ᑎᐱᑦ ᐅᓂᑭᒧᐅᓇ 97:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᒋᔨᐛᐤ ᑲ ᓴᒋᐊᒃ ᑎᐸᔨᒋᒐᓱᐤ, ᐛᐧᑲᑎᒧᒄ ᑲ ᒪᔭᑎᒡ: ᑭᓄᐛᔨᒥᒪᐤ ᐅᑦ ᐊᒐᐧᑯᔪᐛ ᐅᐸᔭᒋᓯᒪ; ᐎᒂᒋᐊᐤ ᐅᑎᒋᔨᒡ ᐅᒋ ᐅᒥᒋᑥᐛ᙮

ᑎᐱᑦ ᐅᓂᑭᒧᐅᓇ 97:10 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 101:3

ᓇᒪᐎᔾ ᒥᒋ ᒐᒂᓐ ᓂᑭ ᐎᔨᔅᑎᒪᓱᓐ; ᓂ ᐛᐧᑲᑕᒺᓐ ᐅᑦ ᐊᑐᔅᒐᐅᓄᐛᐤ ᑲ ᐱᔅᒐᒡ; ᓇᒪᐎᔾ ᒋᑭ ᐱᓯᑯᒧᔪᐤ ᐊᑕᐅᒡ᙮

ᑎᐱᑦ ᐅᓂᑭᒧᐅᓇ 119:104

ᒋᑭᒐᔅᒋᒧᐛᐅᓇ ᐅᒋ ᓂ ᑭᔅᒋᑕᓐ ᓂᔅᑐᑎᒧᐅᓐ: ᐊᐅᒄ ᐅᒋ ᓂ ᐛᐧᑲᑕᓐ ᒥᓯᐛ ᑕᑐᐤ ᒥᒋ ᐃᓯᑥᐅᓐ᙮

ᑎᐱᑦ ᐅᓂᑭᒧᐅᓇ 119:163

ᓂ ᐛᐧᑲᑕᓐ ᑭᔭ ᒋᒋᐛ ᓂ ᐛᐧᑲᑕᓐ ᑭᑭᒋᔭᐅᓐ; ᒪᒃ ᒋᐎᓱᐛᐅᓐ ᓂ ᓴᒋᑕᓐ᙮

ᑎᐱᑦ ᐅᓂᑭᒧᐅᓇ 121:7

ᑎᐸᔨᒋᒐᓱᐤ ᒋᑭ ᒥᑕᒂᓂᒪᒄ ᒥᓯᐛ ᑲ ᒪᔭᑎᓂᔨᒡ: ᒋᑭ ᐱᒪᒋᐊᐤ ᒋᑦ ᐊᒐᒂ᙮

ᑎᐱᑦ ᐅᓂᑭᒧᐅᓇ 125:3

ᐛᔅ ᐅᒥᔅᑎᑯᒧᐛᐤ ᐅᒥᒋᑥᐅᒡ ᓇᒪᐎᔾ ᒋᑭ ᐃᑎᑯᓂᔪᐤ ᒐᒋ ᑎᐸᔨᒥᑯᐃᒋ ᐅᑯᐃᔅᑯᑕᑎᓯᐛ; ᐅᑯᐃᔅᑯᑕᑎᓯᐅᒡ ᒐ ᐊᑲ ᒋ ᑕᒋᓇᒡ ᒥᒐᑎᓯᐅᓂᔪᐤ᙮

ᑎᐱᑦ ᐅᓂᑭᒧᐅᓇ 145:20

ᑎᐸᔨᒋᒐᓱᐤ ᑭᓄᐛᔨᒪᐤ ᒥᓯᐛ ᐊᓂᔭᔪᐛ ᑲ ᓴᒋᐃᑯᑦ; ᒪᒃ ᒥᓯᐛ ᐅᒥᒋᑥᐛ ᒋᑭ ᓂᓱᐅᓇᒋᐊᐤ᙮

ᑎᐱᑦ ᐅᓂᑭᒧᐅᓇ 31:23

ᐅ ᓴᒋᐃᐧᒄ ᑎᐸᔨᒋᒐᓱᐤ, ᒥᓯᐛ ᒋᔨᐛᐤ ᐅᐸᔭᒋᓯᒪ: ᐛᔅ ᑎᐸᔨᒋᒐᓱᐤ ᑭᓄᐛᔨᒪᐤ ᑲ ᑯᐃᔅᑯᑎᔨᒋ, ᒥᔅᑎᐃ ᑭᔭ ᑎᐸᐊᒪᐛᐤ ᑲ ᒋᔅᑕᔨᒧᐎ ᐊ ᐃᑎᔨᒋ᙮

