ᒋᔅᒐᔨᑕᑯᑕᒐᐅᓐ 1:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐸᐃᒂᐤ ᒪᒃ ᐊ ᐊᔭᒥᐊᐅᒋᓯᑲᒡ, ᑲ ᐸᔭᒋᓯᑦ ᐊᒐᐧᒄ ᓂᒋ ᓴᑭᔅᒋᓇᔅᑲᒄ᙮ ᐊᓐᑕ ᒪᒃ ᓂᔅᐱᔅᑯᓂᒡ ᓂᒋ ᐅᒋ ᐸᑕᓐ ᐸᑕᑯᓱᐅᓐ ᐊ ᒋᔄᐛᑦ ᐊᐛᓐ ᐊ ᐃᔨᒥᑦ᙮ ᒧᔭᒻ ᐳᑕᒋᑭᓐ ᐊ ᐃᔅᐱᔅ ᒋᔄᐛᒥᑲᒡ, ᐊᑯᓐ ᑲ ᐃᔅᐱᔅ ᒋᔄᐛᑦ ᐊ ᐃᔨᒥᑦ᙮

ᒋᔅᒐᔨᑕᑯᑕᒐᐅᓐ 1:10 ပူးပေါင်းရင်းမြစ်များ

ᒪᑎᔪᐤ 22:43

ᐊᑯ ᒋᓴᔅ ᐊᑕᑦ, “ᒐᒂᔪᐤ ᒪᒃ ᐅᑎᐸᔨᒋᒐᐤ ᐛᒋ ᐃᓯᓂᐧᑲᑎᑯᑦ ᑎᐱᑕ ? ᐛᔅ ᑎᐱᑦ, ᑲ ᐸᔭᒋᓯᔨᒋ ᐊᒐᒂ ᒋ ᒥᔨᑯᐤ ᒐᒋ ᐃᔅᒋᔄᑦ,

ᒠᓐ 20:19

ᐊᓂᔭ ᒪᒃ ᐊ ᐊᑎ ᐅᑕᑯᓯᔨᒡ ᐊᓂᔭ ᓂᔅᑎᒻ ᐊᑎ ᒋᓯᑲᔨᒡ ᒋ ᒪᒧᐎᐅᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮ ᒋ ᐊᑎᓴᑲᐎᓱᐅᒡ ᒪᒂᒡ ᐊᓂᔭ ᐊ ᒪᒧᐎᒡ ᐛᔅ ᒋ ᑯᔅᑕᐅᒡ ᐊᓂᔭ ᒍᐤ ᐅᒋᒪᐛ᙮ ᓯᔅᒋᑯᒡ ᒪᒃ ᒋ ᐅᒋ ᐛᐱᒪᐅᒡ ᒋᓴᓴ ᐊ ᓂᐳᔨᒋ ᐊᓐᑕ ᐊ ᑕᒡ᙮ ᒋ ᐃᑎᑯᐅᒡ ᒪᒃ, “ᒋᔭᒪᔨᑎᒧᒄ᙮”

ᒠᓐ 20:26

ᔭᓇᐤ ᑕᑐᐤ ᒋᓯᑲᐛ ᒪᒃ ᐃᔅᐱᔅ ᐊᑯ ᒥᓐ ᑲ ᒪᒧᐎᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮ ᑥᒥᔅ ᒪᒃ ᑭᔭ ᐎᔾ ᐊᑯᑕ ᑲ ᑕᑦ᙮ ᒋ ᐊᑎᓴᑲᐛᑭᓄᐎᒡ ᔅᑐᐧᑭᓐᒡ ᐃᔭᐱᒡ ᒪᒃ ᒋᓴᔅ ᒋ ᐸᒋ ᐱᒐᐤ ᒂ ᐸᒋ ᐅᑎᔅᑯᑲᐳᔅᑐᐛᑦ᙮

ᐊᑈᔅᑕᓇᒡ 20:7

ᐊᓐ ᒪᒃ ᒥᔭᔅᑕᐃᑐᔅᑲᓄᒡ ᐊ ᐊᑎ ᐅᑕᑯᓯᔨᒡ ᓂᒋ ᒪᒧᐎᓇᓐ ᒐᒋ ᒪᒧᐤ ᒥᒋᓱᔭᒡ᙮ ᑈᓪ ᒪᒃ ᒋ ᐃᔨᒪᐊᐤ ᐊᓂᔭᔪᐛ ᐊᐛᔪᐛ ᑲ ᐸᒋ ᒪᒧᐎᔨᒋ᙮ ᐎᐱᒡ ᒋ ᐎ ᔅᑐᑕᐤ ᐊᓂᔭ ᒐ ᐛᐸᓂᔨᒡ, ᑭᔭ ᓇᐅᔅ ᒂ ᐊᑎ ᐃᔨᒥᑦ᙮ ᐱᐃᒻ ᒋ ᐊᐱᑕᑎᐱᔅᑲᔪᐤ ᐊᔅᒄ ᐊ ᐃᔨᒥᑦ᙮

