ᑎᐱᑦ ᐅᓂᑭᒧᐅᓇ 71:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐊᑯᔅ ᓂᑐᓂᒡ ᒋᑭ ᓴᑭᔅᒋᓇᐤ ᒋᒪᒥᒋᒥᑯᓯᐅᓐ, ᑭᔭ ᒋᒋᔅᑕᔨᒥᑯᓯᐅᓐ ᐃᔅᑭᓐ ᒋᓯᑲᐛ᙮

ᑎᐱᑦ ᐅᓂᑭᒧᐅᓇ 71:8 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 104:1

ᒪᒥᒋᒻ ᑎᐸᔨᒋᒐᓱᐤ, ᐅ ᓂᑦ ᐊᒐᐧᒄ ! ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ, ᓇᔅᒡ ᒋ ᒋᔅᑎᓯᓐ: ᒋ ᒋᔅᑲᓐ ᒋᔅᑕᔨᑕᑯᓱᐅᓐ ᑭᔭ ᒋᓴᐅᒋᒪᐛᔨᑕᑯᓯᐅᓐ᙮

ᑎᐱᑦ ᐅᓂᑭᒧᐅᓇ 146:2

ᒥᒄ ᒐ ᐃᔅᐱᔅ ᐱᒪᑎᓯᔭᓐ ᓂᑭ ᒪᒥᒋᒪᐤ ᑎᐸᔨᒋᒐᓱᐤ, ᐊ ᓂᑭᒧᔭᓐ ᓂᑭ ᒪᒥᒋᒪᐤ ᓂᒋᓴᒪᓂᑐᒻ ᒥᒄ ᒐ ᐃᔅᐱᔅ ᐊᔭᔭᓐ ᓂᐱᒪᑎᓯᐅᓐ᙮

ᑎᐱᑦ ᐅᓂᑭᒧᐅᓇ 35:28

ᓂᑕᔨᔨᒡ ᒪᒃ ᓂᑭ ᐅᒋ ᐊᔨᒧᑕᓐ ᒋᑯᐃᔅᑯᑕᑎᓯᐅᓐ ᑭᔭ ᒋᒪᒥᒋᒥᑯᓯᐅᓐ ᒧᔅ ᐃᔅᑭᓐ ᒋᓯᑲᐛ᙮

ᑎᐱᑦ ᐅᓂᑭᒧᐅᓇ 63:5

ᓂᑦ ᐊᒐᐧᒄ ᒋᑭ ᒋᔅᐳᐤ ᒧᔭᒻ ᐎᓐ ᑭᔭ ᑲ ᐎᔨᔪᐅᒡ ᐅᒋ; ᓂᑐᓂᒡ ᑭᔭ ᒋᑭ ᐅᒋ ᒪᒥᒋᒥᑎᓐ ᐊ ᒥᔽᔨᑎᒧᓱᐛᔅᒐᔭᓐ᙮

ᑎᐱᑦ ᐅᓂᑭᒧᐅᓇ 71:15

ᓂᑐᓂᒡ ᓂᑭ ᐅᒋ ᐛᐸᑎᔨᐛᓐ ᒋᑯᐃᔅᑯᑕᑎᓯᐅᓐ, ᑭᔭ ᒋᐱᒪᒋᐃᐛᐅᓐ ᐃᔅᑭᓐ ᒋᓯᑲᐛ; ᐛᔅ ᓇᒪ ᓂ ᒋᔅᒐᔨᑕᓐ ᑕᓐ ᐊᑕᑎᒋ᙮

ᑎᐱᑦ ᐅᓂᑭᒧᐅᓇ 71:24

ᓂᑕᔨᔾ ᑭᔭ ᒋᑭ ᐊᔨᒧᑎᒧᒥᑭᓐ ᒋᑯᐃᔅᑯᑕᑎᓯᐅᓐ ᒥᓯᐛ ᐃᔅᑭᓐ ᒋᓯᑲᐛ: ᐛᔅ ᐛᐛᓇᔨᑕᒪᐊᑭᓄᐅᒡ, ᐛᔅ ᓴᒂᔨᒧᐊᑭᓄᐅᒡ, ᐊᓐᒡ ᑲ ᐎ ᒥᒋᑐᑐᐅᒡ᙮

ᑎᐱᑦ ᐅᓂᑭᒧᐅᓇ 96:6

ᒋᔅᑕᔨᑕᑯᓱᐅᓂᔪᐤ ᑭᔭ ᐅᒋᒪᐛᔨᑕᑯᓱᐅᓂᔪᐤ ᐅᑎᔅᑲᐎᔅᑲᑯᐤ: ᒥᔅᑯᐅᓯᐅᓂᔪᐤ ᑭᔭ ᒥᔪᓇᑯᓯᐅᓂᔪᐤ ᑎᒂᓂᔪᐤ ᐅᐸᔭᒋ-ᒥᒋᐛᐱᒡ᙮