ᑎᐱᑦ ᐅᓂᑭᒧᐅᓇ 86:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐛᔅ ᒋᔾ, ᑎᐸᔨᒋᒐᓱᐤ, ᒋ ᒥᔽᑎᓯᓐ, ᑭᔭ ᒋ ᐎ ᐛᐸᔨᑎᒪᒐᓐ; ᑭᔭ ᒋ ᐛᔪᒡ ᒋᔅᑎᒪᒐᔨᒪᐅᒡ ᒥᓯᐛ ᑲ ᓇᓂᑐᒥᔅᒡ᙮

ᑎᐱᑦ ᐅᓂᑭᒧᐅᓇ 86:5 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 103:3

ᑲ ᐛᐸᔨᑕᐧᒄ ᒥᓯᐛ ᒋᒥᒐᑎᓯᐅᓇ; ᑲ ᒥᓏᒋᑕᑦ ᒥᓯᐛ ᒋᑦ ᐃᑕᔅᐱᓇᐅᓇ;

ᑎᐱᑦ ᐅᓂᑭᒧᐅᓇ 103:8

ᑎᐸᔨᒋᒐᓱᐤ ᒋᔅᑎᒪᒐᔨᒧᐛᐤ ᑭᔭ ᒋᓴᐛᑎᓯᐤ, ᓇᒪ ᐎᐱᒡ ᒋᔄᓯᐤ, ᑭᔭ ᐛᔪᑎᓯᐤ ᓱᐛᔨᒋᒐᐅᓂᔪᐤ᙮

ᑎᐱᑦ ᐅᓂᑭᒧᐅᓇ 119:68

ᒋ ᒥᔽᑎᓯᓐ, ᒋ ᒥᔪᑐᑕᓐ ᑭᔭ: ᒋᔅᑯᑎᒧᐎ ᒋᑦ ᐃᑎᓱᐛᐅᓇ᙮

ᑎᐱᑦ ᐅᓂᑭᒧᐅᓇ 130:4

ᒪᒃ ᒋ ᐎᒐᐅᑯᓐ ᐛᐸᔨᑎᒪᒐᐅᓐ, ᒐᒋ ᓇᓂᒋᔅᑕᑯᐅᔨᓐ᙮

ᑎᐱᑦ ᐅᓂᑭᒧᐅᓇ 130:7

ᐊᑯᔅ ᐃᔅᕋᐃᓪ ᒋᑭ ᐊᔅᐸᔨᒧᑐᑐᐛᐤ ᑎᐸᔨᒋᒐᓱᐛ: ᐛᔅ ᑎᐸᔨᒋᒐᓱᐤ ᐊᔭᐤ ᓱᐛᔨᒋᒐᐅᓂᔪᐤ, ᑭᔭ ᒥᔅᑎ ᐊᔭᐤ ᐱᒪᒋᐃᐛᐅᓂᔪᐤ᙮

ᑎᐱᑦ ᐅᓂᑭᒧᐅᓇ 145:18

ᑎᐸᔨᒋᒐᓱᐤ ᐸᓱᐛᐱᒪᐤ ᒥᓯᐛ ᑲ ᓂᑐᐛᔨᒥᑯᑦ, ᒥᓯᐛ ᑲ ᓂᑐᐛᔨᒥᑯᑦ ᑕᑈᐅᓂᒡ᙮

ᑎᐱᑦ ᐅᓂᑭᒧᐅᓇ 25:8

ᒥᔪᑥᐤ ᑭᔭ ᑯᐃᔅᑯᑐᐤ ᑎᐸᔨᒋᒐᓱᐤ: ᐊᔪᐛᒃ ᐅᒡ ᒋᑭ ᒋᔅᒋᓄᐅᒧᐛᐤ ᐅᒥᒋᑥᐛ ᒪᔅᑭᓇᒡ ᐃᔅ᙮

ᑎᐱᑦ ᐅᓂᑭᒧᐅᓇ 36:7

ᑕᑈ ᒋᔅᑕᔨᑕᑯᓐ ᒋᓴᒋᐃᐛᐎ ᒋᓴᐛᑎᓯᐅᓐ, ᐅ ᒋᓴᒪᓂᑐᐤ ! ᐊᐅᒄ ᐅᒡ ᐃᔪᒡ ᐅᑦ ᐊᐛᓯᒥᓱᐛᐛ ᒪᒥᓯᑐᑎᒥᔪᐛ ᐊ ᐊᑯᓇᐎᔨᓐ ᒋᑎᑎᐧᑭᓇ᙮

ᑎᐱᑦ ᐅᓂᑭᒧᐅᓇ 50:15

ᓇᓂᑐᒥ ᒪᒃ ᐊᔨᒥᓱᐤ ᒋᓯᑲᒐ: ᒋᑭ ᐎᐧᑯᒋᐃᑎᓐ, ᐊᑯ ᒐ ᒋᔅᑕᒋᒥᔨᓐ᙮”

