3 ᐛᔅ ᑎᐸᔨᒋᒐᓱᐤ ᒋᒋ ᒋᓴᒪᓂᑐᐅ, ᑭᔭ ᒥᓯᐛ ᐊᑎᓯᒡ ᒥᓂᑐᐅᒡ, ᐎᔾ ᒪᐅᒡ ᒋᓴᐅᒋᒪᐅᐤ᙮
ᒪᒥᒋᒻ ᑎᐸᔨᒋᒐᓱᐤ, ᐅ ᓂᑦ ᐊᒐᐧᒄ ! ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ, ᓇᔅᒡ ᒋ ᒋᔅᑎᓯᓐ: ᒋ ᒋᔅᑲᓐ ᒋᔅᑕᔨᑕᑯᓱᐅᓐ ᑭᔭ ᒋᓴᐅᒋᒪᐛᔨᑕᑯᓯᐅᓐ᙮
ᐛᔅ ᓂ ᒋᔅᒐᔨᑕᓐ ᑎᐸᔨᒋᒐᓱᐤ ᐊ ᒋᔅᑎᓯᑦ, ᑭᔭ ᒋᑎᐸᔨᒋᒐᓯᒥᓄᐤ ᐊ ᐊᔭᐛᒋᔅᑯᐛᑦ ᒥᓯᐛ ᒥᓂᑐᐛ᙮
ᒋᔅᑎᓯᐤ ᑎᐸᔨᒋᒐᓱᐤ, ᑭᔭ ᐃᑕᔨᑕᑯᓱᐤ ᓇᔅᒡ ᒐᒋ ᒪᒥᒋᒪᑭᓄᐅᑦ; ᑭᔭ ᐅᒋᔅᑎᓯᐅᓐ ᓇᒪ ᑕᐱ ᒋᔅᒐᔨᑕᑯᓂᔪᐤ᙮
ᐛᔅ ᑎᐸᔨᒋᒐᓱᐤ ᒪᐅᒡ ᒋᔅᑎᓯᑦ ᑯᔅᑕᑎᑯᓯᐤ; ᐎᔾ ᒪᐅᒡ ᒋᓴᐅᒋᒪᐅᐤ ᒥᓯᐛ ᐊᔅᒋᒡ᙮
ᒋᑭ ᓴᐧᑯᒋᑎᒪᑯᓄᐤ ᐃᔪᐛ, ᑭᔭ ᐸᐱᑐᔅ ᐊ ᐃᑎᔅᑲᓇᓯᔨᒋ ᐃᔪᐛ ᓯᐸ ᒋᓯᑎᓇᒡ᙮
ᐛᔅ ᑎᐸᔨᒋᒐᓱᐤ ᒋᔅᑎᓯᐤ, ᓇᔅᒡ ᑭᔭ ᐃᑕᔨᑕᑯᓱᐤ ᒐᒋ ᒪᒥᒋᒪᑭᓄᐅᑦ; ᐊᐛᓯᑕ ᒋᑭ ᓇᓂᒋᔅᑐᐛᑭᓄᐎᐱᓐ ᐃᔅᐱᔅ ᒥᓯᐛ ᒥᓂᑐᐛ᙮
ᐛᔅ ᒋᔾ, ᑎᐸᔨᒋᒐᓱᐤ, ᓇᔅᒡ ᒋ ᒋᔅᑎᓯᓐ ᐊᔅᒋᒡ: ᓇᔅᒡ ᒋᑦ ᐊᔪᐛᒋᔅᑯᐛᐅᒡ ᒥᓯᐛ ᒥᓂᑐᐅᒡ᙮
ᐛᔅ ᓂᑭ ᓴᐳᑐᐛᔅᑲᓐ ᐃᒋᑉᑦ ᐊᔅᒋᔾ ᐊᓐ ᒐ ᑎᐱᔅᑲᒡ, ᒥᓯᐛ ᓂᔅᑎᒧᓴᓐᒡ ᑲ ᓇᐸᓯᐅᒡ ᓂᑭ ᓂᐸᐅᒡ ᐊᓐᑕ ᐃᒋᑉᑦ ᐊᔅᒋᒡ, ᑕᐱᔅᑯᓐ ᐃᔪᐤ ᑭᔭ ᐊᐛᓯᔅ᙮ ᒥᓯᐛ ᐃᒋᑉᑎᒡ ᒥᓂᑐᐧᑲᓐᒡ ᓂᑭ ᐊᓏᔨᒪᐅᒡ; ᓂᔾ ᐅ ᑎᐸᔨᒋᒐᓱᐤ᙮
ᓴᔅ ᓂᒋ ᒋᔅᒐᔨᑕᓐ ᑎᐸᔨᒋᒐᓱᐤ ᐊᑐᐎᔅ ᐎᔾ ᐊᓱᐧᑲᑎᓯᑦ ᐃᔅᐱᔅ ᑯᑎᑭᒡ ᒥᓂᑐᐅᒡ᙮ ᒋ ᐃᑐᑎᒻ ᐅᔭ ᐃᔅᐱ ᐃᒋᑉᑦ ᐃᔪᒡ ᑲ ᐱᐛᔨᒪᒡ ᐃᔅᕋᐃᓪ ᐃᔪᐛ᙮”
ᐊᑲ ᑭᔭ ᐊᔅᒋᒡ ᐃᓯ ᐎᑎᒧᒄ ᐛᔅ ᐊᑯᑕ ᑎᔭᑎᔅᑕᑦ ᒋᓴᒪᓂᑐᐤ ᐅᓯᑕ, ᐊᑲᐎᔾ ᐛᐛᒡ ᐊᓐ ᐅᑕᓇᐤ ᒋᕈᓯᓕᒻ ᑲ ᐃᓯᓂᐧᑲᑕᒡ ᐃᓯ ᐎᑎᒧᒄ ᐛᔅ ᐊᐅᒄ ᐊᓂᔭ ᐅᑕᓇᒻ ᒋᓴᒪᓂᑐᐤ ᐊᓐ ᑲ ᒋᔅᑕᔨᑕᑯᓯᑦ ᒋᓴᐅᒋᒪᐤ᙮