5 ᑲ ᒪᔭᑎᓂᔨᒡ ᒋᑭ ᑎᐸᒧᐛᐤ ᑲ ᐛᐧᑲᓯᔨᒋ: ᓂᓱᐅᓇᒋᐃᒡ ᒋᑕᑈᐅᓂᒡ᙮
ᐅ ᐅᑕᓂᓴ ᐸᐱᓚᓐ, ᒐ ᓂᓱᐅᓇᒋᐃᑯᐅᔨᓐ; ᒋᑭ ᒥᔽᔨᒧᐤ ᐊᓐ ᑲ ᑎᐸᐊᒪᔅᒃ, ᒧᔭᒻ ᑲ ᐃᑐᑐᐅᔭᒡ᙮
ᓂᑐᑕ ᓂᑦ ᐊᔭᒥᐊᐅᓐ, ᐅ ᑕᐸᔨᒋᒐᔨᓐ, ᐱᓯᒋᑕ ᓂᓂᑐᑎᒪᒐᐅᓇ: ᒋᑯᐃᔅᑯᑐᐅᓂᒡ ᓂᔅᑯᒥ, ᑭᔭ ᒋᑯᐃᔅᑯᑕᑎᓯᐅᓂᒡ᙮
ᑭᔭ ᒋᓱᐛᔨᒋᒐᐅᓂᒡ ᒋᒥᓱᒡ ᑲ ᐛᐧᑲᓯᒡ, ᓂᓱᐅᓇᒋᐃᒡ ᒪᒃ ᒥᓯᐛ ᐊᓐᒡ ᑲ ᓇᓇᐧᑲᒋᐊᒡ ᓂᑦ ᐊᒐᒂ; ᐛᔅ ᒋᑦ ᐅᑦ ᐊᑐᔅᒐᔭᑭᓂᒥᑐᐅᓐ᙮
ᒋᔅᒋᓄᐊᒧᐎ ᒋᑦ ᐃᓯᑥᐅᓐ, ᐅ ᑎᐸᔨᒋᒐᓱᐤ, ᒋᔅᒋᓄᑕᐃ ᒪᒃ ᑯᐃᔅᒄ ᒪᔅᑭᓇᒡ, ᑲ ᐛᐧᑲᓯᒡ ᐅᒋ᙮
ᐅ ᓴᒋᐃᐧᒄ ᑎᐸᔨᒋᒐᓱᐤ, ᒥᓯᐛ ᒋᔨᐛᐤ ᐅᐸᔭᒋᓯᒪ: ᐛᔅ ᑎᐸᔨᒋᒐᓱᐤ ᑭᓄᐛᔨᒪᐤ ᑲ ᑯᐃᔅᑯᑎᔨᒋ, ᒥᔅᑎᐃ ᑭᔭ ᑎᐸᐊᒪᐛᐤ ᑲ ᒋᔅᑕᔨᒧᐎ ᐊ ᐃᑎᔨᒋ᙮
ᐱᒧᑕᐃ, ᐅ ᑎᐸᔨᒋᒐᓱᐤ, ᒋᑯᐃᔅᑯᑕᑎᓯᐅᓂᒡ ᐊᓐᒡ ᑲ ᐛᐧᑲᓯᒡ ᐅᒡ; ᓂᑲᓐ ᑯᐃᔅᑯᒧᑐᐎ ᒋ ᒪᔅᑭᓇᒻ᙮
ᐅ ᒋᓴᒪᓂᑐᐤ, ᑲ ᒋᔅᑕᔨᒧᒡ ᓂᒋ ᐱᓯᑯᔅᑕᑯᒡ, ᑭᔭ ᐊ ᒪᐛᒋᐃᑐᒡ ᑲ ᐊᒂᑎᓯᒡ ᐃᔪᒡ ᒋ ᓇᓂᑐᐛᔨᒪᐅᒡ ᓂᑦ ᐊᒐᒂ; ᓇᒪ ᒪᒃ ᒋ ᐅᒋ ᑎᔨᑯᒡ ᐅᑎᔅᑯᐤ ᐅᔅᒋᓯᑯᐛᒡ᙮
ᑎᐸᔨᒋᒐᓱᐤ, ᑕᓐᑕ ᐊᓂᔭ ᐛᔅᑭᒡ ᒋᓴᒋᐃᐛᐅ-ᒋᓴᐛᑎᓯᐅᓇ, ᑲᒋ ᒋᒋ ᐃᑎᑦ ᑎᐱᑦ ᒋᑕᑈᐅᓂᒡ ?
ᒋᑭ ᓇᐃᐱᑐᐛᐤ ᑎᐱᔽ ᐅᒥᒐᑎᓯᐅᓂᔨᐛ, ᒋᑭ ᒋᔅᑲᑕᐛᐤ ᒪᒃ ᐅᒥᒋᑥᐅᓄᐛᒡ; ᓂᐦᐃ, ᑎᐸᔨᒋᒐᓱᐤ ᒋ ᒋᓴᒪᓂᑐᒥᓇᐤ ᒋᑭ ᒋᒥᔄᐤ᙮
ᐊᓐ ᓇᐸᐤ ᑲᒋ ᐛᐛᔭᐱᔅᒋᓴᐧᒃ ᐃᓴᑯᔪᐤ, ᐊᓕᒃᓴᓐᑕᕐ ᑲ ᐃᓯᓂᐧᑲᓱᑦ ᓇᔅᒡ ᑕᑈ ᒋ ᑎᑯᓂᔪᐤ ᑕᓐ ᑲ ᐃᓯ ᓂᓇᐧᑲᑕᔨᒧᐃᑦ, ᒥᒄ ᒪᒃ ᒋᑭ ᑎᑯᓂᔪᐤ ᑕᓐ ᒐ ᐃᓯ ᐃᑐᑕᑯᑦ ᐅᑎᐸᔨᒋᒐᐛ ᐅᔭ ᑕᓐ ᑲ ᐃᓯ ᐃᑐᑐᐅᑦ᙮
ᒧᔭᒻ ᑲ ᐃᑐᑐᐛᒡ ᓂᑦ ᐃᔨᒪ ᐅᒡ ᐃᔪᒡ ᐊᑯᓐ ᐃᑐᑐᐛᐧᑯᒡ᙮ ᓇᐊᐤ ᑎᑉ ᐎ ᐃᔅᐱᔅ ᐛᐛᓯᐊᐧᑯᒡ ᑕᓐ ᒋᐸ ᐃᔅᐱᔅ ᐛᐛᓯᐊᑭᓄᐅᒡ ᑲ ᐃᔅᐱᔅ ᒋ ᒥᒋᑐᑕᒡ᙮ ᐊᓂᔭ ᑲ ᐃᓯ ᐎ ᒥᒋᑐᑐᐛᒡ ᐊᐛᔪᐛ ᐃᑐᑐᐛᐅᒡ ᐊᑲ ᓇᔅᒡ ᒐᒋ ᓇᑲᐎᔅᑲᑯᔨᒋ ᒐ ᐃᓯ ᐊᐧᑯᔪᐛᓯᔅᑕᑯᔨᒋ ᒋᓴᒪᓂᑐᐛ᙮ ᓂᔄᐤ ᒪᒃ ᒐᒋ ᐃᔅᐱᔅ ᐊᐧᑯᔪᐛᓯᔅᑕᑯᐅᒡ ᐎᔨᐛᐤ ᒋᓴᒪᓂᑐᐛ ᐃᑐᑐᐛᐧᑯᒡ᙮