ᑎᐱᑦ ᐅᓂᑭᒧᐅᓇ 9:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐊᑲ ᐊᔭᒥᐊᒡ ᒥᒋᒧᓯᓐᒡ ᐛᑎᑯᓇ ᐊᒋ ᐅᓯᑕᒡ: ᐊᐃᐱᔭ ᑲ ᐎᔨᑯᑕᒡ ᐎᔨᐛᐤ ᑎᐱᔨᐛ ᓯᒋᓯᑕᐱᓱᐅᒡ᙮

ᑎᐱᑦ ᐅᓂᑭᒧᐅᓇ 9:15 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 107:22

ᐊᑯᔅ ᒪᒃ ᒋᑭ ᐱᔅᑎᓂᒐᐅᒡ ᓂᓇᔅᑯᒧᐅ ᐱᔅᑎᓂᒐᐅᓇ, ᑭᔭ ᒋᑭ ᐎᑎᒺᐅᒡ ᐅᑦ ᐊᑐᔅᒐᐅᓂᔪᐤ ᐊ ᒧᒐᔨᑕᒡ᙮

ᑎᐱᑦ ᐅᓂᑭᒧᐅᓇ 13:6

ᓂᑭ ᓂᑭᒧᔅᑕᐛᐤ ᑎᐸᔨᒋᒐᓱᐤ, ᓇᔅᒡ ᐊᒋ ᒋᓴᐛᑐᑐᐅᑦ᙮

ᑎᐱᑦ ᐅᓂᑭᒧᐅᓇ 20:6

ᐊᑯ ᒐᔅᒐᔨᑎᒪᓐ ᑎᐸᔨᒋᒐᓱᐤ ᐊ ᐱᒪᒋᐊᑦ ᐅᑐᒥᔅᑯᓇᑭᓇ᙮ ᒋᑭ ᓂᑐᑐᐛᐤ ᐅᐸᔭᒋ-ᒋᒋᒋᓯᑯᒥᒡ ᐅᒡ, ᐅᒥᔪᐅᓐ ᐊ ᒥᔅᑯᐅᓱᐎ ᐱᒪᒋᐃᐛᒪᑭᓂᔨᒡ᙮

ᑎᐱᑦ ᐅᓂᑭᒧᐅᓇ 35:8

ᐊᑯᔅ ᓴᒐᔾ ᒋᑭ ᐅᑎᑎᑯᐤ ᓂᓱᐅᓇᑎᓯᐅᓂᔪᐤ; ᐊᑯᔅ ᒪᒃ ᒋᑭ ᓇᒂᓱᐤ ᑎᐱᔽ ᐅᑦ ᐊᐃᐱᒡ ᑲᒋ ᑲᔭᑦ: ᐊᔪᐅᒄ ᓂᓱᐅᓇᑎᓯᐅᓂᔪᐤ ᒐ ᐃᓯ ᐸᒋᓯᐧᒃ᙮

ᑎᐱᑦ ᐅᓂᑭᒧᐅᓇ 35:9

ᓂᑦ ᐊᒐᐧᒄ ᒪᒃ ᒋᑭ ᒥᔽᑕᐤ ᑎᐸᔨᒋᒐᓱᐛ: ᒋᑭ ᒥᔽᔨᑎᒻ ᐅᐱᒪᒋᐃᐛᐅᓂᔨᒡ᙮

ᑎᐱᑦ ᐅᓂᑭᒧᐅᓇ 37:15

ᐅᓯᒪᑭᓄᐛᐤ ᒋᑭ ᐱᒋᐱᔪᐤ ᑎᐱᔽ ᐅᑕᐃᐛᒡ, ᑭᔭ ᐅᑦ ᐊᒐᐱᐛᐛ ᒋᑭ ᓇᑥᐱᔪᐛ᙮

ᑎᐱᑦ ᐅᓂᑭᒧᐅᓇ 57:6

ᒋ ᐃᔭᔭᐅᒡ ᐊᐃᐱᔭ ᐅᑕ ᐊ ᑕᑕᑯᔅᒐᔭᓐ; ᓂᑦ ᐊᒐᐧᒄ ᐸᑕᐳᐤ: ᓂᒋ ᒧᓇᐊᒪᑯᒡ ᐊᐱᑯᓇᔅᑭᒥᑲᐃᒡ ᑕᑕᐅᒡ, ᐊᑯᑕ ᒪᒃ ᐎᔨᐛᐤ ᒋᒋᐛ ᒋ ᐳᒋᐱᔪᒡ᙮

ᑎᐱᑦ ᐅᓂᑭᒧᐅᓇ 94:23

ᒋᑭ ᓇᐃᐱᑐᐛᐤ ᑎᐱᔽ ᐅᒥᒐᑎᓯᐅᓂᔨᐛ, ᒋᑭ ᒋᔅᑲᑕᐛᐤ ᒪᒃ ᐅᒥᒋᑥᐅᓄᐛᒡ; ᓂᐦᐃ, ᑎᐸᔨᒋᒐᓱᐤ ᒋ ᒋᓴᒪᓂᑐᒥᓇᐤ ᒋᑭ ᒋᒥᔄᐤ᙮