ᑎᐱᑦ ᐅᓂᑭᒧᐅᓇ 34:14

ᓂᑭᑕ ᑲ ᒪᔭᑎᒡ, ᑐᑕ ᒪᒃ ᑲ ᒥᔽᓯᒡ, ᓇᓂᑐᐛᔨᑕ ᒋᔭᒪᔨᑎᒧᐅᓐ, ᓄᓱᔅᑲ ᒪᒃ᙮

ᑎᐱᑦ ᐅᓂᑭᒧᐅᓇ 36:4

ᐛᐛᓇᔨᑎᒥᑯᐤ ᒪᔭᔨᒐᐅᓂᔪᐤ ᐅᓂᐸᐅᓂᒡ; ᐊᔨᑎᓱᐤ ᐊᑎ ᐊᑲ ᒥᔽᓯᔨᒡ: ᓇᒪᐎᔾ ᐛᐧᑲᑎᒻ ᑲ ᒪᔭᑎᓂᔨᒡ᙮

ᑎᐱᑦ ᐅᓂᑭᒧᐅᓇ 91:14

“ᐊᒋ ᓴᒋᐃᑦ, ᓂᑭ ᐱᒪᒋᐊᐤ: ᓂᑭ ᓇᐃᐱᐊᐤ ᐃᔅᐱᒥᒡ, ᐊᒋ ᒋᔅᒐᔨᑕᐧᒃ ᓂᑦ ᐃᓯᓂᐧᑲᓱᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:9

ᒋᒋᐛ ᓴᒋᐊᐧᑯᒡ ᐊᐛᓐᒋ᙮ ᐛᐧᑲᑎᒧᒄ ᐊᓐ ᒐᒂᓐ ᑲ ᒪᔭᑎᒡ᙮ ᒥᒪᒋᑯᓂᒧᒄ ᐊᓐ ᒐᒂᓐ ᒪᔽᓯᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:15

ᓇᒪ ᓂ ᓂᔅᑐᑕᓐ ᒐᒂᓐ ᐛᒋ ᐃᑐᑎᒪᓐ ᒐᒂᓐ ᐊ ᐃᑐᑎᒪᓐ᙮ ᓴᔅ ᓇᒪ ᓂᑦ ᐃᑐᑕᓐ ᐊᓐ ᑲ ᐎ ᐃᑐᑎᒪᓐ, ᐃᔭᐱᒡ ᐊᓐ ᐊᑲ ᒥᔽᔨᑎᒪᓐ ᐊᐅᑯᓐ ᐊᓐ ᐊ ᐃᑐᑎᒪᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:24

ᑕᑈ ᑭᑈ ᓂ ᐅᔅᑕᐱᔨᓐ ! ᐊᐛᓐ ᒪᒃ ᒐ ᐸᒋ ᐎᐧᑯᒋᐃᑦ ᐅᑕ ᐅᔭ ᒥᔭᔪᐤ ᒐ ᓂᐱᒥᑭᓂᔨᒡ ?

1 ᑯᕆᓐᑎᔭᓇ 8:3

ᐊᓐ ᐊᐛᓐ ᑲ ᓴᒋᐊᑦ ᒋᓴᒪᓂᑐᐛ ᐊᐅᒄ ᐅ ᒐᔅᒐᔨᒥᑯᑦ ᒋᓴᒪᓂᑐᐛ᙮

2 ᑕᓴᓗᓂᔭᓇ 3:2

ᐸᒋ ᐊᔭᒥᐊᔅᑎᒧᐅᓇᓐ ᑭᔭ ᒐᒋ ᑭᓄᐛᔨᒥᔨᒥᑦ ᒋᓴᒪᓂᑐᐤ ᒐ ᐊᑲ ᒋ ᓂᓱᐅᓇᒋᐃᔨᒥᒡ ᐊᓐᒡ ᑲ ᒥᒐᑎᓯᒡ᙮ ᐛᔅ ᓇᒪ ᒥᓯᐛ ᐊᐛᓐ ᑕᑈᑎᒻ ᒥᔽᒋᒧᐅᓂᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 1:12

ᓱᐛᔨᑕᑯᓱᐤ ᐊᓐ ᐊᐛᓐ ᐊᑲ ᓴᐧᑯᒋᐃᑯᑦ ᑕᓐ ᐊ ᐃᓯ ᑯᒂᒋᐊᑭᓄᐅᑦ᙮ ᐛᔅ ᓴᐳᔅᑲᒐ ᑕᓐ ᐊ ᐃᓯ ᑯᒂᒋᐊᑭᓄᐅᑦ ᒋᑭ ᒥᔨᑯᐤ ᒋᓴᒪᓂᑐᐛ ᐊ ᐛᔪᒡ ᒥᔽᔨᑕᑯᓂᔨᒡ ᐱᒪᑎᓯᐅᓂᔪᐤ, ᐊᓂᔭ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔭᔨᒋ ᐊᓂᔭ ᑲ ᓴᒋᐃᑯᑦ᙮

ᒋᒥᔅ ᐅᒥᓯᓇᐊᒪᒐᐅᓐ 2:5

ᐃᔭᒂ ᓂᑐᑎᒧᒄ ᓂᐧᑲᓂᓯᑐᒄ᙮ ᓇᒪᔭᐤ ᐊ ᐊᓂᔭ ᑲ ᒋᔅᑎᒪᑎᓯᔨᒋ ᐅᑕ ᐊᔅᒋᒡ ᐊ ᑕᔨᒋ ᐅᒋ ᐃᑕᔨᒪᐤ ᒋᓴᒪᓂᑐᐤ ᒥᔅᑎ ᒐᒋ ᐊᔭᔨᒋ ᑕᑈᑎᒧᐅᓂᔪᐤ ᑭᔭ ᒐᒋ ᐊᔭᔨᒋ ᒋᓴᐅᒋᒪᐅᓂᔪᐤ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔭᑦ ᐊᓂᔭ ᑲ ᓴᒋᐃᑯᑦ ?

