ᑎᐱᑦ ᐅᓂᑭᒧᐅᓇ 98:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐅ ᓂᑭᒧᔅᑕᐧᒄ ᑎᐸᔨᒋᒐᓱᐤ ᐅᔅᒋ ᓂᑭᒧᐅᓂᔪᐤ, ᐛᔅ ᒋ ᒪᒥᔅᑲᒡ-ᐃᑐᐤ: ᐎᔾ ᐅᒥᔪᐅᓂᒡ, ᑭᔭ ᐎᔾ ᐅᐸᔭᒋ ᐅᔅᐱᑐᓂᒡ ᒋ ᐅᒋ ᐱᐧᑯᐃᐛᐤ᙮

ᑎᐱᑦ ᐅᓂᑭᒧᐅᓇ 98:1 ပူးပေါင်းရင်းမြစ်များ

ᒐᓂᓯᔅ 3:15

ᓂᑭ ᑐᑕᓐ ᒋᔾ ᑭᔭ ᐃᔎᐤ ᒐᒋ ᐛᐧᑲᑎᑐᔭᒄ, ᑭᔭ ᒋᑦ ᐊᐛᓯᒥᒡ ᑭᔭ ᐎᔾ ᐅᑦ ᐊᐛᓯᒪ ᒋᑭ ᐛᐧᑲᑎᑐᐅᒡ᙮ ᒥᔅᑲᔎᐛ ᒋᑭ ᐅᑕᒥᔅᑎᒂᓇᐅᑯᒡ᙮ ᑭᔭ ᒋᔾ ᒥᔅᑯᐅᑥᐛ ᒋᑭ ᒪᒂᑎᒺᓐ ᐅᑐᑎᓄᐛᐛ᙮”

ᑎᐱᑦ ᐅᓂᑭᒧᐅᓇ 105:5

ᒋᔅᒋᑎᒺᐧᒄ ᐅᒪᒥᔅᑲᒡ-ᐃᑐᐅᓇ ᑲ ᐃᑐᑕᐧᒃ; ᐅᒥᒪᑕᐅ-ᐃᑐᐅᓇ, ᑭᔭ ᐅᑎᐸᔅᑯᓂᒐᐅᓇ ᐅᑐᓂᒡ᙮

ᑎᐱᑦ ᐅᓂᑭᒧᐅᓇ 136:4

ᐊᓐ ᐎᔾ ᒥᒄ ᑲ ᒪᒪᑕᐤ ᐃᔨᑎᑦ: ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮

ᑎᐱᑦ ᐅᓂᑭᒧᐅᓇ 139:14

ᒋᑭ ᒪᒥᒋᒥᑎᓐ; ᐛᔅ ᓂ ᑯᔅᑕᑎᑯᐤ ᑭᔭ ᒪᒥᔅᑲᒡ ᐅᓯᐃᑯᐅᓐ: ᒪᒥᔅᑲᑕᔨᑕᑯᓇ ᒋᑦ ᐊᑐᔅᒐᐅᓇ; ᐅᔭᔪᐤ ᒪᒃ ᓇᔅᒡ ᒋᔅᒐᔨᑎᒻ ᓂᑦ ᐊᒐᐧᒄ᙮

