ᑎᐱᑦ ᐅᓂᑭᒧᐅᓇ 95:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᐛᔅ ᐎᔾ ᐊᐅᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ; ᒋᔭᓄᐤ ᒪᒃ ᒋ ᐅᑦ ᐃᔨᒥᑐᑕᑯᓄᐤ ᐊᓯᒥᑕᐧᒄ, ᑭᔭ ᒍᒪᔭᑕᓂᓯᒥᑐᑕᑯᓄᐤ ᑲᓄᐛᔨᒥᑕᐧᒄ᙮ ᐊᓄᒡ ᒐᓯᑲᒡ, ᐛᐸᑐᐛᒂ ᑲ ᐃᔨᑦ᙮

ᑎᐱᑦ ᐅᓂᑭᒧᐅᓇ 95:7 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 100:3

ᒋᔅᒐᔨᒥᐧᒄ ᑎᐸᔨᒋᒐᓱᐤ ᐎᔾ ᐊᐅᒄ ᒐᓴᒪᓂᑐᐅᑦ: ᐎᔾ ᐊᐅᒄ ᑲ ᐅᓯᐃᑕᐧᒄ, ᓇᒪᔭᐤ ᒋᔭᓄᐤ; ᒋᑦ ᐅᑦ ᐃᔨᒥᑕᑯᓄᐤ ᑭᔭ ᒋᑦ ᐅᒪᔭᑕᓂᓯᒥᑕᑭᓄᐤ ᑲᓄᐛᔨᒥᑕᐧᒄ᙮

ᑎᐱᑦ ᐅᓂᑭᒧᐅᓇ 115:3

ᒪᒃ ᒋ ᒋᓴᒪᓂᑐᒥᓇᐤ ᒋᒋᒋᓯᑯᒡ ᑕᐤ: ᒋ ᐃᑐᑎᒻ ᒥᒄ ᒐᒂᔪᐤ ᐊᓯ ᒥᔽᔨᑕᐧᒃ᙮

ᑎᐱᑦ ᐅᓂᑭᒧᐅᓇ 23:1

ᑎᐸᔨᒋᒐᓱᐤ ᐊᐅᒄ ᓂᒪᔭᑕᓂᓯᐅ-ᐃᔨᒻ; ᓇᒪ ᒐᒂᓐ ᓂᑭ ᐛᐛᓇᔨᑕᓐ᙮

ᑎᐱᑦ ᐅᓂᑭᒧᐅᓇ 48:14

ᐛᔅ ᐅ ᒋᓴᒪᓂᑐᐤ ᐊᐅᒄ ᒋ ᒋᓴᒪᓂᑐᒥᓄᐤ ᑲᒋᒡ ᑭᔭ ᑲᒋᒡ: ᒋᑭ ᒋᔅᒋᓄᑕᐃᑯᓄᐤ ᐃᔅᐱᔅ ᓂᐳᐅᓂᒡ ᐃᓯ᙮

ᑎᐱᑦ ᐅᓂᑭᒧᐅᓇ 67:6

ᐊᑯ ᐊᔅᒋᔾ ᐊ ᐃᓯ ᓂᑕᐅᒋᑕᒥᑲᒡ; ᒋ ᐛᔪᒋ ᓂᑕᐅᒋᓐ: ᒋᓴᒪᓂᑐᐤ ᒪᒃ, ᓂᐦᐃ ᒋᔭᓄᐤ ᑎᐱᔨᐛ ᒋᒋᓴᒪᓂᑐᒥᓄᐤ, ᒋᑭ ᒥᔪᑐᑕᑯᓄᐤ᙮

ᑎᐱᑦ ᐅᓂᑭᒧᐅᓇ 74:1

ᐅ ᒋᓴᒪᓂᑐᐤ, ᑕᓇᒡ ᐛᒋ ᒋᒋᐛ ᐛᐱᓂᔭᒡ ? ᑕᓐ ᐊᓂᔨᒡ ᐛᒡ ᐊᒂᐱᑕᔅᑲᑯᒡ ᒪᔭᑕᓂᓯᒡ ᑲ ᑭᓄᐛᔨᒥᑐᐛᐤ ᒋᒋᔄᓯᐅᓂᔪᐤ ?

ᑎᐱᑦ ᐅᓂᑭᒧᐅᓇ 79:13

ᓂᔭᓐ ᒪᒃ ᒋᑦ ᐃᔨᒥᒡ ᑭᔭ ᒋᒪᔭᑕᓂᓯᒥᒡ ᒋᑭ ᓂᓇᔅᑯᒥᑎᓇᓐ ᑲᒋᒡ: ᓂᑭ ᐛᐸᑎᔭᓇᓐᒡ ᒋ ᒪᒥᒋᒥᑯᓯᐅᓂᔪᐤ ᒥᓯᐛ ᒐ ᐊᑎ ᐊᔭᓂᔅᒐ ᐱᒪᑎᓯᒡ᙮

