10 ᓂᔄᐅᑕᒡ ᑕᑐᔪᐤ ᑕᑐᐤ ᐱᐳᓇ ᓂ ᒥᔨᑯᐅᓇᓐ; ᑭᔭ ᒪᒃ ᔭᓇᐤ ᑕᑐᔪᐤ ᐱᐳᓇ ᓂ ᓱᒋᓯᓇᓂᐎᒡ; ᐃᔭᐱᒡ ᐊᓂᔭᔪᐤ ᐛᒋ ᒪᒪᑕᑯᒧᒡ ᓇᓇᐧᑲᑎᓯᒥᑭᓂᔪᐤ ᑭᔭ ᐊᔨᒥᓯᒥᑭᓂᔪᐤ; ᐛᔅ ᐎᐱᒡ ᓇᒪ ᑎᑯᓐ, ᐊᑯ ᐃᔭᒐᐎᔭᒡ᙮
ᒐᑭᑉ ᒋ ᐎᑎᒧᐛᐤ, “ᓂ ᐸᐃᑯ ᒥᑕᓯᒥᑎᓄᐛᐳᓇᓯᓐ ᐊᓱ ᓂᔅᑐᔪᐤ᙮ ᐊᔅᒄ ᓇᒪ ᓇᐅᔅ ᓂ ᐱᒪᑎᓯᓐ ᒥᒄ ᓂᑦ ᐊᔨᒥᔪᐅᓐ ᓂᐱᒪᑎᓯᐅᓂᒡ᙮ ᐊᑎᑐᐤ ᓇᐅᔅ ᒋ ᐱᒪᑎᓯᐅᒡ ᓂᑦ ᐊᓂᔅᑯᑕᐸᓐᒡ ᐃᔅᐱᔅ ᓂᔾ᙮”
ᐊᑯ ᑎᐸᔨᒋᒐᓱᐤ ᐊᔅᒋᔄᑦ, “ᓇᒪᔭᐤ ᓇᓂᑎᒻ ᒐ ᑕᔨᒋ ᓂᑦ ᐊᒐᒂ ᐊ ᑕᑦ ᐃᔪᐤ, ᐊ ᒪᔭᑎᓯᑦ, ᒥᒄ ᐸᐃᑯ ᒥᑕᓯᒥᑎᓄᐤ ᐊᓱ ᓂᓱᔪᐤ ᑕᑐᐳᓇ ᓂᑭ ᒥᔭᐤ ᐊᐛᓐ ᒐ ᐃᔅᐱᔅ ᐱᒪᑎᓯᑦ᙮”
ᐛᔅ ᒋ ᒋᔅᒋᓯᐤ ᐊ ᐎᔭᓱᐎᔨᒋ ᐱᓯᓯᒄ, ᐊ ᔪᑎᓂᔨᒡ ᑲ ᐛᐱᐸᔨᔨᒡ, ᐊᑲ ᑭᔭ ᒥᓐ ᑲ ᐸᒋ ᒋᐛᐱᔨᒡ᙮
“ᐊᑯ ᒋᓴᒪᓂᑐᐛ ᒂ ᐃᑎᑯᑦ, ‘ᑕᑈ ᒋᐎᔭᓯᒥᑎᓱᓐ, ᐊᓄᒡ ᐅ ᒐ ᑎᐱᔅᑲᒡ ᒋᐱᒪᑎᓯᐅᓐ ᒋᑭ ᐅᑎᓇᑭᓄᐤ᙮ ᐊᐛᓐ ᒪᒃ ᒐ ᐊᔭᑦ ᒥᓯᐛ ᐊᓂᔭ ᑲ ᓇᐅᔅᑕᒪᓱᔨᓐ ᒐᒂᔪᐛ ?’ ”
ᓇᒪ ᓇᔅᒡ ᒋ ᒋᔅᒐᔨᑕᓐ ᑕᓐ ᒐ ᐃᔅᐱᔨᒡ ᐛᐸᒐ᙮ ᑕᓐ ᐊ ᐃᓯᓇᒂᒡ ᐱᒪᑎᓯᐅᓐ᙮ ᒧᔭᒻ ᐊ ᑭᔅᑯᐅᒡ ᑲᒋ ᐃᓯᓇᒂᒡ ᐊᐅᑯᓐ ᐊ ᐃᓯᓇᒂᒡ᙮ ᒥᒄ ᐛᐃᐱᔅᒋᔅ ᓄᑯᓐ ᐊ ᑭᔅᑯᐅᒡ ᒐᒃ ᒪᒃ ᓇᒪ ᐊᑎ ᑎᑯᓐ᙮