ᑎᐱᑦ ᐅᓂᑭᒧᐅᓇ 65:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐊᓐᒡ ᐊ ᐃᔎᔭᔨᒡ ᑲ ᐎᒋᒡ ᑯᔅᑎᒧᒡ ᒋ ᒋᔅᒋᓄᐛᒋᒋᑭᓇ: ᒋ ᒥᔽᑕᒧᑕᓐ ᐊ ᐊᑎ ᒐᒋᓴᐸᔭᒡ ᑭᔭ ᐊ ᐊᑎ ᐅᑕᑯᓯᒡ᙮

ᑎᐱᑦ ᐅᓂᑭᒧᐅᓇ 65:8 ပူးပေါင်းရင်းမြစ်များ

ᒐᓂᓯᔅ 8:22

ᒐ ᐃᔅᐱᔅ ᑎᒂᒡ ᐊᔅᒋᔾ, ᓇᒪ ᓂᑕ ᒋᑭ ᐃᔎᐱᔪᐛ ᐊ ᒥᔪᔅᑭᒥᒡ ᑭᔭ ᐊ ᒪᒧᓴᒋᓂᑭᓄᐅᒡ ᑲ ᓂᑕᐅᒋᒡ ᒥᒋᒻ, ᐊ ᑕᐧᑲᒡ ᑭᔭ ᐊ ᒋᓯᑕᒡ, ᐊ ᐱᐳᒡ ᑭᔭ ᐊ ᓂᐱᒡ, ᐊ ᒋᓯᑲᒡ ᑭᔭ ᐊ ᑎᐱᔅᑲᒡ᙮”

ᑎᐱᑦ ᐅᓂᑭᒧᐅᓇ 107:29

ᐊᔽᔅᑎᓂᑕᐤ ᐊ ᒋᑎᔅᑎᓂᔨᒡ, ᐊᑯ ᐱᓂᐱᔨᒡ ᐊ ᒪᒪᐧᑲᐊᒡ᙮

ᑎᐱᑦ ᐅᓂᑭᒧᐅᓇ 126:2

ᐊᑯ ᒋᑐᓂᓇᒡ ᓯᔭᑭᔅᒋᓇᒡ ᐸᐳᐅᓐ, ᑭᔭ ᒋᑕᔨᔨᓇᒡ ᓂᑭᒧᐅᓐ: ᐊᑯ ᑲ ᐃᑎᑐᒡ ᐊᑲ ᐊᔭᒥᐊᒡ, “ᑎᐸᔨᒋᒐᓱᐤ ᒥᔅᑎ ᒐᒂᔪᐤ ᒋ ᐃᑐᑎᒧᐛᐤ᙮”

ᑎᐱᑦ ᐅᓂᑭᒧᐅᓇ 135:9

ᑲ ᐃᓯᑎᒪᔅᒃ ᒋᔅᒋᓄᐛᒋᒋᑭᓇ ᑭᔭ ᑲ ᒪᒥᔅᑲᒡ ᒐᒂᔪᐛ ᑕᑕᐅᒡ ᐊᓐᑕ ᐊ ᑕᔨᓐ, ᐅ ᐃᒋᑉᑦ, ᐸᕈᐊ, ᑭᔭ ᒥᓯᐛ ᐅᑦ ᐊᑐᔅᒐᔭᑭᓂᔪᐛ᙮

ᑎᐱᑦ ᐅᓂᑭᒧᐅᓇ 136:8

ᐱᓯᒺ ᒐᒋ ᑎᐸᔨᑎᒥᔨᒋ ᐊ ᒋᓯᑲᔨᒡ: ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮

ᑎᐱᑦ ᐅᓂᑭᒧᐅᓇ 148:3

ᒪᒥᒋᒥᐧᒄ, ᒋᔨᐛᐤ ᐱᓯᒻ ᑭᔭ ᑎᐱᔅᑲᐤ ᐱᓯᒻ: ᒪᒥᒋᒥᐧᒄ ᒥᓯᐛ ᒋᔨᐛᐤ ᑲ ᐛᓯᓱᔭᒄ ᐅᒐᑭᑕᐧᑯᒡ᙮

ᑎᐱᑦ ᐅᓂᑭᒧᐅᓇ 19:5

ᑲ ᓂᔅᐱᑐᐛᑦ ᐅᔅᒋᓂᐳᐛᓇ ᐊ ᐸᒋ ᐎᐎᔨᒋ ᐅᐱᔅᒋᒋᒋᐛᐱᓯᔨᒡ ᐅᒡ, ᑭᔭ ᑲ ᒥᔽᑕᐧᒃ ᒧᔭᒻ ᑲ ᒥᔅᑯᐅᓯᔨᒋ ᐃᔪᐛ ᑲ ᑯᒂᔅᑭᔅᑕᔨᒐᔨᒋ᙮

