᒂᒡ ᑲ ᐃᓯ ᓂᓇᐧᑲᑕᔨᒧᓇᓄᐅᒡ, ᓴᔅ ᒋ ᒋᔅᑕᐱᔪᐤ᙮ ᐊᔅᒄ ᒪᒃ ᒥᓐ ᑯᑎᒡ ᐊ ᓂᓇᐧᑲᑕᔨᒧᓇᓄᐅᒡ ᒋᑭ ᐅᑎᒋᐱᔪᐤ᙮ ᓴᔅ ᐸᓱᓇᑯᓐ ᒐ ᐅᑎᒋᐱᔨᒡ᙮

ᒋᔅᒐᔨᑕᑯᑕᒐᐅᓐ 12:9

ᐊᑯ ᒂ ᓂᒋᐛᐱᓇᑭᓄᐅᑦ ᐊᓐ ᒥᔅᑎ ᒥᓐᑐᔅ ᒋᒋᒋᓯᑯᒡ ᐅᒡ᙮ ᐊᐅᒄ ᒪᒃ ᐊᓐ ᒋᓇᐱᒄ ᐛᔅᑭᒡ ᐊᓐᑕ ᑲ ᑕᑦ, ᒥᒋᒥᓂᑐᐤ ᒪᒃ ᓴᑎᓐ ᑲ ᐃᓯᓂᐧᑲᑕᑭᓄᐅᑦ᙮ ᐊᐅᒄ ᐅ ᑲᒋ ᐎᔭᓯᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ᙮ ᐊᓐᑕ ᒪᒃ ᐊᔅᒋᒡ ᒋ ᐃᓯ ᐛᐱᓇᑭᓄᐤ ᑭᔭ ᒥᓯᐛ ᐊᓂᔭ ᐅᑦ ᐊᓐᒋᓂᒪ᙮

ᒋᔅᒐᔨᑕᑯᑕᒐᐅᓐ 13:6

ᒋ ᒋᒋ ᐸᔅᑕᒪᐤ ᒋᓴᒪᓂᑐᐛ ᑭᔭ ᒋ ᒪᔭᔨᑎᒺᐤ ᐅᑦ ᐃᓯᓂᐧᑲᓱᐅᓂᔪᐤ᙮ ᒋ ᒪᔭᔨᑎᒺᐤ ᐊᓐᑕ ᐊ ᑕᔨᒋ ᑭᔭ ᒥᓯᐛ ᐊᓂᔭᔪᐛ ᒋᒋᒋᓯᑯᒡ ᐊ ᑕᔨᒋ ᒋ ᒪᔭᔨᒪᐤ᙮

ᒋᔅᒐᔨᑕᑯᑕᒐᐅᓐ 18:20

ᒋᔨᐛᐤ ᒋᒋᒋᓯᑯᒡ ᐊ ᑕᔭᒄ, ᒥᔽᔨᑎᒧᒄ ᐊᒋ ᓂᓱᐅᓇᒋᑕᑭᓄᐅᒡ ᐊᓐ ᐅᑕᓇᐤ᙮ ᒋᔨᐛᐤ ᑲ ᑕᑈᑎᒪᒄ, ᑭᔭ ᒋᔨᐛᐤ ᐊᑈᔅᑕᓇᒡ, ᑭᔭ ᒋᔨᐛᐤ ᑲ ᐅᒋᔅᒋᐛᐃᒐᓱᐅᔭᒄ, ᒥᔽᔨᑎᒧᒄ᙮ ᐛᔅ ᒋᓴᒪᓂᑐᐤ ᒋ ᑎᐸᔅᑯᓇᐤ ᐊᓂᔭᔪᐛ ᐊᓐᑕ ᑲ ᑕᔨᒋ ᑕᓐ ᑲ ᐃᑐᑕᑕᑯᒡ᙮”

ᒋᔅᒐᔨᑕᑯᑕᒐᐅᓐ 8:13

ᒪᒂᒡ ᒪᒃ ᐊ ᐃᑕᐱᔭᓐ, ᓂᒋ ᐛᐱᒪᐤ ᒥᒋᓱᐤ ᐊ ᐱᐸᒥᔭᑦ ᐊᓐᑕ ᒋᓯᑯᒡ ᐊ ᒋᔄᐛᑦ ᐊ ᐃᔅᒋᔄᑦ, “ᑯᔅᑕᑎᑯᓐ, ᑯᔅᑕᑎᑯᓐ, ᒋᑭ ᑯᔅᑕᑎᑯᓐ ᑕᓐ ᒐ ᐃᔅᐱᔨᑦ ᒥᓯᐛ ᐊᐛᓐ ᐅᑕ ᐊᔅᒋᒡ ᐊ ᑕᑦ ᐃᔅᐱ ᐳᑕᑕᒂᐛ ᐅᐳᑕᒋᑭᓄᐛᐛ ᐊᓐᒡ ᓂᔅᑐ ᐊᓐᒋᓐᒡ ᐊᔅᒄ ᐊᑲ ᐅᒋ ᐳᑕᑕᒡ ᐅᐳᑕᒋᑭᓄᐛᐛ᙮”

ᒋᔅᒐᔨᑕᑯᑕᒐᐅᓐ 9:12

ᐊᓐ ᓂᔅᑎᒻ ᒐ ᐃᓯ ᓂᓇᐧᑲᑕᔨᒧᓇᓄᐅᒡ ᓴᔅ ᒋᔅᑕᐱᔪᐤ᙮ ᐊᔅᒄ ᒪᒃ ᓂᓱ ᒐᒂᔪᐛ ᐊ ᑯᔅᑕᑎᒂᒋ ᒋᑭ ᐸᐱᔪᐛ ᒐ ᐃᔅᐱᔨᒡ ᐊᐛᓐᒋ᙮