ᑎᐱᑦ ᐅᓂᑭᒧᐅᓇ 88:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐅ ᑎᐸᔨᒋᒐᓱᐤ ᒋᓴᒪᓂᑐᐤ ᐛᒋᐱᔨᒡ ᓂᐱᒪᒋᐃᑯᓯᐅᓐ, ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᔅᒋ ᒧᔅᑯᐛᑕᑎᓐ᙮

ᑎᐱᑦ ᐅᓂᑭᒧᐅᓇ 88:1 ပူးပေါင်းရင်းမြစ်များ

ᒐᓂᓯᔅ 49:18

ᐊᑯ ᒐᑭᑉ ᑎᔭᑈᑦ, “ᓂᑦ ᐊᔅᐸᔨᒧᑐᑕᓐ ᒋᐱᒪᒋᐃᐛᐅᓐ ᐅ ᑕᐸᔨᒋᒐᔨᓐ᙮”

ᑎᐱᑦ ᐅᓂᑭᒧᐅᓇ 140:7

ᐅ ᒋᓴᒪᓂᑐᐤ ᑎᐸᔨᒋᒐᓱᐤ, ᑲ ᐅᒋ ᒥᔅᑯᐛᒡ ᓂᐱᒪᒋᐃᑯᓯᐅᓐ, ᔅᒋ ᐊᒂᓇᐊᓐ ᓂᔅᑎᒂᓐ ᐊ ᒪᓯᒐᐤ ᒋᓯᑲᒡ᙮

ᑎᐱᑦ ᐅᓂᑭᒧᐅᓇ 22:2

ᐅ ᓂᒋᓴᒪᓂᑐᒻ, ᓂᒋ ᒪᓐ ᒪᒂᒡ ᐊ ᒋᓯᑲᒡ, ᒪᒃ ᓇᒪᐎᔾ ᒋ ᐸᑕᓐ; ᑭᔭ ᒪᒂᒡ ᐊ ᑎᐱᔅᑲᒡ, ᓇᒪ ᑭᔭ ᓂᒋ ᒋᒺᓐ᙮

ᑎᐱᑦ ᐅᓂᑭᒧᐅᓇ 24:5

ᐊᐅᒄ ᒐ ᒥᔨᑯᑦ ᒥᔽᒋᒧᐛᐅᓂᔪᐤ ᑎᐸᔨᒋᒐᓱᐛ, ᑭᔭ ᑯᐃᔅᑯᑕᑎᓯᐅᓂᔪᐤ ᐅᐱᒪᒋᐃᐛᐎ ᒋᓴᒪᓂᑐᒪ᙮

ᑎᐱᑦ ᐅᓂᑭᒧᐅᓇ 27:1

ᑎᐸᔨᒋᒐᓱᐤ ᐊᐅᒄ ᓂᐛᔅᑕᐅᓐ ᑭᔭ ᓂᐱᒪᒋᐃᑯᓯᐅᓐ; ᐊᐛᓐ ᒐ ᑯᔅᐸᓇᔨᒥᒃ ? ᑎᐸᔨᒋᒐᓱᐤ ᑲ ᐅᒋ ᒥᔅᑯᐛᒡ ᓂᐱᒪᑎᓯᐅᓐ; ᐊᐛᓐ ᒪᒃ ᒐ ᑯᔅᑎᒃ ?

ᑎᐱᑦ ᐅᓂᑭᒧᐅᓇ 27:9

ᐊᑲᐎᔾ ᑲᓱᔅᑐᐎ; ᐊᑲᐎᔾ ᐛᐱᓐ ᒋᑦ ᐊᑐᔅᒐᔭᑭᓐ ᒋ ᒋᐛᓱᐅᓂᒡ: ᔅᒋ ᐎᒋᐃᔨᓐ: ᐊᑲᐎᔾ ᓂᑭᓯ, ᐊᑲ ᑭᔭ ᐛᐱᓂ, ᐅ ᓂᐱᒪᒋᐃᑯᓯᐤ ᒋᓴᒪᓂᑐᒻ᙮

ᑎᐱᑦ ᐅᓂᑭᒧᐅᓇ 42:1

ᒧᔭᒻ ᐊᑎᐧᒄ ᑲ ᐃᓯ ᓄᑕᔭᐸᒂᑐᑕᐧᒃ ᓯᐱᓯᓱᐛᐳᔪᐤ, ᐊᑯ ᒧᔭᒻ ᓂᑦ ᐊᒐᐧᒄ ᐊᓯ ᓄᑕᔭᐸᒂᑐᑕᔅᒃ, ᐅ ᒋᓴᒪᓂᑐᐤ᙮

ᑎᐱᑦ ᐅᓂᑭᒧᐅᓇ 51:14

ᐎᐧᑯᒋᐃ ᑲ ᒥᐧᑯᐤ ᐅᓂᑐᑎᒧᐅᓐ ᐅᒡ, ᐅ ᒋᓴᒪᓂᑐᐤ, ᒋᔾ ᒋᓴᒪᓂᑐᐤ ᐛᒋᐱᔨᒡ ᓂᐱᒪᒋᐃᑯᓯᐅᓐ: ᑭᔭ ᓂᑕᔨᔨᒡ ᓂᑭ ᒋᔄᐛ ᓂᑭᒧᑕᓐ ᒋᑯᐃᔅᑯᑕᑎᓯᐅᓐ᙮

