ᑎᐱᑦ ᐅᓂᑭᒧᐅᓇ 60:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐅ ᒋᓴᒪᓂᑐᐤ, ᒋ ᒋᐛᐱᓂᓇᓐ, ᔅᒋ ᐛᓴᔄᐱᓂᓇᓐ; ᔅᒋ ᓇᔭᑐᐛᔨᑕᓐ; ᐅ ᒋᐛ ᒂᔅᒋᑲᐳᐅᔅᑐᐅᓇᓐ᙮

ᑎᐱᑦ ᐅᓂᑭᒧᐅᓇ 60:1 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 108:11

ᓇᒪ ᐊ ᒋᔾ, ᐅ ᒋᓴᒪᓂᑐᐤ, ᑲ ᐛᐱᓂᔭᒡ ? ᒋᔾ ᒪᒃ ᐅ ᒋᓴᒪᓂᑐᐤ, ᓇᒪ ᐊ ᒋᑭ ᐎᒐᐛᐅᒡ ᓂᒪᓯᒐᓯᒥᓇᓐᒡ᙮

ᑎᐱᑦ ᐅᓂᑭᒧᐅᓇ 44:9

ᒪᒃ ᔅᒋ ᐛᐱᓂᓇᓐ, ᑭᔭ ᔅᒋ ᐛᓇᐃᑕᒥᐃᓇᓐ; ᓇᒪ ᑭᔭ ᒋ ᐎᒐᐛᐅᒡ ᓂ ᑲᒪᓯᒐᒥᓇᓐᒡ᙮

ᑎᐱᑦ ᐅᓂᑭᒧᐅᓇ 59:1

ᐱᒪᒋᐃ ᑲ ᐛᐧᑲᓯᒡ ᐅᒡ, ᐅ ᓂᒋᓴᒪᓂᑐᒻ; ᒥᑕᒂᓂᒧᐎ ᐊᓐᒡ ᐅᒋ ᑲ ᐱᓯᑯᔅᑐᐅᒡ᙮

ᑎᐱᑦ ᐅᓂᑭᒧᐅᓇ 59:11

ᐊᑲᐎᔾ ᓂᐸᐃᒡ, ᒥᔅᑯᒡ ᓂᑦ ᐃᔨᒥᒡ ᒋᑭ ᐅᓂᒋᔅᒋᓯᐅᒡ ᐛᓴᔄᐱᓐᒡ ᒋᓱᐧᑲᑎᓯᐅᓂᒡ; ᓂᒋᐛᐱᓐᒡ ᒪᒃ, ᐅ ᑎᐸᔨᒋᒐᓱᐤ, ᓂᑦ ᐊᒂᓇᐅᓱᐛᑭᓂᓇᓐ᙮

ᑎᐱᑦ ᐅᓂᑭᒧᐅᓇ 60:10

ᓇᒪ ᐊ ᒋᔾ, ᐅ ᒋᓴᒪᓂᑐᐤ, ᑲᒋ ᐛᐱᓂᔭᒡ ? ᒋᔾ ᒪᒃ, ᐅ ᒋᓴᒪᓂᑐᐤ, ᐊᑲ ᐛᒡ ᐎᒐᐅᑥᐤ ᓂᓂᑐᐱᔪᐅ-ᐃᔨᒥᓇᓐᒡ ?

ᑎᐱᑦ ᐅᓂᑭᒧᐅᓇ 74:1

ᐅ ᒋᓴᒪᓂᑐᐤ, ᑕᓇᒡ ᐛᒋ ᒋᒋᐛ ᐛᐱᓂᔭᒡ ? ᑕᓐ ᐊᓂᔨᒡ ᐛᒡ ᐊᒂᐱᑕᔅᑲᑯᒡ ᒪᔭᑕᓂᓯᒡ ᑲ ᑭᓄᐛᔨᒥᑐᐛᐤ ᒋᒋᔄᓯᐅᓂᔪᐤ ?

ᑎᐱᑦ ᐅᓂᑭᒧᐅᓇ 79:5

ᑕᓐ ᐃᔅᐱᔅ ᐊᔅᒄ, ᑎᐸᔨᒋᒐᓱᐤ ? ᑲᒋᒡ ᐊ ᒋᑭ ᒋᔄᓯᓐ ? ᒋᑦ ᐅᑕᔨᑎᒧᐅᓐ ᐊ ᒋᑭ ᐃᔎᓯᒐᒥᑭᓐ ᒧᔭᒻ ᐃᔅᑯᑕᐤ ?