ᐊᒃᓱᑕᔅ 15:2

ᑎᐸᔨᒋᒐᓱᐤ ᐊᐅᒄ ᓂᒥᔅᑯᓯᐅᓐ; ᑭᔭ ᐎᔾ ᓂᒋ ᐱᒪᒋᐃᒄ᙮ ᐎᔾ ᓂᒋᓴᒪᓂᑐᒻ ᑭᔭ ᐎᔾ ᓂᑭ ᒪᒥᒋᒪᐤ᙮ ᓄᑕᐎᔾ ᐅᒋᓴᒪᓂᑐᒪ, ᑭᔭ ᓂᑭ ᐎᑎᒧᐛᐅᒡ ᑯᑎᑭᒡ ᐊᐛᓐᒋ ᐊᔅᐱᔅ ᒋᔅᑕᔨᑕᑯᓯᑦ᙮

ᐊᒃᓱᑕᔅ 20:2

“ᓂᔾ ᐊᐅᒄ ᑎᐸᔨᒋᒐᓱᐤ ᒋᒋᓴᒪᓂᑐᒻ, ᑲ ᐅᒋ ᐸᒋ ᐎᐎᑕᐃᔅᒃ ᐃᒋᑉᑦ ᐊᔅᒋᒡ, ᐊ ᐛᐧᑲᑎᑯ-ᐊᔅᒋᒡ ᐅᒡ᙮

ᒪᑎᔪᐤ 17:5

ᒪᒂᒡ ᒪᒃ ᐊᔅᒄ ᐊ ᐃᔨᒥᑦ, ᑭᔅᑯᐅᓂᔎ ᓇᔅᒡ ᐊ ᐛᓱᓱᔨᒋ ᒋ ᐸᒋ ᐊᑯᒋᓂᔪᐛ ᐊᓐᑕ ᑎᐱᔅᑯᒡ ᐃᔅᐱᒥᒡ ᐊ ᑕᒡ, ᐊᓐᑕ ᒪᒃ ᑭᔅᑯᐅᓂᔅᑯᒡ ᒋ ᐅᒋ ᐸᑐᐛᐅᒡ ᐊᐛᔪᐛ ᐊ ᐃᔅᒋᔄᔨᒋ, “ᐊᐅᒄ ᐅ ᓂᑯᔅ ᑲ ᓴᒋᐃᒃ, ᑭᔭ ᓇᔅᒡ ᑲ ᓂᓇᐊᔨᑎᒥᐃᑦ᙮ ᓂᑐᑐᐛᐧᒄ᙮”

ᐊᑈᔅᑕᓇᒡ 20:28

ᓱᒃ ᒪᒃ ᓂᓇᑭᑐᐛᔨᒥᓱᒄ ᑭᔭ ᓱᒃ ᐎ ᒥᔪ ᑭᓄᐛᔨᒪᐧᑯᒡ ᐊᓂᔭᔪᐛ ᑲ ᐸᔭᒋᓯᑦ ᐊᒐᐧᒄ ᑲ ᒥᔨᑕᒄ ᒐᒋ ᓂᓇᑭᑐᐛᔨᒥᒪᑯ᙮ ᐃᔭᒂ ᐃᓯ ᑭᓄᐛᔨᒪᐧᑯᒡ ᒪᒧᐤ ᑲ ᐊᔭᒥᐊᐛᑎᓯᒡ, ᐛᔅ ᒋᓴᒪᓂᑐᐤ ᐎᔾ ᒋ ᑎᐸᐊᐛᐤ ᐅᔭ ᐃᔅᐱᔅ ᐅᑯᓴ ᑲ ᐱᔅᑎᓇᑦ ᒐᒋ ᓂᐸᐊᑭᓄᔨᒋ᙮

ᐃᑉᕈᐛ 11:16

ᐃᔭᐱᒡ ᒪᒃ, ᐅᒡ ᐃᔪᒡ ᒋ ᓇᓂᑐᐛᔨᑎᒧᒡ ᐊᔅᒋᔪᐤ ᐊᑐᐎᔅ ᐊ ᒥᔽᔨᒡ ᐃᔅᐱᔅ ᐊᓂᔭ ᑲ ᓂᑭᑕᒡ᙮ ᒋ ᒧᔅᑕᓇᔨᑎᒧᒡ ᐊᓐᑕ ᒋᒋᒋᓯᑯᒡ ᒋᒋᐛ ᒐᒋ ᐎᒋᒡ᙮ ᐊᑯ ᒪᒃ ᒋᓴᒪᓂᑐᐤ ᓇᒪ ᓴᒂᔨᒧᐃᑯᐤ ᓄᑕᐎᓇᓐ ᐊ ᐃᓯᓂᐧᑲᑎᑯᑦ ᐛᔅ ᓴᔅ ᒋ ᐊᔭᔅᑯᔅᑎᒧᐛᐤ ᐅᑕᓇᔪᐤ ᐊᓐᑕ ᒋᒋᐛ ᒐ ᑕᔨᒋ᙮