ᑎᐱᑦ ᐅᓂᑭᒧᐅᓇ 53:1

ᐅᒥᒐᑎᓯᐤ ᒋ ᐃᔅᒋᔄᐤ ᐅᑕᐃᒡ, “ᓇᒪ ᑕᐤ ᒋᓴᒪᓂᑐᐤ᙮” ᐅᓂᓱᐅᒡ, ᑭᔭ ᒋ ᐃᑐᑎᒧᒡ ᑲ ᒥᒐᐃᑕᑯᓂᔨᒡ ᒥᒐᑎᓯᐅᓂᔪᐤ: ᓇᒪ ᑕᐤ ᐊᐛᓐ ᐊ ᒥᔪᑐᑕᐧᒄ᙮

ᑎᐱᑦ ᐅᓂᑭᒧᐅᓇ 62:7

ᒋᓴᒪᓂᑐᒡ ᐃᑎᔅᑕᐤ ᓂ ᐱᒪᒋᐃᑯᓯᐅᓐ ᑭᔭ ᓂᒋᔅᑕᔨᑕᑯᓯᐅᓐ; ᐊ ᒋᔅᑕᐱᔅᑯᐅᒡ ᓂ ᒥᔅᑯᐅᓯᐅᓐ, ᑭᔭ ᓂ ᓇᑕᓯᒧᐅᓐ ᒋᓴᒪᓂᑐᒡ ᐃᑎᔅᑕᐤ᙮

ᑎᐱᑦ ᐅᓂᑭᒧᐅᓇ 65:5

ᐊ ᑯᔅᑕᑎᒂᒋ ᒐᒂᓇ ᑯᐃᔅᑯᑕᑎᓯᐅᓂᒡ ᒋᑭ ᐅᒋ ᐎᑎᒧᐅᓇᓐ, ᐅ ᒋᓴᒪᓂᑐᐤ ᐛᒋᐱᔨᒡ ᓂᐱᒪᒋᐃᑯᓯᐅᓂᓇᓇ; ᒋᔾ ᐊᐅᒄ ᐊᓐ ᑲ ᐊᔅᐸᔨᒧᑐᑕᑯᑦ ᒥᓯᐛ ᐊᔅᒋᔪᐤ, ᐊᓂᔭ ᑭᔭ ᐛᔪᐤ ᑲ ᑕᔨᒋ ᐎᓂᐸᑯᒡ;

ᑎᐱᑦ ᐅᓂᑭᒧᐅᓇ 68:19

ᒪᒥᒋᑕᑯᓱᐤ ᑎᐸᔨᒋᒐᓱᐤ, ᒧᓴᓇᐤ ᐎ ᑲᐛᑕᐃᑕᐧᒄ ᒥᔪᑐᑕᒐᐅᓇ, ᒋᓴᒪᓂᑐᐤ ᐅᑦ, ᐛᒋᐱᔨᒡ ᒋ ᐱᒪᒋᐃᑯᓯᐅᓄᐤ᙮

ᑎᐱᑦ ᐅᓂᑭᒧᐅᓇ 79:9

ᐎᒋᐃᓇᓐ, ᐅ ᒋᓴᒪᓂᑐᐤ ᐛᒋᐱᔨᒡ ᓂ ᐱᒪᒋᐃᑯᓯᐅᓇᓇᓐ, ᒐᒋ ᒋᔅᑕᔨᑕᒂᒡ ᒋᑦ ᐃᓯᓂᐧᑲᓱᐅᓐ; ᐱᒪᒋᐃᓇᓐ ᒪᒃ, ᑲᓯᓇ ᑭᔭ ᓂᒥᒋᑐᑎᒧᐅᓇᓇ, ᒋᑦ ᐃᓯᓂᐧᑲᓱᐅᓂᒡ ᐅᒡ᙮

