ᑎᐱᑦ ᐅᓂᑭᒧᐅᓇ 9:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐊ ᓂᑭᒧᔭᒄ ᒪᒥᒋᒪᐧᒄ ᑎᐸᔨᒋᒐᓱᐤ, ᑲ ᐎᒋᑦ ᓴᐃᔭᓂᒡ: ᐛᐎᑎᒧᒄ ᐊᓐᑕ ᐊ ᐃᑕᒡ ᐃᔪᒡ ᐅᑦ ᐃᑐᑎᒧᐅᓇ᙮

ᑎᐱᑦ ᐅᓂᑭᒧᐅᓇ 9:11 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 107:22

ᐊᑯᔅ ᒪᒃ ᒋᑭ ᐱᔅᑎᓂᒐᐅᒡ ᓂᓇᔅᑯᒧᐅ ᐱᔅᑎᓂᒐᐅᓇ, ᑭᔭ ᒋᑭ ᐎᑎᒺᐅᒡ ᐅᑦ ᐊᑐᔅᒐᐅᓂᔪᐤ ᐊ ᒧᒐᔨᑕᒡ᙮

ᑎᐱᑦ ᐅᓂᑭᒧᐅᓇ 118:17

ᓇᒪ ᓂᑭ ᓂᐱᓐ, ᒪᒃ ᓂᑭ ᐱᒪᑎᓯᓐ, ᑭᔭ ᓂᑭ ᐎᑕᒺᓐ ᐅᑦ ᐊᑐᔅᒐᐅᓐ ᑎᐸᔨᒋᒐᓱᐤ᙮

ᑎᐱᑦ ᐅᓂᑭᒧᐅᓇ 66:2

ᓂᑭᒧᑎᒺᐧᒄ ᐊᔅᐱᔅ ᒋᔅᑕᔨᑕᒂᓂᔨᒡ ᐅᑦ ᐃᓯᓂᐧᑲᓱᐅᓐ; ᒋᐧᑲᔭᑐᑎᒺᐧᒄ ᐅᒪᒥᒋᒥᑯᓯᐅᓐ᙮

ᑎᐱᑦ ᐅᓂᑭᒧᐅᓇ 66:5

ᐸᒋ ᐛᐸᑎᒺᐧᒄ ᐅᑦ ᐊᑐᔅᒐᐅᓇ ᒋᓴᒪᓂᑐᐤ: ᑯᔅᑕᑎᑯᓯᐤ ᐊ ᐃᑐᑐᐛᑦ ᐃᔪᐛ ᐅᑦ ᐊᐛᓯᒥᓯᔪᐛ᙮

ᑎᐱᑦ ᐅᓂᑭᒧᐅᓇ 76:2

ᓴᓚᒥᒡ ᑭᔭ ᑎᑯᓂᔪᐤ ᐅᒥᒋᐛᐱᒻ, ᑭᔭ ᐎᒡ ᓴᐃᔭᓂᒡ᙮

ᑎᐱᑦ ᐅᓂᑭᒧᐅᓇ 78:68

ᒪᒃ ᒋ ᐛᐛᔭᐱᒪᐤ ᒍᑕ ᐊ ᐸᔭᑯᑕᐎᓯᔨᒋ, ᓴᐃᔭᓐ ᐱᔅᑯᑎᓇᔪᐤ ᑲᒋ ᓴᒋᑕᑦ᙮

ᑎᐱᑦ ᐅᓂᑭᒧᐅᓇ 91:14

“ᐊᒋ ᓴᒋᐃᑦ, ᓂᑭ ᐱᒪᒋᐊᐤ: ᓂᑭ ᓇᐃᐱᐊᐤ ᐃᔅᐱᒥᒡ, ᐊᒋ ᒋᔅᒐᔨᑕᐧᒃ ᓂᑦ ᐃᓯᓂᐧᑲᓱᐅᓂᔪᐤ᙮

ᑎᐱᑦ ᐅᓂᑭᒧᐅᓇ 96:10

ᐃᑎᐧᑯᒡ ᐊᑲ ᐊᔭᒥᐊᒡ, “ᑎᐸᔨᒋᒐᓱᐛ ᐊ ᑎᐸᔨᒋᒐᔨᒋ᙮” ᐊᔅᒋᔾ ᑭᔭ ᒋᑭ ᐃᓯ ᐊᔨᑎᔅᑕᑭᓄᐤ; ᒐ ᐊᑲ ᒋ ᐊᒋᐱᔨᑕᑭᓂᐅᒡ: ᒋᑭ ᑎᐸᔅᑯᓇᐤ ᐃᔪᐛ ᑯᐃᔅᑯᑕᑎᓯᐅᓂᒡ᙮