ᑎᐱᑦ ᐅᓂᑭᒧᐅᓇ 52:1

ᒐᒂᓐ ᐛᒋ ᒋᐧᑲᔭᒋᒧᔨᓐ ᒪᔭᔨᒐᐅᓂᒡ, ᐅ ᓱᐧᑲᑎᓯᔨᓐ ᐃᔪᐤ ? ᐅᒥᔽᑎᓯᐅᓐ ᒋᓴᒪᓂᑐᐤ ᑲᒋᒡ ᑎᑯᓂᔪᐤ᙮

ᑎᐱᑦ ᐅᓂᑭᒧᐅᓇ 69:14

ᐎᐧᑯᒋᐃ ᐊᓯᔅᒋᐅᒡ ᐅᒡ, ᒐ ᐊᑲ ᒋ ᑯᑐᐎᐸᔨᔭᓐ: ᐊᑯᔅ ᓂᑭ ᐱᒪᒋᐃᑯᐅᓐ ᐊᓐᒡ ᑲ ᐛᐧᑲᓯᒡ ᐅᒡ, ᑭᔭ ᐊᑎᒥᐸᔭᒡ ᐅᒡ᙮

ᑎᐱᑦ ᐅᓂᑭᒧᐅᓇ 69:16

ᓂᑐᑐᐎ, ᐅ ᑎᐸᔨᒋᒐᓱᐤ; ᐛᔅ ᒋᓴᒋᐃᐛᐎ ᒋᓴᐛᑎᓯᐅᓐ ᒥᔽᓱᐤ, ᒂᔅᒋᑲᐳᔅᑐᐎ ᑲ ᐃᔅᐱᔅ ᒪᒥᒐᒋ ᒋ ᔪᔅᐱ ᓱᐛᔨᒋᒐᐅᓇ᙮

ᑎᐱᑦ ᐅᓂᑭᒧᐅᓇ 86:15

ᒪᒃ ᒋᔾ, ᐅ ᑎᐸᔨᒋᒐᓱᐤ, ᒋ ᒋᓴᒪᓂᑐᐅᓐ ᑲ ᓴᑭᔅᒋᓇᔅᑲᑯᔨᓐ ᒋᔅᑎᒪᒐᔨᒋᒐᐅᓐ, ᑭᔭ ᑲ ᒋᓴᐛᑎᓯᔨᓐ; ᐊ ᓯᐱᔨᐛᓯᔨᓐ, ᑭᔭ ᐊ ᐛᔪᑎᓯᔨᓐ ᒋᔅᑎᒪᒐᔨᒋᒐᐅᓐ ᑭᔭ ᑕᑈᐅᓐ᙮

ᐊᒃᓱᑕᔅ 34:6

ᐊᑯ ᑎᐸᔨᒋᒐᓱᐤ ᓂᑲᓐ ᐊᓐᑕ ᒂ ᐃᓯ ᐎᒪᔅᑯᐛᑦ ᒧᓱᓴ ᑭᔭ ᒂ ᐃᔅᒋᔄᑦ, “ᓂᔾ ᐅ ᑎᐸᔨᒋᒐᓱᐤ ᒋᓴᒪᓂᑐᐤ ᐊᓐ ᑲ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᑭᔭ ᒋᔅᑎᒪᒐᔨᒋᒐᐅᓂᔪᐤ, ᐊᑲ ᐎᐱᒡ ᒋᔄᓯᑦ ᑭᔭ ᑲ ᐛᔪᑎᓯᑦ ᓱᐛᔨᒋᒐᐅᓂᔪᐤ ᑭᔭ ᑕᑈᐅᒐᔨᑕᑯᓱᐅᓂᔪᐤ᙮

ᒠᓐ 4:10

ᒋ ᐃᑕᐤ ᒪᒃ ᒋᓴᔅ ᐊᓂᔭᔪᐛ ᐃᔎᐛ, “ᒋᔅᒐᔨᑎᒧᐱᓇ ᒐᒂᔪᐤ ᐊ ᐎ ᒥᔨᐛᑦ ᒋᓴᒪᓂᑐᐤ ᑭᔭ ᒋᔅᒐᔨᒥᔨᓐ ᐊᐛᓐ ᐊ ᐊᐎᔭᓐ, ᒋᔾ ᒋᐸ ᑯᒂᒋᒥᓐ ᒐᒋ ᒥᓇᐃᑕᓐ᙮ ᐊᓐ ᒪᒃ ᑲ ᐱᒪᒋᐃᐛᒥᑲᒡ ᓂᐱᔾ ᐊᐅᑯᓐ ᐊᓐ ᒋᐸ ᒥᓇᐃᑎᓐ᙮”

ᐊᑈᔅᑕᓇᒡ 2:21

ᐊᑯ ᒪᒃ ᑕᑐᐤ ᐊᐛᓐ ᒐ ᑕᑈᑎᒧᒂ ᐅᑎᐸᔨᒋᒐᐛ ᐅᑦ ᐃᓯᓂᐧᑲᓱᐅᓂᔪᐤ, ᒋᑭ ᐱᒪᒋᐊᑭᓄᐤ᙮”

ᐃᐱᓯᔭᓇ 2:4

ᒥᒄ ᒪᒃ ᐊᓂᔭ ᓇᔅᒡ ᐊ ᒥᓴᔨᒡ ᒋᓴᒪᓂᑐᐤ ᐅᒋᓴᐛᑎᓯᐅᓐ, ᑭᔭ ᐊᓂᔭ ᐊ ᐃᔅᐱᔅ ᒥᔅᑎ ᓴᒋᐃᑕᐧᒄ,