ᑎᐱᑦ ᐅᓂᑭᒧᐅᓇ 79:9

ᐎᒋᐃᓇᓐ, ᐅ ᒋᓴᒪᓂᑐᐤ ᐛᒋᐱᔨᒡ ᓂ ᐱᒪᒋᐃᑯᓯᐅᓇᓇᓐ, ᒐᒋ ᒋᔅᑕᔨᑕᒂᒡ ᒋᑦ ᐃᓯᓂᐧᑲᓱᐅᓐ; ᐱᒪᒋᐃᓇᓐ ᒪᒃ, ᑲᓯᓇ ᑭᔭ ᓂᒥᒋᑐᑎᒧᐅᓇᓇ, ᒋᑦ ᐃᓯᓂᐧᑲᓱᐅᓂᒡ ᐅᒡ᙮

ᑎᐱᑦ ᐅᓂᑭᒧᐅᓇ 80:1

ᓇᐃᔅᑕ ᒋᑐᑭᔾ, ᐅᒪᔭᑕᓂᓯᐅ-ᐃᔨᒪ ᐃᔅᕋᐃᓪ, ᒋᔾ ᑲ ᐱᒧᑕᐃᑦ ᒍᓯᑉ ᒧᔭᒻ ᒪᔭᑕᓂᓯᒡ: ᒋᔾ ᑲ ᑕᔨᓐ ᑎᔅᑐᐎᒡ ᒐᕋᐱᒥᒡ, ᐛᓯᓱᐤ᙮

ᑎᐱᑦ ᐅᓂᑭᒧᐅᓇ 80:3

ᒂᔅᒋᑲᐳᐅᔅᑐᐅᓇᓐ ᐅ ᒋᓴᒪᓂᑐᐤ, ᐛᓯᓱᔅᑐᐅᓇᓐ ᒪᒃ; ᐊᑯ ᒪᒃ ᒐ ᐱᒪᒋᐃᑯᐅᔭᒡ᙮

ᑎᐱᑦ ᐅᓂᑭᒧᐅᓇ 85:4

ᒂᔅᒋᓂᓇᓐ, ᐅ ᒋᓴᒪᓂᑐᐤ ᐛᒋᐱᔨᒡ ᓂᐱᒪᒋᐃᑯᓯᐅᓂᓇᓐ, ᑭᔭ ᐳᓂ ᒋᔄᓯᔅᑐᐅᓇᓐ᙮

ᑎᐱᑦ ᐅᓂᑭᒧᐅᓇ 89:19

ᐊᑯ ᑲ ᐃᔨᒥᐊᑦ ᒋᐸᔭᒋᓯᒻ, ᔅᒋ ᐃᔅᒋᔄᓐ ᒪᒃ, “ᓂᒋ ᒥᔭᐤ ᐎᒋᐃᑯᓯᐅᓂᔪᐤ ᐊᐛᓐ ᑲ ᓱᐧᑲᑎᓯᑦ, ᓂᒋ ᐃᔅᐸᔨᑕᑯᐊᐤ ᐊᐛᓐ ᑲ ᐅᐛᔭᐱᒥᒃ ᐃᔪᐛ ᐅᒡ᙮

ᑎᐱᑦ ᐅᓂᑭᒧᐅᓇ 89:3

“ᓂᒋ ᐎᒋ ᓂᔅᑯᒪᐤ ᓂᐅᐛᔭᐱᒪᑭᓐ, ᓂ ᒋᒋ ᐃᑕᐤ ᑎᐱᑦ ᓂᑦ ᐊᑐᔅᒐᔭᑭᓐ,

ᑎᐱᑦ ᐅᓂᑭᒧᐅᓇ 89:38

ᒪᒃ ᔅᒋ ᐛᐱᓇᐤ ᑭᔭ ᔅᒋ ᐱᒂᑕᐤ, ᔅᒋ ᐎᔭᔅᑕᔨᒪᐤ ᒋᑐᒥᔅᑯᓂᑭᓐ᙮

ᑎᐱᑦ ᐅᓂᑭᒧᐅᓇ 89:7

ᒋᓴᒪᓂᑐᐤ ᓇᔅᒡ ᒋᑭ ᓇᓂᒋᔅᑕᑯᐤ ᑲ ᒪᐅᒋᐃᑐᔨᒋ ᐅᐸᔭᒋᓱᐛ, ᑭᔭ ᒋᑭ ᒋᔅᑕᔨᒥᑯᐤ ᒥᓯᐛ ᑲ ᐛᔅᑲᔅᑲᑯᑦ᙮

ᑎᐱᑦ ᐅᓂᑭᒧᐅᓇ 90:13

ᐳᓂ ᒋᓯᐛᓯᔅᑐᐅᓇᓐ ᐅ ᑎᐸᔨᒋᒐᓱᐤ, ᐊᑯ ᐃᔅᐱᔅ ᐊᑯ ? ᐊᑯᔅ ᒪᒃ ᐳᓇᔭᔨᑕ ᑲ ᐃᑕᔨᒥᔭᒡ ᓂᔭᓐ ᒋᑦ ᐊᑐᔅᒐᔭᑭᓐᒡ᙮