ᐃᑉᕈᐛ 3:13

ᐊᓯᑯᒻ ᒋᓯᑲᐛ ᒪᒃ ᓯᒋᒥᑐᒄ ᐊᔅᒄ ᒪᒂᒡ ᐊ ᑕᐛᒡ ᐅ ᒐᒋ ᐃᑎᔭᒄ᙮ ᐊᑯ ᒪᒃ ᓇᒪ ᐛᒋ ᐸᐃᒄ ᐊ ᑎᓯᔭᒄ ᒋᑭ ᐅᒋ ᐎᔭᓯᒥᑯᓇᐛᐤ ᒐᒋ ᑕᑈᑎᒪᒄ ᐊᑲ ᓴᓯᑲᓐ ᐃᓯᓇᒂᒡ ᒥᒐᑎᓯᐅᓐ᙮ ᐛᔅ ᐊᑯᑕ ᒐ ᐅᒋᐱᔨᒡ ᐊ ᓱᒋᔅᑎᒂᓇᔭᒄ᙮

ᐃᑉᕈᐛ 3:15

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐊᓄᒡ ᒐᓯᑲᒡ ᐊ ᐸᑐᐛᒄ ᒋᓴᒪᓂᑐᐤ ᐊ ᐃᔨᒥᐃᑕᒄ ᐊᑲᐎᔾ ᒥᔅᑯᐅᑕᒄ ᒋᑕᐃᐛᐛ ᒧᔭᒻ ᑲ ᐃᑎᒡ ᐊᓂᔭᐧᑲ ᐊᓂᔅᒐ ᒋᐛᐧᑯᒪᑭᓄᐛᐅᒡ ᐊᒋ ᓂᔅᑯᔅᑐᐛᒡ ᒋᓴᒪᓂᑐᐛ᙮ ᐊᔪᐅᒄ ᐅᔭ ᑲ ᐃᔅᒋᔄᑦ ᒋᓴᒪᓂᑐᐤ᙮

ᐃᑉᕈᐛ 4:7

ᒋ ᒐᔅᑎᓇᑕᔨᑎᒥᐃᑯᓇᓄᐤ ᒪᒃ ᐅ ᐛᔅ ᒋᓴᒪᓂᑐᐤ ᒥᓐ ᒋ ᒥᔨᐛᐤ ᐊ ᒋᓯᑲᔨᒡ ᒐᒋ ᐱᒐᓄᐎᒡ ᐊᓐᑕ, ᐊᐅᒄ ᐊᓄᒡ ᒐᓯᑲᒡ᙮ ᐊᔪᐅᒄ ᐅᔭ ᑲ ᐃᓯ ᐎᑎᒧᐛᑯᐱᓇ ᒋᓴᒪᓂᑐᐤ ᐊᓂᔭᐧᑲ ᒋᐛᐧᑯᒪᑭᓄᐛ ᒪᒂᒡ ᐸᐧᑯᑎᔅᑭᒥᑲᒡ ᑲ ᑕᔨᒋ᙮ ᒥᒐᑐᐤ ᐱᐳᓇ ᒪᒃ ᐊᓐᑕ ᐃᔅ ᓂᔅᑕᒥᒡ ᑎᐱᑦ ᒋ ᐊᐱᒋᐃᑯᐤ ᒋᓴᒪᓂᑐᐛ ᐅᔭ ᒐᒋ ᐃᑕᔨᒋ ᐅᑦ ᐃᔨᒥᔪᐛ, “ᐊᓄᒡ ᒐᓯᑲᒡ ᐸᑐᐛᒂ ᒋᓴᒪᓂᑐᐤ ᐊ ᐃᔨᒥᐃᑕᒄ ᐊᑲᐎᔾ ᓱᒐᔨᒧᒄ᙮ ᐊᑲᐎᔾ ᐃᑎᒄ ᒐ ᐊᑲ ᒋ ᓂᑐᑐᐛᒄ᙮”

1 ᐱᑕᕐ 2:25

ᐛᔅ ᒧᔭᒻ ᒪᔭᑕᓂᓯᒡ ᐊ ᐅᓂᓯᓂᒡ ᔅᒋ ᐃᓯᓇᑯᓯᓇᐛᐤ᙮ ᐊᓄᒡ ᒪᒃ ᓴᔅ ᑲᐤ ᔅᒋ ᐸᓯᑯᐅᓇᐛᐤ ᒐᒋ ᓇᓴᐛᒄ ᐊᓐ ᒪᔭᑕᓂᓯᐅ-ᐃᔪᐤ ᑲ ᓂᓇᑭᑐᐛᔨᒥᑕᒄ ᑭᔭ ᑲ ᑭᓄᐛᔨᒪᑦ ᒋᑦ ᐊᒐᐧᑯᐛᐛ᙮

ᒋᔅᒐᔨᑕᑯᑕᒐᐅᓐ 3:20

ᓂᑐᑎᒧᒄ᙮ ᓂ ᓂᐳᐅᓐ ᒋᐱᔎᒡ ᐊ ᑎᑥᐛᐃᒐᔭᓐ᙮ ᐊᓐ ᐊᐛᓐ ᒐ ᐸᑐᐅᒂ ᐱᑎᑲᐃᒐ ᒪᒃ, ᓂᑭ ᐱᒐᐛᓐ ᐊᓐᑕ ᐊ ᑕᑦ ᑭᔭ ᒐ ᐎᒋᒥᒋᓱᒥᑐᔭᒡ᙮