ᑎᐱᑦ ᐅᓂᑭᒧᐅᓇ 149:1

ᒪᒥᒋᒥᐧᒄ ᑎᐸᔨᒋᒐᓱᐤ ! ᐅᔅᒋ ᓂᑭᒧᐅᓂᔪᐤ ᓂᑭᒧᔅᑕᐧᒄ ᑎᐸᔨᒋᒐᓱᐤ, ᑭᔭ ᐅᒪᒥᒋᒥᑯᓯᐅᓐ ᐊᓐᑕ ᐊ ᒪᐅᒋᑐᔨᒋ ᐅᐸᔭᒋᓯᒪ᙮

ᑎᐱᑦ ᐅᓂᑭᒧᐅᓇ 33:3

ᓂᑭᒧᔅᑕᐧᒄ ᐅᔅᒋ ᓂᑭᒧᐅᓂᔪᐤ; ᓇᔅᒡ ᑭᔅᒋᑕᒄ ᐊ ᒋᔍᐛᐱᒐᔭᒄ ᐊ ᒋᔄᐛ ᒋᔍᐛᐱᒐᔭᒄ᙮

ᑎᐱᑦ ᐅᓂᑭᒧᐅᓇ 72:18

ᒋᑭ ᐎ ᒪᒥᒋᒪᑭᓄᐤ ᑕᐸᔨᒋᒐᓯᐅᑦ ᒋᓴᒪᓂᑐᐤ, ᐅᒋᓴᒪᓂᑐᒪ ᐃᔅᕋᐃᓪ, ᐎᔾ ᒥᒄ ᑲ ᒪᒪᑕᐤ ᐃᔨᑎᑦ᙮

ᑎᐱᑦ ᐅᓂᑭᒧᐅᓇ 77:14

ᒋᔾ ᒋ ᒋᓴᒪᓂᑐᐅᓐ ᑲ ᒥᒪᑕᐅ-ᐃᑎᔨᓐ: ᔅᒋ ᐎᑕᓐ ᒋ ᒥᔅᑯᐅᓯᐅᓐ ᐊᓐᑕ ᐊ ᐃᑕᒡ ᐃᔪᒡ᙮

ᑎᐱᑦ ᐅᓂᑭᒧᐅᓇ 86:10

ᐛᔅ ᒋ ᒋᔅᑎᓯᓐ, ᑭᔭ ᒋ ᒪᒥᔅᑲᒡ ᐊᐃᑎᓐ: ᒋᔾ ᒥᒄ ᒋ ᒋᓴᒪᓂᑐᐅᓐ᙮

ᑎᐱᑦ ᐅᓂᑭᒧᐅᓇ 89:14

ᑲ ᐎᓱᐛᐛᔨᑕᒂᒡ ᐃᔅ ᑭᔭ ᐃᑎᔅᑕᐤ ᒋᒋᓴᐅᒋᒪᐅ-ᑕᑎᐳᐛᓂᒡ: ᒋᔅᑎᒪᒐᔨᒋᒐᐅᓐ ᑭᔭ ᑕᑈᐅᓐ ᒋᑭ ᓂᑲᓂᐸᔨᔅᑕᑯᓐ᙮

ᑎᐱᑦ ᐅᓂᑭᒧᐅᓇ 96:1

ᐅ ᓂᑭᒧᔅᑕᐧᒄ ᑎᐸᔨᒋᒐᓱᐤ ᐅᔅᒋ ᓂᑭᒧᐅᓂᔪᐤ: ᓂᑭᒧᔅᑕᐧᒄ ᑎᐸᔨᒋᒐᓱᐤ, ᒥᓯᐛ ᐊᔅᒋᒡ᙮

ᑎᐱᑦ ᐅᓂᑭᒧᐅᓇ 96:3

ᐎᑎᒺᐧᒄ ᐅᒋᔅᑕᔨᑕᑯᓱᐅᓐ ᐊᓐᑕ ᐊ ᑕᔨᒋ ᐊᑲ ᐊᔭᒥᐊᔨᒋ, ᐅᒪᒥᔅᑲᒡ-ᐃᑐᐅᓇ ᐊᓐᑕ ᐊ ᑕᔨᒋ ᒥᓯᐛ ᐃᔪᐛ᙮

ᐊᒃᓱᑕᔅ 15:11

ᑎᐸᔨᒋᒐᓱᐤ, ᒐᒄ ᒥᓂᑐᐧᑲᓐ ᐊ ᑕᑦ ᒧᔭᒻ ᒋᔾ, ᒋᔅᑕᔨᑕᑯᓯᓐ, ᐊᐛᓐ ᐊ ᑕᑦ ᒐᒋ ᐃᑐᑕᐧᒃ ᒪᒥᔅᑲᒡ ᒐᒂᔪᐛ ᒧᔭᒻ ᒋᔾ !

