ᒋᔅᒐᔨᑕᑯᑕᒐᐅᓐ 12:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐊᑯ ᒂ ᓄᒂᒡ ᓇᔅᒡ ᐊ ᒥᔅᑲᓯᓇᒂᒡ ᒋᔅᒋᓄᐛᐸᑎᔨᐛᐅᓐ ᐊᓐᑕ ᒋᒋᒋᓯᑯᒡ᙮ ᓂᒋ ᐛᐱᒪᐤ ᐃᔎᐤ, ᐱᓯᒺ ᐊ ᐅᑦ ᐊᑯᐱᑦ ᐊ ᐃᓯᓇᑯᓯᑦ ᑭᔭ ᑎᐱᔅᑲᐤ ᐱᓯᒺ ᓯᐸ ᐅᓯᑎᒡ ᐊ ᑕᔨᒋ᙮ ᒋᓴᐅᒋᒪᐅᑯᓂᔎᐅᓂᔪᐤ ᒋ ᒋᔅᑭᒻ ᓂᓱᓴᑉ ᐅᒐᑭᑕᒂ ᐊ ᒋᑭᒧᔨᒋ᙮

ᒋᔅᒐᔨᑕᑯᑕᒐᐅᓐ 12:1 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 104:2

ᑲ ᐊᒂᓇᐅᓱᔨᓐ ᐛᓴᔭᐅᓐ ᐅᒋ ᒧᔭᒻ ᐊᐱᒋᑕᐅᓐ: ᑲ ᐅᐛᔨᑯᑕᔨᓐ ᒋᓯᒂ ᒧᔭᒻ ᐊᑯᐛᑲᐃᑭᓐ:

ᑎᐱᑦ ᐅᓂᑭᒧᐅᓇ 84:11

ᐛᔅ ᑎᐸᔨᒋᒐᓱᐤ ᒋᓴᒪᓂᑐᐤ ᐱᓯᒧᐅᐤ ᑭᔭ ᐊᒂᓇᐅᓱᐛᑭᓂᐅᐤ: ᑎᐸᔨᒋᒐᓱᐤ ᒋᑭ ᒥᔨᐛᐤ ᒥᔪᐧᑲᒐᐅᓂᔪᐤ ᑭᔭ ᒋᔅᑕᔨᑕᑯᓱᐅᓂᔪᐤ: ᓇᒪ ᒐᒂᔪᐤ ᑲ ᒥᔽᓯᔨᒡ ᒋᑭ ᒋᓴᑎᓂᒧᐛᐤ ᐊᓂᔭᔪᐛ ᑯᐃᔅᒄ ᑲ ᐱᒧᑕᔨᒋ᙮

ᒪᑎᔪᐤ 12:38

ᐱᔅᒐ ᒪᒃ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᑭᔭ ᐱᔅᒐ ᐊᓐᒡ ᐸᕆᓯᔨᒡ ᒋ ᐅᒋ ᐃᔨᒧᐅᒡ ᐊ ᐃᔅᒋᔄᒡ, “ᒋᔅᑯᑎᒪᒐᓱᐤ, ᓂ ᐎ ᐛᐸᑕᓇᓐ ᒪᒥᔅᑲᒡ ᒐᒂᓐ ᐊ ᐃᑐᑎᒥᓐ᙮”

ᒪᑎᔪᐤ 24:30

“ᐊᑯ ᒪᒃ ᒐ ᓄᑯᓂᔨᒡ ᐊᓐᑕ ᒋᓯᑯᒡ ᓴᔅ ᐊ ᐸᒋ ᑎᑯᓯᐧᒃ ᐃᔪᐤ ᐅᑯᓯᓴᓐ᙮ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᐅᑕ ᐊᔅᒋᒡ ᑲ ᑕᒡ ᒋᑭ ᒪᐅᒡ᙮ ᒋᑭ ᐛᐱᒪᐅᒡ ᒪᒃ ᐃᔪᐤ ᐅᑯᓯᓴᓇ ᐊ ᐸᒋ ᔭᓯᔨᒋ ᑭᔅᑯᐅᓂᔅᑯᒡ, ᓇᔅᒡ ᐊ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:25

ᐅᒐᑭᑕᐧᑯᒡ ᒋᓯᑯᒡ ᒋᑭ ᐅᒋ ᐸᐸᒋᓯᓄᐅᒡ ᑭᔭ ᒥᓯᐛ ᑕᓐ ᐊ ᐃᓯ ᑎᒂᒡ ᐃᔅᐱᒥᒡ ᒋᑭ ᓇᓇᒥᐱᔪᐤ᙮”

