ᑎᐱᑦ ᐅᓂᑭᒧᐅᓇ 86:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐛᔅ ᒋ ᒋᔅᑎᓯᓐ, ᑭᔭ ᒋ ᒪᒥᔅᑲᒡ ᐊᐃᑎᓐ: ᒋᔾ ᒥᒄ ᒋ ᒋᓴᒪᓂᑐᐅᓐ᙮

ᑎᐱᑦ ᐅᓂᑭᒧᐅᓇ 86:10 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 72:18

ᒋᑭ ᐎ ᒪᒥᒋᒪᑭᓄᐤ ᑕᐸᔨᒋᒐᓯᐅᑦ ᒋᓴᒪᓂᑐᐤ, ᐅᒋᓴᒪᓂᑐᒪ ᐃᔅᕋᐃᓪ, ᐎᔾ ᒥᒄ ᑲ ᒪᒪᑕᐤ ᐃᔨᑎᑦ᙮

ᑎᐱᑦ ᐅᓂᑭᒧᐅᓇ 86:8

ᐊ ᑕᓯᒡ ᒥᓂᑐᐅᒡ ᓇᒪᐎᔾ ᐛᐛᒡ ᐸᐃᒄ ᒋ ᓂᔅᐱᑕᒄ, ᐅ ᑎᐸᔨᒋᒐᓱᐤ; ᓇᒪ ᑎᒂᓐ ᑭᔭ ᐊᑐᔅᒐᐅᓐ ᒧᔭᒻ ᒋᔾ ᒋᑦ ᐊᑐᔅᒐᐅᓐ᙮

ᐊᒃᓱᑕᔅ 15:11

ᑎᐸᔨᒋᒐᓱᐤ, ᒐᒄ ᒥᓂᑐᐧᑲᓐ ᐊ ᑕᑦ ᒧᔭᒻ ᒋᔾ, ᒋᔅᑕᔨᑕᑯᓯᓐ, ᐊᐛᓐ ᐊ ᑕᑦ ᒐᒋ ᐃᑐᑕᐧᒃ ᒪᒥᔅᑲᒡ ᒐᒂᔪᐛ ᒧᔭᒻ ᒋᔾ !

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:29

ᒋᓴᔅ ᒋ ᐃᑕᐤ, “ᐎᑕᑭᓄᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ ᐊᓐ ᒪᐅᒡ ᓂᑲᓐ ᐊ ᐃᑕᔨᑕᒂᒡ ᐃᑎᓱᐛᐅᓐ᙮ ᒂ ᐃᑎᔅᑕᒡ, ᓂᑐᑎᒧᒄ, ᒋᔨᐛᐤ ᐃᔅᕋᐃᓪ ᐅᑦ ᐃᔨᒪ, ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᐊᐅᒄ ᒥᒄ ᐊ ᐸᐃᑯᓯᑦ ᐊ ᑎᐸᔨᒋᒐᐅᑦ᙮

ᐊᑈᔅᑕᓇᒡ 4:30

ᐎᒋᐃᓇᓐ ᒪᒃ ᒐᒋ ᒥᓏᒋᐃᒋᒡ ᑲ ᐊᐧᑯᓯᒡ, ᑭᔭ ᑯᑎᑲ ᒪᒥᔅᑲᒡ ᐃᑐᐅᓇ ᒐᒋ ᐃᑐᑎᒪᒡ, ᒋᓴᔅ ᐊᓐ ᑲ ᐸᔭᒋᓯᑦ ᒋᑦ ᐊᐱᒋᐊᑭᓐ ᐅᑦ ᐃᓯᓂᐧᑲᓱᐅᓐ ᐊ ᐊᐱᒋᑕᐎᒋᑦ᙮”

1 ᑯᕆᓐᑎᔭᓇ 8:4

ᐊᑯ ᒪᒃ ᐛ ᐊᔨᒧᑎᒪᓐ ᐊ ᒥᒋᓇᓄᐅᒡ ᒥᒋᒻ ᒥᓂᑐᐧᑲᓐᒡ ᐊᒋ ᐱᔅᑎᓂᒧᐛᑭᓄᐎᒡ᙮ ᒋᐛᐱᒪᓄᐅᒡ ᒥᓂᑐᐧᑲᓐᒡ ᒥᒄ ᒪᒃ ᒋ ᒋᔅᒐᔨᑕᓇᓄᐤ ᐊᑲ ᓇᔅᒡ ᒐᒂᓂᒡ ᐃᑕᔨᑕᑯᓯᒡ᙮ ᑭᔭ ᒋ ᒋᔅᒐᔨᑕᓇᓄᐤ ᐊᑲ ᑕᑦ ᑯᑎᒃ ᐊᐛᓐ ᐊ ᒋᓴᒪᓂᑐᐅᑦ, ᒥᒄ ᒋᓴᒪᓂᑐᐤ᙮

ᐃᐱᓯᔭᓇ 4:6

ᒥᒄ ᐸᐃᑯᓱᐤ ᒋᓴᒪᓂᑐᐤ, ᐊᐅᒄ ᒪᒃ ᐅ ᒥᓯᐛ ᐛᑕᐎᔭᐧᒄ᙮ ᐛᔅ ᐎᔾ ᒥᓯᐛ ᐃᓯ ᓂᑲᓇᔨᑕᑯᓱᐤ᙮ ᒋᔭᓄᐤ ᒪᒃ ᒥᓯᐛ ᑲ ᑕᑈᑎᒪᐧᒄ ᒋᐱᒪᑎᓯᐅᓇᒡ ᐅᒡ ᐊᓱ ᐊᑐᔅᒐᐤ ᑭᔭ ᐊᓐᑕ ᒥᓯᐛ ᒋᐱᒪᑎᓯᐅᓇᒡ ᑕᐤ᙮

ᐃᑉᕈᐛ 2:4

ᒋᓴᒪᓂᑐᐤ ᒪᒃ ᑭᔭ ᐎᔾ ᔅᒋ ᐛᐸᑎᔨᑯᓄᐤ ᐊ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ ᐊ ᒪᒥᔅᑲᒡ ᐃᑎᑦ ᑭᔭ ᒪᒥᔅᑲᒡ ᐛᐸᑎᔨᐛᐅᓇ ᐊ ᐛᐸᑎᔨᐛᑦ ᑭᔭ ᓂᓇᐧᑯᐤ ᐊ ᐃᓯ ᒪᒥᔅᑲᒡ ᐃᑐᑎᒪᒐᑦ᙮ ᑭᔭ ᒋ ᐃᑐᑐᐛᐤ ᑲ ᐸᔭᒋᓯᔨᒋ ᐊᒐᒂ ᒐᒋ ᒥᔭᔨᒋ ᐊᐛᔪᐛ ᓂᓇᐧᑯᐤ ᑭᔅᒋᐅᓇ, ᑕᓐ ᐊᓂᔭᔪᐛ ᐎᔾ ᒋᓴᒪᓂᑐᐤ ᐊ ᐃᑕᔨᑎᒥᐃᑯᑦ ᒐ ᐃᓯ ᒥᔨᐛᑦ᙮