1 ᐱᑕᕐ 1:5

ᔅᒋ ᑕᑈᔭᔨᒪᐛᐤ ᒋᓴᒪᓂᑐᐤ, ᐎᔾ ᒪᒃ ᐅᒥᔅᑯᓯᐅᓐ ᒋᑭ ᑭᓄᐛᔨᒥᑯᓇᐛᐤ ᐱᐃᒻ ᒪᔅᑕᔾ ᒋᓯᑲᔨᒐ᙮ ᐊᑯ ᒪᒃ ᒐ ᐱᒪᒋᐃᑕᒄ ᐛᔅ ᐊᐅᑯᓐ ᒧᔅ ᑲ ᐸᒋ ᐃᑕᔨᑕᐧᒃ ᒐ ᐃᑐᑕᑕᒄ᙮

1 ᐱᑕᕐ 1:8

ᐊᑎ ᐊᑲ ᓂᑕ ᐅᒋ ᐛᐱᒪᒄ ᒋᓴᔅ, ᐃᔭᐱᒡ ᒋᓴᒋᐊᐛᐤ ᑭᔭ ᐊᑎ ᐊᑲ ᐛᐱᒪᒄ ᐊᓄᒡ, ᐃᔭᐱᒡ ᔅᒋ ᑕᑈᔭᔨᒪᐛᐤ᙮ ᔅᒋ ᒧᒋᒐᔨᑕᓇᐛᐤ, ᐊᓐ ᒪᒃ ᐊ ᐃᔅᐱᔅ ᒧᒋᒐᔨᑎᒪᒄ, ᓇᒪ ᐊᓐ ᔅᒋ ᐎᑕᓇᐛᐤ ᑕᓐ ᐊᔅᐱᔅ ᒥᔽᔨᑎᒪᒄ᙮

1 ᒠᓐ 4:19

ᒋ ᓴᒋᐃᐛᓇᓄᐤ ᐎᔾ ᓂᔅᑎᒻ ᐊᒋ ᓴᒋᐃᑕᐧᒄ᙮

1 ᒠᓐ 5:18

ᒋ ᒋᔅᒐᔨᒪᓄᐤ ᐊᐛᓐ ᐊᒋ ᐱᒪᒋᐃᑯᑦ ᒋᓴᒪᓂᑐᐛ ᓇᒪ ᒋᐸ ᐅᒋ ᒥᒋᑐᑎᒻ᙮ ᐛᔅ ᒋᓴᒪᓂᑐᐤ ᐅᑯᓯᔪᐛ ᑭᓄᐛᔨᒥᑯᐤ, ᓇᒪ ᒪᒃ ᒐᒂᔪᐤ ᒋ ᐃᑐᑕᑯᐤ ᒥᒋᒥᓂᑐᐛ᙮

ᒋᔅᒐᔨᑕᑯᑕᒐᐅᓐ 13:8

ᐊᑯ ᒪᒃ ᒥᓯᐛ ᐊᐛᓐ ᐊᔅᒋᒡ ᐊ ᑕᑦ ᒋᑭ ᐊᔭᒥᐊᔅᑐᐛᐤ ᐊᓂᔭ ᒥᒋ ᐊᐛᓯᓴ᙮ ᒥᒄ ᐊᓐᒡ ᐱᒪᑎᓯᐤ ᒥᓯᓇᐃᑭᓂᒡ ᑲ ᒥᓯᓇᑕᔨᒋ ᐅᑦ ᐃᓯᓂᐧᑲᓱᐅᓄᐛᐤ, ᐊᓂᔭ ᒥᓯᓇᐃᑭᓂᔪᐤ ᐊᓐᑕ ᑲ ᒥᓯᓇᓱᒡ ᐊᐛᓐᒋ ᐊᔅᒄ ᐊᑲ ᐅᒋ ᐅᓯᑕᑭᓄᐅᒡ ᐊᔅᒋᔾ, ᐊᐅᑯᓐᒡ ᐊᓐᒡ ᓇᒪ ᐅᒋ ᐊᔭᒥᐊᔅᑐᐛᐅᒡ ᐊᓂᔭ ᒥᒋ ᐊᐛᓯᓴ᙮ ᐅ ᒪᒃ ᒥᓯᓇᐃᑭᓐ ᐊᓐ ᒪᔭᑕᓂᔅ ᑲ ᓂᐸᐊᑭᓄᐅᑦ ᑎᐸᔨᑎᒻ᙮