ᓗᒃ 21:11

ᑭᔭ ᒥᓯᐛ ᐊ ᐃᔅᐱᑎᔅᑭᒥᑲᒡ ᐅ ᐊᔅᒋᔾ, ᓂᓇᐧᑯᐤ ᐊᓐᑕ ᒋᑭ ᑯᐃᐧᑯᓐ ᑭᔭ ᒋᑭ ᑯᐧᑭᑕᓄᐤ, ᑭᔭ ᒥᔅᑎ ᐊ ᒪᔭᑎᒡ ᐊᐧᑯᓱᐅᓐ ᒋᑭ ᑎᑯᓐ᙮ ᑭᔭ ᒋᑭ ᓄᑯᓇ ᒋᔅᒋᓄᐛᐸᑎᔨᐛᐅᓇ ᐊ ᑯᔅᑕᑎᒂᒋ ᐊᓐᑕ ᒋᓯᑯᒡ᙮”

ᓗᒃ 21:25

“ᒋᑭ ᓄᑯᓇ ᒋᔅᒋᓄᐛᐸᑎᔨᐛᐅᓇ ᐊᓐᑕ ᐱᓯᒧᒡ, ᑎᐱᔅᑲᐤ ᐱᓯᒧᒡ, ᑭᔭ ᐊᓐᑕ ᐅᒐᑭᑕᐧᑯᒡ, ᐊ ᐎᑎᒪᑯᔭᒄ ᒐᒂᓐ ᒐ ᐃᔅᐱᔨᒡ ᒐᒋ ᐃᔭᒂᒥᔭᒄ᙮ ᒥᓯᐛ ᐊ ᐃᑎᔅᑲᓇᓯᑦ ᐊᐛᓐ ᐅᑕ ᐊᔅᒋᒡ ᒋᑭ ᓴᒋᓱᐤ᙮ ᒋᑭ ᓴᒋᐃᑯᐅᒡ ᑕᓐ ᒐ ᐃᑎᑕᑯᓂᔨᒡ ᐎᓂᐸᑯᔪᐤ᙮

ᒠᓐ 3:29

ᒧᔭᒻ ᐅᔅᒋᓂᐳᐛᓐ ᐎᔾ ᑎᐸᔨᒪᐤ ᐊᓂᔭ ᐅᔅᒋᐃᔎᐛ᙮ ᐊᓂᔭ ᒪᒃ ᐅᐎᒐᐛᑭᓇ ᐊᓐ ᐅᔅᒋᓂᐳᐛᓐ, ᐊᓂᔭ ᑲ ᐎᒋᐃᐛᔨᒋ ᐊᓱᐛᐱᒥᑯᐤ ᒐ ᐃᔅᐱᔅ ᑎᑯᓯᐧᒃ ᑭᔭ ᒥᔽᔨᑎᒥᔪᐛ ᐃᔅᐱ ᐱᔭᑕᑯᑦ᙮ ᐊᐅᑯᓐ ᒪᒃ ᒧᔭᒻ ᑭᔭ ᓂᔾ ᐊ ᐃᔅᐱᔅ ᒥᔽᔨᑎᒪᓐ ᓴᔅ ᐊ ᑕᑦ ᐊᓐ ᑲ ᐸᒋ ᐃᑎᓴᐅᑯᑦ ᒋᓴᒪᓂᑐᐛ᙮

ᐊᑈᔅᑕᓇᒡ 2:19

ᓂᑭ ᐛᐸᑎᔨᐛᓐ ᒪᒥᔅᑲᒡ ᒐᒂᔪᐛ ᐊᓐᑕ ᒋᓯᑯᒡ ᑭᔭ ᐅᑕ ᐊᔅᒋᒡ᙮ ᒋᑭ ᑎᑯᓐ ᒥᐧᒄ ᑭᔭ ᐃᔅᑯᑕᐤ ᑭᔭ ᐊᒂᐸᑕᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:14