ᐊᒃᓱᑕᔅ 15:6

ᒋᒥᔪᐅᓐ, ᐅ ᑎᐸᔨᒋᒐᓱᐤ, ᒋᒋᐛ ᓱᐧᑲᑎᓯᒥᑭᓐ ᑭᔭ ᒋ ᐱᑯᓇᐅᒡ ᐊᐛᓐᒋ ᑲ ᐛᐧᑲᑎᔅᒡ᙮

ᓗᒃ 1:49

ᐛᔅ ᒋᓴᒪᓂᑐᐤ ᑲ ᓱᐧᑲᑎᓯᑦ ᒪᒥᔅᑲᒡ ᓂᒋ ᐃᓯ ᒥᔪᑐᑎᒪᒄ ᑭᔭ ᒋᔅᑕᔨᑕᑯᓂᔪᐤ ᐅᑦ ᐃᓯᓂᐧᑲᓱᐅᓐ᙮

ᒠᓐ 16:33

ᔅᒋ ᐎᑎᒪᑎᓇᐛᐤ ᐅ ᒐᒋ ᐅᒋ ᐊᔭᔭᒄ ᒋᔭᒪᔨᑎᒧᐅᓐ ᐊᓐᑕ ᓂᔾ ᐊ ᑕᔭᓐ᙮ ᒋᑭ ᓂᓇᐧᑲᑕᔨᒧᐃᑯᓇᐛᐤ ᐅᑕ ᐊᔅᒋᒡ᙮ ᓱᒃ ᐎ ᓱᒋᑕᐊᒄ, ᐛᔅ ᓴᔅ ᓂᒋ ᓴᐧᑯᒋᐊᐤ ᐊᓐ ᑲ ᑎᐸᔨᒪᑦ ᐊᓂᔭ ᐊᐛᔪᐛ ᐊᑲ ᐊᐱᑕᔨᒪᔨᒋ ᒋᓴᒪᓂᑐᐛ᙮”

ᐊᑈᔅᑕᓇᒡ 19:20

ᐅ ᒪᒃ ᐊᒋ ᐃᔅᐱᔨᒡ ᒋ ᐊᑎ ᒥᓯᑕᐱᔪᐤ ᒥᔽᒋᒧᐅᓐ, ᐊᓐ ᒪᒃ ᐊ ᐃᔅᐱᔅ ᓱᒋᐱᔨᒡ ᐅ ᒥᔽᒋᒧᐅᓐ ᒥᒐᑦ ᐊᐛᓐᒋ ᒋ ᐊᑎ ᑕᑈᑎᒧᒡ᙮

ᐊᑈᔅᑕᓇᒡ 2:11

ᒋ ᑕᓇᓄᐤ ᑭᔭ ᐅᑕ ᑕᐱᔅᑯᓐ ᒍᐤ ᑭᔭ ᐊᑲ ᒍᐤ ᐊ ᐃᑎᔅᑲᓇᓯᔭᐧᒄ ᐊᒋ ᐎᔭᔨᑎᒪᐧᒄ ᒋᔭᓄᐤ ᒐᒋ ᑕᑈᑎᒪᐧᒄ ᑕᓐ ᐊ ᐃᓯ ᑕᑈᑕᒡ ᒍᐤ ᐃᔪᒡ᙮ ᐱᔅᒐ ᑭᔭ ᐊᓐᑕ ᑯᕆᑦ ᑭᔭ ᐊᕋᐱᔭ ᒋ ᐅᒋᓇᓄᐤ᙮ ᐃᔭᐱᒡ ᒪᒃ ᒥᓯᐛ ᐊ ᑎᓯᔭᐧᒄ ᒋ ᐸᑐᐛᓄᐅᒡ ᒋᔭᓄᐤ ᐊ ᐃᓯ ᐃᔨᒥᔭᐧᒄ ᐊ ᐃᓯ ᐃᔨᒥᒡ᙮ ᐛᐎᑎᒧᒡ ᑕᓐ ᐊ ᐃᓯ ᒪᒥᔅᑲᒡ ᑎᔨᒋ ᒋᓴᒪᓂᑐᐛ !”

ᑯᓚᓯᔭᓇ 2:15

ᐊᓂᔭ ᒋᐱᔭᑎᑯᒡ ᑲ ᓂᐱᑦ ᙭ ᐊᑯᑕ ᓇᔅᒡ ᑲ ᓴᒂᐊᑦ ᒥᓯᐛ ᐊᓂᔭᔪᐛ ᓱᒐᔨᑕᑯᓱᐅᓂᔪᐤ ᑭᔭ ᑎᐸᔨᒋᒐᐅᓂᔪᐤ ᑲ ᐊᔭᔨᒋ᙮ ᑭᔭ ᒥᓯᐛ ᐊᓂᔭᔪᐛ ᐊᒐᐧᑯᐤ ᓱᒐᔨᑕᑯᓱᐅᓂᔪᐤ ᑲ ᐊᔭᔨᒋ ᑭᔭ ᐊᓂᔭ ᑲ ᓂᔅᑯᔅᑕᑯᑦ᙮ ᒥᓯᐛ ᐊᐛᔪᐛ ᒋ ᐛᐸᑎᔭᐤ ᓇᔅᒡ ᐊ ᓴᒂᐊᑦ ᐊᓂᔭᔪᐛ᙮

