ᑎᐱᑦ ᐅᓂᑭᒧᐅᓇ 72:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᐅᑦ ᐃᓯᓂᐧᑲᓱᐅᓐ ᓇᓂᑎᒻ ᒋᑭ ᑎᑯᓂᔪᐤ: ᐅᑦ ᐃᓯᓂᐧᑲᓱᐅᓐ ᒋᑭ ᐱᒥᐱᔪᐤ ᒐ ᐃᔅᐱᔅ ᑕᒂ ᐱᓯᒻ᙮ ᐃᔪᐤ ᒪᒃ ᒋᑭ ᓱᐛᔨᑕᑯᓱᐤ ᐎᔾ ᐅᒡ; ᒥᓯᐛ ᑭᔭ ᑲ ᐃᑎᔅᑲᓇᓯᔨᒋ ᐃᔪᐛ ᓱᐛᔨᑕᑯᓯᐤ ᒋᑭ ᐃᑎᑯᐤ᙮

ᑎᐱᑦ ᐅᓂᑭᒧᐅᓇ 72:17 ပူးပေါင်းရင်းမြစ်များ

ᒐᓂᓯᔅ 12:3

ᓂᑭ ᒥᔽᒋᒪᐅᒡ ᐊᓐᒡ ᑲ ᒥᔽᒋᒥᔅᒡ ᑭᔭ ᓂᑭ ᒥᒐᒋᒪᐤ ᐊᓐ ᒪᒐᒋᒥᔅᒃ; ᒋᔾ ᐅᒡ ᒥᓯᐛ ᐊ ᑕᑎᓯᒡ ᐃᔪᒡ ᐅᑕ ᐊᔅᒋᒡ ᒋᑭ ᓱᐛᔨᑕᑯᓱᐅᒡ᙮”

ᒐᓂᓯᔅ 22:18

ᒋᑦ ᐊᐛᓯᒥᒡ ᐅᒡ ᓂᑭ ᒥᔪᑐᑐᐛᐅᒡ ᒥᓯᐛ ᐃᔪᒡ ᐊᓐᑕ ᐊᔅᒋᒡ, ᐊᐅᑯᐤ ᒋᑎᐸᐊᒪᑯᓯᐅᓐ ᐊᒋ ᑕᑈᔭᔨᒥᔨᓐ᙮”

ᑎᐱᑦ ᐅᓂᑭᒧᐅᓇ 21:7

ᐛᔅ ᒋᓴᐅᒋᒪᐤ ᒪᒥᓯᑐᑕᐛᐤ ᑎᐸᔨᒋᒐᓱᐛ, ᑭᔭ ᐅᓱᐛᔨᒋᒐᐅᓂᒡ ᒪᐅᒡ ᒋᔅᑎᓯᔨᒋ ᐅᒡ, ᓇᒪᐎᔾ ᒋᑭ ᐊᒋᐱᔭᐊᐤ᙮

ᑎᐱᑦ ᐅᓂᑭᒧᐅᓇ 45:17

ᓂᑭ ᐃᓯᑕᓐ ᒋᑦ ᐃᓯᓂᐧᑲᓱᐅᓐ ᒐᒋ ᒋᔅᒋᑕᑭᓄᐅᒡ ᒥᓯᐛ ᒐ ᐊᑎ ᐊᓂᔅᒐ ᐱᒪᑎᓯᓇᓄᐅᒡ, ᐊᐅᒄ ᐅᒡ ᐃᔪᒡ ᒋᑭ ᒪᒥᒋᒥᑯᒡ ᑲᒋᒡ ᑭᔭ ᑲᒋᒡ᙮

ᑎᐱᑦ ᐅᓂᑭᒧᐅᓇ 89:36

ᐅᑦ ᐊᐛᓯᒥᓴ ᑲᒋᒡ ᒋᑭ ᑕᔪᐛ, ᑭᔭ ᐅᒋᓴᐅᒋᒪᐤ ᑕᑎᐳᐛᑭᓐ ᒧᔭᒻ ᐱᓯᒻ ᐊᐸᑕᔅᑎᒥᐱᓐ᙮

ᐊᒃᓱᑕᔅ 3:15

ᒋᓴᒪᓂᑐᐤ ᐃᔭᐱᒡ ᒋ ᐃᑕᐤ ᒧᓱᓴ, “ᒐ ᐃᑎᑥᐤ ᐃᔅᕋᐃᓪ ᐃᔪᒡ, ‘ᓂᔾ ᐅᑎᐸᔨᒋᒐᓱᐤ, ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ ᐅᒋᓴᒪᓂᑐᒧᐛᐛ, ᓂᒋ ᐸᒋ ᐃᑎᓴᐅᑯᔪᐛ ᐊᓐᑕ ᐊ ᑕᐛᒄ ᒋᔨᐛᐤ ᐃᔅᕋᐃᓪ ᐃᔪᒡ᙮’ ᐊᐅᑯᐤ ᒧᔅ ᑲᒋᒡ ᓂᑦ ᐃᓯᓂᐧᑲᓱᐅᓐ ᒐᒋ ᐅᒋ ᒋᔅᒋᑕᑯᐅᔭᓐ ᒐ ᐊᑎ ᐊᓂᔅᒐ ᐱᒪᑎᓯᓇᓄᐅᒡ᙮