ᓂᔅᐱᑐᐛᐧᒄ ᐅᑎᐸᔨᒋᒐᐤ ᒋᓴᔅ ᙭ ᒐᒋ ᐅᒋ ᐛᐱᒪᒡ ᐊᐛᓐᒋ ᑕᓐ ᐊ ᐃᑕᔨᑕᑯᓯᔨᒋ᙮ ᐊᑲᐎᔾ ᐊᐱᑕᔨᑎᒧᒄ ᒋᔭᓱᐛᐤ ᒐᒋ ᐃᑐᑎᒪᒄ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑲᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:22

ᐅᑯᐃᔅᑯᑕᑎᓯᐤ ᐃᓯ ᑭᓄᐛᐱᒪᐤ ᒋᓴᒪᓂᑐᐤ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᔅ ᙭ᑕ᙮ ᒥᓯᐛ ᒪᒃ ᐊᐛᔪᐛ, ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᑭᔭ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ, ᑲ ᑕᑈᔭᔨᒪᔨᒋ ᒋᓴᓴ, ᐊᐅᑯᓐ ᐊ ᐃᓯ ᐃᑐᑎᒧᐛᑦ᙮ ᐛᔅ ᒥᓯᐛ ᐸᐃᑯᓄᒡ ᐃᓯ ᑭᓄᐛᐱᒪᐤ ᒥᓯᐛ ᐊᐛᔪᐛ ᒋᓴᒪᓂᑐᐤ᙮

2 ᑯᕆᓐᑎᔭᓇ 11:2

ᑎᑯᓐ ᐊ ᐃᓯ ᐅᑕᔨᑎᒪᓐ ᒋᔨᐛᐤ ᐅᒋ ᒧᔭᒻ ᒋᓴᒪᓂᑐᐤ ᐊ ᐃᓯ ᐅᑕᔨᑕᐧᒃ ᐅᑦ ᐃᔨᒪ ᐅᒡ᙮ ᐛᔅ ᐅᔅᒋᓂᒋᔎᐤ ᐊᑲ ᐊᔅᒄ ᐅᒋ ᒋᔅᒐᔨᒪᑦ ᓇᐸᐛ ᒋᑦ ᐃᓯᓇᑯᓯᓇᐛᐤ, ᔅᒋ ᐃᑕᔨᒥᑎᓇᐛᐤ ᒪᒃ ᒥᒄ ᐸᐃᒄ ᓇᐸᐤ ᒐᒋ ᑭᓄᐛᔨᒥᑕᒄ ᐊᐅᒄ ᙭᙮

ᑲᓚᓯᔭᓇ 3:27

ᑲ ᓯᑲᐃᑕᑯᔭᒄ ᐎᔾ ᙭ ᐊ ᑕᑦ ᔅᒋ ᐃᓯ ᓯᑲᐃᑕᑯᓇᐛᐤ᙮ ᐊᑯ ᒪᒃ ᐎᔾ ᐊ ᑕᑦ ᐊ ᐃᓯ ᑎᐸᔨᑕᑯᓯᔭᒄ ᑭᔭ ᒋᑦ ᐊᑎ ᓂᔅᐱᑐᐛᐛᐤ᙮

ᑲᓚᓯᔭᓇ 4:26

ᐊᓐ ᒋᕈᓯᓕᒻ ᒋᒋᒋᓯᑯᒡ ᐊ ᑎᒂᒡ ᐊᐅᒄ ᒋᑲᐎᓄᐤ᙮

ᑲᓚᓯᔭᓇ 6:14

ᓂᔾ ᒪᒃ ᐎ ᒥᒄ ᐸᐃᒄ ᒐᒂᓐ ᓂ ᒪᒥᒋᐃᑯᓐ, ᐊᐅᒄ ᐅᑎᐸᔨᒋᒐᐤ ᒋᓴᔅ ᙭ ᐅᒋᐱᔭᑎᑯᒪ᙮ ᐛᔅ ᐊᓂᔭ ᑕᓐ ᑲ ᐃᑎᑦ ᙭ ᒋᐱᔭᑎᑯᒡ ᐊᐅᒄ ᐛᒋ ᐊᑲ ᐊᐱᑕᔨᑎᒥᐃᑯᔭᓐ ᐊᓂᔭᔪᐛ ᒐᒂᔪᐛ ᐊᓐᒡ ᐊᑲ ᑕᑈᐅᒐᔨᒪᒡ ᒋᓴᓴ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᒡ᙮ ᑭᔭ ᐎᔨᐛᐤ ᒪᒃ ᓇᒪ ᓇᔅᒡ ᐊᐱᑕᔨᑎᒧᒡ ᐊᓂᔭᔪᐛ ᒐᒂᔪᐛ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᒡ᙮