ᒋᔅᒐᔨᑕᑯᑕᒐᐅᓐ 14:3

ᓂᒋ ᐛᐱᒪᐅᒡ ᒪᒃ ᐊᓐᒡ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᐊ ᐃᑕᑎᓯᒡ ᐊᐛᓐᒋ ᐊ ᐅᑎᔅᑯᑲᐳᔅᑎᒺᒡ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔪᐤ ᑭᔭ ᐊᓂᔭᔪᐛ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᔨᒋ ᒋᓴᐃᔪᐛ ᐊ ᐅᑎᔅᑯᑲᐳᔅᑐᐛᒡ ᑭᔭ ᐊᓂᔭ ᑲ ᓇᐎᔨᒋ ᑲ ᐱᒪᑎᓯᔨᒋ ᐊᐛᔪᐛ᙮ ᐊ ᐅᔅᑲᔨᒡ ᓂᑭᒧᐅᓂᔪᐤ ᒋ ᓂᑭᒧᐅᒡ᙮ ᓇᒪ ᒪᒃ ᑯᑎᑲ ᐊᐛᔪᐛ ᒋᑭ ᒋ ᒋᔅᒐᔨᑎᒥᔪᐛ ᐊᓂᔭ ᓂᑭᒧᐅᓂᔪᐤ ᑲ ᓂᑭᒧᐅᒡ, ᒥᒄ ᐎᔨᐛᐤ ᐊᓐᒡ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᐊ ᐃᑕᑎᓯᒡ᙮ ᐛᔅ ᐊᐅᑯᓐᒡ ᐅᒡ ᑲ ᐱᒪᒋᐃᑯᒡ ᒋᓴᒪᓂᑐᐤ ᐊᔅᒋᒡ ᐅᒡ᙮

ᒋᔅᒐᔨᑕᑯᑕᒐᐅᓐ 17:14

ᐅᒡ ᒪᒃ ᐸᐃᑯᔪᐤ ᒋᓴᐅᒋᒪᐅᒡ ᑭᔭ ᐊᓐ ᒥᒋ ᐊᐛᓯᔅ, ᒋᑭ ᓂᑐᐱᔨᑐᐛᐅᒡ ᐊᓂᔭᔪᐛ ᒪᔭᑕᓂᓴ᙮ ᒥᒄ ᒪᒃ ᒋᑭ ᓴᑯᐃᑯᐅᒡ ᐊᓂᔭᔪᐛ ᒪᔭᑕᓂᓴ ᑭᔭ ᐊᓂᔭᔪᐛ ᑲ ᓇᓴᐅᑯᔨᒋ᙮ ᐛᔅ ᐎᔾ ᐊᓐ ᒪᔭᑕᓂᔅ ᒋᒋᐛ ᒋᔅᑕᔨᑕᑯᓱᐤ ᐊ ᑕᑎᓯᔨᒋ ᒥᓯᐛ ᐅᑎᐸᔨᒋᒐᐛ ᑭᔭ ᐎᔾ ᒋᒋᐛ ᓱᒐᔨᑕᑯᓱᐤ ᐊ ᑕᑎᓯᔨᒋ ᒥᓯᐛ ᒋᓴᐅᒋᒪᐛ᙮ ᐊᓂᔭᔪᐛ ᒪᒃ ᑲ ᓇᓴᐅᑯᑦ, ᐊᐅᑯᓂ ᐎᔾ ᐛᒋᒡ ᑲ ᑕᑈᑕᑦ ᑭᔭ ᑲ ᐅᑎᓇᑦ ᒐᒋ ᐅᑦ ᐃᔨᒥᑦ ᑭᔭ ᐊᐅᑯᓂ ᐊᓂᔭᔪᐛ ᑯᐃᔅᒄ ᑲ ᐃᑎᔨᒋ ᐊ ᓇᓴᐅᑯᑦ᙮”