ᒠᓐ 17:26

ᓂᒋ ᐃᑐᑐᐛᐅᒡ ᒐᒋ ᒋᔅᒐᔨᒥᔅᒡ ᑭᔭ ᓇᒪ ᓂᑭ ᐅᒋ ᐳᓂᐛᓐ ᐊᓂᔭ ᐊ ᐃᑐᑐᐅᒂᐤ᙮ ᐊᑯ ᐊᓐ ᑕᓐ ᐊᔅᐱᔅ ᓴᒋᐃᔨᓐ ᑭᔭ ᐎᔨᐛᐤ ᒐᒋ ᐱᒋᔅᑲᑯᒡ᙮ ᐊᑯ ᒪᒃ ᑭᔭ ᓂᔾ ᒐ ᐱᒋᔅᑯᐅᒂᐤ᙮”

ᐃᑉᕈᐛ 12:22

ᒋᔨᐛᐤ ᒪᒃ ᐎ ᓇᒪ ᐸᐃᑯᓄᒡ ᐃᓯᓇᑯᓐ᙮ ᐃᔅᐱ ᐊ ᐅᑎᔅᑯᑲᐳᔅᑎᐛᒄ ᒋᓴᒪᓂᑐᐤ ᒧᔭᒻ ᐊᓐᑕ ᐊ ᐃᑐᑕᔭᒄ ᐊᓐ ᐱᔅᑯᑎᓇᐤ ᓴᐃᔭᓐ ᐊ ᐃᓯᓂᐧᑲᑕᒡ ᐊᓐᑕ ᒋᒋᒋᓯᑯᒡ ᐊ ᑎᒂᒡ ᐊᐅᑯᓐ ᐊ ᐃᓯᓇᒂᒡ᙮ ᑭᔭ ᒧᔭᒻ ᐊᓐᑕ ᐊ ᑎᑯᓯᓂᔭᒄ ᐊᓐ ᐅᑕᓇᐤ ᐊᓐᑕ ᐱᔅᑯᑎᓇᒡ ᐊ ᑎᒂᒡ ᒋᕈᓯᓕᒻ ᐊ ᐃᓯᓂᐧᑲᑕᒡ ᐃᓯᓇᑯᓐ, ᐊᓐᑕ ᐊ ᐎᒋᑦ ᐊᓐ ᑲᒋᒡ ᐊ ᑕᑦ ᒋᓴᒪᓂᑐᐤ ᑭᔭ ᐊᓐᑕ ᐊ ᑕᒡ ᐊ ᒥᔅᑎ ᒥᒐᑎᒡ ᐊᓐᒋᓐᒡ ᐊ ᒧᒋᒐᔨᑕᒡ᙮

ᒋᔅᒐᔨᑕᑯᑕᒐᐅᓐ 14:1

ᐃᔅᐱ ᒥᓐ ᑲ ᐃᑕᐱᔭᓐ ᓂᒋ ᐛᐱᒪᐤ ᐊᓐ ᒪᔭᑕᓂᔅ ᐊᓐᑕ ᐊᓂᔭ ᐱᔅᑯᑎᓇᔪᐤ ᓴᐃᔭᓐ ᑲ ᐃᓯᓂᐧᑲᑕᔨᒡ ᐊ ᓂᐳᐅᑦ᙮ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᒋ ᑕᑎᓯᔪᐛ ᐊᐛᔪᐛ ᐊᓐᑕ ᐊ ᑕᑦ᙮ ᐊᓂᔭᔪᐛ ᒪᒃ ᐊᐛᔪᐛ ᐅᔅᑲᑎᑯᐎᒡ ᒋ ᒥᓯᓇᑕᔪᐤ ᐊᓂᔭᔪᐛ ᒪᔭᑕᓂᓴ ᐅᑦ ᐃᓯᓂᐧᑲᓱᐅᓂᔪᐤ ᑭᔭ ᒋᓴᒪᓂᑐᐛ ᐅᑕᐎᒪᐛ ᐅᑦ ᐃᓯᓂᐧᑲᓱᐅᓂᔪᐤ᙮