ᑎᐱᑦ ᐅᓂᑭᒧᐅᓇ 86:3

ᒋᔅᑎᒪᒐᔨᒥ, ᐅ ᑎᐸᔨᒋᒐᓱᐤ; ᐛᔅ ᐊᓯᑯᒻ ᒋᓯᑲᐛ ᒋ ᒧᔅᑯᐛᑎᑎᓐ᙮

ᓗᒃ 1:47

ᑭᔭ ᓇᔅᒡ ᑕᑈ ᓂ ᓯᒋᔭᓯᓐ ᐊ ᒪᒥᑐᓇᔨᑎᒥᐃᑯᐅᒡ ᐊᓂᔭᔪᐛ ᑕᓐ ᑲ ᐃᓯ ᐃᑐᑎᒧᐅᑦ ᒋᓴᒪᓂᑐᐤ ᓂᐱᒪᒋᐃᐛᒻ᙮

ᓗᒃ 18:7

ᓇᒪᐎᔾ ᐊ ᒪᒃ ᐊᑐᐎᔅ ᒋᓴᒪᓂᑐᐤ ᐎᐱᒡ ᒋᑭ ᐎᒋᐊᐤ ᐊᓂᔭ ᐅᑦ ᐃᔨᒪ ᒧᓯᓇᐤ ᑲ ᐊᔭᒥᐊᔨᒋ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ ᐊ ᓂᑐᑎᒪᑯᑦ ᒐᒋ ᒋᔅᐸᐛᑕᑦ ? ᑕᐸ ᒋᑭ ᐅᒋ ᑕᔅᑎᑲᒋᐤ ᒐᒋ ᒋᔅᐸᐛᑕᑦ᙮

ᓗᒃ 2:30

ᐛᔅ ᓂᔅᒋᓯᑯᒡ ᓇᐃᔪᐤ ᓴᔅ ᓂᒋ ᐛᐸᑕᓐ ᐊᓐ ᒐ ᐅᒋ ᐱᒪᒋᐃᐛᔨᓐ,

ᓗᒃ 2:37

ᓇᓂᑎᒻ ᒪᒃ ᒋ ᑕᐤ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ, ᐊ ᐊᔭᒥᐊᑦ ᐊᑲ ᐊᓯᑯᒻ ᒥᒋᓱᑦ᙮

1 ᑕᓴᓗᓂᔭᓇ 3:10

ᒧᓯᓇᐤ ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᒐᒋ ᐛᐱᒥᑕᒡ ᒥᓐ ᒐᒋ ᑕᔭᒡ ᐊᓐᑕ ᐊ ᑕᔭᒄ ᑭᔭ ᒐᒋ ᐎᒋᐃᑕᒡ ᑕᓐ ᐊᔅᒄ ᐊ ᐃᓯ ᓄᑕᐱᔨᔭᒄ ᑕᑈ ᒐᒋ ᑕᑈᔭᔨᒪᒄ ᙭ ᑕᓐ ᒋᐸ ᐃᓯ ᑕᑈᔭᔨᒪᐛᐤ᙮

2 ᑎᒧᑎ 1:3

ᓂᓇᔅᑯᒪᐤ ᒋᓴᒪᓂᑐᐤ ᐊ ᒐᔅᑎᓇᑕᔨᒧᔭᓐ ᐊ ᑯᐃᔅᑯᐱᒪᑎᓯᔭᓐ ᐊ ᐊᑐᔅᑯᐅᒃ, ᒧᔭᒻ ᐊᓂᔭᐧᑲ ᐊᓂᔅᒐ ᓂᐛᐧᑯᒪᑭᓂᒡ ᑲ ᐃᓯ ᐊᑐᔅᑯᐛᒡ᙮ ᑭᔭ ᓂᓇᔅᑯᒪᐤ ᒋᓴᒪᓂᑐᐤ ᐊ ᒋᔅᒋᓯᑐᑕᑕᓐ ᑕᑥᐤ ᐊ ᐊᔭᒥᐊᔭᓂ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ᙮

ᑕᐃᑕᔅ 2:10

ᒪᒃ ᒐᒋ ᑭᒐᒧᑎᒧᐛᒡ᙮ ᒋᐸ ᓄᑯᑕᐅᒡ ᐊ ᐃᔅᐱᔅ ᒥᔪ ᐊᐱᑎᓯᒡ ᑭᔭ ᐊᔅᐱᔅ ᑯᐃᔅᒄ ᐃᑎᒡ ᑭᔭ ᒐ ᒋᔅᑕᔨᑕᑭᓄᔨᒋ ᐊᓂᔭ ᑕᓐ ᐊ ᐃᓯ ᒋᔅᑯᑎᒪᒐᓄᐎᒡ ᒋᓴᒪᓂᑐᐛ ᒋᐱᒪᒋᐃᐛᒥᓄᐛ ᐊ ᐊᔨᒧᒪᑭᓄᔨᒋ᙮

ᑕᐃᑕᔅ 2:13

ᐊᐅᒄ ᐊ ᐃᓯ ᐱᒪᑎᓯᔭᐧᒄ ᐊ ᐊᓱᐛᐸᑎᒪᐧᒄ ᒐᔅᑎᓇᔅ ᒐ ᐃᔅᐱᔨᒡ ᐊᓐ ᐊ ᓱᐛᔨᑕᒂᒡ ᐊ ᒋᓯᑲᒡ ᒐ ᑎᑯᓯᐧᒃ ᐊᓐ ᑲ ᓱᐧᑲᑎᓯᑦ ᒋᓴᒪᓂᑐᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐊ ᐸᒋ ᓄᑯᓯᑦ ᐅᒋᔅᑕᔨᑕᑯᓱᐅᓂᒡ᙮