ᒋᔅᒐᔨᑕᑯᑕᒐᐅᓐ 3:21

ᐊᓐ ᐊᐛᓐ ᒐ ᓴᐧᑯᒋᑕᒂ ᑕᓐ ᒐ ᐃᓯ ᑯᒂᒋᐃᑯᑦ ᒥᒋ ᒐᒂᔪᐤ, ᓂᑭ ᒥᔭᐤ ᒐᒋ ᐎᑎᐱᒥᑦ ᓂᒋᓴᐅᒋᒪᐤ ᑕᑎᐳᐛᑭᓂᒡ᙮ ᒧᔭᒻ ᓂᔾ ᐊᒋ ᓴᐧᑯᒋᑕᔭᓐ ᒥᓯᐛ ᒥᒋ ᒐᒂᓐ, ᓄᑕᐎᔾ ᓂᒋ ᒥᔨᒄ ᒐᒋ ᐎᑎᐱᒥᒃ ᐅᒋᓴᐅᒋᒪᐤ ᑕᑎᐳᐛᑭᓂᒡ᙮”

ᒋᔅᒐᔨᑕᑯᑕᒐᐅᓐ 5:9

ᐊᓐᒡ ᒪᒃ ᓇᐤ ᑲ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ, ᒋ ᓂᑭᒧᐅᒡ ᓂᑭᒧᐅᓂᔪᐤ ᐊᑲ ᓂᑕ ᐊᔅᒄ ᐅᒋ ᓂᑭᒧᓇᓄᐎᒡ᙮ ᒪᐅ ᑲ ᐃᑕᐊᒪᓱᒡ, “ᒋᔾ, ᒪᔭᑕᓂᔅ, ᒋ ᒋᔅᑕᔨᑕᑯᓯᓐ ᒐᒋ ᐅᑎᓂᒥᓐ ᐊᓐ ᒥᓯᓇᐃᑭᓐ᙮ ᒋ ᒋᔅᑕᔨᑕᑯᓯᓐ ᒐᒋ ᒥᓂᒥᓐ ᐊ ᐃᓯ ᒋᔅᑕᐸᓱᐤ ᐱᓯᒂᐃᑭᓄᐅᒡ᙮ ᐛᔅ ᒋᔾ ᔅᒋ ᓂᐸᐃᑯᐅᓐ᙮ ᒋᒥᐧᑯᒡ ᒪᒃ ᐊᑯᑕ ᑲ ᐅᒋ ᐎᐧᑯᒋᐃᑥᐤ ᐊᐛᓐᒋ ᒥᓯᐛ ᐊ ᐃᑎᔅᑲᓇᓯᒡ ᑭᔭ ᒥᓯᐛ ᐊ ᐃᓯ ᒪᒧᑕᐅᓯᒡ ᑭᔭ ᓂᓇᐧᑯᐤ ᐊ ᐃᓯ ᐃᔨᒥᒡ, ᒋᓴᒪᓂᑐᐛ ᒐᒋ ᐅᑦ ᐃᔨᒥᑐᑕᑯᒡ᙮

ᒋᔅᒐᔨᑕᑯᑕᒐᐅᓐ 6:2

ᐊᑯ ᒂ ᐃᑕᐱᔭᓐ, ᒂ ᐛᐱᒥᒃ ᐊ ᐛᐱᓯᑦ ᑲᐸᐃᑭᔎᐤ᙮ ᐊᓐ ᒪᒃ ᑲ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ, ᒋ ᑕᐧᑯᓇᐤ ᐊᒐᐱᔭ᙮ ᒋ ᒥᔭᑭᓄᐤ ᒋᓴᐅᒋᒪᐅᑯᓂᔎᐅᓂᔪᐤ, ᐊᑯ ᒂ ᔅᑐᑕᑦ ᒋᒋᒋᓯᑯᒡ ᐅᒡ ᐊᓐᑕ ᐊᔅᒋᒡ ᐊ ᐃᑐᑕᑦ᙮ ᒋ ᓴᐧᑯᒋᐊᑯᐱᓇ ᒪᓐ ᐊᐛᔪᐛ ᒐᒋ ᐊᑎ ᐅᒋᒪᐧᑲᑐᐛᑦ᙮ ᒥᓐ ᒪᒃ ᒋ ᔅᑐᑕᐤ ᒐᒋ ᓴᐧᑯᒋᐊᑦ ᑭᔭ ᒐᒋ ᐊᑎ ᐅᒋᒪᐧᑲᑐᐛᑦ ᑯᑎᑲ ᐊᐛᔪᐛ᙮