1 ᑯᕆᓐᑎᔭᓇ 12:3

ᒋ ᓂᑐᐛᔨᒥᑎᓇᐛᐤ ᒪᒃ ᒐᒋ ᓂᔅᑐᑎᒪᒄ ᐊᓐ ᐊᐛᓐ ᑲ ᐸᔭᒋᓯᔨᒋ ᐊᒐᒂ ᑲ ᐱᒥᐱᔨᐃᑯᑦ, ᓇᒪ ᓂᑕ ᒋᑭ ᐅᒋ ᒥᒋ ᐃᑕᐤ ᒋᓴᓴ᙮ ᐃᔅᒋᔄᒐ ᒪᒃ ᐊᐛᓐ, “ᒋᓴᔅ ᐊᐅᒄ ᐅᑎᐸᔨᒋᒐᐤ,” ᐸᔭᒋ ᐊᒐᒂ ᐃᑐᑕᑯᐤ ᐊᓂᔭ ᒐᒋ ᐃᔅᒋᔄᑦ᙮

1 ᑯᕆᓐᑎᔭᓇ 16:2

ᐊᓐ ᐊ ᒋᒋᐱᔨᒡ ᒥᓇᔅᑕᑭᓐ, ᒥᓯᐛ ᐊᐛᓐ ᐊᓐᑕ ᐊ ᑎᓯᔭᒄ ᒋᐸ ᑎᐸᓂᔅᑕᐤ ᓱᓇᔭᔪᐤ ᐊ ᓂᓇᑭᑐᐛᔨᑎᒥᐃᑯᑦ ᑕᓐ ᒪᒧᐤ ᑲ ᐃᓯ ᒥᔨᑯᑦ ᒋᓴᒪᓂᑐᐛ ᒐᒋ ᐅᑎᓂᒪᒐᑦ᙮ ᒥᓯᐛ ᒋᐸ ᒪᒧᐤ ᑭᓄᐛᔨᑕᑭᓄᐤ᙮ ᐊᑯ ᒪᒃ ᓇᒪ ᒋᐸ ᐅᒋ ᑎᑯᓐ ᐊ ᒪᒧᓴᒋᓂᑭᓄᐅᒡ ᓱᓇᔭᐤ ᑎᑯᓯᓂᔭᓇ᙮

ᒋᔅᒐᔨᑕᑯᑕᒐᐅᓐ 17:3

ᐊᑯ ᑲ ᐸᔭᒋᓯᑦ ᐊᒐᐧᒄ ᑲ ᐸᒋ ᐱᒋᔅᑯᐅᑦ᙮ ᐊᑯ ᐊᓐ ᐊᓐᒋᓐ ᐊᓐᑕ ᐸᐧᑯᑎᔅᑭᒥᑲᒡ ᒂ ᐸᒋ ᐃᑐᑕᐃᑦ᙮ ᓂᒋ ᐛᐱᒪᐤ ᒪᒃ ᐊᓐᑕ ᐃᔎᐤ ᐊ ᑕᑎᐱᑦ ᒥᒋ ᐊᐛᓯᓴ ᐊ ᒥᐧᑯᓯᔨᒋ᙮ ᐅ ᒪᒃ ᒥᒋ ᐊᐛᓯᔅ ᐃᓯᓂᐧᑲᓱᐅᓂᔪᐤ ᐊ ᒪᔭᔨᒥᑯᔨᒋ ᒋᓴᒪᓂᑐᐛ ᒋ ᒥᓯᓇᑕᔪᐛ ᐊᓐᑕ ᐊ ᑕᑦ᙮ ᓂᔄᐅᑕᒡ ᒋ ᐃᑕᑎᓂᔪᐛ ᐅᔅᑎᒂᓇ᙮ ᒋ ᐸᐃᑯᔪᐛᓯᔪᐛ ᐅᑦ ᐊᔅᑭᓇ᙮

ᒋᔅᒐᔨᑕᑯᑕᒐᐅᓐ 21:10

ᐊᑯ ᑲ ᐸᔭᒋᓯᑦ ᐊᒐᐧᒄ ᒂ ᐸᒋ ᐱᒋᔅᑯᐅᑦ᙮ ᐊᑯ ᐊᓐ ᐊᓐᒋᓐ ᐊᓐᑕ ᓇᔅᒡ ᐊ ᐃᔅᐸᓇᔨᒡ ᐱᔅᑯᑎᓇᔪᐤ ᒂ ᐸᒋ ᐃᑐᑕᐃᑦ᙮ ᓂᒋ ᐛᐸᑎᔨᒄ ᒪᒃ ᐊᓂᔭ ᑲ ᐸᔭᒋᓯᒥᑭᓂᔨᒡ ᐅᑕᓇᔪᐤ ᒋᕈᓯᓕᒻ ᐊ ᐃᓯᓂᐧᑲᑕᔨᒡ ᒋᒋᒋᓯᑯᒡ ᐊ ᐅᒋ ᔭᓯᒪᑭᓂᔨᒡ ᒋᓴᒪᓂᑐᐛ ᐊ ᑕᔨᒋ ᐅᒡ᙮