ᐃᐱᓯᔭᓇ 5:32

ᐊᓐ ᒪᒃ ᑲ ᐃᓯ ᒥᓯᓇᐃᑭᓄᐅᒡ ᐊᑐᐎᔅ ᑎᑯᓐ ᐊ ᐃᓯ ᐎᑎᒪᒐᒥᑲᒡ᙮ ᓂᔾ ᑭᑈ ᐊ ᐃᓯ ᓂᔅᑐᑎᒪᓐ, ᙭ ᑭᔭ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᔨᒧᒪᑭᓄᐎᒡ ᐊᓐᑕ᙮

ᒋᔅᒐᔨᑕᑯᑕᒐᐅᓐ 1:20

ᐊᓐᒡ ᒪᒃ ᓂᔄᐅᑕᒡ ᐅᒐᑭᑕᐧᑯᒡ ᑲ ᐛᐱᒥᑥᐤ ᓂᒥᔪᐅᓂᒡ ᐊ ᑕᐧᑯᓂᒂᐤ ᑭᔭ ᐊᓂᔭᔪᐛ ᓂᔄᐅᑕᒡ ᑲ ᐎᔄᐅᓱᓇᔭᐱᔅᑯᐅᒋ ᐛᔅᑕᓂᐱᒪᑭᓇᑎᒂ, ᐊᐅᒄ ᐅ ᐊ ᐃᓯ ᐎᑎᒪᒐᒥᑲᒋ᙮ ᐊᓐᒡ ᓂᔄᐅᑕᒡ ᐅᒐᑭᑕᐧᑯᒡ, ᐊᐅᒄ ᐊᓐᒡ ᐊᓐᒋᓐᒡ ᑲ ᓂᑲᓂᔅᑯᐛᒡ ᐅᒪᒧᐊᔭᒥᐊᐛ ᐊᓐᑕ ᐊᓂᔭ ᓂᔄᐅᑕᒡ ᐊᔭᒥᐊᐅᒋᐛᐱᒡ ᐊ ᑕᒡ᙮ ᐊᑯ ᐊᓂᔭᔪᐛ ᓂᔄᐅᑕᒡ ᑲ ᐎᔄᐅᓱᓇᔭᐱᔅᑯᐅᒋ ᐛᔅᑕᓂᐱᒪᑭᓇᑎᒂ ᐊᐅᒄ ᐊᓂᔭᔪᐛ ᓂᔄᐅᑕᒡ ᐊᔭᒥᐊᐅᒋᐛᐸ ᑲ ᐊᔨᒧᑕᒋ᙮”

ᒋᔅᒐᔨᑕᑯᑕᒐᐅᓐ 11:19

ᐊᑯ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ ᒋᒋᒋᓯᑯᒡ ᐊ ᑎᑯᓂᔨᒡ ᒂ ᓴᓂᑭᓄᐎᒡ᙮ ᐊᓐᑕ ᒪᒃ ᐱᑎᑭᒥᒡ ᒋ ᓄᑯᓐ ᐊᓐ ᑲ ᐸᔭᒋᓯᒥᑲᒡ ᒥᔅᑎᑯᐅᑦ ᐊᓐᑕ ᑲ ᑎᑕᑭᓄᔨᒡ ᐊᓂᔭ ᓂᔅᑯᒧᐅᓂᔪᐤ ᒋᓴᒪᓂᑐᐤ ᑲ ᐅᓯᑎᒧᐛᑦ ᐅᑦ ᐃᔨᒪ᙮ ᐊᑯ ᑲ ᐅᔄᔅᑕᐱᔨᒡ ᑭᔭ ᓂᒥᔅᒍᐅᒡ ᒋ ᐸᑕᑯᓱᐅᒡ᙮ ᑭᔭ ᒋ ᑯᐃᐧᑯᓐ ᑭᔭ ᒋ ᒥᔅᑎ ᒥᔅᑯᒥᑕᓐ᙮