ᒪᑎᔪᐤ 1:21

ᒋᑭ ᓇᐸᓯᐎᔪᐛ ᐊᓂᔭ ᐅᑦ ᐊᐛᓯᒪ, ᒋᓴᔅ ᒋᑭ ᐃᓯᓂᐧᑲᑕᐛᐤ, ᐛᔅ ᐊᐅᒄ ᐅ ᒐ ᐱᒪᒋᐊᑦ ᐅᑦ ᐃᔨᒪ ᐅᒥᒐᑎᓯᐅᓂᔨᒡ ᐅᒡ᙮” ᐊᐅᑯᐤ ᐅᔭ ᑲ ᐃᑎᑯᑦ ᒍᓯᑉ ᐊᓂᔭ ᐊᓐᒋᓇ᙮

ᒪᑎᔪᐤ 1:23

“ᐃᔎᔅ ᐊᑲ ᐊᔅᒄ ᐅᒋ ᒋᔅᒐᔨᒥᑯᑦ ᓇᐸᐛ ᒋᑭ ᐊᔭᐛᐤ ᐊᐛᓴ, ᒋᑭ ᓇᐸᓯᐎᔪᐛ ᒪᒃ, ᐃᒪᓄᐃᓪ ᒋᑭ ᐃᓯᓂᐧᑲᑕᑭᓄᐤ᙮” ᒋᓴᒪᓂᑐᐤ ᐊ ᐸᒋ ᑕᑦ ᐅᑕ ᐊ ᑕᔭᐧᒄ ᐃᔅᒋᔄᒥᑭᓐ ᐅ ᐃᓯᓂᐧᑲᓱᐅᓐ᙮

ᓗᒃ 1:48

ᐛᔅ ᒋ ᓂᓇᑭᑐᐛᐸᑎᒧᐛᐤ ᐅᑦ ᐊᐱᒋᐊᑭᓂᔎᒪ ᐅᑎᐱᑕᔨᑕᑯᓱᐅᓂᔪᐤ᙮ ᑕᓐ ᒐ ᐃᔅᐱᔅ ᐊᓂᔅᒐ ᐱᒪᑎᓯᐛᒂ ᐃᔪᒡ ᐊᓐᑕ ᐃᔅ ᓂᔅᑕᒥᒡ ᒋᑭ ᐊᔨᒧᑎᒧᒡ ᑕᓐ ᑲ ᐃᔅᐱᔅ ᓱᐛᔨᒥᑯᐎᒡ᙮

ᐊᑈᔅᑕᓇᒡ 3:16

ᐊᓂᔭᔪᐤ ᐊ ᓱᒐᔨᑕᑯᓂᔨᒡ ᒋᓴᔅ ᐅᑦ ᐃᓯᓂᐧᑲᓱᐅᓐ ᐊᐅᒄ ᐅᔭ ᐛᒋ ᒥᓏᑎᓯᑦ ᐅ ᓇᐸᐤ᙮ ᔅᒋ ᒋᔅᒐᔨᒪᐛᐤ ᑭᔭ ᔅᒋ ᐛᐱᒪᐛᐤ ᑕᓐ ᑲ ᐃᓯᓇᑯᓯᑦ᙮ ᔅᒋ ᐛᐱᒪᐛᐤ ᒪᒃ ᐊᓐᑕ ᐅᑎᔅᑯᐤ ᐊ ᑕᔭᒄ ᑲ ᒥᓏᒋᐊᑭᓄᐅᑦ ᐊᓂᔭᔪᐤ ᐊ ᑕᑈᔭᔨᒪᑦ ᒋᓴᓴ ᐅᒡ᙮”

