5 ᒋᓴᒪᓂᑐᐤ ᒋᑭ ᓇᔅᐱᒋ ᓂᓱᐅᓇᒋᐃᒄ: ᒋᑭ ᐅᑎᓂᒄ, ᒋᑭ ᐃᒐᓂᒄ ᐊᓐᑕ ᐊ ᐃᑕᔨᓐ ᐅᒋ, ᑭᔭ ᒋᑭ ᐱᐧᑯᒋᐱᑎᒄ ᐅᑦ ᐊᔅᒋᔨᒡ ᐅᐱᒪᑎᓯᐛ ᐅᒋ᙮
ᓂᑭ ᐱᒧᑕᓐ ᐅᑎᔅᑯᐤ ᐊ ᑕᑦ ᑎᐸᔨᒋᒐᓱᐤ ᐊᔅᒋᒡ ᐊᓐᑕ ᐊ ᐱᒪᑎᓯᓇᓄᐅᒡ᙮
ᓂᑭ ᒋ ᓄᑕᓯᓐ ᐃᔅᐱᔅ ᐊᑲ ᐅᒋ ᑕᑈᑎᒧᐛᐸᓇ, ᒐᒋ ᐛᐸᑎᒧᒡ ᐅᒥᔽᑎᓯᐅᓐ ᑎᐸᔨᒋᒐᓱᐤ ᐅᑦ ᐊᔅᒋᐛᒡ ᑲ ᐱᒪᑎᓯᒡ᙮
ᒪᒃ ᒋᔾ, ᐅ ᒋᓴᒪᓂᑐᐤ, ᒋᑭ ᓂᒋᐛᐱᓇᐅᒡ ᓂᓱᐅᓇᑎᓱᐎ ᐛᑎᑯᒡ: ᑲ ᓂᐸᐃᐛᒡ ᑭᔭ ᑲ ᑭᑭᒋᔭᒡ ᐃᔪᒡ ᓇᒪ ᐛᐛᒡ ᐊᐱᑐᐤ ᐅᒋᓯᑲᒧᐛᐤ ᒋᑭ ᐱᒪᑎᓯᐅᒡ᙮ ᒪᒃ ᓂᔾ ᒋᑭ ᒪᒥᓯᑐᑕᑎᓐ᙮
ᐊᑯ ᐊᓐᒡ ᐊᐛᓐᒋ ᐊᑲ ᓱᒋᔅᑕᐊᒡ ᒐᒋ ᐎᑕᒡ ᐊ ᑕᑈᔭᔨᒪᒡ ᒋᓴᓴ, ᐊᓐᒡ ᑲ ᒋᐛᑲᐳᔅᑕᒡ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᓴ, ᐊᓐᒡ ᓇᔅᒡ ᑲ ᒥᒐᑎᓯᒡ, ᐊᓐᒡ ᑲ ᓂᐸᐊᒡ ᐊᐛᔪᐛ, ᐊᓐᒡ ᓂᓇᐧᑯᐤ ᑲ ᐃᓯ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐛᑎᓯᒡ, ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᒥᒋ ᐃᔅᑯᑕᐤ ᓴᑲᐃᑭᓂᒡ ᒋᑭ ᐃᓯ ᐛᐱᓇᑭᓄᐎᒡ᙮ ᐊᐅᒄ ᐅ ᓂᓱ ᓂᐳᐅᓐ᙮”