ᒋᔅᒐᔨᑕᑯᑕᒐᐅᓐ 12:3

ᒥᓐ ᑯᑎᒡ ᒋᔅᒋᓄᐛᐸᑎᔨᐛᐅᓐ ᒋ ᐅᒋ ᓄᑯᓐ ᐊᓐᑕ ᒋᒋᒋᓯᑯᒡ᙮ ᓂᒋ ᐛᐱᒪᐤ ᒥᔅᑎ ᒥᓐᑐᔅ ᐊ ᒥᐧᑯᓯᑦ ᓂᔄᐅᑕᒡ ᐊ ᐃᑕᑎᓂᔨᒋ ᐅᔅᑎᒂᓇ ᑭᔭ ᐸᐃᑯᔪᐤ ᐊ ᐃᑕᑎᓂᔨᒋ ᐅᑦ ᐊᔅᑭᓇ᙮ ᒥᓯᐛ ᒪᒃ ᐊ ᐃᑕᑎᓂᔨᒋ ᐊᓂᔭ ᐅᔅᑎᒂᓇ ᒋᓴᐅᒋᒪᐅᑯᓂᔎᐅᓂᔪᐤ ᒋ ᒋᔅᑭᒻ᙮

ᒋᔅᒐᔨᑕᑯᑕᒐᐅᓐ 15:1

ᒥᓐ ᒪᒃ ᑯᑎᒡ ᒐᒂᓐ ᓂᒋ ᐛᐸᑕᓐ ᐊᓐᑕ ᒋᒋᒋᓯᑯᒡ ᓇᔅᒡ ᐊ ᒥᔅᑲᓯᓇᒂᒡ᙮ ᓂᒋ ᐛᐱᒪᐅᒡ ᓂᔄᐅᑕᒡ ᐊᓐᒋᓐᒡ᙮ ᒥᓯᐛ ᐸᐸᐃᒄ ᒋ ᐊᔭᐅᒡ ᓂᓇᐧᑯᐤ ᒐ ᐃᓯ ᓂᓇᐧᑲᑕᔨᒧᐊᒡ ᐊᐛᔪᐛ᙮ ᐊᐅᒄ ᒪᒃ ᐅᔭ ᒪᔅᑕᔾ ᒐ ᐃᓯ ᓂᓇᐧᑲᑕᔨᒧᓇᓄᐎᒡ ᐛᔅ ᐊᑯᑕ ᐅᔭ ᒐ ᒋᓯᐱᔨᒡ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ᙮

ᒋᔅᒐᔨᑕᑯᑕᒐᐅᓐ 21:14

ᒋ ᓂᓱᓴᐳᐅᒡ ᐊ ᒪᒥᒐᐱᔅᒋᓯᒡ ᐊᓯᓂᔨᒡ ᐊᓐᑕ ᑲ ᑕᒋᑲᐳᐅᒡ ᐊᓐ ᒥᓯᐛ ᑲ ᐃᓯ ᐛᔅᑲᑲᐳᐅᒡ ᐊᓐᑕ ᐅᑕᓇᒡ᙮ ᐅᒡ ᒪᒃ ᐊᓯᓂᔨᒡ, ᐊᑯᑕ ᑲ ᒥᓯᓇᑕᔨᒋ ᐅᑦ ᐃᓯᓂᐧᑲᓱᐅᓄᐛᐛ ᐊᓐᒡ ᑲ ᓂᓱᓴᐳᒡ ᐊᑈᔅᑕᓇᒡ ᐊᓂᔭᔪᐛ ᒪᔭᑕᓂᔅ ᑲ ᐅᑎᓇᑦ᙮

ᒋᔅᒐᔨᑕᑯᑕᒐᐅᓐ 21:23

ᓇᒪ ᓂᑐᐛᔨᑕᑯᓱᐤ ᐱᓯᒻ ᒪᒃ ᑎᐱᔅᑲᐤ ᐱᓯᒻ ᒐᒋ ᐅᒋ ᐛᔅᑐᐛᒡ ᐊᓐ ᐅᑕᓇᐤ᙮ ᐛᔅ ᐊ ᐃᔅᐱᔅ ᒋᐧᑲᔭᔅᑐᐛᔨᒡ ᐊᓐᑕ ᐊ ᑕᑦ ᒋᓴᒪᓂᑐᐤ, ᐊᑯᑕ ᐛᒋ ᒋᐧᑲᔭᔅᑕᒡ ᐊᓐ ᐅᑕᓇᐤ᙮ ᑭᔭ ᐊᓐ ᒪᔭᑕᓂᔅ ᐊ ᑕᑦ, ᐊᑯᑕ ᐛᒋ ᒋᐧᑲᔭᔅᑕᒡ᙮