ᑲᓚᓯᔭᓇ 3:14

᙭ ᒋ ᐱᔅᑎᓂᓱᐤ ᐅᔭ ᒐᒋ ᐃᑐᑐᐛᑭᓄᐅᑦ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑭᔭ ᐎᔨᐛᐤ ᒐᒋ ᒥᔅᑲᒡ ᐊᓂᔭ ᓱᐛᔨᒋᒐᐅᓂᔪᐤ ᐊᑉᕋᐊᒪ ᑲ ᐃᑕᑭᓄᔨᒋ ᒐᔅᑎᓇᔅ ᒐ ᒥᔭᑭᓄᔨᒋ᙮ ᐊᐅᒄ ᑲ ᐃᔅᐱᔨᒡ ᒐᒋ ᐊᔭᐛᐧᒄ ᐸᔭᒋ ᐊᒐᐧᒄ ᑕᑈᑎᒪᒂ᙮

ᐃᐱᓯᔭᓇ 1:3

ᓂᓇᔅᑯᒪᑕᐤ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮ ᐊᓂᔭ ᐊ ᐎᒐᐅᒪᐧᑯ ᙭ᑕ, ᒋᓴᒪᓂᑐᐤ ᔅᒋ ᓱᐛᔨᒥᑯᓄᐤ ᐊᒋ ᒥᔨᑕᐧᒄ ᒥᓯᐛ ᐊᒐᐧᒄ ᓱᐛᔨᒋᒐᐅᓇ ᑕᓐ ᐊ ᐃᓯ ᑎᒂᒋ ᒋᒋᒋᓯᑯᒡ᙮

ᐃᐱᓯᔭᓇ 3:14

ᐅ ᒪᒃ ᑲ ᐃᓯ ᐃᔨᒥᐃᑎᑯᒡ ᐊᐅᒄ ᐛᒋ ᐅᒋᒋᐧᑯᓂᐱᔭᓐ ᒍᑕᐎᓄᐤ ᐊ ᐃᔨᒥᐃᒃ,

ᐱᓕᐱᔭᓇ 2:10

ᐊᑯ ᒪᒃ ᒥᓯᐛ ᐊᐛᓐ ᒐ ᒪᒥᒋᒪᑦ ᒋᓴᔅ ᑲ ᐃᓯᓂᐧᑲᑕᑭᓄᔨᒋ, ᒥᓯᐛ ᐊᐛᓐ ᒋᒋᒋᓯᑯᒡ ᑭᔭ ᐊᔅᒋᒡ ᑭᔭ ᑕᒥᒡ ᐊᔅᒋᒡ ᐊ ᑕᑦ᙮

ᑯᓚᓯᔭᓇ 1:3

ᒧᔅ ᓂᓇᔅᑯᒪᓇᓐ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ, ᑕᑥᐤ ᐊ ᐊᔭᒥᐊᔅᑎᒪᑕᒡ,

1 ᐱᑕᕐ 1:3

ᒪᒥᒋᒪᑕᐤ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮ ᐊᓂᔭ ᐊ ᐃᔅᐱᔅ ᓇᔅᒡ ᒋᔅᑎᒪᒐᔨᒥᑕᐧᒄ ᔅᒋ ᒥᔨᑯᓄᐤ ᐊ ᐅᔅᑲᔨᒡ ᐱᒪᑎᓯᐅᓂᔪᐤ ᑲ ᐅᓂᔅᑲᓇᑦ ᒋᓴᔅ ᙭ᑕ ᓂᐳᐅᓂᒡ ᐅᒡ᙮ ᐊᑯᑕ ᒪᒃ ᐛᒋ ᐊᔭᔭᐧᒄ ᐊᔅᐸᔨᒧᐅᓐ ᐊ ᒐᔅᑎᓇᑕᔨᑕᒂᒡ,

ᒋᔅᒐᔨᑕᑯᑕᒐᐅᓐ 15:4

ᐅᑎᐸᔨᒋᒐᐤ, ᐊᐛᓐ ᒐ ᐊᑲ ᓂᓇᒋᔅᑕᔅᒃ ᑭᔭ ᒐ ᐊᑲ ᒋᔅᑕᑐᑕᐧᒃ ᒋᑦ ᐃᓯᓂᐧᑲᓱᐅᓂᔪᐤ ? ᐛᔅ ᒥᒄ ᒋᔾ ᒋ ᐸᔭᒋᓯᓐ᙮ ᒥᓯᐛ ᐊᐛᓐᒋ ᐊ ᐃᑎᔅᑲᓇᓯᒡ ᒋᑭ ᐸᒋ ᓄᒋᔅᑕᑯᒡ ᐛᔅ ᔅᒋ ᐛᐸᑎᔨᐛᓐ ᐊᔅᐱᔅ ᑯᐃᔅᒄ ᐃᑎᔨᓐ᙮” ᐊᐅᒄ ᐅᔭ ᑲ ᐃᑕᐊᒪᓱᒡ ᐊ ᓂᑭᒧᒡ᙮