ᑎᐱᑦ ᐅᓂᑭᒧᐅᓇ 2:8

ᓂᑐᑎᒧᐎ, ᐊᑯ ᒐ ᒥᔨᑕᓐ ᐊᑲ ᐊᔭᒥᐊᒡ ᒐᒋ ᑎᐱᔨᐛᐅᓯᔨᓐ, ᑭᔭ ᐊ ᐃᔎᔅᑭᒥᑲᒡ ᒐᒋ ᑎᐸᔨᑎᒥᓐ᙮

ᑎᐱᑦ ᐅᓂᑭᒧᐅᓇ 65:13

ᐊᐅᑯᓐ ᒥᒋᓱᐅᓂᒡ ᓴᑭᔅᒋᓇᐅᒡ ᒪᔭᑕᓂᓯᒡ ᐅᒡ: ᐊ ᑐᐅᑎᓇᒡ ᐊᒂᓇᒧᐛ ᒪᑕᒥᓇ ᐅᒡ: ᒋᔄᐛᑕᑈᒪᑭᓇ ᐊ ᒧᒋᒐᔨᑎᒧᒥᑲᒋ, ᐊᓯᒡ ᑭᔭ ᓂᑭᒧᒪᑭᓇ᙮

ᑎᐱᑦ ᐅᓂᑭᒧᐅᓇ 66:3

ᐃᑎᐧᒄ ᒋᓴᒪᓂᑐᐤ, “ᑕᑈ ᒋ ᑯᔅᑕᑎᑯᓯᓐ ᒋᑦ ᐊᑐᔅᒐᐅᓂᒡ ! ᐊᔅᐱᔅ ᒋᔅᑕᔨᑕᒂᒡ ᒋᑭᔅᒋᐅᓐ ᐊᓐᒡ ᑲ ᐛᐧᑲᑎᔅᒡ ᒋᑭ ᐅᒋ ᐱᑎᐱᔅᑕᒂᒡ᙮

ᑎᐱᑦ ᐅᓂᑭᒧᐅᓇ 74:16

ᔅᒋ ᑎᐱᔨᐛᐅᓯᓐ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᔅᒋ ᑎᐱᔨᐛᐅᓯᓐ: ᔅᒋ ᐛᐛᓯᑕᓐ ᐊ ᐛᓴᔭᒡ ᑭᔭ ᐱᓯᒻ᙮

ᑎᐱᑦ ᐅᓂᑭᒧᐅᓇ 89:10

ᔅᒋ ᐱᒂᐊᓐ ᕋᐊᑉ, ᒧᔭᒻ ᐊᐛᓐ ᑲ ᓂᐸᐊᑭᓄᐅᑦ; ᔅᒋ ᐛᓴᔄᑎᓴᐛᐅᒡ ᑲ ᐛᐧᑲᑎᔅᒡ ᑲ ᒥᔅᑯᐛᒡ ᒋᔅᐱᑐᓐ ᐅᒡ᙮

ᒋᔅᒐᔨᑕᑯᑕᒐᐅᓐ 11:13

ᐃᔅᐱ ᒪᒃ ᑲ ᐃᔅᐱᔨᒡ ᐅ, ᒋ ᒥᔅᑎ ᑯᐃᐧᑯᓐ᙮ ᐸᐃᒄ ᐊᓯᑯᒻ ᐸᐃᑯᔪᐤ ᒥᒋᐛᐸ ᐊᓐᑕ ᐊᓐ ᐅᑕᓇᒡ ᒋ ᓂᓱᐅᓇᑎᓇ᙮ ᓂᔄᐅᑕᒡ ᑕᑥᐤ ᒐᓯᐱᔪᐤ ᐊᐛᓐᒋ ᒋ ᓂᓱᐅᓇᑎᓯᐅᒡ ᐊᓂᔭ ᑲ ᒥᔅᑎ ᑯᐃᐧᑯᓂᔨᒡ᙮ ᐊᑯ ᐊᓐᒡ ᐊᐛᓐᒋ ᐊᔅᒄ ᐊ ᑕᒡ ᐊᔅᒋᒡ ᒋ ᒥᔅᑎ ᓴᒋᓱᐅᒡ᙮ ᒋ ᐃᔅᒋᔄᐅᒡ, ᑕᑈ ᓱᒐᔨᑕᑯᓯᔪᐤ ᒋᓴᒪᓂᑐᐤ ᒋᒋᒋᓯᑯᒡ ᐊ ᑕᑦ᙮